ابدۇكەرىمنىڭ ءبىر كۇنى
تىلشىلەرىمىز لي چۇنشيا، گاۋ ۋا
2019.01.23 13:47 كەلۋ قاينارى : شينجياڭ گازەتى
«ابدۇكەرىم، كەڭسەدەگى باسپا ماشيناسى بۇزىلىپ قالىپتى، تەز كەلىپ كورشى».
«ابدۇكەرىم، كومپيۋتەرىمە ساقتاعان حۇجاتتارىمدى تابا الماي قالدىم، كەلىپ كومەكتەسشى».
«ابدۇكەرىم...».
2018 - جىلى 12 - ايدىڭ 27 - كۇنى تۇستەن بۇرىن، قاشقارداعى ءبىر كيىم - كەشەك سەرىكتەستىگىندە، ابدۇكەرىم مامەتساۋىت قاتتى قاربالاستىققا ءتۇستى.
ابدۇكەرىم وتكەن جىلى 10 - ايدىڭ 10 - كۇنى قاشقار قالالىق كاسىپتىك شەبەرلىككە تاربيەلەۋ، باۋلۋ ورتالىعىنان وقۋ تاۋىسقان. وقۋدان كەيىنگى قىزمەتى، تۇرمىسى قالاي؟ قانداي وزگەرىستەر تۋىلدى؟ 2018 - جىلى 12 - ايدىڭ 27 - كۇنى ءتىلشى ابدۇكەرىمنىڭ ءبىر كۇندىك تۇرمىسىن ۇعىستى.
■ كۇنى بويى تىنىم المايدى
2018 - جىلى 10 - ايدىڭ 20 - كۇنى ابدۇكەرىم كاسىپتىك شەبەرلىككە تاربيەلەۋ، باۋلۋ ورتالىعىنان وقۋىن اياقتاتقان 9 اداممەن بىرگە كيىم - كەشەك سەرىكتەستىگىنىڭ جۇمىسشىسىنا اينالىپ، ايىنا 2000 يۋاننان ارتىق ەڭبەكاقى الادى. كومپيۋتەر تەحنيكاسىنان حابارى بار بولعاندىقتان، ونى كادرلار بولىمىنە ورنالاستىرىپ، ينتەرنەتتى باسقارۋ، كومپيۋتەردى جوندەۋ جانە جۇمىسشىلاردى تاربيەلەۋ قىزمەتىنە جاۋاپتى ەتەدى.
سەرىكتەستىككە كەلگەنىنە 2 اي عانا بولسادا، سەرىكتەستىكتەگى كوپتەگەن ادامدار وسى سۇڭعاق بويلى، توستاعان كوز، باۋىرمال جىگىتپەن تانىسىپ، وزدەرىنە جاقىن تارتىپ «ابدۇ» اتاپ كەتتى. «ابدۇ وتە اق كوڭىل جان، ونى قانداي جۇمىسپەن ىزدەسەك تە كومەكتەسۋگە پەيىل»، - دەدى سەرىكتەستىكتىڭ جۇمىسشىسى جان يۋانحۇڭ ماقتاپ.
باس مەڭگەرۋشىنىڭ كومەكشىسى ما شىڭجيننىڭ نازارىندا، ابدۇكەرىم تاباندى دا ىسكەر جان. ول بىلاي دەدى: ءبىر جولى كەڭسەدە 1000نان ارتىق جۇمىسشىنىڭ ماتەريالىن باسىپ شىعۋ كەرەك بولدى، قىرسىققاندا باسپا ماشيناسى بۇزىلىپ قالدى، ابدۇكەرىم قالا رايونىنا بىرنەشە رەت شاپقىلاپ ءجۇرىپ كەرەكتى ماتەريالدى ساتىپ اكەلىپ، باسپا ماشيناسىن تۇندەلەتىپ ءجۇرىپ جوندەگەندىكتەن، ماتەريالدى باسىپ شىعارۋ مىندەتىن ءساتتى ورىندادىق.
جان يۋانحۇڭنىڭ كومپيۋتەرىن جوندەپ بولىپ كەڭسەگە قايتقان ابدۇكەرىم، جاڭادان كەلگەن جۇمىسشىلارعا PPT جاساۋدى ۇيرەتۋگە كىرىسىپ كەتتى. «كاسىپتىك شەبەرلىككە تاربيەلەۋ، باۋلۋ ورتالىعىنان ۇيرەنگەن سوڭ، مەملەكەتتە ءبىر تۇتاس قولدانىلاتىن تىلدە سويلەۋ قابىلەتىمدى جوعارىلاتىپ قانا قالماي، 2000 دا 3000 ءارىپ ۇيرەندىم، قازىر جۇمىسشىلاردى تاربيەلەگەن PPTدىڭ بارلىعىن ءوزىم جاسايمىن»، - دەدى ابدۇكەرىم.
تۇستەن كەيىن جۇمىسشىلاردى تاربيەلەۋدى ۋاعىندا باستادى. «بۇرىن مەن مەملەكەتتە ءبىر تۇتاس قولدانىلاتىن ءتىل - جازۋدى ۇيرەنۋگە جولامايتىنمىن، قازىر تانىمىمنىڭ وتە تار ءورىستى ەكەنىن تانىپ جەتتىم. جۇڭحۋا حالىق رەسپۋبليكاسىنىڭ ازاماتى رەتىندە، مەملەكەتتە ءبىر تۇتاس قولدانىلاتىن ءتىل - جازۋدى، ءسوزسىز، جاقسى ۇيرەنەمىن، بۇل ءبىزدىڭ باسقالارمەن بارىس - كەلەس جاساۋىمىزدىڭ، تەحنيكا ۇيرەنۋىمىزدىڭ نەگىزگى شارتى»، - دەدى ابدۇكەرىم ەكراندى نۇسقاپ تۇرىپ، ول ءوزىنىڭ باستان كەشكەن كەشىرمەسى ارقىلى مەملەكەتتە ءبىر تۇتاس قولدانىلاتىن ءتىل - جازۋدى ۇيرەنۋدىڭ ماڭىزدىلىعىن ءتۇسىندىردى.
«ابدۇكەرىم پۋتۇڭحۋانى جاقسى سويلەيدى، زاڭدىق تانىمى جوعارى، تارتىپكە بويسۇنادى، قاجىرلى، كاسىبىن قاستەرلەيدى. ونىڭ بەينەسى كاسىپتىك شەبەرلىككە تاربيەلەۋ، باۋلۋ ورتالىعى قىزمەتىنىڭ ونىمدىلىگىن دالەلدەدى، ءبىز بۇل قىزمەتكە قولداۋ كورسەتەمىز»، - دەدى ساباقحانانىڭ ارتىندا زەر سالا قاراپ تۇرعان ما شىڭجين.
■ مەيىرلى جۇباي
ساعات 20دا، ءبىر كۇندىك قاربالاس قىزمەتىن اياقتاتقان ابدۇكەرىم سەرىكتەستىكتەن شىعىپ، اۆتوكولىگىن ايداپ ۇيىنە قايتتى. ونىڭ ءۇيى قاشقار كونەقالا كورىنىس رايونىندا تۇراتىن، اۆتوكولىگىن توقتاتىپ، ۇيىنە 10 نەشە قادام قالعاندا ءۇيدىڭ الدىندا ويناپ وتىرعان ۇلى باسىت جۇگىرىپ كەلىپ موينىنا اسىلدى.
2 جاستان اسقان بالاسىن كوتەرگەن ابدۇكەرىم ەسىكتەن كىردى. ايەلى ارزىگۇل ياسىن اسحانادا لاڭمان سوزىپ جاتقان بولاتىن، ابدۇكەرىم قولىن جۋىپ، وعان جاردەمدەسە باستادى.
