بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

رايونىمىز تەحنيكاعا شەبەر دارىندىلاردى جەتىلدىرۋگە بارىنشا كۇش سالدى

وتكەن جىلى جوعارى تەحنيكاعا شەبەر دارىندىلار تىڭنان 34 مىڭ ارتتى

2019.01.23 13:49     كەلۋ قاينارى : شينجياڭ گازەتى

  ءتىلشىمىز جاۋ يۋە 1 - ايدىڭ 20 - كۇنى ۇرىمجىدەن حابارلايدى. ءتىلشىنىڭ اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىنشا، وتكەن جىلى رايونىمىز تەحنيكاعا شەبەر دارىندىلاردى جەتىلدىرۋ تەبىنىن ۇزدىكسىز ارتتىرىپ، تىڭنان 34 مىڭ جوعارى تەحنيكاعا شەبەر دارىندى ارتقان.

  ۇعىسۋعا قاراعاندا، وتكەن جىلى رايونىمىز شينجياڭ گۋاڭحۇي جاڭا ەنەرگيا شەكتى سەرىكتەستىگىنىڭ ۋيجياڭلۇڭ حيميا ونەركاسىبى، ەلەكتردى اۆتوماتتاندىرۋ شەبەر ۇستاز قىزمەت كەڭسەسى، شينجياڭ قۇراستىرۋ تەحنيك جۇمىسشىلار مەكتەبى ۋاڭ جىن جۇقا مەتال تاقتانى سالقىنداي وڭدەۋ شەبەر ۇستاز قىزمەت كەڭسەسى سياقتى مەملەكەت دارەجەلى 10 شەبەر ۇستاز قىزمەت كەڭسەسىن تىڭنان كوبەيتكەن. سونىمەن بىرگە، شينجياڭ قاتىناس تەحنيكتەرىن باۋلۋ شۋەيۋانى سياقتى 9 ورىن مەملەكەت دارەجەلى جوعارى تەحنيكاعا شەبەر دارىندىلاردى باۋلۋ بازاسى بولىپ باعالاندى.

  اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ساندى مالىمەتىندە كورسەتىلۋىنشە، قازىرگە دەيىن، تۇتاس رايونىمىزدا (بيڭتۋاندى قامتىمايدى) مەملەكەت دارەجەلى، اۆتونوميالى رايون دارەجەلى شەبەر ۇستاز قىزمەت كەڭسەسىنەن جيىنى 87سى (مۇنىڭ ىشىندەگى 21ى مەملەكەت دارەجەلى)، مەملەكەت دارەجەلى، اۆتونوميالى رايون دارەجەلى جوعارى تەحنيكاعا شەبەر دارىندىلاردى باۋلۋ بازاسىنان جيىنى 41ى (مۇنىڭ ىشىندەگى 20سى مەملەكەت دارەجەلى) بار.

  اۆتونوميالى رايون ءتۇرلى كاسىپتىڭ جانە جۇمىس تۇرلەرىنىڭ كاسىپتىك شەبەرلىك باسەكەسىن ۇيىمداستىرىپ، رايونىمىزداعى جوعارى تەحنيكاعا شەبەر دارىندىلارىنىڭ توپ جارىپ العا شىعۋىنا تۇعىر ازىرلەدى. ۇعىسۋعا قاراعاندا، 2018 - جىلى رايونىمىز كاسىپتىك شەبەرلىك باسەكەسىن 14 رەت وزدىرعان، باسەكەدەگى كاسىپتىك جۇمىس تۇرلەرى 137گە جەتكەن. مۇنان سىرت، تاعى شينجياڭ كاسىپتىك شەبەرلىك باسەكەسى جانە 45 - كەزەكتى دۇنيە جۇزىلىك كاسىپتىك شەبەرلىك باسەكەسىنىڭ شينجياڭداعى سارالاۋ جارىسىن وزدىرىپ، سارالانىپ شىققان 17 شەبەردى مەملەكەتتىك سارالاۋ جارىسىنا قاتىناسۋعا جىبەردى. مۇنىڭ ىشىندە ءبىر شەبەر مەملەكەت بويىنشا 4 - دارەجەلى بولدى ءارى مەملەكەتتىك شوعىرلى جاتتىعۋ كومانداسىنا كىردى. بۇل جۋىقتاعى بىرنەشە جىلدان بەرى رايونىمىزدىڭ مەملەكەت دارەجەلى كاسىپتىك شەبەرلىك باسەكەسىنە قاتىناسىپ قول جەتكىزگەن ەڭ جاقسى ناتيجەسى سانالادى.

  اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى كاسىپتىك قابىلەت قۇرىلىسى باسقارماسىنىڭ قىزمەتكەرى بىلاي دەپ تانىستىردى: بيىل رايونىمىز كاسىپورىنداردىڭ جاڭا تيپتەگى شاكىرت ءتۇزىمىن اتقارۋ ءادىسىن بەلگىلەپ، باۋلۋ مەن جۇمىسقا ورنالاستىرۋدى تىعىز سايكەستىرىپ، ءتىپتى دە كوپ كاسىپورىن قاجەت ەتەتىن تەحنيكالىق دارىندارىلاردى جانە كاسىپ سالاسى جۇمىسشىلارىن جەتىلدىرەدى. بىلتىردىڭ سوڭعى جارىم جىلىندا باستالعان «تيانشان ۇستالارى» جوسپارى بيىل تۇتاس شينجياڭدا ىشكەرىلەي اتقارىلىپ، رايونىمىزدىڭ جوعارى تەحنيكاعا شەبەر دارىندىلاردى باۋلۋى جانە جەتىلدىرۋى اناعۇرلىم جەدەلدەتىلەدى.
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار