اۆتونوميالى رايوندىق 13 - كەزەكتى حالىق قۇرىلتايى 2 - ءماجىلىسى ەكىنشى جالپى جيىنىن وتكىزدى
چىن چۋانگو، شوكىرات زاكىر، شاۋكەت يمىن، نۇرلان ءابىلماجىن ۇلى، نايىم ياسىن، سۇن جينلۇڭ، لي پىڭشين ءتوراعالار مىنبەسىنەن ورىن الدى
2019.01.18 13:53 كەلۋ قاينارى : شينجياڭ گازەتى
تىلشىلەرىمىز ياۋ تۇڭ، لياڭ ليحۋا 1 - ايدىڭ 16 - كۇنى ۇرىمجىدەن حابارلايدى. 1 - ايدىڭ 16 - كۇنى تۇستەن كەيىن اۆتونوميالى رايوندىق 13 - كەزەكتى حالىق قۇرىلتايى 2 - ءماجىلىسى ەكىنشى جالپى جيىنىن وتكىزىپ، اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەت بايانداماسىن، اۆتونوميالى رايوندىق جوعارى حالىق سوتى مەكەمەسىنىڭ قىزمەت بايانداماسىن، اۆتونوميالى رايوندىق حالىق پروكۋراتۋراسىنىڭ قىزمەت بايانداماسىن تىڭدادى جانە تالقىلادى.
چىن چۋانگو، شوكىرات زاكىر، شاۋكەت يمىن، نۇرلان ءابىلماجىن ۇلى، نايىم ياسىن، سۇن جينلۇڭ، لي پىڭشين، ليۋ ۋانلۇڭ، لي ۋي، تيان ۋىن، سارقىت اقان ۇلى، ياڭ شين، جاڭ چۇنلين، پىڭ جيارۇي قاتارلىلار ءتوراعالار مىنبەسىنەن ورىن الدى.
جيىنعا قاتىناسۋعا ءتيىستى ۋاكىل 541 ادام، قاتىناسقانى 507 ادام، زاڭدا بەلگىلەنگەن ادام سانىنا ۇيلەسەدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ تاپسىرۋىمەن شاۋكەت يمىن ماجىلىسكە قىزمەتتەن بايانداما جاسادى. ول بىلاي دەدى: بىلتىر اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ مىندەت وتەگەن العاشقى جىلى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايى مەن 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن جاپپاي ۇيرەنىپ، دايەكتىلەندىرىپ، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ۇيرەنىپ، دايەكتىلەندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت ورنالاستىرۋلارىن دايەكتىلەندىرىپ، تياناقتاندىرىپ، پارتيا باسشىلىعىنىڭ، حالىقتىڭ ءوز - وزىنە قوجايىن بولۋىنىڭ جانە مەملەكەتتى زاڭمەن جونگە سالۋدىڭ ورگانيكالى بىرلىگىنە تاباندى بولىپ، وزەكتى ارقاۋ ەتىپ، جالپى جاعدايعا قىزمەت وتەپ، مىندەتتى زاڭ بويىنشا اتقارىپ، ءورىس اشا العا ىلگەرىلەپ، كوپ تۇيىننەن قامال