اۆتونوميالى رايوندىق 13 - كەزەكتى حالىق قۇرىلتايىنىڭ 2 - ءماجىلىسى اشىلدى
چىن چۋانگو، سىمايىل تىلەۋالدى، نۇرلان ءابىلماجىن ۇلى، نايىم ياسىن، سۇن جينلۇڭ، لي پىڭشين ءتوراعالار مىنبەسىنەن ورىن الدى شوكىرات زاكىر ۇكىمەت قىزمەتىنەن بايانداما جاسادى، شاۋكەت يمىن باسقاردى
2019.01.16 15:15 كەلۋ قاينارى : شينجياڭ گازەتى
تىلشىلەرىمىز ياۋ تۇڭ، لياڭ ليحۋا 1 - ايدىڭ 14 - كۇنى ۇرىمجىدەن حابارلايدى. اۆتونوميالى رايوندىق 13 - كەزەكتى حالىق قۇرىلتايىنىڭ 2 - ءماجىلىسى 1 - ايدىڭ 14 - كۇنى تۇستەن بۇرىن شينجياڭ حالىق سارايىندا اشىلدى.
1000 ادامدىق ءماجىلىس زالى ايبىندى دا سالتاناتتى بەينەگە شومدى، مەملەكەت گەربى ءتوراعالار مىنبەسىندەگى شىمىلدىقتىڭ ورتاسىنا ءىلىنىپ، ونىڭ ەكى جاعىنا بەستەن نارت قىزىل تۋ قويىلدى. تيانشاننىڭ تۇستىگى مەن تەرىستىگىنەن كەلگەن اۆتونوميالى رايوندىق حالىق قۇرىلتايىنىڭ ۋاكىلدەرى تۇتاس رايونداعى ءار ۇلت حالقىنىڭ ماڭىزدى تاپسىرماسىن ارقالاپ ماجىلىسكە قاتىناستى، نەگىزگى زاڭ مەن زاڭدار جۇكتەگەن قاسيەتتى بورىشتارىن سالتاناتپەن وتەدى.
ءماجىلىستىڭ ءتوراعالار القاسىنىڭ تۇراقتى ءتوراعالارى، اتقارۋشى ءتوراعالارى چىن چۋانگو، شاۋكەت يمىن، لي شۋەجۇن، ۋاڭ يۇڭميڭ، ءمۇتالىپ قاسىم، دۇڭ شينگۋاڭ، باداي، گۇلشات ءابدىقادىر، مانەن زەينەل ۇلى، سو يۋە ءتوراعالار مىنبەسىنىڭ الدىڭعى قاتارىنان ورىن الدى.
سىمايىل تىلەۋالدى، شوكىرات زاكىر، نۇرلان ءابىلماجىن ۇلى، نايىم ياسىن، سۇن جينلۇڭ، لي پىڭشين، ليۋ ۋانلۇڭ، لي ۋي، شۇي حايرۇڭ، ەركىن تۇنياز، سارقىت اقان ۇلى، جاڭ چۇنلين، پىڭ جيارۇي قاتارلىلار جانە ءماجىلىس ءتوراعالار القاسىنىڭ قۇرامىنداعىلار ءتوراعالار مىنبەسىنەن ورىن الدى.
اۆتونوميالى رايوندىق 13 - كەزەكتى حالىق قۇرىلتايىنىڭ 2 - ماجىلىسىنە قاتىناسۋعا ءتيىستى ۋاكىل 541 ادام، بۇگىنگى ماجىلىسكە 506 ادام قاتىناستى، بۇل زاڭدا بەلگىلەنگەن ادام سانىنا ۇيلەسەدى.
تۇستەن بۇرىن ساعات 10نان 30 مينۋت وتكەندە اشىلۋ ءماجىلىسىن باسقارۋشى شاۋكەت يمىن شينجياڭ ۇيعۇر اۆتونوميالى رايوندىق 13- كەزەكتى حالىق قۇرىلتايىنىڭ 2 - ءماجىلىسى اشىلدى دەپ جاريالادى. بارلىق ادام ورىندارىنان تۇرىپ مەملەكەت ءانىن اسقاقتاتا شىرقادى.
