نىسانادان جازباي، تيتتەي دە بوساڭسىماي، باتىلدىقپەن جاڭا ءداۋىردىڭ كۇرەسكەرى بولامىز
ۋاكىلدەردىڭ، مۇشەلەردىڭ ءۇنى
تىلشىلەرىمىز جاۋ جىيۇن، ميھىرگۇل عوپۇر، ءپاريزات
2019.01.16 15:21 كەلۋ قاينارى : شينجياڭ گازەتى
«مەن كەدەيلىكتەن ارىلتۋدان قامال الۋدىڭ الدىڭعى شەبىندە شايقاس جاساپ جاتقان جولداستاردى ۇنەمى ەسكە الامىن، قىستاقتاردا تۇراتىن 2 ميلليون 800 مىڭنان استام كادر، ءبىرىنشى شۋجي قىزمەتكە بار ىنتاسىمەن بەرىلىپ، كۇشتى تەبىنمەن كىرىستى، ءسوزسىز، دەنساۋلىقتارىڭىزدى ايالاڭىزدار». ءتوراعا شي جينپيڭنىڭ 2019 - جىلعى جاڭا جىلدى قۇتتىقتاۋ سوزىندەگى وسى ءبىر اۋىز سوزدەن قىستاقتا تۇراتىن كادرلارعا، ءبىرىنشى شۋجيلەرگە بولعان ىقىلاستى قامقورلىق ايگىلەندى، بۇل ءسوز كەدەيلىكتەن ارىلتۋدان قامال الۋدىڭ ءبىرىنشى شەبىندە شايقاس جاساپ جاتقان قىستاقتا تۇراتىن قالىڭ كادرلارعا، ءبىرىنشى شۋجيلەرگە بولعان زور شابىت. اۆتونوميالى رايوندىق ەكى ماجىلىسكە قاتىناسىپ جاتقان ۋاكىلدەر مەن مۇشەلەر بورىشتى، ءسوز جوق، ادا ەتىپ، نىسانادان جازباي، تيتتەي دە بوساڭسىماي، باتىلدىقپەن جاڭا ءداۋىردىڭ كۇرەسكەرى بولىپ، كەدەيلىكتەن ارىلتۋدان قامال الۋدىڭ تىڭ ناتيجەلەرىمەن جاڭا جۇڭگو قۇرىلعاندىعىنىڭ 70 جىلدىعىنا تارتۋ ۇسىناتىندىقتارىن ءبىلدىردى.
الىم ابدىراحمان:
شىنايى ىستەۋ ارقىلى ناعىز كەدەيلەردى سۇيەمەلدەيمىز
«2018 - جىل توتەنشە ءماندى بولدى، ءاربىر كۇنىمىز قۇلشىنىسپەن ءوتتى». حوتان ايماقتىق وقۋ - اعارتۋ شۋەيۋانىنىڭ «ۇعىسۋ، تيىمدىلىك جاساۋ، توعىستىرۋ» بويىنشا لوپ اۋدانى شارباق اۋىلى كۋكۋمەت قىستاعىندا تۇراتىن قىزمەت اترەتىنىڭ ورىنباسار باستىعى الىم ابدىراحمان بىلاي دەدى: قىزمەت اترەتى سىرتقا شىعىپ جۇمىس ىستەۋدى شارۋالاردىڭ كىرىسىن ارتتىرۋداعى ماڭىزدى تۇتقا رەتىندە ۇستاپ، ءبىر وتباسىنا ءبىر ساياسات اتقارىپ، جۇمىسقا ورنالاستىرۋدىڭ ءتۇرلى ورايلارىنا قۇلشىنا قول جەتكىزىپ، باسقا كاسىپ سالاسىنا ويىستىرىپ جۇمىسقا ورنالاستىرۋ ارقىلى كەدەي وتباسىلارىنىڭ قان جاساۋ يقۋاتىن جوعارىلاتىپ، كەدەي وتباسىلارىنىڭ قيىنشىلىق قىسپاعىنان قۇتىلۋىنا كومەكتەستى. قازىر قىستاعىمىزدان 399 ادام جۇمىسقا ورنالاستى، بۇنىڭ ىشىندە ورنىقتى جۇمىستانعاندار 191 ادام.
الىم ابدىراحمان بىلاي دەدى: كۋكۋمەت قىستاعىندا جان باسىنا تۋرا كەلەتىن ەگىستىك جەرى ءبىر مۋعا دا جەتپەيدى، سىرتقا شىعىپ جۇمىس ىستەۋ كەدەيلىكتەن ارىلىپ، بايۋدىڭ ەڭ جاقسى جولى. 2018 - جىلى قىزمەت اترەتى كوپ رەت اتتانسىقا كەلتىرۋ ءماجىلىسىن اشىپ، قىستاق تۇرعىندارىن سىرتقا شىعىپ جۇمىسقا ورنالاسۋعا نەمەسە جاقىن ماڭدا، سول جەردىڭ وزىندە جۇمىسقا ورنالاسۋعا جۇمىلدىردى، ۇيىمداستىردى. «قازىر قىستاعىمىزدان 26 ادام جياڭشيدىڭ نانچاڭىندا جۇمىس ىستەيدى، ايىنا 4000 يۋاننان كىرىس كىرگىزەدى. قازىر قىستاق تۇرعىندارىنىڭ بارلىعى سىرتقا شىعىپ جۇمىس ىستەگەندە كوپ اقشا تابۋعا، تەز اقشا تابۋعا بولاتىنىن ءبىلىپ، توتەنشە بەلسەندىلىكپەن سىرتقا شىعىپ جۇمىس ىستەۋدى تالاپ ەتۋدە».
«جاڭا ءداۋىر − كۇرەسكەرلەردىڭ ءداۋىرى. 2019 - جىلى ءبىز قىستاق تۇرعىندارىنىڭ كىرىسىن ارتتىرىپ، بايۋ جولىنا ءتۇسۋ ارناسىن ونان ارى كەڭەيتىپ، شىنايى ىستەۋ ارقىلى ناعىز كەدەيلەردى سۇيەمەلدەپ، كەدەيلەردى سۇيەمەلدەۋ جولىندا ارمانعا قۇلاش سەرمەۋشى بولامىز»، - دەدى الىم ابدىراحمان.
(سۇحبات بەرگەن اۆتونوميالى رايوندىق حالىق قۇرىلتايىنىڭ ۋاكىلى، حوتان ايماقتىق وقۋ - اعارتۋ شۋەيۋانىنىڭ «ۇعىسۋ، تيىمدىلىك جاساۋ، توعىستىرۋ» بويىنشا لوپ اۋدانى شارباق اۋىلى كۋكۋمەت قىستاعىندا تۇراتىن قىزمەت اترەتىنىڭ ورىنباسار باستىعى)
احىمەت احات:
ءار قادامدى نىق باسىپ، قىزمەتتى جاقسى ىستەيىك
«مەنىڭ <ۇعىسۋ، تيىمدىلىك جاساۋ، توعىستىرۋ> بويىنشا پوسكام اۋدانى گۇلباق اۋىلى اۋات قىستاعىندا تۇرعانىما 3 جىل بولدى. بيىل تاعى دا ۇمىتكە تولى جىل بولدى، مەن نەگىزگى ساتىنىڭ ءبىرىنشى شەبىندە جالعاستى كۇرەس جاساپ، ءار قادامدى نىق باسىپ، قىزمەتتى جاقسى ىستەپ، ەشقاشان بويكۇيەزدىككە سالىنبايتىن رۋحاني كۇيمەن جانە العان بەتتەن قايتپايتىن كۇرەسكەرلىك رۋحپەن كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزەمىن»، - دەدى احىمەت احات.
قىستاقتا تۇرعان 3 جىلدان بەرگى قىزمەت ناتيجەسىن اۋىزعا العاندا، احىمەت احات ماقتانىشپەن بىلاي دەدى: « اۋات قىستاعىندا وسى بىرنەشە جىلدا زور وزگەرىستەر تۋىلدى. قىستاق ەكى كوميتەت القاسىنىڭ زاڭ بويىنشا جۇمىس ءبىتىرۋ قابىلەتى كۇشەيدى، قىستاق كادرلارىن جاستاندىرۋ جانە بىلىمدەندىرۋ جۇزەگە اسىرىلدى؛ ءشوپ - شالاڭ ۇيىندىلەرى، توزىعى جەتكەن اۋلا كوزدەن عايىپ بولىپ، ورنىن تازا، رەتتى اۋلا، جاڭادان اقتالعان تامدار باستى، قىستاق تۇرعىندارىنىڭ قونىس شارت - جاعدايى كورنەكتى جاقساردى؛ مەملەكەتتە ءبىر تۇتاس قولدانىلاتىن ءتىلدى ۇيرەنۋ كلاسى، مادەني قيمىل ءۇيى، قىستاق اشقان شەبەرحانا سياقتىلاردىڭ بارلىعىنان قىستاق تۇرعىندارىنىڭ قىزمەت ىستەپ، ۇيرەنىپ جاتقان بەينەسىن كورە الاسىز».
احىمەت احات بىلاي دەدى: «ءتوراعا شي جينپيڭ جاڭا جىلدى قۇتتىقتاۋ سوزىندە قىستاقتا تۇراتىن كادرلاردى، ءبىرىنشى شۋجيلەردى اۋىزعا الىپ، جۇرەگىمىزدى جىلىتتى. مەن جاۋاپكەرشىلىگىمنىڭ اۋىر، بورىشىمنىڭ داڭقتى ەكەندىگىن تەرەڭ سەزىندىم. مۇنان كەيىن مەن جالعاستى قۇلشىنا ىستەپ، ناتيجە جاراتىپ، قىستاق تۇرعىندارىن يدەياسىن ازات ەتۋگە باستاپ، بۇقارالىق قىزمەتتى تىڭعىلىقتى جاقسى ىستەپ، نەگىزگى ساتىنىڭ نەگىزدىك قۇرىلىسىن كۇشەيتىپ، حالىققا ءتيىمدى ءتۇرلى ساياساتتاردى ويداعىداي تياناقتاندىرىپ، كوپشىلىكتى كورىكتى مەكەندى بىرگە قۇرۋعا باستايمىن».
(سۇحبات بەرگەن اۆتونوميالى رايوندىق حالىق قۇرىلتايىنىڭ ۋاكىلى، پوسكام اۋداندىق سۋ ىستەرى مەكەمەسىنەن «ۇعىسۋ، تيىمدىلىك جاساۋ، توعىستىرۋ» بويىنشا گۇلباق اۋىلى اۋات قىستاعىندا تۇراتىن قىزمەت اترەتىنىڭ باستىعى، ءبىرىنشى شۋجي)
ميھىرگۇل ياسىن:
قۇلشىنىسپەن تاماشا ومىرگە قۇلاش سەرمەيمىن
«<ۇعىسۋ، تيىمدىلىك جاساۋ، توعىستىرۋ> بويىنشا قىستاقتا تۇرۋ قىزمەتى جۇرت كوڭىلىن جىلىتۋمەن بىرگە، جۇرت تىلەگىن دە توعىستىرىپ، ورنىقتىلىقتىڭ، دامۋدىڭ نەگىزىن بەكەمدەدى». ميھىرگۇل ياسىن نەگىزگى ساتىداعى حالىق ىستەرى قىزمەتكەرى، 2015 - جىلى «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىنە قاتىناسقان، 2018 - جىلى قىستاقتا تۇرۋ قىزمەتىنە تاعى ءبىر رەت ىرىقتىلىقپەن تىزىمدەلەدى.
«بىرنەشە جىلدان بەرى، قىستاعىمىزداعى تۇرعىندار شىت جاڭا بەيقۇت ۇيلەرگە ىركەس - تىركەس كوشىپ كىردى، كوپتەگەن قىستاق تۇرعىندارىنىڭ ۇيلەرىنە مونشا، تازالىق بولمەسى سالىندى. قازىر اۋلا شارۋاشىلىعى قىستاق تۇرعىندارىنىڭ بايۋداعى قۇت قازانىنا اينالدى، سىرتقا شىعىپ جۇمىس ىستەيتىندەر دە بارعان سايىن كوبەيدى. قىستاق تۇرعىندارىنىڭ قالتاسى قالىڭداپ، عىلىم، مادەنيەت بىلىمدەرىن ۇيرەنۋ، وسى زامانعى وركەنيەتتى تۇرمىس كەشىرۋ ولاردىڭ تىڭ تالپىنىسىنا اينالدى. ناقتىلى وزگەرىستەردى كورگەن قىستاق تۇرعىندارى پارتيانىڭ ابزال ساياساتتارىنا شىن كوڭىلدەرىنەن العىس ايتادى»، - دەدى ميھىرگۇل ياسىن.
بۇرىن ەگىس ارەدىگىندە قىستاق تۇرعىندارى بوس سابىلاتىن، ال قازىر ۇقسامايدى، ولار كەشكى مەكتەپكە بارىپ مەملەكەتتە ءبىر تۇتاس قولدانىلاتىن ءتىل - جازۋدى ۇيرەنەدى، ءتۇرلى شەبەرلىككە باۋلۋ كۋرستارىنا، ادەبيەت - كوركەمونەر ساۋىقتارىنا قاتىناسىپ، تۇرمىستارىن ءماندى دە ءساندى وتكىزەدى. ايەلدەر دە كوزقاراسىن وزگەرتىپ، جۇرەكتىلىكپەن سۇلۋلىققا تالپىناتىن، سۇلۋلىعىن ايگىلەيتىن بولدى. «بۇل وزگەرىستەردى ءار دارەجەلى <ۇعىسۋ، تيىمدىلىك جاساۋ، توعىستىرۋ> بويىنشا قىستاقتا تۇراتىن قىزمەت اترەتتەرىنىڭ جاپالى قىزمەتىنەن بولە قاراۋعا بولمايدى»، - دەدى ميھىرگۇل ياسىن.
«ءتوراعا شي جينپيڭنىڭ جاڭا جىلدى قۇتتىقتاۋ ءسوزى ويىما ورالسا بولعانى، توتەنشە اسەرلەنىپ، بويىمدى كۇش - قۋات كەرنەيدى. جاڭا جىلدا ءبىز باس نىسانانى مىقتاپ ارقاۋ ەتىپ، بولاتتاي بەرىك سەنىممەن، ءبارىن دە بۇگىن قۋىپ جەتەتىن تەبىنمەن، قايتپاس قاجىرلىلىقپەن <ۇعىسۋ، تيىمدىلىك جاساۋ، توعىستىرۋ> قىزمەتىن شىن جۇرەكپەن، شىنايى سۇيىسپەنشىلىكپەن دەن قويا جاقسى ىستەپ، قۇلشىنىسپەن تاماشا ومىرگە قۇلاش سەرمەيمىن»، - دەدى ميھىرگۇل ياسىن.
(سۇحبات بەرگەن اۆتونوميالى رايوندىق ساياسي كەڭەستىڭ مۇشەسى، ماكىت اۋداندىق حالىق ىستەرى مەكەمەسىنىڭ يانتاق اۋىلى دولان مادەنيەت جۇرتى قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەتى اترەتىنىڭ مۇشەسى)
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
