ۋاڭ يانچيڭ: ەگىستىك جەردەن اناعۇرلىم مول بايلىق جاراتتى
2019.02.25 15:14 كەلۋ قاينارى : شينجياڭ گازەتى
2 - ايدىڭ 21 - كۇنى تۇستەن كەيىن باركول قازاق اۆتونوميالى اۋداندىق زىگۋ ەگىن، مال شارۋاشىلىق ونىمدەرى كاسىپتىك سەلبەستىك كووپەراتيۆىنىڭ مۇشەلەر زور جيىنى شىرىنزى اۋىلىندا اشىلدى، مەملەكەتتىك حالىق قۇرىلتايىنىڭ ۋاكىلى، سەلبەستىك كووپەراتيۆىنىڭ القا باستىعى ۋاڭ يانچيڭ تەبىرەنىپ بىلاي دەدى: «2019 - جىلعى ورتالىقتىڭ 1 - ءنومىرلى حۇجاتىندا وسى زامانعى اۋىل شارۋاشىلىق ونىمدەرىن مانەرلەۋ كاسىبىن زور كۇشپەن دامىتىپ، اۋىل - قىستاقتاردىڭ جاڭاشا قىزمەت وتەۋ كاسىبىن دامىتۋ ايتىلدى... 1 - ءنومىرلى حۇجات ءبىزدىڭ سەلبەستىك كووپەراتيۆىمىزدى كولەمدەندىرۋىمىزگە، كۇشەيتۋىمىزگە سەنىم سيلاپ، شارۋالاردىڭ كىرىسىن ارتتىرۋىنا ۇلكەن كەڭىستىك اشىپ بەردى!».
باركول ەكولوگياسى ءالسىز وڭىرگە ورنالاسقان، تۇتاس جىلداعى قىراۋسىز مەزگىلى ءۇش - اق اي، الايدا بۇل ارانىڭ كليمات شارت - جاعدايى كارتوپ ەگۋگە ۇيلەسەدى، ەگىلگەن كارتوپتىڭ ءتۇسىمى مول، ساپاسى جوعارى. بۇرىندارى ەگىنشىلەردىڭ ەگىستىك جەرلەرىنىڭ تىلكىمدەلۋ مولشەرى جوعارى، اۋىل شارۋاشىلىعىنىڭ عىلميلانۋ ورەسى تومەن بولىپ، كىرىس جاعدايى بازارداعى نارىق وزگەرىسىنە ىلەسە تولقيتىن، مۇنىڭ ءبارى اۋىل شارۋاشىلىعىنىڭ ەكونوميكالىق دامۋى مەن ەگىنشىلەردىڭ كىرىسىن ارتتىرۋعا كەدەرگى بولدى.
2010 - جىلى ۋاڭ يانچيڭ 8 وتباسىن باستاپ زىگۋ ەگىن، مال شارۋاشىلىق ونىمدەرى كاسىپتىك سەلبەستىك كووپەراتيۆىن قۇرىپ، نەگىزىنەن ساڭىراۋقۇلاق، كارتوپ، اس بۇرشاق سياقتى داقىلداردى ەگۋمەن جانە جىنتىكتەي مانەرلەۋمەن شۇعىلدانىپ، جەردى اينالىمعا سالۋ جانە تاپسىرىستىق اۋىل شارۋاشىلىعى تاسىلىنەن پايدالانىپ، ەگىنشىلەرمەن سەلبەستى. كاسىپ تىزبەگىن ۇزارتا ءتۇسۋ ءۇشىن، سەلبەستىك كووپەراتيۆى جىلدىق ءوندىرىسى 3000 تونناعا جەتەتىن كارتوپ فىنتياۋزىسىن مانەرلەۋ زاۆودىن قۇردى. سەلبەستىك كووپەراتيۆىنە قاتىناسقان ەگىنشىلەرگە جەردى اينالىمعا سالۋ اقىسى مەن پايدا بەرىلەدى ءارى ولاردىڭ سەلبەستىك كووپەراتيۆىنە كىرىپ جۇمىس ىستەۋىنە بولادى، سونىمەن «سەرىكتەستىك + بازا + ەگىنشى وتباسى» سىندى اۋىل شارۋاشىلىعىن كاسىپ سالالاندىرعان تيجارات قالىپتاستى. بۇگىنگى كۇندە، بۇل سەلبەستىك كووپەراتيۆىنىڭ مۇشەسى 160 وتباسىنا جەتىپ، ءار وتباسىنىڭ جىلدىق كىرىسى ورتا ەسەپپەن 5000 يۋان ارتىپ، 500دەن استام ەگىنشى وتباسىن قاتىستى كاسىپپەن شۇعىلدانۋعا باستادى. 2017 - جىلى زىگۋ ەگىن، مال شارۋاشىلىق ونىمدەرى كاسىپتىك سەلبەستىك كووپەراتيۆى مەملەكەتتىك «شارۋالار سەلبەستىك كووپەراتيۆىنىڭ ۇلگىسى» بولىپ باعالاندى.