«ابدۇكەرىم كاسىپتىك شەبەرلىككە تاربيەلەۋ، باۋلۋ ورتالىعىنان وقۋ ءبىتىرىپ كەلگەننەن كەيىن، باسقا ءبىر ادام بولىپ وزگەرگەندەي، بۇرىنعىدان مەيىرلى، رومانتيكالى بولىپ كەتتى» - دەدى ارزىگۇل ۇيالا.
ابدۇكەرىم مەن ارزىگۇل 2014 - جىلى ۇيلەندى. ۇيلەنگەننەن كەيىن، ءدىني ۇشقارى يدەيانىڭ ىقپالىمەن، ابدۇكەرىم ايەلىنىڭ سىرتقا شىعىپ قىزمەت ىستەۋىنە قوسىلمادى، ايەلىنىڭ وپا - دالاپ جاعۋىنا دا، زاماناۋي جاڭا كيىمدەر كيۋىنە دە جول قويمادى، ارزىگۇل كۇنى بويى ۇيىندە قامالىپ وتىراتىن، ەكەۋى وسىعان بولا تالاي رەت ءوڭ شايىستى.
كاسىپتىك شەبەرلىككە تاربيەلەۋ، باۋلۋ ورتالىعىندا ابدۇكەرىم زاڭ ۇيرەنىپ، ءوزىنىڭ قاتەلىگىن تانىدى، كوزقاراسىن تۇبەگەيلى وزگەرتتى. «ءاربىر ادامنىڭ سىرتقا شىعىپ قىزمەت ىستەۋ ۇقىعى بار، ايەلىمنىڭ ەركىندىگىن شەكتەمەۋگە ءتيىس ەكەنمىن»، - دەدى ول.
ابدۇكەرىمنىڭ قولداۋىمەن، ارزىگۇل قىزمەتكە ورنالاسىپ، ءبىر سەرىكتەستىكتە بۇعالتىر بولدى، ايلىق كىرىسى 1500 يۋان. ابدۇكەرىم ونىڭ وپا - دالاپ جاعۋىنا دا ەندىگارى قارسى تۇرمايتىن بولدى. 2018 - جىلى 10 - ايدىڭ 13 - كۇنى ەكەۋىنىڭ ۇيلەنگەندەرىنىڭ ەسكە الۋ كۇنى ەدى، ابدۇكەرىم ايەلىنە ءاتىر، جاڭا ۇلگىدەگى مامىق شاپان ساتىپ الىپ بەردى، ءبىر تال روزا گۇلىن دە ۇسىندى. «ول بۇرىن ماعان مۇلدە تارتۋ ۇسىنىپ كورگەن ەمەس»، - دەدى ارزىگۇل.
■ مەيىرلى ءبىر ءۇيلى جاندار
كەشكى اس لەزدە دايىن بولدى، ابدۇكەرىم ايەلى ەكەۋى شىنى - ساقپىلاردى قويىپ ۇيدەگىلەرمەن بىرگە تاماقتانا وتىرىپ، اڭگىمەلەستى، ءۇي ىشىندە استىڭ حوش ءيىسى اڭقىپ، شاتتىققا تولى كۇلكى ءۇنى كوتەرىلەدى.
اق ءتۇستى اسپا شىراق جىپ - جىلى نۇر توگىپ تۇر، تاپ - تازا كىلەم ۇستىنە قالىڭ توسەنىش سالىنعان، شاي ۇستەلىنە انار، بادام سياقتى جەمىس - جيدەكتەر، كەپتىرىلگەن جەمىستەر قويىلعان. تاماقتان سوڭ، رەتتى دە تازا قوناق ۇيدە كوپشىلىك تەلەۆيزوردان سول كۇنگى مەملەكەتتىك، حالىقارالىق حابارلاردى قايتا قويىپ كورىپ وتىر، بۇل − ابدۇكەرىم وقۋىن ءبىتىرىپ ۇيىنە قايتقالى ءبىر ءۇيلى جان ءار كۇنى ساقتاپ قويىپ كورەتىن بەرىلىم. «ءار كۇنى قانداي ءىرى ىستەر تۋىلعاندىعىن، پارتيا مەن مەملەكەتتىڭ جاقسى ساياساتى نە ەكەندىگىن، ءبىزدىڭ باقىتتى تۇرمىسىمىز قالاي قولعا كەلگەندىگىن ءبىلىپ تۇرۋ كەرەك»، - دەدى ابدۇكەرىم.
