داۋىرمەن تەڭ قادام باسىپ، حالىققا سارا تۋىندى ۇسىنايىق
− باس شۋجي شي جينپيڭنىڭ مادەنيەت، ادەبيەت - كوركەمونەر سالاسىنىڭ، قوعامدىق عىلىمدار سالاسىنىڭ مۇشەلەرىنە امانداسا بارعاندا سويلەگەن ماڭىزدىءسوزى رايونىمىزدىڭ ۋاكىلدەرى مەن مۇشەلەرى اراسىندا، سونداي - اق قوعامنىڭ ءار سالاسىندا كۇشتى اڭىس قوزعادى
2019.03.06 15:53 كەلۋ قاينارى : شينجياڭ گازەتى
3 - ايدىڭ 4 - كۇنى تۇستەن كەيىن باس شۋجي شي جينپيڭ مەملەكەتتىك ساياسي كەڭەس 13 - كەزەكتى كوميتەتىنىڭ 2 - ماجىلىسىنە قاتىناسىپ جاتقان مادەنيەت، ادەبيەت - كوركەمونەر سالاسىنىڭ، قوعامدىق عىلىمدار سالاسىنىڭ مۇشەلەرىنە امانداسا باردى ءارى بىرىككەن گرۋپپالار ماجىلىسىنە قاتىناستى جانە ماڭىزدى ءسوز سويلەدى. باس شۋجي شي جينپيڭنىڭ ماڭىزدى ءسوزى مەملەكەتتىك ەكى ماجىلىسكە قاتىناسىپ جاتقان رايونىمىزدىڭ مەملەكەتتىك حالىق قۇرىلتايىنىڭ ۋاكىلدەرى، شينجياڭدا تۇراتىن مەملەكەتتىك ساياسي كەڭەس مۇشەلەرى، سونداي - اق رايونىمىزداعى ادەبيەت - كوركەمونەر قىزمەتكەرلەرى جانە فيلوسوفيا قوعامدىق عىلىمدار قىزمەتكەرلەرى اراسىندا كۇشتى اڭىس قوزعادى. كوپشىلىك ءبىر اۋىزدان بىلاي دەستى: باس شۋجي شي جينپيڭنىڭ ماڭىزدى ءسوزىنىڭ ءمانى زور، يدەياسى تەرەڭ، جاڭا داۋىردە مادەنيەت، ادەبيەت - كوركەمونەر قىزمەتى مەن فيلوسوفيا قوعامدىق عىلىمدار قىزمەتىن جاقسى ىستەۋگە باعدار كورسەتتى، مىندەتتەردى ايقىندادى. داۋىرمەن تەڭ قادام باسۋعا تاباندى بولىپ، حالىقتى وزەك ەتىپ، حالىققا سارا تۋىندى ۇسىنىپ، تاماشا مورالمەن سالتقا جەتەكشىلىك ەتىپ، مەملەكەتكە، ۇلتقا، حالىققا ۇلەس قوساتىن ادام بولۋعا قۇلشىنۋ كەرەك.
■ ءداۋىر كارتيناسىن، ءداۋىر شەجىرەسىن، ءداۋىر ءمورالىن ايشىقتايىق
”باس شۋجي شي جينپيڭنىڭ سويلەگەن ءسوزى سەزىمگە تولى بولىپ، تىڭداعان جاندى تەبىرەنتىپ، ادامدى جەلپىندىردى“. شينجياڭدا تۇراتىن مەملەكەتتىك ساياسي كەڭەستىڭ مۇشەسى ءدىلنار ابىلا باس شۋجي شي جينپيڭنىڭ ماڭىزدى ءسوزىن سول ارادا دەن قويا تىڭدادى.
