اۆتونوميالى رايوندىق 13 - كەزەكتى حالىق قۇرىلتايى 2 - ءماجىلىسى بۇگىن اشىلدى
جاڭا داۋىردە ەكپىندەي ىلگەرىلەپ، جاڭا تاراۋ جازايىق
− اۆتونوميالى رايوندىق 13 - كەزەكتى حالىق قۇرىلتايى 2 - ءماجىلىسىنىڭ اشىلعاندىعىن قىزۋ قۇتتىقتايمىز
شينجياڭ گازەتى باسماقالاسى
2019.01.15 15:46 كەلۋ قاينارى : شينجياڭ گازەتى
جاڭا داۋىردە ەكپىندەي ىلگەرىلەپ، جاڭا تاراۋ جازايىق. بۇگىن اۆتونوميالى رايوندىق 13 - كەزەكتى حالىق قۇرىلتايىنىڭ 2 - ءماجىلىسى سالتاناتپەن اشىلدى. تيانشاننىڭ تۇستىگى مەن تەرىستىگىنەن، ءار كاسىپتەن، ءار سالادان كەلگەن حالىق قۇرىلتايى ۋاكىلدەرى بۇكىل اۆتونوميالى رايونداعى ءار ۇلت كادر - جۇرتشىلىعىنىڭ ماڭىزدى تاپسىرماسىن ارقالاپ، جاۋاپكەرشىلىگىن ادالدىقپەن اتقارىپ، مىندەتتى ۇستىنە الىپ، ىسكەرلىك كورسەتىپ، شينجياڭنىڭ ورنىقتىلىعى مەن دامۋىنىڭ كوركەم جوباسىن قول ۇستاسا كەستەلەيدى. ءبىز ءماجىلىستىڭ اشىلعانىن قىزۋ قۇتتىقتايمىز!
بيىل − جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى، جاپپاي دوڭگەلەك داۋلەتتى قوعام ورناتۋدىڭ شەشۋشى جىلى ءارى اۆتونوميالى رايونىمىزدىڭ باياندى جاراسىمدىلىعى مەن ورنىقتىلىعىن ىلگەرىلەتۋدەگى ماڭىزدى ءبىر جىل. جاڭا ءداۋىر حالىق قۇرىلتايى قىزمەتىنە جاڭا بورىش، جاڭا مىندەت جۇكتەدى. وسى رەتكى ءماجىلىستى ويداعىداي اشۋ بۇكىل اۆتونوميالى رايونداعى ءار ۇلت كادر - جۇرتشىلىعىن جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ جولىندا تالماي كۇرەس جۇرگىزۋگە جۇمىلدىرۋ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن ۇزدىك تابىستارمەن قارسى الۋدا توتەنشە ماڭىزدى مانگە يە.
تاياۋدا عانا وتكەن 2018 - جىل − رەفورما جاساعاننىڭ، ەسىك اشقاننىڭ 40 جىلدىعى، پارتيانىڭ 19 - قۇرىلتايىنىڭ رۋحىن جاپپاي دايەكتىلەندىرۋدەگى، تياناقتاندىرۋداعى باستاما جىل ءارى اۆتونوميالى رايوندىق 13 - كەزەكتى حالىق قۇرىلتايى مەن ونىڭ تۇراقتى كوميتەتى زاڭ بويىنشا مىندەت وتەگەن تۇڭعىش جىل. ءبىر جىلدان بەرى اۆتونوميالى رايوندىق حالىق قۇرىلتايى مەن ونىڭ تۇراقتى كوميتەتى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە كەمەلدەندىرۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ جاندى بىرلىگىنە تاباندى بولىپ، نازاردى پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنا، اسىرەسە، قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، مىندەتتى وتەپ، جاۋاپكەرلىكتى ادا ەتىپ، تىڭعىلىقتى قىزمەت جۇرگىزىپ، وسى كەزەكتى قىزمەتتىڭ تاماشا باستاماسىن ىسكە اسىردى.