قاقاعان قىس بولسا دا، ابدۇكەرىمنىڭ ءۇيى ەرەكشە جىلى ەدى. قوناق ءۇيدىڭ ءبىر جاعىندا ءبىر قاتار پار تۇر، ابدۇكەرىمنىڭ شەشەسى ساجيدا بۇرىن ءۇيدى پەشكە وت جاعىپ جىلىتاتىندىعىن، ابدۇكەرىم وقۋىن اياقتاتىپ ۇيىنە قايتقان سوڭ، ارناۋلى قابىرعا پار الىپ، ءار ۇيگە پار ورناتىپ تاستاعان سوڭ، ءۇي ءارى تازا، ءارى جىلى بولعاندىعىن، ءوزىنىڭ ءار كۇنى تاڭەرتەڭ ەرتە تۇرىپ پەشكە وت جاقپايتىن بولعاندىعىن ايتتى. «ابدۇكەرىم بۇرىنعىدان اقىلدى، وپالى بولدى. مەنىڭ دەنساۋلىعىم جاقسى ەمەس، ول كۇندە حال - جايىمدى سۇراپ، ماعان ءدارى اكەلىپ بەرەدى، ول قازىر ءۇيدىڭ تىرەگىنە اينالدى»، - دەدى ساجيدا قۋانىشپەن.
«شەشە، پارتيانىڭ جاقسى ساياساتىنىڭ ارقاسىندا باقىتتى تۇرمىس كەشىرىپ وتىرمىز»، - دەدى ابدۇكەرىم تەبىرەنە - «كاسىپتىك شەبەرلىككە تاربيەلەۋ، باۋلۋ ورتالىعى بولماسا، قازىرگى مەن دە بولماس ەدىم. تاربيەلەۋ، باۋلۋ ورتالىعىنىڭ ماعان مەملەكەتتە ءبىر تۇتاس قولدانىلاتىن ءتىل - جازۋدى ۇيرەتكەنىنە، زاڭ ۇيرەتكەنىنە، شەبەرلىك ۇيرەتكەنىنە راقىمەت ايتامىن، اۋەلى، ماعان العىس ايتۋدى ۇيرەتتى، ادام بولۋدى ۇيرەتتى، بۇدان كەيىن قۇلشىنا قىزمەت ىستەپ، ناعىز ادام بولامىن، جاقسى ۇل، جاقسى كۇيەۋ، جاقسى اكە بولامىن»، - دەدى ول.
«دۇرىس ايتاسىڭ، ءبىز، ءسوز جوق، العىس ايتۋدى ءبىلۋىمىز كەرەك. تۇرمىسىمىز بۇدان دا جاقسى بولادى»، - دەپ كۇلىمسىرەدى ساجيدا.
مەملەكەتتىك، حالىقارالىق حابارلاردى كورىپ بولعان سوڭ، 2 جاستان اسقان باسىت ۇيدە اسىر سالىپ، قۋانا ويناپ ءجۇردى. ابدۇكەرىم شاتتانىپ، ۇيىندەگىلەرگە تاربيەلەۋ، باۋلۋ ورتالىعىندا ۇيرەنگەن ءانىن ايتا باستادى....
جىم - جىرت اۋلادان ابدۇكەرىمنىڭ ءان اۋەنى تۇنگى اسپاندا اۋەلەدى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
