بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

پامير ۇستىرتىندەگى جەدەل جولداما جەتكىزۋشى ازامات

2019.01.11 15:05     كەلۋ قاينارى : شينجياڭ گازەتى

  بەتاشار

  مەملەكەت ءتوراعاسى شي جينپيڭ 2019 - جىلعى جاڭا جىلدى قۇتتىقتاۋ سوزىندە: «قوزعالىستاعى جۇڭگو گۇلدەنۋدىڭ، دامۋدىڭ ومىرشەڭدىك قۋاتىنا تولدى. ءبىز قۇلشىنا العا ۇمتىلۋدامىز، بارلىعىمىز ارمانعا قۇلاش سەرمەۋشىلەرمىز»، - دەدى. وتاننىڭ باتىس بولىگىندەگى شينجياڭدا، تيانشاننىڭ وڭتۇستىگى مەن سولتۇستىگىنىڭ تۇكپىر - تۇكپىرىندە، سان - ساناقسىز قاراپايىم ەڭبەكشىلەر قۇلشىنا العا ۇمتىلىپ، «كورىكتى شينجياڭ قۇرىپ، وتان ارمانىن بىرگە جۇزەگە اسىرۋدىڭ» جان تەبىرەنتەرلىك كارتيناسىن سالدى. گازەتىمىز بۇگىننەن باستاپ « بارلىعىمىز ارمانعا قۇلاش سەرمەۋشىلەرمىز» اتتى ايدار اشىپ، ءسىزدى ارمانعا قۇلاش سەرمەگەن اياۋلى، قۇرمەتتى، سۇيىكتى جاندارعا باستاپ اپارادى.

  1 - ايدىڭ 4 - كۇنى زات جەتكىزۋ پۋنكتىنىڭ كۋرسىنا ەندى عانا قاتىناسىپ بولعان لي يۋە كىدىرمەستەن قاشقار قالاسىنان تاشقورعان تاجىك اۆتونوميالى اۋدانىنا قايتىپ كەلدى. اۋدانداعى جيڭدۇڭ زات جەتكىزۋ پۋنكتىنىڭ بىردەن - ءبىر قىزمەتكەرى رەتىندە، ول پۋنكت باستىعى مىندەتىنەن تىس، زات ىڭعايلاۋشى، جەتكىزۋشى جانە تەلەفون قابىلداۋشى مىندەتتەرىن بىرگە وتەيدى. «كەشەۋىلدەتۋگە ءداتىم بارمايدى، جولداما كۇتۋدەگى كوڭىل كۇيدى ءوزىڭ بىلەسىڭ عوي»، - دەدى لي يۋە قالجىڭداي.

  تاشقورعان تاجىك اۆتونوميالى اۋدانى پامير ءۇستىرتىنىڭ قويناۋىنا ورنالاسقان، تەڭىز دەڭگەيىنەن بيىكتىگى ورتا ەسەپپەن 3500 مەتردەن اسادى، كەيبىر جەرى تەڭىز دەڭگەيىنەن 5000 مەتردەن جوعارى. قاشقار قالاسىنان وسى اراعا دەيىن نەبارى 300 كيلومەتر بولعانىمەن، ءبىراق قاپتالدى، جىرا - جىقپىلدى جول بولىگى كوپ، اۆتوكولىكپەن 8 − 10 ساعات جۇرەسىڭ.

  لي يۋە تۇرعان زات جەتكىزۋ پۋنكتى اۋدان قالاشىعى ورتالىعىنداعى تاشقورعان جولىندا، 2018 - جىلى 9 - ايدا تيجارات جۇرگىزگەننەن بەرى، ءار ايداعى زاكاز قابىلداۋ مولشەرى دەرلىك 500 دانادان اسىپ كەتتى. ۇلكەنى مۇزداتقىش، كىر جۋعىشتان تارتىپ، كىشىسى كيىم - كەشەك، بەزەنۋ بۇيىمدارىنا دەيىن، توردان ساتىپ العان زاتتارىن جەرگىلىكتى بۇقارا ەڭ تەز بولعاندا 3 كۇن ىشىندە تاپسىرىپ الادى.

  «قازىرگى جۇمىس مولشەرىنە نەگىزدەلگەندە، تاعى بىرنەشە جەتكىزۋشى قىزمەتكەر قابىلداۋعا شارت - جاعداي ابدەن كەلەدى. جەتكىزۋ ورنىنىڭ قىزمەتى ءبىر سارىندى بولعاندىقتان، بايسالدى، جاۋاپكەرشىلىگى بار، وسى كاسىپتى سۇيەتىن ادام ىزدەپ ءجۇرمىن»، - دەدى لي يۋە.

  جاڭا عانا وتكەن 2018 - جىلعا قايىرىلا قاراعاندا، «ءبىر ادامدىق پۋنكتتىڭ باستىعى» لي يۋەنىڭ كوڭىلى ماقتانىش پەن قۋانىشقا تولى، 2018 - جىلدىڭ سوڭعى 4 ايىندا، ول 3000 نەشە زات جەتكىزدى.

  جۋىقتاعى ءبىر ايدا، لي يۋە جەرگىلىكتى بۇقارانىڭ ساتىپ العان زاتتارىنىڭ شاعىن ءۇي ەلەكتر جابدىقتارى، كيىم - كەشەك سياقتىلاردان اراق - شاراپ، ۇساق - تۇيەك تاعام، بالكۇلشە سياقتىلارعا بىرتىندەپ اۋىسقاندىعىن بايقادى. «مۇنداي وزگەرىستەردى كورگەندە، شىنىندا، قاتتى اسەرلەندىم. بۇل جەدەل جولداما قىزمەت وتەۋىنىڭ بىرتىندەپ سەنىمگە بولەنگەندىگىنىڭ، جەرگىلىكتى تۇرعىنداردىڭ كۇندەلىك قاجەتىن قاناعاتتاندىرۋعا بولاتىندىعىن تۇسىندىرەدى»، - دەدى ول.