اماليات مىنانى دالەلدەدى: پارتيانىڭ باسشىلىعىنا تاباندى بولۋ − حالىق قۇرىلتايى ءتۇزىمىنىڭ ماندىك تالابى مەن ەڭ ۇلكەن ارتىقشىلىعى، حالىق قۇرىلتايى قىزمەتىن جاقسى ىستەۋدىڭ ءتۇبىرلى كەپىلى جانە شەشۋشى تەتىگى. شي جينپيڭنىڭ جاڭا ءداۋىر جۇڭگوشا سوتسياليزم يدەياسى حالىق قۇرىلتايى تۇزىمىنە ۇزاق مەرزىم تاباندى بولۋعا، ونى ۇزدىكسىز كەمەلدەندىرۋگە عىلمي نازاريالىق جەتەكشىلىك ازىرلەدى. تەك باس شۋجي شي جينپيڭنىڭ ۇيتقىلىق ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، سانالى تۇردە ماركسيزمنىڭ جۇڭگوشالانۋىنىڭ ەڭ جاڭا جەتىستىكتەرىمەن وي - سانانى قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتكەندە عانا، حالىق قۇرىلتايى ءتۇزىمى مەن حالىق قۇرىلتايى قىزمەتى ومىرشەڭدىك كۇشكە تولىپ، داۋىرلىك سيپاتقا يە بولا تۇسەدى.
شينجياڭدى زاڭمەن جونگە سالۋ − شينجياڭنىڭ قوعام ورنىقتىلىعى مەن باياندى تىنىشتىعىنىڭ ماندىك تالابى، شينجياڭداعى ءار ۇلت جۇرتشىلىعىنىڭ ءتۇبىرلى مۇددەسىن ىسكە اسىرۋداعى وبيەكتيۆ قاجەت، شينجياڭنىڭ ەكونوميكالىق، قوعامدىق دامۋىنىڭ ماڭىزدى كەپىلى. وتكەن ءبىر جىلدا اۆتونوميالى رايوندىق حالىق قۇرىلتايى مەن ونىڭ تۇراقتى كوميتەتى باس نىسانانى تىعىز ارقاۋ ەتىپ، شينجياڭدى زاڭمەن جونگە سالۋ قىزمەتىنىڭ تالابى بويىنشا، ءتۇيىندى سالالارداعى زاڭ شىعارۋدى مىقتى ۇستاپ، زاڭ شىعارۋدىڭ جەدەلدىگىن، جۇيەلىلىگىن، باعىتتامالىعىن، ونىمدىلىگىن نىعايتىپ، زاڭ شىعارۋدىڭ ساپاسىن جوعارىلاتىپ، جاقسى زاڭ ارقىلى ىزگىلىكپەن جونگە سالۋعا جەتەكشىلىك ەتتى؛ زاڭ اتقارۋدى تەكسەرۋ مەن باقىلاۋدى كۇشەيتىپ، باقىلاۋ قىزمەتىنىڭ كۇش سالۋ ءتۇيىنىن ءداپ باسىپ، ءار ۇلت بۇقاراسى جاپپاي كوڭىل بولەتىن قولامتالى، قيىن ماسەلەلەردىڭ شەشىلۋىن ىلگەرىلەتتى؛ ۋاكىلدەر قىزمەتىن كۇشەيتىپ جانە جاقسارتىپ، ۋاكىلدەردىڭ سۋبيەكتيۆتىك ورنىنا قۇرمەت ەتىپ، ۋاكىلدەر مەن حالىقتىڭ باقىلاۋىن سانالى قابىلداپ، حالىقتىڭ تالاپ - تىلەگىنە ءۇن قاتۋدى قۇلشىنا ىسكە اسىردى. جاڭا جاعدايدا، حالىق قۇرىلتايى ءتۇزىمىنىڭ ماڭىزدى رولىن ۇزدىكسىز تۇردە ويداعىداي ساۋلەلەندىرىپ، زاڭمەن جونگە سالۋدى بۇكىل قوعامنىڭ ورتاق سەنىمىنە اينالدىرىپ، ءار ۇلت جۇرتشىلىعىن ءتىپتى كوپ تابىس سەزىمىنە، باقىت سەزىمىنە، حاۋىپسىزدىك سەزىمىنە كەنەلتۋدە اۆتونوميالى رايوندىق حالىق قۇرىلتايى مەن ونىڭ تۇراقتى كوميتەتىنىڭ مىندەتى اۋىر، بورىشى داڭقتى.