الىپ، جالپى بەتتىك كۇش سالىپ، وسى كەزەكتى تۇراقتى كوميتەت قىزمەتىنىڭ تاماشا باستاماسىن جۇزەگە اسىردىق. ءبىر جىلدان بەرى تۇراقتى كوميتەت اۆتونوميالى رايوننىڭ 20 زاڭ ەرەجەسىن قاراپ ماقۇلدادى، 5 قاۋلى، قارار شىعاردى، وبلىستىڭ، قالالاردىڭ 14 زاڭ ەرەجەسىن، اۆتونوميالى اۋداننىڭ ءبىر ارنايى ەرەجەسىن تەكسەرىپ بەكىتتى؛ 22 قىزمەت بايانداماسىن تىڭدادى، قارادى، زاڭنىڭ اتقارىلۋىنا 8 رەت تەكسەرۋ جۇرگىزدى، ۋاكىلدەردىڭ كوزدەن كەشىرۋىن جانە ارناۋلى تەكسەرۋ - زەرتتەۋىن 16 رەت ورىستەتتى، ءبىر رەت ارناۋلى پىكىر سۇرادى، 144 ولشەمدى حۇجاتتى ەستەلىككە الىپ، تەكسەردى؛ مەملەكەت ورگاندارىنداعى 622 قىزمەتكەردى مىندەتكە تاعايىنداۋ - مىندەتىنەن قالدىرۋدى ۇيعاردى جانە بەكىتتى. 2019 - جىل − جاڭا جۇڭگو قۇرىلعاندىعىنىڭ 70 جىلدىعى، جاپپاي دوڭگەلەك داۋلەتتى قوعام ورناتۋدىڭ شەشۋشى جىلى، سونداي - اق جەرگىلىكتى حالىق قۇرىلتايلارىنىڭ تۇراقتى كوميتەت قۇرعاندىعىنىڭ 40 جىلدىعى، بيىلعى حالىق قۇرىلتايى قىزمەتىن ويداعىداي ىستەۋدىڭ ءمانى زور. ءبىرىنشى، پارتيانىڭ باسشىلىعىنا تاباندى بولىپ، حالىق قۇرىلتايى قىزمەتىنىڭ بەتالىسى دۇرىس، ناتيجەلى بولۋىنا كەپىلدىك ەتۋ كەرەك؛ ەكىنشى، زاڭ شىعارۋ قىزمەتىن كۇشەيتىپ، باس نىسانانى جۇزەگە اسىرۋدى زاڭمەن جونگە سالۋ جاعىنان قامتاماسىز ەتۋ كەرەك؛ ءۇشىنشى، باقىلاۋ قىزمەتىن كۇشەيتىپ، باس نىسانانى جۇزەگە اسىرۋدى قامتاماسىز ەتۋ كەرەك؛ ءتورتىنشى، ۋاكىلدەر قىزمەتىن كۇشەيتىپ، باس نىسانانى جۇزەگە اسىرۋعا زەيىن - زەردەمەن كۇش - قۋاتتى شوعىرلاندىرۋ كەرەك؛ بەسىنشى، ءوز قۇرىلىسىن كۇشەيتىپ، باس نىسانانى جۇزەگە اسىرۋداعى فۋنكتسيالىق رولدى اناعۇرلىم ويداعىداي ساۋلەلەندىرۋ كەرەك.
اۆتونوميالى رايوندىق جوعارى حالىق سوتى مەكەمەسىنىڭ باستىعى باھارگۇل سامەت قىلمىستى جازالاۋعا، ادامدىق ۇقىقتى قامتاماسىز ەتۋگە تاباندى بولىپ، قوعامدىق جالپى جاعدايدىڭ ورنىقتىلىعىن قورعاۋ؛ جاڭا دامۋ ۇستانىمىن دايەكتىلەندىرىپ، شينجياڭنىڭ ەكونوميكاسىنىڭ، قوعامىنىڭ ۇزدىكسىز، اقاۋسىز دامۋىن قامتاماسىزداندىرۋعا قىزمەت ەتۋ؛ ءادىليانى حالىق ءۇشىن جۇرگىزۋگە