  اققۋ گانجين ەسىمدى تۇرعىن جۋىقتا جيڭدۇڭ زات جەتكىزۋ ورتالىعى جەتكىزگەن 10 كيلوگرام كەپتىرىلگەن جەمىستى تاپسىرىپ الدى، ول: بۇرىن بۇنداي نارسەلەردى اۋدانعا بارعاندا ءوزىم الامىن نەمەسە قاشقارعا بارعاندارعا تاپسىرىپ ساتىپ الاتىنمىن. قازىر جيڭدۇڭ زات جەتكىزۋ سايتى بار، ينتەرنەتتەن زات ساتىپ الۋ ءتىپتى قولايلى بولدى، - دەدى.

  2018 - جىلى 3 - ايدا تاشقورعانعا كەلگەننەن باستاپ، لي يۋە بۇل اراداعى تۇرمىسقا ابدەن ۇيىرلەسىپ كەتتى.

  العاشقى ءۇستىرت اسەرىنەن قينالا ءوتىپ، «ءبىر ادامدىق پۋنكتتىڭ» قىزمەتىنە ۇيلەسكەننەن كەيىن، ءوزىنىڭ وسى قىزمەت ارقىلى ەسەيگەنىن سەزىنۋگە لي يۋە ءتىپتى كوپ ۋاقىت شىعارا الاتىن بولدى. «كەيدە شىنىمەن جاپالى، كۇنى بويى قاربالاستاپ ءبىر ۇرتتام سۋ ىشۋگە ۇلگىرمەيمىن. دەسەدە كوبىندە كوڭىلدىمىن، قاريدارلاردىڭ جولدامانى تاپسىرىپ الىپ قۋانعانىن كورگەندە، ءوزىم دە قوسا قۋانامىن. ءبىزدىڭ بۇل جەردە پۋنكت قۇرۋداعى ويىمىز دا وسى عوي!»، - دەدى ول.

  بىلتىر زات جەتكىزۋ پۋنكتىنىڭ الدىنداعى تاشقورعان جولى كەڭەيتىلدى. كەڭ جولدا كەتىپ بارا جاتىپ، قار جامىلعان كەڭ دە رەتتى كوشەنى بىردەن كورۋگە بولادى. لي يۋە: زات جەتكىزگەن كەزدە جول بويىنداعى كوركەم كورىنىستى كورەسىڭ، ءار كۇنگى زات جەتكىزۋ قىزمەتى ءبىر رەتكى قىسقا ارالىقتى ساياحات ىسپەتتى، - دەدى.

  «ونان دا ماڭىزدىسى، تۇرعىنداردىڭ تۇرمىسى بارعان سايىن جاقسارىپ، ينتەرنەتتەن زات ساتىپ الۋدى ۇناتاتىن ادامدار بارعان سايىن مولايدى. قىزمەتىم كوپشىلىكتىڭ تۇرمىسىمەن ونان ارى جاناستى. بىرەۋدىڭ ءوزىڭدى قاجەت ەتەتىندىگىن سەزىنۋدىڭ ءوزى ءبىر باقىت ءارى جەكە قۇنىنىڭ ايگىلەنۋى»، - دەدى لي يۋە.

  2019 - جىلدا لي يۋەنىڭ ارمانى مولايا ءتۇستى، جەتكىزۋ ءتۇيىنى جولداما قابىلداۋ جۇمىسىن جولعا قوياتىن بولدى، بۇل ءۇستىرت كۇرەڭكەيى، ماكا سياقتى ەرەكشە ونىمدەر مول وسەتىن تاشقورعان جونىنەن العاندا، جەرگىلىكتى ەرەكشە ونىمدەردى تەز ارادا سىرتقا شىعارۋعا بولادى دەگەن ءسوز. «قاشقاردان قايتار جولدا، مەن G314 جولىنىڭ قۇرىلىس باستاعانىن كوردىم، قوس اۆتوكولىك جولى ءتورت اتوكولىك جولىنا وزگەرەدى، ونىمەن قوسا، قارقىن جوعارىلاتىلادى، بۇل ءبىز ءۇشىن تاعى ءبىر قۋانىشتى حابار».رەداكتور باعامى

  «ءبىر ادامدىق پۋنكتتى» پامير ۇستىرتىندە قۇرىپ، وسى زامانعى تۇرمىس ءتاسىلىن ۇستىرتتەگى وتباسىلارىنا جەتكىزگەن جاس لي يۋە تاشقورعاندا ءوز ومىرىنە جاڭا تۇرعى بەلگىلەدى. سۋىق ۇستىرتتەگى ءبىر ادامدىق پۋنكتكە جاپا - ماشاقات قوسانجارلاپ جۇرەتىنى ءسوزسىز، دەسەدە ونىڭ تاشقورعاندا قۇرىلۋى بارلىق بوداۋدى ەرەكشە قۇنعا يە ەتتى، لي يۋەنىڭ دە ارمانعا قۇلاش سەرمەۋ ساپارىندا ەسەيۋدىڭ باقىتىنا كەنەلەرى انىق.
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار