«قاشقاردا جاسالعاننان» تۋىنداعان اسەم حيكايالار
2019.01.22 14:22 كەلۋ قاينارى : شينجياڭ گازەتى
”بەتاشار“2019 - جىل − جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى، جاپپاي دوڭگەلەك داۋلەتتى قوعام ورناتۋدىڭ، ءبىرىنشى 100 جىلدىق كۇرەس نىساناسىن جۇزەگە اسىرۋدىڭ شەشۋشى جىلى، بيىلعى وسى كوكتەمگە ادامدار ەرەكشە ۇمىتپەن قاراۋدا.تيانشاننىڭ وڭتۇستىگى مەن سولتۇستىگىندەگى قانشالاعان كەدەي بۇقارا كەدەيلىكتەن ارىلىپ بايۋ جولىنا ءتۇستى؛ قالا مەن اۋىلداردىڭ اراسىندا قانشالاعان قىستاق شىت جاڭا بەينەگە ەندى؛ ارمانعا قۇلاش سەرمەۋ جولىندا قانشالاعان ارمان كۇرەس جاساۋ بارىسىندا ىسكە استى... بۇگىننەن باستاپ گازەتىمىز «كوكتەمدە نەگىزگى ساتىنى ارالاۋ» ارناۋلى ايدارىن اشتى، تىلشىلەرىمىز كوكتەمنىڭ ىزىمەن نەگىزگى ساتىلارعا بارىپ، بۇقارانى ارالاپ، تۇرمىسقا ارالاسىپ، ءسىز بەن ءبىزدىڭ ماڭايىمىزدا تۋىلعان حيكايالار مەن اسەرلەردى اڭگىمەلەيدى، اپپاراتتارىنىڭ كوزىمەن جانە قالامدارىمەن جاڭا ءداۋىر يدەياسىن، مەيىرىمىن جانە قاسيەتىن ايگىلەپ، جاڭا ءداۋىر ادامدارىنىڭ ءۇمىتى مەن ارمانىن بەينەلەيدى. نازار سالۋلارىڭىزدى كۇتەمىز.
جەلىلەس سيلى كيىمدەر، بالالار، وتباسى جەلىلەس كيىمدەرى، قىزمەت جەلىلەس كيىمدەرى، جەلىلەس جەڭىل كيىمدەر، جەلىلەس ۇلتتىق سالت - سانا كيىمدەرى... 1 - ايدىڭ 20 - كۇنى 2019 - جىلدىق جۇڭگو شينجياڭ قاشقار جىبەك جولى مادەنيەتى قىس پەن كوكتەمگى كيىم - كەشەكتەر مەرەكەسىندە قاشقار ايماعىنىڭ 12 اۋدانىنان (قالا) كەلگەن ءار ۇلت كادر - قىزمەتكەرلەرىنىڭ ۋاكىلدەرى مەن بالالار مودەل اترەتى بولىپ ۇيىمداسىپ، ءار ءتۇرلى كيىم - كەشەكتەر ارقىلى قاشقار ايماعىنىڭ جۋىقتاعى جىلداردان بەرى توقىماشىلىق، كيىم - كەشەك كاسىبىن زور كۇشپەن دامىتۋدا قول جەتكىزگەن تابىستارىن ايگىلەدى.
ءداستۇر مەن زامانالىق ەرەكشەلىك قابىسقان جەلىلەس كيىم - كەشەكتەر كوزدىڭ جاۋىن الىپ، ادامدى بارىنشا جەلپىندىرەدى. وسى رەتكى «نيشاڭ يۇيي جىبەك جولى سالتاناتى، گۇلدەنگەن زاماندا اسەم اۋەنمەن جاڭا ءداۋىر تاراۋلارىن جازايىق» اتتى كيىم - كەشەك سالتانات مەرەكەسى قاشقار ايماعىنىڭ اۋداندارىنداعى (قالا) 200دەن استام كيىم - كەشەك ءوندىرىسى كاسىپورنىن كورمەگە قاتىناسۋعا باۋراۋمەن بىرگە، ەل ءىشى - سىرتىنداعى ساۋداگەرلەر مەن ايگىلى كيىم - كەشەك كاسىپورىندارىن دا شوعىرلاندىردى.
«بۇلار سەلبەستىك كووپەراتيۆىمىزدىڭ ءبىر ءبولىم ونىمدەرى عانا»، - دەدى ءپايزاۋات اۋدانى ۇلتتىق سالت - سانا جەلىلەس كيىم - كەشەكتەرى كورمە اۋماعىندا ءراشيدام ساحنالىق كيىم - كەشەك كاسىپتىك سەلبەستىك كووپەراتيۆىنىڭ قۇرۋشىسى ءراشيدام سىمايىل كۇلىمسىرەي. ۇرىمجىدە ۇلتتىق سالت - سانا جەلىلەس كيىم - كەشەك تىگىنشىلىگىمەن 10 جىل اينالىسقان ول قازىر اۋىلىنا قايتىپ، 30 نەشە اپەكە - ءسىڭلىسىنىڭ باسىن قوسىپ سەلبەستىك كووپەراتيۆىن قۇرعان. «جۇمىسشىلارىمىزدىڭ ايلىق كىرىسى 2300 يۋاننان اسادى، شاكىرتتەر دە ايىنا، از دەگەندە، 800 يۋان كىرىس كىرگىزەدى»، - دەدى ول ءسوزىن تولىقتاپ.
