ءبىز قۇلشىنا العا ۇمتىلۋدامىز، بارلىعىمىز ارمانعا قۇلاش سەرمەۋشىلەرمىز
ۋاكىلدەردىڭ، مۇشەلەردىڭ ءۇنى
□ تىلشىلەرىمىز حي حۇڭۋي، جاڭ يۇنمەي، ميھىرگۇل عوپۇر
2019.01.15 15:44 كەلۋ قاينارى : شينجياڭ گازەتى
«قوزعالىستاعى جۇڭگو گۇلدەنۋدىڭ، دامۋدىڭ ومىرشەڭدىك قۋاتىنا تولدى. ءبىز قۇلشىنا العا ۇمتىلۋدامىز، بارلىعىمىز ارمانعا قۇلاش سەرمەۋشىلەرمىز». مەملەكەت ءتوراعاسى شي جينپيڭ جاريالاعان 2019 - جىلعى جاڭا جىلدى قۇتتىقتاۋ ءسوزى ميلليونداعان حالىقتىڭ كۇرەس ىنتاسىن تاسقىنداتتى.تيانشاننىڭ تۇستىگى مەن تەرىستىگىندە جاڭا ءداۋىردىڭ سانسىزداعان ارمانعا قۇلاش سەرمەۋشىلەرى بار، ولار جۇمىس ورنىندا تاباندىلىقپەن ىستەپ، قۇلشىنا كۇرەس جۇرگىزىپ، «كورىكتى شينجياڭ قۇرىپ، وتان ارمانىن بىرگە جۇزەگە اسىرۋدىڭ» تاماشا كارتيناسىن بىرگە كەستەلەۋدە. تيانشاننىڭ تۇستىگى مەن تەرىستىگىنەن كەلگەن ۋاكىلدەر، مۇشەلەر جۇرەك ءۇنىن اقتارىلا جەتكىزىپ، ماڭايلارىندا تۋىلعان وزگەرىستەردى اڭگىمەلەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنە العىس سەزىمىن جەتكىزىپ، جۇمىس ورنىن تياناق ەتىپ، قىزمەتتى اتقارىپ، جاۋاپكەرشىلىكتى ادا ەتىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، شات - شادىمان ءومىر كەشكەن جۇڭگوشا سوتسياليستىك شينجياڭ قۇرۋ جولىندا قاجىماي - تالماي كۇرەس جۇرگىزەتىندىكتەرىن ءبىلدىردى.
ما گوچيڭ: قىستاق تۇرعىندارىن دوڭگەلەك داۋلەتكە تالپىنۋعا جەتەلەيمىن
«وسى كۇندەرى ءتوراعا شي جينپيڭنىڭ جاڭا جىلدى قۇتتىقتاۋ ءسوزى ويىما ورالسا بولعانى، كوڭىلىم جادىراپ سالا بەرەدى. مەن اۋىل - قىستاقتا تۋىپ، اۋىل - قىستاقتا ەرجەتتىم، وسى جىلدارى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۋىلىمدا جارىققا شىققان وراسان زور وزگەرىستەردى كوزىممەن كوردىم. قازىر قىستاقتاعى نەگىزدىك قۇرىلعىلار بارعان سايىن جاقساردى، قىستاق تۇرعىندارى بەيقۇت ۇيگە كىردى، اسفالت جولدار ەسىگىمىزدىڭ الدىنا دەيىن جاتقىزىلدى، قىستاقتا كىتاپحانا سالىندى، ءار ءتۇرلى ادەبيەت - كوركەمونەر ويىن - ساۋىق نومىرلەرى قىستاق تۇرعىندارىنىڭ جۇمىستان سىرتقى تۇرمىسىن بايىتتى. قىستاعىمىز بارعان سايىن كورىكتەندى، نەگىزگى ساتىداعى بۇقارانىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى». ۋاكىل ما گوچيڭ قىستاقتاعى وزگەرىس جايلى توقتالعاندا وسى سوزدەردى ايتتى.
وتكەن جىلى ما گوچيڭ كوتەرمەگە العان 400 مۋ جەرگە ەككەن قىشى مەن قارا شەكىلدەۋىك قاربىزدان مول ءونىم الىپ، 300 مىڭ يۋانعا جۋىق كىرىس كىرگىزدى، سويىس سيىر باعىمشىلىعىنان دا تاماشا ناتيجە جاراتتى. بايىعان ما گوچيڭ ءوزىنىڭ بايۋ تاجىريبەلەرىن قىستاق تۇرعىندارىمەن ءبولىسىپ، كوپشىلىكتى بىرگە بايۋعا باستادى.
