بەيجيڭ تەاترى ارقىلى «جۇلدىز جولىن» جارقىراتتى
2019.01.07 16:12 كەلۋ قاينارى : شينجياڭ گازەتى
1 - ايدىڭ 5 - كۇنى، ورتالىق تەلەۆيزيا 1 - ارناسىنان كورسەتىلگەن «جۇلدىز جولى» 2018 - جىلعى شەشۋشى جارىسىنىڭ 3 - كەزەك جارىسىندا، قۇمىل قالاسىنان كەلگەن ايەل وقىتۋشىسى شولپان يۇنۇس جارىق جۇلدىزداي كوزگە ءتۇستى.
«جارقىراپ شىق ساحناعا» بۋىنىندا، شولپان ەسترادالىق ءان «ماياك» انىمەن بىرىنشىلىكتى جەڭىپ الدى، ونىڭ شىعان داۋىستا ەركىن، تابيعي شىرقاۋىنان قابىلەت - قارىمى انىق كورىندى. «ونەرىڭدى كورسەت» بۋىنىندا، شولپان بەيجيڭ تەاترى «قىزىل شام ەستەلىگىنەن» تاڭدالعان ءۇزىندى «بولە اعالارىم وتە كوپتى»، «يۇيتاڭچۇننەن» تاڭدالعان ءۇزىندى «سۋسان حۇڭدۇڭ اۋدانىنان كەتتىنى»، «ۋيحۋشاندى اقىلمەن الۋدان» تاڭدالعان ءۇزىندى «بۇگىن جەڭىس شارابىن قانعانشا ىشەيىكتى» جالعاستىرىپ ايتىپ، ونەر كورسەتتى. شولپاننىڭ بەيجيڭ تەاترىنان ونەر كورسەتۋى شينجياڭ ۇلتتىق اسپاپتارىنىڭ سۇيەمەلىمەن ورىندالىپ، بەيجيڭ تەاترى مەن شينجياڭ ۇلتتىق مۋزيكاسىنىڭ توعىسۋى وتىرعانداردى تاڭ قالدىرىپ، مامان تورەشىلەردىڭ جوعارى باعاسىن الدى. «اۋىلىم كوركەم» بۋىنىندا، شولپان قۇمىل ءان - ءبي انسامبىلىنىڭ دەمەۋشى ارتيستەرىن باستاپ، قۇمىل 12 مۇقامىنىڭ سۇيەمەلىندە، قۇلاقتان كىرىپ بويدى الار ۇيعۇر ءانى «كورىكتى قۇمىلدى» شىرقادى، ونىڭ ارتىنداعى ساحنا كورىنىسىنەن قۇمىلدىڭ ساياحات ۇگىت فيلمى قويىلىپ، زالداعى كورەرمەندەر اسەم ءاننىڭ ىرعاعىمەن تەربەلدى. «ارمان اسۋىنان اس» بۋىنىندا، شولپان كومپوزيتور حۋ يانجياڭ وعان ارنايى جازعان ءتول ءانى «اي سىعالاپ داۋالدان» ءانىن ورىندادى. بۇل ءاننىڭ العاش ورىنداۋشىسى بولعان شولپان كۇتكەن جەردەن شىعا ءبىلدى، ونىڭ تۇنىق داۋىسى شينجياڭداعى ءار ۇلت حالقىنىڭ باقىتتى ءومىردى جىرلاعان سۇيىسپەنشىلىگىن جەرىنە جەتكىزە بەينەلەدى. شولپان جىلدىق شەشۋشى جارىستىڭ 3 - كەزەگىنىڭ باس جۇلدەسىن جەڭىپ الدى.
2018 - جىلى 4 - ايدا، شولپان ورتالىق تەلەۆيزيانىڭ «جۇلدىز جولى» ساحناسىنا شىعىپ، مىعىم مۋزيكالىق نەگىزىنە جانە تۇنىق، جان ەلىتەرلىك داۋىسىنا سۇيەنىپ، كوپ نەگىزدى ءبىر تۇلعالى جۇڭحۋا مادەنيەتىنىڭ كەرەمەتىن مۇلتىكسىز ايگىلەدى. اپتالىق باس جۇلدەدەن ايلىق باس جۇلدەگە، ونان جىلدىق شەشۋشى جارىستىڭ 3 - كەزەگىنىڭ باس جۇلدەسىنە دەيىن، شولپان «شاشاسىنا شاڭ جۇقپاي»، جىلدىق شەشۋشى جارىسقا كىردى.