ءدىلنار ابىلا اسەرلەنە بىلاي دەدى: سوزىندە باس شۋجيدىڭ اۋىزعا ەڭ كوپ العانى حالىق بولدى، ەڭ اسەرلەنىپ سويلەگەنى دە حالىق بولدى. ”ءبىز ادەبيەت - كوركەمونەر قىزمەتكەرلەرى حالىقپەن جۇرەكتەس، تىلەكتەس بولىپ، حالىقپەن تەرەڭ سۇيىسپەنشىلىكتە بولۋىمىز كەرەك. وزىمنەن باستاپ ىسكە كىرىسىپ، باس شۋجيدىڭ سوزىمەن ءوزىمدى جىگەرلەندىرىپ، امالياتقا ىشكەرىلەي ارالاسىپ، حالىق تۇرمىسىنا كوبىرەك نازار اۋدارىپ، ءبىزدىڭ وسى ءداۋىردىڭ رۋحاني سۋرەتتەر جيناعىن ۇزدىكسىز كەسكىندەيمىن“.
ءدىلنار ابىلا تىلشىگە بىلاي دەدى: 2014 - جىلى باس شۋجي شي جينپيڭ ادەبيەت - كوركەمونەر قىزمەتى جونىندەگى اڭگىمە ءماجىلىسىن باسقارىپ اشىپ، ماڭىزدى ءسوز سويلەگەننەن بەرى، رايونىمىزداعى قالىڭ مادەنيەت، ادەبيەت - كوركەمونەر قىزمەتكەرلەرى باس شۋجيدىڭ ماڭىزدى ءسوزىنىڭ رۋحىن جەتەكشى ەتىپ، حالىقتى وزەك ەتۋگە تاباندى بولىپ، قايناعان تۇرمىسقا بەلسەنە ارالاسىپ، سارا تۋىندى جاراتۋعا دەن قويىپ، بۇكىل ىنتا - پەيىلىمەن بۇقاراعا قىزمەت وتەپ، ومىرگە تەرەڭدەي تامىر تارتتى، سارا تۋىندىلار اناعۇرلىم مولايدى.
ءدىلنار ابىلا بىلاي دەدى: جاڭا داۋىردە ادەبيەت - كوركەمونەر قىزمەتكەرلەرى بورىشتى، مىندەتتى سانالى ارقالاپ، ءداۋىر كارتيناسىن، ءداۋىر شەجىرەسىن، ءداۋىر ءمورالىن ايشىقتاپ، وسى كەڭ تىنىستى ءداۋىردىڭ زور وزگەرىسىن ادالدىقپەن شىنايى ەستەلىككە الىپ، تەرەڭ بەينەلەپ، كوركەمدىكپەن قايتادان بەينەلەپ، ءداۋىردىڭ ايتسا - ايتقانداي تاڭداۋلى تۋىندىسىن جاراتۋلارى كەرەك.
اۆتونوميالى رايوندىق قوعامدىق عىلىمدار بىرلەستىگى كەڭسەسىنىڭ مەڭگەرۋشىسى ۋاڭ لۋبو بىلاي دەدى: باس شۋجيدىڭ سويلەگەن ماڭىزدى ءسوزىنىڭ ماعىناسى تەرەڭ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ مادەنيەت، ادەبيەت - كوركەمونەر قىزمەتكەرلەرىنە، فيلوسوفيا قوعامدىق عىلىمدار قىزمەتكەرلەرىنە ايرىقشا قامقورلىق جاساعاندىعىن، ايرىقشا كوڭىل بولگەندىگىن تولىق ايگىلەدى. ءبىز ايرىقشا شابىت الىپ، توتەنشە جەلپىنىپ، قايراتىمىز دا توتەنشە تاسقىنداي ءتۇستى. پارتيا 18 - قۇرىلتايىنان بەرى باس شۋجي شي جينپيڭ جۇڭگوشا فيلوسوفيا قوعامدىق عىلىمدار قۇرىلىسىن جەدەلدەتۋ جاعىندا ءبىر قىدىرۋ ماڭىزدى ءسوز سويلەپ، ءبىر قىدىرۋ ماڭىزدى ورنالاستىرۋلار جاساپ، جاڭا داۋىردەگى فيلوسوفيا قوعامدىق عىلىمدار ىستەرىنىڭ گۇلدەنىپ - كوركەيۋىن، دامۋىن پارمەندى ىلگەرىلەتتى. فيلوسوفيا قوعامدىق عىلىمدار قىزمەتكەرى رەتىندە، ءبىز باس شۋجي شي جينپيڭنىڭ ىقىلاستى ءتالىمىن ەستە بەرىك ساقتاپ، ساياسي دەڭگەيدى اناعۇرلىم جوعارىلاتىپ، حالىقتى وزەك ەتكەن زەرتتەۋ بەتالىسىنا تاباندى بولىپ، تۋ ۇستاۋ، حالىقتىڭ تىلەگىن توعىستىرۋ، جاڭا ادام تاربيەلەۋ، مادەنيەتتى گۇلدەندىرۋ، وبرازدى ايگىلەۋ بورىشىن، مىندەتىن سانالى ارقالاپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن اقىل - پاراساتىمىز بەن كۇش - قۋاتىمىزدى ارنايمىز.
شينجياڭدا تۇراتىن مەملەكەتتىك ساياسي كەڭەستىڭ مۇشەسى گۇلپاري ابدوللا بىلاي دەدى: باس شۋجيدىڭ تالابىن، ءسوزسىز، ەستە بەرىك ساقتاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، ءمورال ارقىلى ادام تاربيەلەۋ ءتۇبىرلى مىندەتىنە تاباندى بولىپ، مۇرات - سەنىمدى بەكەمدەپ، وتانشىلدىق سۇيىسپەنشىلىكتى تەرەڭ ۇيالاتىپ، جۇڭگو كوممۋنيستىك پارتياسىنىڭ باسشىلىعىن جانە ەلىمىزدىڭ سوتسياليستىك ءتۇزىمىن قورعايتىن، جۇڭگوشا سوتسياليزم ءۇشىن ءومىر بويى كۇرەس جاسايتىن جارامدى دارىندى تاربيەلەپ، پارتيا مەن حالىقتىڭ كۇتكەن ءۇمىتى مەن ماڭىزدى تاپسىرماسىن ورىندايمىن.
■ مەملەكەتكە، ۇلتقا، حالىققا ۇلەس قوساتىن ادام بولايىق
مەملەكەتتىك حالىق قۇرىلتايىنىڭ ۋاكىلى لي بين ورتالىق تەلەۆيزياسىنىڭ مەملەكەتتىك، حالىقارالىق حابارلارىن كورگەننەن كەيىن تەبىرەنە بىلاي دەدى: ”باس شۋجي شي جينپيڭ قاشاندا حالىقتىڭ قامىن ويلايدى، بۇگىنگى سوزىندە ادەبيەت - كوركەمونەر تۋىندىلارىن جاراتۋدا حالىقتى وزەك ەتۋدى قايتالاي دارىپتەدى، مۇنى ەستىگەندە كوڭىلىم ىستىق مەيىرگە شومدى. بىرنەشە جىلدان بەرى نەگىزگى ساتى ۇيىمدىق قۇرىلىسىن كۇشەيتۋدە باۋلۋ، ۇگىت - لەكسيا جاساۋ، ادەبيەت - كوركەمونەر كونسەرتىن قويۋ سياقتى ادىستەرمەن جۇرت تىلەگىن توعىستىرىپ، قۋانا قابىلدايتىن فورمالارمەن پارتيانىڭ جاقسى ساياساتىن ۇگىتتەپ، كوپشىلىكتىڭ جاپپاي قارسى الۋىنا يە بولدىق. بۇدان بىلاي ءبىز قىستاقتاعى ادەبيەت - كوركەمونەر تىرەكتىلەرىنىڭ بەلسەندىلىگىن ىرىقتىلىقپەن جۇمىلدىرىپ، حالىقتىڭ تىلەگىن بەينەلەيتىن كوركەمونەر تۋىندىلارىن كوپتەپ جاراتىپ، قىستاق تۇرعىندارىنىڭ قالتاسىن قامپايتىپ قانا قالماستان، ساناسىن دا جوعارىلاتۋىمىز كەرەك“.
شينجياڭ جۇڭگوشا سوتسياليزم نازاريا جۇيەسىن زەرتتەۋ ورتالىعىنىڭ كومەكشى زەرتتەۋشىسى راميلا رەجەپ بىلاي دەدى: جاڭا ءداۋىردىڭ امالياتى بارىسىندا شىنىعىپ ەسەيگەن جاس عىلمي زەرتتەۋ قىزمەتكەرى رەتىندە، ءبىز باس شۋجيدىڭ ماڭىزدى ءسوزىن ۇلگى، ولشەم ەتىپ، جۇڭگوشا سوتسياليزم نازاريا جۇيەسىن زەرتتەۋدىڭ تۇتاس بارىسىنا سانالىلىقپەن ءسىڭىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ىشكەرىلەي زەرتتەپ، بايىمداپ، جالپى بارىسىن ۇيرەنۋدى، وي جۇگىرتۋدى، قولدانۋدى ورىنداپ، تانىمدى، سەنىمدى، ارەكەتتى بىرلىككە كەلتىرىپ، ەڭ زور قۇلشىنىسىمىزبەن جانە اقىل - پاراساتىمىزبەن شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا ۇلەس قوسۋىمىز كەرەك.
”باس شۋجي سوزىندە’سەنىمدە، سۇيىسپەنشىلىكتە، جاۋاپكەرشىلىكتە بولىپ، اسقاق مۇرات تالپىنىسىن جانە تەرەڭ وتباسى، وتان سۇيىسپەنشىلىگىن ورناتىپ، مەملەكەتكە، ۇلتقا، حالىققا ۇلەس قوساتىن كوركەمونەرپاز جانە ءبىلىمپاز بولۋعا قۇلشىنۋ كەرەك‘دەپ باسا دارىپتەدى. جاڭا داۋىردەگى ادەبيەت - كوركەمونەر قىزمەتكەرى رەتىندە، ءبىز مادەنيەت سەنىمىن بەكەمدەپ، ادەبيەت - كوركەمونەر تۋىندىلارىن جاراتۋدا ۇزدىكسىز جاڭالىق اشىپ، پارتيانى جىرلايتىن، وتاندى جىرلايتىن، حالىقتى جىرلايتىن، قاھارمانداردى جىرلايتىن سارا تۋىندىلاردى ۇزدىكسىز جارىققا شىعارىپ، قازىرگى تاماشا تۇرمىسىمىزدى القاپ، ءار ۇلت جۇرتشىلىعىن پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە باستاپ، شينجياڭ قىزمەتىنىڭ باس نىساناسىن جۇزەگە اسىرۋ ءۇشىن ۇلەس قوسۋىمىز كەرەك“، - دەدى اقسۋ ايماقتىق ادەبيەت - كوركەمونەرشىلەر بىرلەستىگىنىڭ ورىنباسار ءتوراعاسى، تارىم ءان - ءبي ۇيىرمەسىنىڭ باستىعى ءمامتىمىن سادىق تىلشىگە.
■ حالىق تۇرمىسىنا نازار اۋدارىپ، حالىق تىلەگىن ايگىلەيىك
شينجياڭدا تۇراتىن مەملەكەتتىك ساياسي كەڭەستىڭ مۇشەسى دىڭ حۇڭ بىلاي دەپ قارادى: باس شۋجي شي جينپيڭنىڭ ماڭىزدى ءسوزىنىڭ رۋحىن ەستە بەرىك ساقتاپ، نازاردى پارتيا مەن مەملەكەتتىڭ وزەكتى مىندەتىنە شوعىرلاندىرۋ سىندى مىندەتتى ورىنداپ، جاۋاپكەرشىلىكتى ادا ەتۋ كەرەك. حالىقتى وزەك ەتۋگە تاباندى بولىپ، جۇرتشىلىقتىڭ تۇرمىس جاعدايىن ۇعىسىپ، بۇقارانىڭ يدەيالىق تىنىسىن يگەرىپ، حالىقتىڭ تىلەگىن بەينەلەپ، بۇقارانىڭ قاجەتىن ەسكەرە وتىرىپ قيىندىقتى شەشىپ، كۇماننان ارىلتىپ، قيسىنىن ايتىپ، سىندارلى اقىل - كەڭەس بەرۋ جانە ورتاق تانىمدى ۇيىستىرۋ جاقتارىندا كۇش ۇستەپ، ”ساياسي كەڭەسۋدى تۇسىنەتىن، اقىلداسا بىلەتىن، ۇكىمەت ىستەرىن اقىلداسۋعا شەبەر“ ساياسي كەڭەس مۇشەسى بولۋ كەرەك.
