ساياسي حاۋىپسىزدىكتى، قوعامنىڭ تىنىشتىعىن، حالىقتىڭ الاڭسىزدىعىن اناعۇرلىم جاقسى قورعايىق
− باس شۋجي شي جينپيڭنىڭ ورتالىقتىڭ ساياسي - زاڭ قىزمەتى ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ تۋرالى (1)
حالىق گازەتىنىڭ شولۋشىسى
2019.01.18 13:53 كەلۋ قاينارى : شينجياڭ گازەتى
حاۋىپسىز ساياسي ورتا، ورنىقتى قوعامدىق ورتا، ءادىل زاڭمەن جونگە سالۋ ورتاسى، ساپالى قىزمەت وتەۋ ورتاسى بولعاندا عانا، حالىق بۇقاراسى تابىس سەزىمىنە، باقىت سەزىمىنە، حاۋىپسىزدىك سەزىمىنە كەنەلەدى.
ەندى عانا جابىلعان ورتالىقتىڭ ساياسي - زاڭ قىزمەتى ماجىلىسىندە باس شۋجي شي جينپيڭ پارتيا مەن مەملەكەت دامۋىنىڭ جالپى جاعدايىنان جانە ستراتەگيالىق بيىگىنەن پارتيا 18 - قۇرىلتايىنان بەرگى ساياسي - زاڭ قىزمەتىندە قول جەتكىزگەن جەتىستىكتەرىن، توپتاعان تاجىريبەلەرىن جان - جاقتىلى قورىتىندىلاپ، جاڭا داۋىردەگى ساياسي - زاڭ قىزمەتىنىڭ تاريحي ورنىنا ىشكەرىلەي تالداۋ جاساپ، ءبىر قىدىرۋ باعىتتامالى، جالپى جاعدايلىق، ستراتەگيالىق ماڭىزدى ماسەلەلەرگە عىلمي جاۋاپ قايتارىپ، جاڭا داۋىردەگى ساياسي - زاڭ قىزمەتىنە ماڭىزدى ورنالاستىرۋلار جاساپ، جاڭا داۋىردەگى ساياسي - زاڭ ىستەرىنىڭ دامۋىنا ايبىندى جوبا جاسادى، نەگىزگى ءتۇبىرلى ولشەم ازىرلەدى.
«زاڭمەن جونگە سالۋ ەلدى جونگە سالۋدىڭ باستاماسى». پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ساياسي - زاڭ قىزمەتىن اناعۇرلىم ماڭىزدى ورىنعا قويىپ، مىقتى يگەرىپ، ءبىر قىدىرۋ كەلەلى شەشىم جاساپ، ءبىر قىدىرۋ كەلەلى شارا اتقارىپ، ساياسي حاۋىپسىزدىكتى، قوعامنىڭ تىنىشتىعىن، حالىقتىڭ الاڭسىزدىعىن قورعاپ، ەكونوميكانىڭ، قوعامنىڭ ءۇرتىس اقاۋسىز دامۋىن جەبەدى. ەڭبەكپەن تاربيەلەۋ ءتۇزىمىن كۇشىنەن قالدىرىپ، نورمالى شتات ءتۇزىمى رەفورماسىن اتقارىپ، دەلو تۇرعىزۋ، تىركەۋگە الۋ ءتۇزىمى رەفورماسىن اتقاردى، «ءتورت تىرەك، سەگىز ارقاۋ» سيپاتىنداعى رەفورمالاردىڭ باستى تۇلعاسى نەگىزىنەن تۇراقتاندى؛ قارا، سۇرقيا كۇشتەردى الاستاۋ ارناۋلى كۇرەسىن ورىستەتىپ، بۇقارانىڭ ومىرىنە، مال - مۇلكىنە، حاۋىپسىزدىگىنە اۋىر زيان جەتكىزگەن قىلمىستارعا، ازىق - تۇلىك، ءدارى - دارمەك حاۋىپسىزدىگىنە زيان جەتكىزگەن قىلمىستارعا، تەلەگراف، ينتەرنەت قىلمىستارىنا، ت.ب قاتاڭ سوققى بەرىپ، بۇقاراعا شىنايى ادىلدىكتى، تۋراشىلدىقتى سەزىندىردى؛ ءىستى زاڭ بويىنشا ءبىتىرۋ، ىسكە جولىققاندا زاڭدى ىزدەۋ، ماسەلەنى شەشكەندە زاڭنان پايدالانۋ، قايشىلىقتى شەشكەندە زاڭعا سۇيەنۋدەي تاماشا زاڭمەن جونگە سالۋ ورتاسى بىرتىندەپ قالىپتاسىپ، حالىق بۇقاراسىنىڭ قوعام اماندىعىنا ريزالىعى، ساياسي - زاڭ قوسىنىنا ريزالىعى ايتارلىقتاي جوعارىلادى. حالىقارا جاپپاي بىلاي دەپ قارادى: ەكونوميكانىڭ ءۇرتىس اقاۋسىز دامۋى، قوعامنىڭ ءۇرتىس حاۋىپسىز، ورنىقتى بولۋى جۇڭگو جاراتقان «ەكى تاڭعاجايىپ»، جۇڭگو دۇنيە ءجۇزى بويىنشا ەڭ حاۋىپسىز سەزىمگە بولەنەتىن ەلدەردىڭ ءبىرى.
