جۇرەكتىلىكپەن ماسەلەگە تۋرا قاراپ، ۇزدىكسىز وزىندىك توڭكەرىس جۇرگىزەيىك
− باس شۋجي شي جينپيڭنىڭ 19 - كەزەكتى ورتالىق ءتارتىپ تەكسەرۋ كوميتەتىنىڭ ءۇشىنشى جالپى ماجىلىسىندە سويلەگەن ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ تۋرالى
□ حالىق گازەتىنىڭ شولۋشىسى
2019.01.15 15:40 كەلۋ قاينارى : شينجياڭ گازەتى
ەڭ كەرەمەت جەتىستىك − وزگەدەن وزۋ ەمەس، ءوزىن - ءوزى جەڭۋ؛ ەڭ قىمباتتى تاباندىلىق − ۇزاق ميحىناتقا شىداۋ ەمەس، اۋەلگى ماقساتتى ماڭگى ساقتاۋ.
«ءسوز جوق، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، بۇكىل پارتيانىڭ قادامىنىڭ بىركەلكىلىگىنە، ارەكەتىنىڭ ءبىر تۇتاستىعىنا كەپىلدىك ەتۋ؛ ءسوز جوق، مەملەكەتتى جونگە سالۋدا، ءسوز جوق، الدىمەن پارتيانى جونگە سالۋعا، پارتيانى جونگە سالۋدا، ءسوز جوق، قاتاڭ بولۋعا تاباندى بولىپ، پارتيانىڭ سوتسياليزم ىستەرىنىڭ مىزعىماس تىرەگىنە اينالۋىنا كەپىلدىك ەتۋ؛ ءسوز جوق، حالىقتى وزەك ەتۋگە تاباندى بولىپ، جالپى ءۇشىن پارتيا قۇرۋعا، حالىق ءۇشىن بيلىك جۇرگىزۋگە كەپىلدىك ەتۋ؛ ءسوز جوق، رەفورما جاساۋعا، جاڭالىق اشۋعا، قاجىرلىلىقپەن كۇرەس جۇرگىزۋ ستيلىنە تاباندى بولىپ، پارتيانىڭ قاي - قاشان دا ءداۋىر لەگىنىڭ الدىندا جۇرۋىنە كەپىلدىك ەتۋ؛ ءسوز جوق، كەرەناۋ شىرىكتەسۋ قۇبىلىستارىمەن باتىل كۇرەس جۇرگىزىپ، پارتيانىڭ كىرشىكسىز، پاك ساياسي قاسيەتىن ماڭگى ساقتاۋعا كەپىلدىك ەتۋ كەرەك». 19 - كەزەكتى ورتالىق ءتارتىپ تەكسەرۋ كوميتەتىنىڭ ءۇشىنشى جالپى ماجىلىسىندە باس شۋجي شي جينپيڭ «بەس ءسوز جوق» ارقىلى رەفورما جاساعان، ەسىك اشقان 40 جىلدان بەرى پارتيا باسشىلىعىنا تاباندى بولۋدىڭ، پارتيانى قاتاڭ باسقارۋدىڭ، پارتيانى قاتاڭ جونگە سالۋدىڭ قۇندى تاجىريبەلەرىن تەرەڭ قورىتىندىلادى. وسى ءبىر عىلمي قورىتىندى پارتيامىزدىڭ پارتيانى جاپپاي قاتاڭ جونگە سالۋدىڭ زاڭدىلىعى جونىندەگى تانىمىن شىت جاڭا بەلەسكە كوتەرىپ، ءبىزدىڭ جاڭا داۋىردە پارتيانى جاپپاي قاتاڭ جونگە سالۋدى ۇزدىكسىز ىلگەرىلەتۋىمىزگە، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ۇزدىكسىز ىلگەرىلەتۋىمىزگە ماڭىزدى دايەك ازىرلەدى.
«تەمىر سوقساڭ قۇرىش بول». قايتكەندە «قۇرىش بولۋعا» بولادى؟ تەتىك ءوز بويىمىزدا ورىن تەپكەن ماسەلەلەرگە تۋرا قاراپ، وزىندىك توڭكەرىس رۋحىمەن ءوزىمىزدى سومداۋ مەن شىنىقتىرۋدا. رەفورما جاساعان، ەسىك اشقان 40 جىلداعى تاريحي ۇدەرىسكە قايىرىلا قاراعاندا، ءبىز مىنانى ايقىن كورە الامىز: قوعامدىق توڭكەرىس جۇرگىزۋمەن قاتار، ۇزدىكسىز تۇردە وزىندىك توڭكەرىس جۇرگىزۋ − پارتيامىزدى باسقا ساياسي پارتيالاردان ايىرىپ تۇراتىن ەڭ كورنەكتى بەلگى ءارى پارتيامىزدىڭ ۇزدىكسىز تۇردە جەڭىستەن تىڭ جەڭىسكە جەتە بەرۋىنىڭ تەتىگى. اسىرەسە، پارتيانىڭ 18 - قۇرىلتايىنان بەرى، ءبىز پىشاقتىڭ ءجۇزىن ىشكە قاراتقان جۇرەكتىلىكپەن پارتيا ىشىندەگى كەسىرلى كىناراتتاردى قانداۋىرلاپ، توسقاۋىل بەرمەس ارىنمەن پارتيانى جاپپاي قاتاڭ جونگە سالۋدى ىلگەرىلەتىپ، شەگە قاعۋ رۋحىمەن پارتيانى باسقارۋ، پارتيانى جونگە سالۋ تالابىن تىڭعىلىقتى تياناقتاندىرىپ، اشالاپ، پارتيا مەن مەملەكەت ىستەرىندە تاريحي جەتىستىكتەرگە قول جەتۋىن، تاريحي وزگەرىستەر جارىققا شىعۋىن ىلگەرىلەتتىك. پارتيانى باسقارۋدىڭ، پارتيانى جونگە سالۋدىڭ 40 جىلعى تاجىريبەسى بىزگە مىنانى تەرەڭ ۇعىندىردى: ءسوز جوق، ۇزدىكسىز تۇردە وزىندىك توڭكەرىس جۇرگىزىپ، پارتيانىڭ العاباسارلىعىنا ىقپال ەتەتىن، پارتيانىڭ كىرشىكسىزدىگىن السىرەتەتىن بارلىق ماسەلەلەرمەن باتىل كۇرەس جۇرگىزىپ، ءوزىن كىرشىكسىزدەندىرۋدى، ءوزىن كەمەلدەندىرۋدى، ءوزىن جاڭارتۋدى، ءوزىن جوعارىلاتۋدى ىسكە اسىرۋ كەرەك.
