ادالات ازەز: جۇمىستى قاجىرلىلىقپەن ىستەيتىن، تىڭعىلىقتى ىستەيتىن مۇنايشىلار رۋحىن اسقاقتاتامىن
2019.02.27 15:27 كەلۋ قاينارى : شينجياڭ گازەتى
2 - ايدىڭ 25 - كۇنى، بەيجيڭگە بارىپ مەملەكەتتىك حالىق قۇرىلتايىنا قاتىناسۋ الدىندا تۇرعان ادالات ازەز مۇقيات ويلانىپ - تولعانۋ ارقىلى حالىق قۇرىلتايىنا الىپ باراتىن ۇسىنىستارىن تاعى ءبىر رەت تولىقتاپ شىقتى، بيىل ول نازار ءتۇيىنىن جاڭالىق اشۋ ارقىلى دامۋعا دەم بەرۋ جانە بايلىق سيپاتتى قالانىڭ تيپىن وزگەرتۋ دەگەن تاقىرىپقا اۋداردى.
ادالات شينجياڭ مۇناي الابى سەرىكتەستىگىنىڭ تاجىريبە، تەكسەرۋ - ولشەۋ زەرتحاناسى اشۋ - تاجىريبە ورتالىعىنىڭ اعا ينجەنەرى. قىزمەتتەستەرى ونى ءۇمىتشىل، اشىق - جارقىن، باسقالارعا كومەكتەسۋگە پەيىل مىنەزىمەن ۇناتادى، 2018 - جىلى شينجياڭ مۇناي الابى سەرىكتەستىگى جاعىنان ”ەڭ مەيىرىمدى قىزمەتكەر“ اتاعىنا يە بولدى. بىلتىردان بەرى، ول ىلگەرىندى - كەيىندى «ۇلى وتانعا العىس ايتىپ، جاراسىمدىلىق پەن ورنىقتىلىقتى قورعايمىن»، «وتاندى ءسۇيىپ، پارتيانىڭ سوزىنە قۇلاق اسىپ، پارتياعا ىلەسەمىن» دەگەن تاقىرىپتاردا ءبىرقانشا باتىل ءۇن قاتىپ، ايقىن پوزيتسيا ءبىلدىرۋ ماقالالارىن جاريالاپ، ءىس جۇزىندىك ارەكەتىمەن وتاننىڭ تۇتاستىعىن قورعادى، ۇلتتار ىنتىماعىن قورعادى. ”ماڭگى ۇلتتار ىنتىماعىن قورعاۋدىڭ باستاماشىسى، مۇنايشىلار رۋحىن اسقاقتاتۋدىڭ امالياتتا ايگىلەۋشىسى بولامىن“، - دەيدى ادالات ازەز.
ادالات جۇمىستى قاجىرلىلىقپەن ىستەيتىن، تىڭعىلىقتى ىستەيتىن مۇنايشىلار رۋحىن اسقاقتاتۋعا باسا ءمان بەردى، 2018 - جىلى 77 قۇدىق - رەت، 781 بولىك - رەت ۇلگى نۇسقانى تەكسەرۋ سىناعىن ورىندادى. ول قىزمەتتى قاتاڭ تەحنيكالىق ولشەم، جۇمىس جۇرگىزۋ قاعيداسى بويىنشا ورىستەتىپ، ۇلگى نۇسقانى تەكسەرۋ سىناق ساندى مالىمەتىنىڭ ساپاسىن قاتاڭ مەڭگەردى؛ ول كاسىپتىك تەحنيكانى قاجىرلىلىقپەن زەرتتەپ، ءارقايسى تۇرلەردىڭ تەكسەرۋ، تالداۋ جاساۋ ءتاسىلىن جەتىك يگەرگەن ءارى ونى ۇقساماعان ۇلگى نۇسقانى تەكسەرۋ، تالداۋ جاساۋ بارىسىندا قولدانىپ، ءدال، شىنايى نەگىزدىك ينفورماتسيا ماتەريالدارىمەن قامدادى. قىزمەت بارىسىندا ول جاۋاپكەرشىلىكتى باتىلدىقپەن ارقالاپ، بىرنەشە قۇدىقتىڭ شۇعىل ۇلگى نۇسقالارىنا جانە ەرەكشە تاجىريبە نىساندارىنىڭ ۇلگى نۇسقالارىنا تالداۋ جاساۋدى ىرىقتىلىقپەن ۇستىنە الدى ءارى بىرنەشە بارلاۋ سيپاتتى قۇدىقتى اشۋعا ات سالىستى. بىلتىردان بەرى ادالات بىرنەشە عىلمي زەرتتەۋ تەحنيكاسىنان قامال الۋدى تاجىريبەمەن قامدادى ءارى كوپتەگەن عىلمي زەرتتەۋدەن قامال الۋعا ات سالىسىپ، ماناس كولى مالتا جىنىس مۇناي قورىن، جەمىسارى قويۋ مۇناي قاباتىن ءونىمدى اشۋعا نەگىزدىك زەرتتەۋ ماتەريالدارىن دايىنداپ بەردى.
جاقىنعى 2 جىلدان بەرى ادالات ىلگەرىندى - كەيىندى 2 رەت شينجياڭ مۇناي الابى سەرىكتەستىگىنىڭ تاجىريبە، تەكسەرۋ - ولشەۋ زەرتحاناسىنىڭ عىلىم - تەحنيكا العاباسارلىعى جەتىستىگى سيلىعىن، ءبىر رەت مەملەكەت پاتەنت ۇقىعىن بەرگەن تاپقىرلىق سيلىعىنا يە بولدى، ءبىر كاسىپورىن ولشەمىن جازدى، ”تەمپەراتۋراسىن مەڭگەرۋگە بولاتىن مۇناي مەن سۋدى ايىرۋ جابدىعى“ مەملەكەتتىك تاپقىرلىق پاتەنتىن الدى.
”بيىلعى حالىق قۇرىلتايىندا مەن تەحنيكالىق شارت - جاعدايدى جاقسارتۋ، تەحنيكالىق دارىندىلاردى جەتىلدىرۋ سياقتى جاقتاردان ۇسىنىس بەرىپ، كاسىپورىننىڭ تەحنيكادا جاڭالىق اشۋ قۋاتىن جوعارىلاتىپ، ەكونوميكانىڭ جوعارى ساپالى دامۋىن ىلگەرىلەتۋگە تىڭ قوزعاۋشى كۇش قوسامىن“، - دەدى ادالات.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