تاباندى بولىپ، حالىق بۇقاراسىنىڭ كوپ نەگىزدى ءادىليالىق سۇرانىسىن قاناعاتتاندىرۋ؛ «اتقارۋ قيىنشىلىعىن نەگىزىنەن شەشۋ» سىندى وسى قيان - كەسكى شايقاستىڭ جەڭىسىنە دەر كەزىندە باتىل قول جەتكىزىپ، ادالدىق قوعامدىق قۇرىلىسىن ىلگەرىلەتۋ؛ ءادىليا ءتۇزىلىسىنىڭ جالپىلىق سايكەستى رەفورماسىن تىڭعىلىقتى ىلگەرىلەتىپ، ءادىليانىڭ الەۋمەتتىك سەنىمدىلىگىن ۇزدىكسىز جوعارىلاتۋ؛ ءار سالانىڭ باقىلاۋىن سانالى تۇردە قابىلداپ، حالىق سوتى مەكەمەسىنىڭ قىزمەتىن ۇزدىكسىز جاقسارتۋ؛ پارتيانى قاتاڭ جونگە سالۋعا، سوت مەكەمەسىن قاتاڭ جونگە سالۋعا تاباندى بولىپ، ساياسيدا تاباندى، قابىلەتى كۇشتى ىسىلعان سوت مەكەمەسى قوسىنىن سومداۋ سياقتى 7 جاقتان 2018 - جىلعى نەگىزگى قىزمەت جاعدايىنا قايىرىلا قارادى. ءبىر جىلدان بەرى تۇتاس رايونىمىزداعى سوت مەكەمەلەرى جالپى 469 مىڭ 200 دەلو قابىلداپ، 420 مىڭ دەلونى سوتتا قاراپ اياقتاتتى، دەلونىڭ اياقتاۋ سالىستىرماسى ％89.51كە جەتتى؛ جوعارى حالىق سوتى مەكەمەسى 5521 دەلو قابىلداپ، 5079 دەلونى سوتتا قاراپ اياقتاتتى، دەلونىڭ اياقتاۋ سالىستىرماسى ％91.99كە جەتتى. باھارگۇل سامەت بىلاي دەدى: بيىل تۇتاس رايونىمىزداعى ءار دارەجەلى سوت مەكەمەلەرى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن باتىل تياناقتاندىرىپ، پارتيانىڭ ابسوليۋتتى باسشىلىعىنا باستان - اياق مىزعىماي تاباندى بولىپ، قاتاڭ سوققى بەرۋدىڭ تەگەۋرىندى كۇيىنە باستان - اياق مىزعىماي تاباندى بولىپ، قارا، سۇرقيا كۇشتەردى الاستاۋ ارناۋلى كۇرەسىنە باستان - اياق مىزعىماي تاباندى بولىپ، زاڭ اتقارىپ، دەلو ىستەۋدىڭ ماڭداي الدى ماڭىزدى مىندەتىنە باستان - اياق مىزعىماي تاباندى بولىپ، «اتقارۋ قيىنشىلىعىن نەگىزىنەن شەشۋدى» ىلگەرىلەتۋگە باستان - اياق مىزعىماي تاباندى بولىپ، ءادىليا ءتۇزىلىسىنىڭ جالپىلىق سايكەستى رەفورماسىنا باستان - اياق مىزعىماي تاباندى بولىپ، سوت مەكەمەسى قوسىنىن جوعارى ولشەممەن قۇرۋعا باستان - اياق مىزعىماي تاباندى بولىپ، حالىق بۇقاراسىنىڭ ءاربىر ءادىليالىق دەلودان ادىلدىكتى، تۋراشىلدىقتى سەزىنۋىنە مۇمكىندىك جاساۋعا قۇلشىنادى.