ءماجىلىستىڭ كەڭەستىك ءتارتىبى بويىنشا، اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق حالىق ۇكىمەتى اتىنان ۇكىمەت قىزمەتىنەن بايانداما جاسادى. بايانداما 2 بولىمگە بولىنگەن: ءبىرىنشى، 2018 - جىلعى قىزمەتتەرگە ايال؛ ەكىنشى، 2019 - جىلعى نەگىزگى قىزمەتتەر.
شوكىرات زاكىر بىلاي دەدى: وتكەن ءبىر جىلدا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ «1+3+3+ رەفورما جاساۋ، ەسىك اشۋ» قىزمەت ورنالاستىرۋىنا ساي، «ەكى القا» قىزمەت مەحانيزمىن مۇقيات تياناقتاندىرىپ، ورنىقتىلىق بارىسىندا ىلگەرىلەۋ سىندى قىزمەت جالپى ارناسىنان جازباي، جاڭا دامۋ ۇستانىمىن باتىل دايەكتىلەندىرىپ، جوعارى ساپالى دامۋ تالابىن مىقتاپ يگەرىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ قىزمەتتەرىن ءبىر تۇتاس ىلگەرىلەتىپ، ءتۇرلى حاۋىپ - قاتەرگە، سىن - سايىستارعا ءونىمدى تۇردە توتەپ بەرىپ، رەفورما، دامۋ، ورنىقتىلىق جاقتارىنداعى ءبىر قىدىرۋ قيىن ماسەلەلەردى شەشىپ، قوعامدىق جالپى جاعدايدىڭ ورنىقتىلىعىن جانە ەكونوميكانىڭ باياندى، اقاۋسىز دامۋىن ساقتاپ، جاپپاي دوڭگەلەك داۋلەتتى قوعام ورناتۋدى جۇزەگە اسىرۋ نىساناسىنا قاراي تىڭ قادام تاستادىق.
شوكىرات زاكىر شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي ۇيرەنۋ، دايەكتىلەندىرۋ؛ نازاردى باس نىساناعا شوعىرلاندىرىپ، قوعامدىق جالپى جاعدايدىڭ ورنىقتىلىعىن ساقتاۋ، ەكونوميكانىڭ ورنىقتى، اقاۋسىز دامۋىن ىلگەرىلەتۋ، ءۇش ۇلكەن قامال الۋ شايقاسىنىڭ جەڭىسىنە قول جەتكىزۋدىڭ نەگىزىن مىقتاپ قالاۋ، «ءۇش ءتۇيىندى قىزمەتتى» كۇش سالا ىلگەرىلەتۋ، ۇلتتار ىنتىماعىن، ءدىن جاراسىمدىلىعىن جەبەۋ، حالىق تۇرمىسىن كۇش سالا قامتاماسىز ەتۋ جانە جاقسارتۋ، قوعامنىڭ جاپپاي دامۋىن، العا باسۋىن جەبەۋ؛ ۇكىمەتتىڭ وزىندىك قۇرىلىسى، بيڭتۋان رەفورماسى، دامۋى، شينجياڭعا باعىتتامالى كومەكتەسۋ قىزمەتى، مەملەكەت قورعانىسى جانە شينجياڭدا تۇراتىن اسكەري بولىمدەر قۇرىلىسى سياقتى جاقتاردا وتكەن ءبىر جىلداعى نەگىزگى قىزمەتتەرگە ايالدادى. شوكىرات زاكىر بىلاي دەدى: 2018 - جىلى، شينجياڭنىڭ قوعامدىق جالپى جاعدايى ورنىقتىلىقتى ساقتاپ، ەكونوميكانىڭ دامۋى ورنىقتىلىق بارىسىندا ىلگەرىلەپ، ءۇش ۇلكەن قامال الۋ شايقاسى ءساتتى باستالىپ، رەفورما جاساۋدىڭ، ەسىك اشۋدىڭ ناتيجەسى كورنەكتى بولىپ، حالىق تۇرمىسى ۇزدىكسىز جاقسارىپ، شينجياڭنىڭ ورنىقتىلىق، دامۋ قىزمەتتەرىندە تىڭ جاعداي اشىلدى.
شوكىرات زاكىر بيىلعى ەكونوميكالىق، قوعامدىق دامۋداعى باستى كوزدەۋلى نىسانالاردى بىلاي دەپ باياندادى: وڭىرلىك ءوندىرىس جالپى ءونىم قۇنى ％5.5 مولشەرىندە وسەدى، يمپورت - ەكسپورت ساۋداسىنىڭ جالپى سوماسى ％5 مولشەرىندە وسەدى، قالا، اۋىل تۇرعىندارىنىڭ قولداعى تابىسى جەكە - جەكە ％7 مولشەرىندە وسەدى، قالا - قالاشىقتارداعى تىركەلگەن جۇمىسسىزدىق مولشەرى ％4.5 ىشىندە مەڭگەرىلەدى، تۇرعىنداردىڭ تۇتىنۋ باعاسىنىڭ قىمباتتاۋى ％3 ىشىندە مەڭگەرىلەدى، ت.ب.
شوكىرات زاكىر بىلاي دەپ اتاپ كورسەتتى: بيىلعى ۇكىمەت قىزمەتىن جاقسى ىستەۋ ءۇشىن، ءسوز جوق، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن بۇلجىماي دايەكتىلەندىرۋ، تياناقتاندىرۋ، ءسوز جوق، باس شۋجي شي جينپيڭنىڭ ۇيتقىلىق ورنىن، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن بۇلجىماي قورعاۋ، ءسوز جوق، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن بۇلجىماي دايەكتىلەندىرۋ، تيناقتاندىرۋ، ءسوز جوق، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن بۇلجىماي دايەكتىلەندىرۋ، تياناقتاندىرۋ، ءسوز جوق، اۆتونوميالى رايوندىق پارتكومنىڭ «1+3+3+ رەفورما جاساۋ، ەسىك اشۋ» قىزمەت ورنالاستىرۋىن بۇلجىماي دايەكتىلەندىرۋ، تياناقتاندىرۋ، جالپى جاعدايعا نازار اۋدارىپ، ءبىر تۇتاس جوسپارلاپ، تەگىس ءمان بەرىپ، تۇيىندەردى كورنەكتىلەندىرىپ، ءتۇرلى قىزمەتتەردى تىڭعىلىقتى ويداعىداي ىستەۋ كەرەك.
شوكىرات زاكىر بىلاي دەدى: 2019 - جىلى مىناداي 10 جاقتاعى ءتۇيىندى قىزمەتتى جاقسى ىستەۋ كەرەك: 1. باس نىسانانى بۇلجىماي تياناقتاندىرىپ، جوعارى ساپالى دامۋعا جاراسىمدى، ورنىقتى قوعامدىق ورتا ازىرلەۋ؛ 2. ءۇش ۇلكەن قامال الۋ شايقاسىن ۇزدىكسىز ويداعىداي جۇرگىزىپ، جاپپاي دوڭگەلەك داۋلەتتى قوعام ورناتۋداعى ولقىلىقتاردى كۇش سالا تولىقتاۋ؛ 3. جىبەك جولى ەكونوميكالىق بەلدەۋىنىڭ «وزەكتى رايون» قۇرىلىسىن جەدەلدەتىپ، ىشكە، سىرتقا ەسىك اشۋدى تەرەڭدەتۋ؛ 4. اۋىل - قىستاقتى گۇلدەندىرۋ ستراتەگياسىن ىشكەرىلەي اتقارىپ، اۋىل شارۋاشىلىعى، اۋىل - قىستاق، شارۋالار قىزمەتىنىڭ جاڭا جاعدايىن اشۋ؛ 5. شينجياڭدى ساياحات ارقىلى گۇلدەندىرۋ ستراتەگياسىن جالپى بەتتىك اتقارىپ، ەكونوميكالىق، قوعامدىق دامۋدىڭ ارتۋ ۇيەگىن قالىپتاستىرۋ؛ 6. ناقتى ەكونوميكانى زور كۇشپەن دامىتىپ، شينجياڭ ەرەكشەلىگىنە يە وسى زامانعى كاسىپ جۇيەسىن ورناتۋ؛ 7. شەشۋشى سالالارداعى جانە ءالسىز بۋىندارداعى ۇتىمدى قارجى قوسۋدى ارتتىرىپ، ەكونوميكانى دامىتۋدىڭ تەبىندىك كۇشىن ونان ارى كۇشەيتۋ؛ 8. ءتۇيىندى سالالارداعى رەفورمانى تەرەڭدەتىپ، ىشكى قوزعاۋشى كۇشتى ىشكەرىلەي كۇشەيتىپ، بازاردىڭ ومىرشەڭدىگىن جانداندىرۋ؛ 9. ۇلتتاردىڭ ۇلى ىنتىماعى تۋىن بيىك ۇستاپ، قوعامنىڭ جاپپاي جاراسىمدىلىعىن، العاباسارلىعىن ىلگەرىلەتۋ؛ 10. حالىق تۇرمىسىن زور كۇشپەن قامتاماسىز ەتىپ جانە جاقسارتىپ، حالىققا اناعۇرلىم مول تابىس سەزىمىن، باقىت سەزىمىن، حاۋىپسىزدىك سەزىمىن سيلاۋ.
شوكىرات زاكىر تاعى بيڭتۋاننىڭ رەفورماسىنا، دامۋىنا قولداۋ كورسەتۋ، شينجياڭعا باعىتتامالى كومەكتەسۋ قىزمەتىن جاقسى ىستەۋ، مەملەكەت قورعانىسى مەن ارميا قۇرىلىسىنا قولداۋ كورسەتۋ، حالىق رازى بولاتىن ۇكىمەت قۇرۋ قاتارلى جاقتاردى باياندادى.
ءماجىلىستىڭ كۇن ءتارتىبى بويىنشا، ءماجىلىس اۆتونوميالى رايوننىڭ 2018 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە اۆتونوميالى رايوننىڭ 2019 - جىلعى حالىق شارۋاشىلىعى مەن قوعامدىق دامۋ جوسپارى جوباسى جونىندەگى باياندامانى، اۆتونوميالى رايوننىڭ 2018 - جىلعى مەجە ەسەبىنىڭ اتقارىلۋ جاعدايى جانە اۆتونوميالى رايوننىڭ 2019 - جىلعى مەجە ەسەپ جوباسى جونىندەگى باياندامانى قارادى.
اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 2 - ماجىلىسىنە قاتىناسقان ساياسي كەڭەس مۇشەلەرى ماجىلىسكە سىرتتاي قاتىناستى.
اۆتونوميالى رايوندىق حالىق ۇكىمەتىنىڭ، ساياسي كەڭەستىڭ، شينجياڭ اسكەري رايونىنىڭ، بيڭتۋاننىڭ باسشى جولداستارى، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ، قارۋلى ساقشى شينجياڭ باس اترەتىنىڭ نەگىزگى جاۋاپتى جولداستارى دا ءتوراعالار مىنبەسىنەن ورىن الدى. اۆتونوميالى رايوننان پەنسياعا، زەينەتكە شىققان ءبىر ءبولىم ولكە دارەجەلى باسشى كادرلار اشىلۋ ماجىلىسىنە ۇسىنىسپەن قاتىناستى. رايونعا (ورتالىق) توتە قاراستى، سونداي - اق ايماق، وبلىس، قالالارداعى قاتىستى ورىنداردىڭ جاۋاپتى جولداستارى ماجىلىسكە سىرتتاي قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