«ءبىز قۇلشىنا العا ۇمتىلۋدامىز، بارلىعىمىز ارمانعا قۇلاش سەرمەۋشىلەرمىز». كۇرەس جاپالى بولعانىمەن، تاماشا، كەڭ العا باسۋ جولىن سالىپ بەردى؛ كۇرەس ءۇمىت وتىن جاقتى، سونداي - اق قامال الىپ، قيىندىقتى ەڭسەرىپ، ءسوزسىز، جەڭەتىن سەنىمدى نىعايتتى. قازىر اۆتونوميالى رايونىمىز ورنىقتىلىق پەن دامۋدىڭ قوس مول جەمىسىنە، قوس جەڭىسىنە قول جەتكىزەتىن تاماشا شايقاس جۇرگىزۋى ءۇشىن، بۇكىل رايوندا جوعارىدان تومەنگە دەيىن ماڭىزدى سالالارمەن جانە شەشۋشى بۋىندارمەن تىعىز بايلانىستىرىپ، ۋاقىت كۇتىپ تۇرمايدى دەيتىن كوكەي تەستىلىك سەزىممەن، مەنەن باسقا كىم بار دەيتىن جاۋاپكەرلىك سەزىممەن تياناقتاندىرۋدى يگەرىپ، تاسقا تاڭبا، تەمىرگە ءىز قالدىراتىن توتەنشە مىعىم ستيلمەن ىلگەرىلەتۋدى مىقتى يگەرۋى قاجەت، تەك وسىلاي بولعاندا عانا، قوعامدىق جالپى جاعدايدىڭ ۇزدىكسىز ورنىقتىلىعىن ساقتاپ، ەكونوميكانىڭ جوعارى ساپالى دامۋىن ىلگەرىلەتۋ جولىندا نىق قاداممەن الىسقا جەتۋگە بولادى.
جاڭا بورىش ارقالاپ، جاڭا ىسكەرلىك كورسەتۋ كەرەك. ءبىز قالىڭ ۋاكىلدەردەن حالىقتان كەلگەن، حالىققا تامىر تارتقان ارتىقشىلىقتارىن تولىق ساۋلەلەندىرىپ، بۇقارامەن جاناسىپ، حالىق اۋانىن باعامداپ، حالىق پاراساتىن شوعىرلاندىرىپ، زاڭ بويىنشا مىندەت اتقارىپ، جاۋاپكەرشىلىكتى ادا ەتۋىن، نەگىزگى زاڭ مەن زاڭدار جۇكتەگەن ءتۇرلى قىزمەت جاۋاپكەرشىلىگىن جاپپاي ارقالاپ، وسى رەتكى ءماجىلىستى دەموكراتيالى، ىنتىماقتى، شىندىققا تالپىنعان، جىگەرلەنە العا باسقان ءماجىلىس ەتىپ اشىپ، جالعاستىرا كۇرەس جۇرگىزەتىن قۋاتتى كۇش توپتاپ، جاپپاي دوڭگەلەك داۋلەتتى قوعام ورناتۋ ءۇشىن شەشۋشى نەگىز قالاپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن اناعۇرلىم ۇلكەن ۇلەس قوسۋىن كۇتەمىز.
ءماجىلىستىڭ تولىق تابىستى بولۋىن تىلەيمىز!
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