اۋىلىنا داڭق اپەرگەن شولپان ايرىقشا تەبىرەنىپ بىلاي دەدى: «پارتيا مەن ۇكىمەتتىڭ مەنى تاربيەلەگەنىنە العىس ايتامىن، شينجياڭنان شىعىپ، اۋىس - ءتۇيىس جاساۋ، ۇيرەنۋ ارقىلى، مەن جۇڭحۋا مادەنيەتىنىڭ كەڭدىگىن، ۇلىلىعىن، تاڭداۋلىلىعىن، قاتپارلىلىعىن، اسا قۇدىرەتتى ومىرشەڭدىك پەن تارتىمدىلىققا يە ەكەندىگىن ءتۇيسىندىم، مەنىڭ مۋزيكالىق ومىرىمدە جۇڭحۋا مادەنيەتىنىڭ گەنى بار. بۇل رەت بەيجيڭ تەاترىن ايتۋ ارقىلى <جۇلدىز جولىنىڭ> جىلدىق شەشۋشى جارىسىنا كىردىم، بۇل جۇڭحۋا مادەنيەتىنىڭ كەرەمەتىنىڭ دالەلى».
شولپان قۇمىل قالاسى يجوۋ رايونى قالا ءىشى اۋىلىنداعى ءبىر وقىتۋشى وتباسىندا دۇنيەگە كەلگەن، بالا جاسىنان مۋزيكانى ءسۇيىپ، زەرەك، ۇيرەنۋگە بەيىمدى بولىپ ءوستى. 1995 - جىلى داشۋەنى تاۋىسقان ول مۋزيكا وقىتۋشىسى بولدى. 2006 - جىلى، شولپان قۇمىل ءان - ءبي انسامبىلىنە اۋەسقوي جەكە ورىنداۋشى ارتيست بولىپ قابىلدانىپ، قۇمىل قالاسىنىڭ كوكتەم مەرەكەسى بىرلەسكەن ساۋىق كەشى، ساياحات تانىستىرۋ جينالىسى سياقتى قيمىلدارعا كوپ مارتە ۇسىنىسپەن قاتىستى، سونداي - اق جىڭجوۋ، نانچاڭ، چاڭشا، چيڭداۋ سياقتى ىشكى ولكەلەردەگى قالالارعا بارىپ، كونسەرتتەرگە قاتىناستى.
2015 - جىلى، شولپان جۇڭگو مۋزيكا شۋەيۋانىنا وقۋعا ءتۇسىپ، ۆوكالدىق مۋزيكا بويىنشا ايگىلى پەداگوگ، جۇڭگو مۋزيكا شۋەيۋانى ۆوكالدىق ءان فاكۋلتەتىنىڭ مەڭگەرۋشىسى، دوكتورانت جەتەكشىسى ۋاڭ شىكۇي پروفەسسوردان ءتالىم الدى. ۋاڭ شىكۇي پروفەسسوردىڭ دەن قويا جەتەكشىلىك ەتۋىندە، شولپان ورىنداۋ شەبەرلىگى، مۋزيكالىق بەينەلەۋ، ستيلدىك ارلەۋ سياقتى جاقتاردان زور ىلگەرىلەۋشىلىككە قول جەتكىزدى. جۇڭگو مۋزيكا شۋەيۋانىنىڭ مول ءبىلىم جانە كوركەمونەر ورتاسى وعان ءنار بەرىپ، ونى مۋزيكا جولىندا دەرەۋ جەتىلۋگە جەتەكتەدى. مەكتەپتەگى كەزىندە، شولپان جۇڭگونىڭ كوپتەگەن كلاسسيك ولەڭدەرىن، سوزدەرىن، اندەرىن، تەاترلارىن جانە جۇڭگو مەن شەتەلدىڭ وپەرالارىن، ت.ب ۇيرەندى، وسىندا جيعان - تەرگەنى ونىڭ «جۇلدىز جولى» ساحناسىندا تابىستى ونەر كورسەتۋىنە بەرىك نەگىز قالادى. «جۇلدىز جولىنداعى» جارىسقا قاتىناسۋ كەزىندە، شولپان تاعى ۇستازى ۋاڭ شىكۇيدىڭ، جيڭجۇي تەاترى جاستار ءانسامبىلىنىڭ ارتيسى جياڭ يشاننىڭ، جيڭجۇي تەاترى 2 - ءانسامبىلىنىڭ ارتيسى ياڭ شاۋپىڭنىڭ دەن قويا جەتەكشىلىك ەتۋىنە يە بولدى.
شولپان بىلاي دەدى: «ۇستازدارىما العىسىمدى سوزبەن جەتكىزە المايمىن، ولار بار ىقىلاسىمەن ماعان مۋزيكا جانە تەاتر ۇيرەتتى. مەن جۇڭحۋا مادەنيەتىن اناعۇرلىم ويداعىداي تاراتۋ ءۇشىن كۇرەسەمىن، سونىمەن بىرگە، اۋىلىم ءۇشىن كوبىرەك ۇلەس قوسامىن».
2 - ايدىڭ 2 - كۇنى كەشتە كورسەتىلەتىن «جۇلدىز جولى» باعدارلاماسىندا، شولپان مەملەكەتتىك شەشۋشى جارىستىڭ ساحناسىندا ونەر كورسەتەدى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