«قازىر اۋىلداستارىمنىڭ تۇرمىسى بارعان سايىن جاقساردى، مەنىڭ جىگەر - قايراتىم اناعۇرلىم تاسقىندادى، بيىل مەن ەگىنشىلىك كولەمىن كەڭەيتىپ، تۇقىم سورتىن تولىقتاپ، اناعۇرلىم كوپ قىستاق تۇرعىندارىن بايىپ دوڭگەلەك داۋلەتتى ورەگە جەتۋگە باستايمىن. حالىق قۇرىلتايىنىڭ ۋاكىلى رەتىندە، مەن بۇقارانىڭ پىكىرىن دە جەتكىزىپ، اۋىلىمداعى بۇقاراعا ناقتى ءىس، جاقسى ءىس ىستەپ، حالىق قۇرىلتايىنىڭ جاقسى ۋاكىلى بولۋ قىزمەت جاۋاپكەرشىلىگىمدى ويداعىداي اتقارامىن»، - دەدى ما گوچيڭ.
(سۇحبات بەرگەن اۆتونوميالى رايوندىق حالىق قۇرىلتايىنىڭ ۋاكىلى، بۋىرشىن اۋدانى قوستىق قالاشىعى قوستىق قىستاعىنىڭ تۇرعىنى)
شاۋكەت يبىراھيم: قىزمەتتە تيتتەي دە نەمقۇرايدىلىق ىستەۋگە بولمايدى
ۋاكىل شاۋكەت يبىراھيم بىلاي دەدى: مەن كەزىندە اسكەر بولعانمىن، ارميادان قايتقاننان كەيىن اماندىق ساقتاۋشى بولىپ، اتا مەكەندى، انا وتاندى قورعاۋ سىندى قاسيەتتى جاۋاپكەرشىلىكتى جالعاستى وتەي بەرۋدى ويلادىم. اماندىق ساقتاۋ قىزمەتى بۇقارانىڭ ءومىرى مەن مال - مۇلكىنىڭ حاۋىپسىزدىگىنە جانە قوعام ورنىقتىلىعىنا قاتىستى، تيتتەي دە نەمقۇرايدىلىق ىستەۋگە بولمايدى.
بىرنەشە جىلدا شاۋكەت يبىراھيم بۇرىن - سوڭدى ماي پۋنكتىندە، امانات قارىز كووپەراتيۆىندە اماندىق ساقتاۋشى بولىپ، مەيلى قايدا ىستەسە دە ءوز جاۋاپكەرشىلىگىن اسا ۇقىپتىلىقپەن ادا ەتتى، ول قىزمەتتەگى مۇقياتتىلىعى سەبەپتى مەكەمەسىنىڭ جاقسى باعاسىنا يە بولدى.
«تەك قانا جاۋاپكەرشىلىك سەزىم بولۋ جەتكىلىكتى بولمايدى». شاۋكەت يبىراھيم بۇرىن ءوزىنىڭ مەملەكەتتە ءبىر تۇتاس قولدانىلاتىن كەيبىر وڭاي سوزدەردى عانا بىلەتىندىگىن، كەيدە ءتىلىن جەتكىزە الماعاندىقتان، كەلگەندەرمەن رەنجىسىپ تە قالاتىندىعىن ايتتى. شاۋكەت يبىراھيم مەملەكەتتە ءبىر تۇتاس قولدانىلاتىن ءتىل - جازۋدى ۇيرەنۋ جەكە قىزمەتتىڭ قاجەتى عانا بولىپ قالماستان، ءبىر جۇڭگولىقتىڭ جاۋاپكەرشىلىگى ەكەندىگىن سەزىندى. سونىمەن ول الەۋمەتتىك اۋماق پەن ءوزى قاراستى مەكەمە وتكىزگەن مەملەكەتتە ءبىر تۇتاس قولدانىلاتىن ءتىل - جازۋدى ۇيرەتۋ كۋرستارىنا بەلسەنە تىزىمدەلىپ قاتىناستى، ۇيىنە كەلگەننەن كەيىن ايەلىمەن بىرگە ۇيرەندى.