وزىندىك توڭكەرىسكە جۇرەكتى بولۋ − پارتيامىزدىڭ ەڭ ايقىن قاسيەتى ءارى پارتيامىزدىڭ ەڭ ۇلكەن ارتىقشىلىعى. پارتيامىز ءۇشىن ايتقاندا، «بەس ءسوز جوق» − ءارى وزىندىك توڭكەرىس جۇرگىزۋدىڭ جەمىسى، ءارى ۇزدىكسىز تۇردە وزىندىك توڭكەرىس جۇرگىزۋدىڭ باستاماسى. «بەس ءسوز جوققا» تاباندى بولۋدىڭ تەتىگى − اماليات بارىسىندا «ءتورت ءوزىندى» ىسكە اسىرۋ. ءوزىن كىرشىكسىزدەندىرۋ، اتاپ ايتقاندا، بوگدە زاتتى ءسۇزىپ، ۋىتتى الاستاپ، ۋلى مەرەزدى سىلىپ تاستاۋ؛ ءوزىن كەمەلدەندىرۋ، اتاپ ايتقاندا، تۇلعانى قالپىنا كەلتىرىپ، مەحانيزمدى كەمەلدەندىرىپ، فۋنكتسيانى بايىتۋ؛ ءوزىن جاڭارتۋ، اتاپ ايتقاندا، داۋىرمەن تەڭ العا باسىپ، وزىنەن اسۋ؛ ءوزىن جوعارىلاتۋ، اتاپ ايتقاندا، جاڭا قابىلەت، جاڭا ءورىس بولۋ. وسى «ءتورت ءوزىن» پارتيانىڭ ءوز كۇشىمەن ماسەلەنى بايقاۋدىڭ، اعاتتىقتى تۇزەتۋدىڭ، جاڭالىق اشۋدى ىلگەرىلەتۋدىڭ، بيلىك جۇرگىزۋ قابىلەتىنىڭ جالپى تۇلعالىق كوتەرىلۋىن ىسكە اسىرۋدىڭ تاماشا اينالىمىن قالىپتاستىردى. شىندىق مىنانى دالەلدەدى: ءبىز قاي - قاشان دا پارتيانىڭ سيپاتى مەن باستى ماقساتىن ۇمىتپاي، ءوز بويىمىزدا ورىن تەپكەن ماسەلەگە جۇرەكتىلىكپەن تۋرا قاراپ، پارتيانىڭ العاباسارلىعى مەن كىرشىكسىزدىگىنە زيان كەلتىرەتىن بارلىق فاكتوردى جانعا باتىرا وتىرىپ ۋىتتى ايدايتىن بەكىم مەن ەرىك ارقىلى الاستاي بىلسەك، پارتيانىڭ ۇزاق مەزگىل بيلىك جۇرگىزۋ شارت - جاعدايىندا «ءتورت ءوزىندى» ىسكە اسىرۋىنىڭ ءونىمدى جولىن قالىپتاستىرا الامىز.
پارتيامىز توڭكەرىستەن تۋعان، وزىندىك توڭكەرىسكە جۇرەكتى بولۋ − جۇڭگو كوممۋنيستەرىنىڭ قانىنا سىڭگەن ساياسي گەن، پارتيامىزدىڭ العاباسارلىعى مەن كىرشىكسىزدىگىن ماڭگى ساقتاۋدىڭ جەڭىمپاز اسىلى. «بەس ءسوز جوققا» تاباندى بولىپ، «ءتورت ءوزىندى» ىسكە اسىرساق، ءبىز كونەنىڭ ورنىن جاڭاعا باستىرۋ، تۋرا جولدان تايماي جاڭالىق اشۋ بارىسىندا وزىندىك سەكىرىستى ىسكە اسىرىپ، پارتيامىزدىڭ وزىندىك توڭكەرىسى ارقىلى پارتيانىڭ حالىققا باسشىلىق ەتىپ ۇلى قوعامدىق توڭكەرىس جۇرگىزۋىن ىلگەرىلەتىپ، پارتيا مەن حالىق ىستەرىنە ۇزدىكسىز تۇردە ومىرشەڭدىك كۇش ۇستەي الامىز.
(شينحۋا اگەنتتىگىنىڭ 1 - ايدىڭ 13 - كۇنى بەيجيڭنەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