«بىلتىر<قوس 11دە> ءبىزدىڭ تيانماۋدا 170 مىڭ دانا جەڭىل مامىق كيىمىمىز ساتىلدى»، - دەدى شينجياڭ يمەي شەكتى سەرىكتەستىگىنىڭ باس ديرەكتورى شيۇڭ گاڭ تانىستىرىپ، - «2017 - جىلى مارالباسى اۋدانى سەرىقبۇيا قالاشىعىندا زاۆود قۇرعاندا ءبىر سەحىمىز عانا بار بولاتىن، قازىر سەحىمىز 6عا، وندا ىستەيتىن قىزمەتكەرىمىز 650گە مولايدى».
جۇڭگوداعى 10 مىقتى كيىم جوبالاۋشىنىڭ ءبىرى، شينجياڭ كيىم جوبالاۋشىلار قوعامىنىڭ باستىعى سۇن شيۋچين ياركەن نيشاڭ كيىم - كەشەك شەكتى سەرىكتەستىگىن قۇرۋشى. وسى رەتكى كورمەدە ول اكەلگەن اتلاس جەلىلەس كيىم - كەشەكتەرى مەن قولونەر بۇيىمدارى كوپتەگەن تاماشالاۋشىلار مەن ەل ءىشى - سىرتى ساۋداگەرلەرىنىڭ نازارىن اۋداردى. ءتىلشى ونىڭ سەرىكتەستىگىنىڭ دەربەس كورمە زالىندا ساۋدا جاساسۋعا كەلگەن ساۋداگەرلەردىڭ اياعى ۇزىلمەگەندىگىن كوردى. ول: بۇل تۋىندىلاردىڭ بارلىعى ياركەندەگى شاكىرتتەردىڭ قولىنان شىققان، «قاشقاردا جاسالعاننان» «قاشقاردا جاراتىلعانعا» اينالۋدا. قاشقاردىڭ كيىم - كەشەك ماركالارىنىڭ شينجياڭنان شىعىپ دۇنيە جۇزىنە بەت الاتىندىعىنا سەنەمىن، - دەدى.
قاشقار ايماعى مول ماقتا بايلىعىمەن جانە جاعراپيالىق ابزالدىلىعىمەن ەل ىشىندەگى توقىماشىلىق، كيىم - كەشەك كاسىپورىندارىن قاشقارعا قارجى قوسىپ، كاسىپتى گۇلدەندىرۋگە باۋرادى. قازىر قاشقار ايماعىندا جيىنى 460تان استام توقىماشىلىق، كيىم - كەشەك كاسىپورنى بار، ولار 73 مىڭنان استام ادامدى جۇمىسقا ورنالاستىردى؛ ولار وندىرەتىن ونىمدەر ماقتا توقىماشىلىعى، وتباسى توقىما بۇيىمدارى، كيىم - كەشەك، كاسىپتە قولدانىلاتىن توقىما بۇيىمدارى سياقتى 13 ۇلكەن توپتاعى 180نەن استام ءتۇردى قامتيدى، جىلىنا 700 ميلليون پاردان استام كيىم - كەشەك وندىرەدى، ءونىم قۇنى 6 ميلليارد 300 ميلليون يۋاننان اسادى.
«توقىماشىلىق، كيىم - كەشەك كاسىبى ەڭبەككۇش شوعىرلى، جۇمىستاندىرۋ سيىمدىلىعى زور كاسىپ، كەدەيلىكتەن ارىلتۋدان قامال الىپ، بۇقارانىڭ كىرىسىن ارتتىرۋ، قوعامنىڭ ورنىقتىلىعىن قورعاۋعا ماڭىزدى ۇلەس قوسىپ، قاشقار ايماعىنىڭ تىرەكتى كاسىبىنە اينالدى»، - دەدى قاشقار ايماقتىق پارتكومنىڭ شۋجيى لي نيڭپيڭ.
العاشقى ساناققا نەگىزدەلگەندە، قازىر جۇڭگو شينجياڭ قاشقار جىبەك جولى مادەنيەتى قىس پەن كوكتەمگى كيىم - كەشەكتەر مەرەكەسىندە 180 ميلليون يۋاندىق قىزمەت كيىمىنىڭ ىشكى سۇرانىس تاپسىرىسى تياناقتانعان، كەيبىر كيىم - كەشەك وندىرەتىن كاسىپورىندار مەن كورمە وتكىزۋشى ساۋداگەرلەر دە العاشقى قادامدا 300 ميلليون يۋاندىق ساتىپ الۋ نيەتىن بىلدىرگەن.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
