شاڭعى تەبۋ كوكتەم مەرەكەسىن وتكىزۋدىڭ جاڭا تاسىلىنە اينالدى
كوكتەم مەرەكەسى كەزىندە تۇتاس شينجياڭداعى ۇلكەن قار شاڭعى الاڭدارى قابىلداعان ادام سانى تىڭ دەڭگەيگە جەتتى
2019.02.21 13:28 كەلۋ قاينارى : شينجياڭ گازەتى
ءتىلشى ياۋ گاڭ 2 - ايدىڭ 17 - كۇنى ۇرىمجىدەن حابارلايدى. كوكتەم مەرەكەسى كەزىندە تۇتاس شينجياڭداعى ءارقايسى ۇلكەن قار شاڭعى الاڭدارىنىڭ قابىلداعان ساياحاتشى سانى تۇگەلدەي تىڭ دەڭگەيگە جەتتى. شاڭعى تەبۋ جىلدامدىق پەن اسەرلى سەزىمنىڭ توعىسۋى. كوپتەگەن ساياحاتشىلار قاردا زىمىراپ بوي سەرگىتۋدى، شاڭعى تەبۋدى كوكتەم مەرەكەسىن وتكىزۋدىڭ جاڭا تاسىلىنە اينالدىردى.
كوكتەم مەرەكەسى كەزىندە التاي قالاسى گەنەرال تاۋى قار شاڭعى الاڭى كوپتەگەن ساياحاتشىنى قابىلدادى. گەنەرال تاۋى قار شاڭعى الاڭىنىڭ جاۋاپتىسى شى جىچياڭ بىلاي دەپ تانىستىردى: كوكتەم مەرەكەسى كەزىندە قار شاڭعى الاڭىنا شاڭعى تەبۋگە كەلگەندەر 10 مىڭنان اسىپ، بىلتىرعى سايكەس مەزگىلدەگىدەن ٪49 ارتتى؛ شينجياڭنىڭ سىرتىنان كەلگەن ساياحاتشىلار 4000 ادامعا تاياپ، سايكەس مەزگىلدەگىدەن ٪128 ارتتى.
جەكە اۆتوكولىكتىڭ جالپىلاسۋى ادامداردىڭ ارەكەت ءورىسىن كەڭەيتتى، ءارقايسى ۇلكەن قار شاڭعى الاڭدارى كوكتەم مەرەكەسى كەزىندە ورىستەتكەن جەلىلەس تيىمدىلىك قيمىلدارى شاڭعى تەبۋ سپورتىن قاراپايىم بۇقارانىڭ دەمالىستاعى تۇرمىسىنا ءسىڭىردى. جاستار سىرعاناۋ جولىندا ەركىن سىرعاناسا، بالالار بالون مەن سىرعاناپ ءماز بولىستى. تاعى كوپتەگەن ادام قار شاڭعى الاڭىندا ارلى - بەرلى جاياۋ ءجۇرىپ، قىسقى كۇنگە شۋاقتاپ، تازا اۋامەن تىنىستاپ، دوس - جاراندارىمەن كوسىلە اڭگىمەلەسىپ، سۇيىسپەنشىلىكتەرىن جەتكىزدى.
«تازا اۋامەن تىنىستاپ، شاڭعى تەۋىپ كوڭىل كوتەردىم. بيىل كوكتەم مەرەكەسىندە ماڭايىمداعى دوستارىم شاڭعى تەبۋگە باردى». ءۇرىمجى قالاسىنىڭ تۇرعىنى جىڭ جيە جونىنەن العاندا، بيىلعى كوكتەم مەرەكەسى توتەنشە كوڭىلدى ءوتتى، دەمالىس كەزىندە ول دوستارىمەن بىرگە 3 رەت باييۇن حالىقارالىق قار شاڭعى الاڭىنا بارىپ شاڭعى تەۋىپ، سەرگىپ قايتقان.
ءۇرىمجى اۋدانى شۇيشيگوۋ قالاشىعىنا ورنالاسقان باييۇن حالىقارالىق قار شاڭعى الاڭىندا 2 - ايدىڭ 7 - كۇنىنەن 9 - كۇنىنە دەيىنگى 3 كۇندە ساياحاتشىلاردىڭ سانى ورتاشا ەسەپپەن 10 مىڭ ادام - رەت اينالاسىنا جەتىپ، قار شاڭعى الاڭىنىڭ ەڭ جوعارى قابىلداۋ دەڭگەيىنە جۋىقتاعان. اتالعان قار شاڭعى الاڭىنىڭ جوسپارلاۋ ءبولىمىنىڭ جاۋاپتىسى يۇي جيە: كوكتەم مەرەكەسى كەزىندە قار شاڭعى الاڭىمىز كۇنىنە ورتا ەسەپپەن 6000 − 7000 ادام - رەت ساياحاتشى قابىلدادى، - دەدى.
كوكتەم مەرەكەسى كەزىندە، باييۇن حالىقارالىق قار شاڭعى الاڭىنىڭ ماڭىنداعى شينجياڭ جىبەك جولى حالىقارالىق دەمالىس، سەيىل - سەرۋەن اۋماعى دا ءار كۇنى ساياحاتشىعا لىق تولعان. «ەگىنشىلىك كالەندارى بويىنشا جاڭا جىلدىڭ 4 - كۇنى قابىلداعان ساياحاتشى 24 مىڭ ادام - رەتكە تاياپ، ءبىر كۇندەگى قابىلداعان ساياحاتشى سانى تاريحتاعى تىڭ دەڭگەيگە جەتتى». شينجياڭ جىبەك جولى حالىقارالىق دەمالىس، سەيىل - سەرۋەن اۋماعىنىڭ ورىنباسار باس ديرەكتورى حۋاڭ حى بىلاي دەدى: جىبەك جولى حالىقارالىق دەمالىس، سەيىل - سەرۋەن اۋماعىنىڭ كوكتەم مەرەكەسىندە قابىلداعان ساياحاتشى سانى 100 مىڭ ادام - رەتتەن اسىپ، تاريحتاعى تىڭ دەڭگەيگە جەتتى، بۇل بىلتىرعى كوكتەم مەرەكەسى كەزىندەگىدەن 2 ەسە كوپ، مۇندا ىشكى ولكەلەردەن كەلگەن ساياحاتشىلار سايكەس مەزگىلدەگىدەن ٪50 ارتتى.
1 - ايدىڭ 28 - كۇنىنەن 2 - ايدىڭ 19 - كۇنىنە دەيىن، رايونىمىز جانە دە كوپتەگەن مادەنيەت پەن ساياحات ۇشتاستىرىلعان قار - مۇز ساياحات ونىمدەرىن شىعارىپ، قار - مۇز مادەنيەتى، قار - مۇزدان ءلاززاتتانۋ، قار - مۇزدا كوڭىل اشۋ سياقتى جەلىلەس ساياحات مەرەكەسى قيمىلدارىن ورىستەتۋ تەبىنىن كۇشەيتىپ، ءتىپتى دە كوپ ساياحاتشىنى باۋرادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
