شي جينپيڭ يران ءىسلام پارلامەنتىنىڭ باستىعىمەن كەزدەستى
2019.02.22 15:37 كەلۋ قاينارى : شينجياڭ گازەتى
شينحۋا اگەنتتىگىنىڭ 2 - ايدىڭ 20 - كۇنى بەيجيڭنەن بەرگەن حابارى (ءتىلشى سۇن ي). مەملەكەت ءتوراعاسى شي جينپيڭ 2 - ايدىڭ 20 - كۇنى حالىق سارايىندا يران ءىسلام پارلامەنتىنىڭ باستىعى لاريجانيمەن كەزدەستى.
شي جينپيڭ بىلاي دەدى: جۇڭگو مەن يراننىڭ دوستىعى ارىدان باستاۋ العان. ەكى جاقتىڭ ءوزارا سەنىمدىلىگى مەن دوستىعى ۇزاق ۋاقىتتىق سىننان وتكەن. حالىقارالىق جانە وڭىرلىك جاعداي مەيلى قالاي وزگەرسىن، جۇڭگو جاقتىڭ يرانمەن جالپى بەتتىك ستراتەگيالىق سەرىكتەستىك قاتىناسىن دامىتۋ بەكىمى وزگەرمەيدى. جاڭا جاعدايدا، جۇڭگو مەن يران ستراتەگيالىق ءوزارا سەنىمدىلىكتى ونان ارى تەرەڭدەتىپ، ءبىر - ءبىرىنىڭ وزەكتى مۇددەسىنە جانە كەلەلى ءجىتى قاداعالاپ وتىرعان ىستەرىنە ساياتىن ماسەلەلەردە ۇزدىكسىز ءبىرىن - ءبىرى ءتۇسىنۋى جانە قولداۋى؛ كەڭەسۋدى، سايكەسۋدى جيىلەتىپ، ءبىر باعىتقا قاراي اتتانىپ، ناقتى ىستەر سەلبەستىگىن ورنىقتى تۇردە ورىستەتىپ، حاۋىپسىزدىكتى ساقتاۋ، لاڭكەستىككە قارسى تۇرۋ، گۋمانيتارلىق سياقتى سالالارداعى اۋىس - ءتۇيىستى، سەلبەستىكتى كۇشەيتۋى؛ حالىقارالىق كوپ جاقتى ورتادا سايكەسۋدى، سەلبەسۋدى كۇشەيتىپ، جاڭاشا حالىقارالىق قارىم - قاتىناس ورناتۋدى، ادامزاتتىڭ تاعدىرلاس ورتاق تۇلعاسىن ورناتۋدى بىرگە ىلگەرىلەتۋى كەرەك.
شي جينپيڭ مىنانى اتاپ كورسەتتى: زاڭ شىعارۋ ورگاندارىنىڭ بارىس - كەلىسى − جۇڭگو مەن يراننىڭ جالپى بەتتىك ستراتەگيالىق سەرىكتەستىك قاتىناسىنىڭ ماڭىزدى قۇرامداس بولىگى. جۇڭگونىڭ مەملەكەتتىك حالىق قۇرىلتايى مەن يران ءىسلام پارلامەنتى اۋىس - ءتۇيىستى، سەلبەستىكتى كۇشەيتىپ، ەل باسقارۋ جونىندەگى تاجىريبەلەردەن ءوزارا ۇيرەنىپ، ۇلگى الىپ، حالىقارالىق جانە وڭىرلىك ۇيىمدار جۇلگەسىندەگى كەڭەسۋدى، سايكەسۋدى جيىلەتىپ، زاڭ شىعارۋ ورگاندارىنىڭ ەكى جاقتى قارىم - قاتىناستى ىلگەرىلەتۋ سياقتى جاقتارداعى ماڭىزدى جەبەۋ رولىن ونان ارى ساۋلەلەندىرۋ كەرەك.
شي جينپيڭ مىنانى اتاپ كورسەتتى: جۇڭگو جاق وڭىرلىك بەيبىتشىلىكتى قاي - قاشان دا كوڭىلگە ءتۇيىپ، حالىقاراداعى جانە وڭىردەڭى ءارقايسى جاقتىڭ سەلبەستىكتى كۇشەيتىپ، ورتا شىعىستىڭ كۇنى بۇرىن ورنىقتىلىق جانە دامۋ جولىنا ءتۇسۋىن ىلگەرىلەتۋدى دارىپتەيدى. ءبىز يراننىڭ وڭىرلىك بەيبىتشىلىك پەن ورنىقتىلىقتى قورعاۋدا سىندارلى رول اتقارۋىن قولدايمىز، يران جاقپەن وڭىرلىك ماسەلەلەر جونىنەن ءجيى تىلدەسۋدى جانە سايكەسۋدى قالايمىز.
لاريجاني يراننىڭ ەڭ جوعارى باسشىسى حامينيدىڭ جانە زۇڭتۇڭ رۋحانيدىڭ ءتوراعا شي جينپيڭگە جولداعان شىنايى سالەمىن جەتكىزدى. ول بىلاي دەدى: يران جۇڭگومەن قارىم - قاتىناسىنا ستراتەگيالىق دەڭگەيدەن جانە ۇزاق بولاشاقتىق تۇرعىدان قارايدى جانە ونى دامىتادى. يران مەن جۇڭگونىڭ دوستىق سەلبەستىكتى كۇشەيتۋى ەكى ەلدىڭ ءتۇبىرلى مۇددەسىنە ۇيلەسىپ قانا قالماستان، ازيانىڭ، ءتىپتى، دۇنيە ءجۇزىنىڭ بەيبىتشىلىگى، ورنىقتىلىعى جانە دامۋى جونىنەن دە ماڭىزدى ءمان الادى. جاڭا جاعدايدا، يران جاق جۇڭگو جاقپەن ساياسي ءوزارا سەنىمدىلىكتى تەرەڭدەتىپ، ناقتى ىستەر سەلبەستىگىن ىلگەرىلەتىپ، حالىقارالىق، وڭىرلىك ىستەردە ءوزارا قولداۋدى كۇشەيتۋدى قالايدى.
ۋاڭ چىن، ۋاڭ ي، حى ليفىڭ قاتارلىلار كەزدەسۋگە قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