بىلتىر زىگۋ ەگىن، مال شارۋاشىلىق ونىمدەرى كاسىپتىك سەلبەستىك كووپەراتيۆى 4000 مۋلىق كارتوپ ەگۋ ولشەمدەنگەن ءوندىرىس بازاسىن قۇرىپ، ەگۋ ءادىسى، تۇقىم تاڭداۋ، ءوندىرىستى باقىلاۋ - مەڭگەرۋ، سۋ - تىڭايتقىشتاردى باسقارۋ، ساپانى باقىلاۋ سياقتى ءارقايسى بۋىنداردىڭ تۇتاس بارىسىنا جاسىل اۋىل شارۋاشىلىعىنىڭ ولشەمى بويىنشا باقىلاۋ - باسقارۋ جۇرگىزىپ، ەرەكشە اۋىل شارۋاشىلىق قوسىمشا ونىمدەرىنىڭ قوسىمشا قۇنىن ارتتىردى. سەلبەستىك كووپەراتيۆى وندىرگەن كارتوپ فىنتياۋزىسى، اس بۇرشاق فىنتياۋزىسى سياقتى ونىمدەردىڭ سول جەردە نەداۋىر اتى شىعىپ، شالعايداعى بەيجيڭ، شاڭحاي قاتارلى قالالارعا ساتىلىپ، ساتىلۋ سوماسى 3 ميلليون يۋانعا جەتتى.
بيىل 43 جاستاعى ۋاڭ يانچيڭ ناعىز ەگىنشى. «حالىق قۇرىلتايىنىڭ ۋاكىلى رەتىندە، جەردەن قايتكەندە ءتىپتى دە كوپ بايلىق جاراتۋ، ەگىنشىلەردىڭ كىرىسىن قالاي ارتتىرىپ بايۋىنا كومەكتەسۋ مەنىڭ ويلانىپ جۇرگەن ماسەلەم، مەن وسى تولعانىستارىمدى مەملەكەتتىك ەكى ماجىلىسكە الىپ بارامىن»، - دەدى ۋاڭ يانچيڭ.
«2 - كەزەك جەردى كوتەرمەگە الۋدىڭ مەرزىمى تولعاننان كەيىن تاعى دا 30 جىل ۇزارتۋ ساياساتىن تياناقتاندىرۋ ەگىنشىلەردىڭ كوڭىلىن ورنىقتىردى، سەلبەستىك كووپەراتيۆىنىڭ دامۋىن ساياسات جاقتان پارمەندى قامتاماسىز ەتتى». ۋاڭ يانچيڭ بىلاي دەدى: «اۋىل - قىستاقتى گۇلدەندىرۋ ستراتەگياسىن اتقارۋدا كاسىپتى گۇلدەندىرۋ وزەكتى ءتۇيىن سانالادى. اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن نەگىزگى جەلى ەتىپ، وسى زامانعى اۋىل شارۋاشىلىعىنىڭ كاسىپ جۇيەسىن، ءوندىرىس جۇيەسىن، تيجارات جۇيەسىن قۇرۋعا كۇش سالىپ، اۋىل شارۋاشىلىعىنىڭ تيبىن وزگەرتىپ، دارەجەسىن جوعارىلاتۋدى تەزدەتۋ كەرەك».
«سەلبەستىك كووپەراتيۆىنىڭ شاپشاڭ تولىسۋى پارتيا مەن ۇكىمەتتىڭ قامقورلىعىنان جانە قولداۋىنان ايرىلا المايدى. الدا قۇرىلاتىن جىلدىق ءونىم مولشەرى 3000 توننالىق كارتوپ فىنتياۋزىسىن مانەرلەۋ زاۆودى ءتىپتى دە كوپ ەگىنشىلەردى كىرىسىن ارتتىرۋعا باستايدى»، - دەدى ۋاڭ يانچيڭ − پارتيا مەن مەملەكەتتىڭ ءتۇرلى ساياساتتارىنىڭ قولداۋىندا، ەگىنشىلەردىڭ جەردەن يە بولاتىن بايلىعىنىڭ ءتىپتى دە مولاياتىندىعىنا كامىل سەنەمىن.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