ناتيجە وڭاي - وسپاق قولعا كەلمەدى، تاجىريبە تىپتەن قىمباتتى. جاڭا اماليات بارىسىندا، پارتيامىز ساياسي - زاڭ قىزمەتىنە تانىمدى تەرەڭدەتىپ، كوپتەگەن ماڭىزدى تاجىريبەلەر توپتادى. قورىتىندىلاي كەلگەندە، باستىسى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە، ءسوز جوق، تاباندى بولىپ، پارتيانىڭ ساياسي - زاڭ قىزمەتىنە بۇلجىماس باسشىلىعىنا، ءسوز جوق، تاباندى بولىپ، حالىقتى وزەك ەتۋ سىندى دامۋ يدەياسىنا، ءسوز جوق، تاباندى بولىپ، قوعامدىق جونگە سالۋدىڭ وسىزاماندانۋىن جەدەل ىلگەرىلەتىپ، ساياسي - زاڭ قىزمەتى سالاسىنداعى رەفورمانى جاپپاي تەرەڭدەتۋدى جەدەل ىلگەرىلەتىپ، ساياسي - زاڭ قوسىنىنىڭ توڭكەرىسشىلدەنۋ، جۇيەلىلەنۋ، ماماندانۋ، كاسىبيلەنۋ قۇرىلىسىن جەدەل ىلگەرىلەتۋ كەرەك. جاڭا داۋىردە ءتۇرلى ساياسي - زاڭ قىزمەتىن جان - جاقتىلى، ىشكەرىلەي ويداعىداي ىستەۋدە وسىنداي ماڭىزدى تاجىريبەلەرگە تاباندى بولىپ، ودان ويداعىداي پايدالانىپ، ساياسي - زاڭ ىستەرى دامۋىنىڭ تىڭ داستانىن ۇزبەي جازۋ كەرەك.
اۋقىمدى باعامداعان − پاراساتتى، اۋقىمدى مەڭگەرگەن − جەڭىمپاز. ەلىمىزدىڭ دامۋى ءالى دە ماڭىزدى ستراتەگيالىق وراي كەزەڭىندە تۇر، جاڭا داۋىردەگى ساياسي - زاڭ قىزمەتىن ويداعىداي ىستەۋدىڭ بەرىك ساياسي نەگىزى، ەكونوميكالىق نەگىزى، قوعامدىق نەگىزى، بۇقارالىق نەگىزى بار، سونىمەن بىرگە دۇنيە ءجۇزىنىڭ 100 جىلدا كەزدەسپەيتىن زور وزگەرىسى كوپتەگەن تۇراقسىز فاكتورلار الا كەلىپ، ءتۇرلى قىزمەتتەر سىن - سايىستارعا ءدوپ كەلەتىنى داۋسىز. مەيلى جاعداي قالاي وزگەرسە دە، ساياسي - زاڭ ورگاندارىنىڭ نەگىزگى ماقساتى وزگەرمەيدى، بورىشى مەن مىندەتى وزگەرمەيدى. بۇكىل ەلدەگى ساياسي - زاڭ شەبىندەگىلەر باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، مەملەكەتتىڭ ساياسي حاۋىپسىزدىگىن قورعاۋ، قوعامدىق جالپى جاعدايدىڭ ورنىقتىلىعىنا كەپىلدىك ەتۋ، قوعامنىڭ ادىلدىگىن، تۋراشىلدىعىن جەبەۋ، حالىقتىڭ شات - شادىمان تىرشىلىك ەتۋىن قامتاماسىز ەتۋ سىندى قىزمەت جاۋاپكەرشىلىگىن، مىندەتىن ويداعىداي ادا ەتكەندە عانا كۇردەلى دە قىم - قۋىت قاتەرلەر مەن سىن - سايىستار الدىندا ءداۋىردىڭ اۋىر جۇگىن ويداعىداي ارقالاي الادى.
بيىل جاڭا جۇڭگو قۇرىلعاندىعىنىڭ 70 جىلدىعى، 2020 - جىلى جاپپاي دوڭگەلەك داۋلەتتى قوعام ورناتۋدىڭ ورىندالۋ جىلى، 2021 - جىلى پارتيامىز قۇرىلعاندىعىنىڭ 100 جىلدىعى، 2022 - جىلى پارتيا 20 - قۇرىلتايى اشىلاتىن جىل، ءاربىر جىل تۇگەلدەي تاريحي ءتۇيىن، ءتۇرلى قىزمەتتەردى ويداعىداي ىستەۋدىڭ ماڭىزدى باعدارى. بۇكىل ەلدەگى ساياسي - زاڭ شەبى ورنىقتىلىق بارىسىندا ىلگەرىلەۋ سىندى جالپى قىزمەت ارناسىنان جازباي، «ورنىقتىلىق» سىندى جالپى جاعدايدى شىعار ءتۇيىن ەتىپ، حاۋىپسىزدىكتى ساقتاۋدىڭ، ورنىقتىلىقتى قورعاۋدىڭ ءتۇرلى شارالارىن كۇشەيتكەندە عانا حالىق بۇقاراسىنىڭ شات - شادىمان تىرشىلىك ەتۋىنە، قوعامنىڭ تىنىش، ءتارتىپتى بولۋىنا، مەملەكەتتىڭ باياندى تىنىشتىعىنا كەپىلدىك ەتۋگە بولادى.
(شينحۋا اگەنتتىگىنىڭ 1 - ايدىڭ 16 - كۇنى بەيجيڭنەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