شاۋكەت يبىراھيم بىلاي دەدى: قازىر مەنىڭ پۋتۇڭحۋا ورەم ەرەكشە جوعارىلادى، كەلگەندەرمەن مۇدىرمەي سويلەسە الامىن. الدا مەن ءوز ساپامدى ۇزدىكسىز جوعارىلاتىپ، جۇمىس ورنىمدا تابانداپ تۇرىپ، ۋاكىلدىك جاۋاپكەرشىلىگىمدى اناعۇرلىم ويداعىداي ادا ەتىپ، ءار ۇلت جۇرتشىلىعىنا ويداعىداي قىزمەت ەتەمىن.
(سۇحبات بەرگەن اۆتونوميالى رايوندىق حالىق قۇرىلتايىنىڭ ۋاكىلى، شاپشال سىبە اۆتونوميالى اۋدانى نيڭشي اماندىق ساقتاۋ شەكتى جاۋاپكەرشىلىك سەرىكتەستىگىنىڭ اماندىق ساقتاۋشىسى)
چىن يىڭ: مەملەكەت جاۋھارىن جۇرت كوڭىلىنە تەرەڭ ۇيالاتايىق
‹‹2018 - جىلدى تابىستى وتكىزدىم، كوپتەگەن ىستەردەن اسەر الدىم، ەستەن كەتپەس تالاي - تالاي ىستەردى باستان كەشىردىم». وتكەن ءبىر جىلدا مۇشە چىن يىڭ مەن ونىڭ قىزمەتتەستەرى اۋىل - قىستاقتاردى، الەۋمەتتىك اۋماقتاردى، مەكتەپتەردى تىنباي ارالاپ ويىن قويدى. ءۇرىمجى قالالىق جيڭجۇي تەاترى ۇيىرمەسىنىڭ مەملەكەتتىك 1 - دارەجەلى ارتيسى تۇرعىسىنان چىن يىڭ جيڭجۇي تەاترى ونەرىن ساۋلەلەندىرىپ، جيڭجۇي تەاترى ونەرىن جالپىلاستىرۋ ارقىلى ءار ۇلت بۇقاراسىنىڭ جۇڭحۋا ۇلتى ورتاق تۇلعا تانىمىن جەتىلدىرۋىن ءۇمىت ەتتى.
« جيڭجۇي تەاترى مەملەكەت جاۋھارى رەتىندە جۇڭحۋا تاڭداۋلى ءداستۇرلى مادەنيەتىنىڭ اسىل گاۋھارى، جيڭجۇي تەاترى ونەرىن قىزۋ ءسۇيۋ جۇڭحۋانىڭ تاڭداۋلى ءداستۇرلى مادەنيەتىن شىنايى مويىنداۋدىڭ جانە ونى قىزۋ ءسۇيۋدىڭ بەينەسى»، - دەدى چىن يىڭ. ولاردىڭ تالىقپاي قۇلشىنۋىندا، جيڭجۇي تەاترىن وزدىگىنەن كەلىپ ۇيرەنەتىن بالالار بارعان سايىن كوبەيدى، بالالاردىڭ ىنتاسى دا بارعان سايىن ارتىپ، شۇعىلا شاشقان جۇڭحۋانىڭ ءداستۇرلى مادەنيەتىن ماقتانىش سەزىنەتىن، وزدەرىنىڭ جۇڭحۋا ۇلتى ۇلى شاڭىراعىنىڭ ءبىر مۇشەسى بولعانىن ماقتانىش سەزىنەتىن بولدى.
«جاڭا جورىقتا ءبارىمىز ارمان جولىندا قۇلشىنۋشىلارمىز. ارمان قۋۋ جولىندا، مەن بولاتتاي بەرىك سەنىممەن، ۋاقىتپەن جارىسۋ ارىنىمەن، تالىقپاي تالپىنۋ جىگەرىمەن، جۇڭحۋانىڭ تاڭداۋلى ءداستۇرلى مادەنيەتىن جالپىلاستىرۋعا، تاڭداۋلى ءداستۇرلى مادەنيەت تۇقىمىنىڭ تەرەڭ تامىر تارتىپ، شەشەك اتىپ، جەمىس بەرۋىنە بارىنشا كۇش سالامىن»، - دەدى چىن يىڭ.
(سۇحبات بەرگەن اۆتونوميالى رايوندىق ساياسي كەڭەستىڭ مۇشەسى، ءۇرىمجى قالالىق جيڭجۇي تەاترى ۇيىرمەسىنىڭ مەملەكەتتىك 1 - دارەجەلى ارتيسى)
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