اۆتونوميالى رايوندىق حالىق پروكۋراتۋراسىنىڭ باس پروكۋرورى لي يۇڭجۇن شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، پروكۋراتۋرا قىزمەتىنىڭ جاڭا داۋىرلىك باعدارىن مىقتاپ يگەرۋ؛ نازاردى باس نىسانانى تياناقتاندىرۋعا شوعىرلاندىرۋدى ماڭداي الدى مىندەت ەتىپ، شينجياڭنىڭ قوعامدىق جالپى جاعدايىنىڭ جاراسىمدىلىعىن، ورنىقتىلىعىن كۇش سالا قورعاۋ؛ ەكونوميكانىڭ جوعارى ساپالى دامۋىنا قىزمەت ەتۋدى كەلەلى مىندەت ەتىپ، پروكۋراتۋرا فۋنكتسياسىن تياناق ەتىپ، اۆتونوميالى رايوننىڭ دامۋ، رەفورما جالپى جاعدايىنا كۇش ۇستەۋ؛ ادىلدىكتى، تۋراشىلدىقتى جەبەۋدى مىندەت جاۋاپكەرشىلىگى، بورىشى ەتىپ، ۇستانىمدى جاڭالاپ، زاڭدىق باقىلاۋدىڭ تيپىن وزگەرتىپ دامۋىن ىلگەرىلەتۋ؛ جۇيەلىلەندىرۋ، مامانداندىرۋ، كاسىبيلەندىرۋ قۇرىلىسىن نىسانالىق باعدار ەتىپ، ادال، پاك، جاۋاپكەرشىلىك ارقالايتىن ىسىلعان پروكۋراتۋرا قوسىنىن سومداۋ سياقتى 5 جاقتان 2018 - جىلعى قىزمەتكە قايىرىلا قارادى. ءبىر جىلدان بەرى تۇتاس رايونىمىزداعى پروكۋراتۋرا ورگاندارى ءتۇرلى قىلمىستى ىستەر قىلمىس كۇماندىلارىنان جالپى 114 مىڭ 23 ادامدى تۇتقىنداۋدى بەكىتىپ، 135 مىڭ 546 ادامعا الەۋمەتتىك شاعىم بەردى؛ دەلو تۇرعىزۋعا ءتيىستى بولسادا دەلو تۇرعىزىلماعان 156 دەلونى، دەلو تۇرعىزىلماۋعا ءتيىستى بولسادا دەلو تۇرعىزىلعان 43 دەلونى باقىلاپ تۇزەتىپ، زاڭعا قايشى كەلگەن 211 دەلونى (رەت) تۇزەتتى؛ كۇشكە يە ۇكىمدى اتقارىپ اياقتاتۋ بويىنشا 2061 دەلوعا باقىلاۋ جۇرگىزىپ، 890 دەلونىڭ شاعىمىن اياقتاتتى؛ ءار دارەجەلى باقىلاۋ - تەكسەرۋ كوميتەتى ۇسىنعان 602 دەلونى، 689 ادامدى قابىلدادى، ت. ب. لي يۇڭجۇن بىلاي دەدى: بيىل پروكۋراتۋرا ورگاندارىنىڭ كاسىپ جۇلگەسىن قايتا تۇلعالاۋداعى باستاما جىلى، تۇتاس رايونىمىزداعى پروكۋراتۋرا ورگاندارى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل تياناقتاندىرىپ، نازاردى باس نىساناعا شوعىرلاندىرىپ، پروكۋراتۋرانىڭ «رولىن» جاقسى مەڭگەرىپ، ورنىقتىلىقتى قورعاۋ «حورىن» جاقسى شىرقاپ، باقىلاۋدىڭ «جاۋاپكەرشىلىك اتىزىن» ويداعىداي باپتاپ، ساپا «نەگىزگى ونەرىنە» جاقسى توسەلىپ، اۆتونوميالى رايوننىڭ ورنىقتىلىق، دامۋ جالپى جاعدايىنا پروكۋراتۋرانىڭ اقىل - پاراساتى مەن كۇش - قۋاتىن ارناۋ كەرەك.
ءماجىلىس اۆتونوميالى رايوندىق 13 - كەزەكتى حالىق قۇرىلتايى 2 - ءماجىلىسىنىڭ سايلاۋ جانە داۋىسقا سالۋ ءادىسىن ماقۇلدادى؛ اۆتونوميالى رايوندىق 13 - كەزەكتى حالىق قۇرىلتايىنىڭ قوعامدىق قۇرىلىس كوميتەتىن قۇرۋدى، ىشكى ىستەر ءادىليا كوميتەتىنىڭ اتىن باقىلاۋ - تەكسەرۋ جانە ءادىليا كوميتەتى دەپ وزگەرتۋدى ۇيعاردى.
ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى لي شۋەجۇن جيىندى باسقاردى. ءماجىلىستىڭ اتقارۋشى ءتوراعالارى ءتوراعالار مىنبەسىنىڭ الدىڭعى قاتارىنان ورىن الدى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