شينجياڭ كوركەمونەر تەاترحاناسى دراما ۇيىرمەسىنىڭ ورىنباسار باستىعى ۋاڭ فاڭ بىلاي دەدى: باس شۋجي شي جينپيڭنىڭ ماڭىزدى سوزىنەن ماعان ەڭ اسەر ەتكەنى تاماشا مورالمەن سالتقا جەتەكشىلىك ەتۋگە تاباندى بولۋ. بۇرىننان بەرى شينجياڭ كوركەمونەر تەاترحاناسى دراما ۇيىرمەسى حالىقتى وزەك ەتكەن جاسامپازدىق بەتالىسىنا تاباندى بولىپ، نەگىزگى اۋەندى اسقاقتاتىپ، وڭ ەنەرگيا تاراتۋدى نەگىزگى ولشەم ەتىپ، دراما تۋىندىلارىن جاراتتى، ورىندادى. ”بۇدان بىلاي ءبىز ءوز توپىراعىمىزعا تەرەڭ تامىر تارتىپ، داۋىرگە تەرەڭ بويلاپ، رەال تاقىرىپتا تۋىندى جاراتۋدى كۇشەيتىپ، يدەياسى تەرەڭ، كوركەمدىگى ورەلى، ساپالى جاسالعان جوعارى دەڭگەيدەگى ادەبيەت - كوركەمونەر تۋىندىلارىن جاراتىپ، ءار ۇلت كورەرمەندەرىنە ۇسىنىپ، اۆتونوميالى رايوننىڭ ادەبيەت - كوركەمونەر ىستەرىنىڭ كوركەيۋىن، دامۋىن جەبەۋىمىز كەرەك“.
باس شۋجي شي جينپيڭ سوزىندە: حالىق − جاسامپازدىقتىڭ قاينار كوزى، تەك حالىققا تەرەڭ تامىر تارتاتىن بولساق، جاسامپازدىق سوندا عانا الساڭ تاۋسىلمايتىن، ىستەتسەڭ سارقىلمايتىن قاينار بۇلاققا يە، - بولادى، - دەپ اتاپ كورسەتتى. مەملەكەتتىك حالىق قۇرىلتايىنىڭ ۋاكىلى ميھراي يبىرايىم بىلاي دەدى: بۇل حالىقتى وزەك ەتەتىن دامۋ يدەياسىن تولىق ايگىلەيدى. ءبي ونەرىنىڭ شابىتى، ءسوز جوق، حالىق بۇقاراسىنىڭ ومىرىنەن كەلەدى، سونىمەن بىرگە، حالىق بۇقاراسىنا قىزمەت وتەيدى. ”ادەبيەت - كوركەمونەر قىزمەتكەرى رەتىندە، مەن ءبي ونەرىنىڭ نازارياسى مەن امالياتىن تەرەڭ ۇشتاستىرىپ، جۇڭگوشا ەرەكشەلىككە يە ءبي ونەرىنىڭ جولىنان جازباي، حالىقتى وزەك ەتۋگە تاباندى بولىپ، جاڭا ءداۋىردىڭ ءبيشىسى بولىپ، سارا تۋىندىلارمەن جاڭا داۋىرگە جاۋاپ قايتارىپ، حالىققا ۇسىنامىن“، - دەدى ميھراي يبىرايىم.
( تىلشىلەرىمىز جاۋ جىيۇن، رىن جياڭ، چىن چياڭۋي، لي ياڭ، لي لي، فان حۇڭ - ي جازعان)
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
