بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

قاشقار كونەءشار اۋدانى توققۇزاق قالاشىعى اياقمەنگەن قىستاعى − 

قىستاقتىڭ وزگەرىستەرىن كورىپ تاۋىسا المايمىز، باقىتتى ىستەردى ايتىپ تاۋىسا المايمىز

ءتىلشىمىز جاڭ جىلي

2019.03.06 15:55     كەلۋ قاينارى : شينجياڭ گازەتى

  سىزدەردى كورۋگە كەلگەندەگى ماقساتىم پارتيانىڭ حالىققا ءتيىمدى ساياساتتارىنىڭ حالىق جۇرەگىنە تەرەڭ ۇيالاعان - ۇيالاماعاندىعىن، رولىن ساۋلەلەندىرگەن - ساۋلەلەندىرمەگەندىگىن تەكسەرۋ ءۇشىن ەدى. حالىق بۇقاراسىنىڭ ارمان - تىلەگىنە ۇيلەسەتىن ءىستىڭ ءبارى ءبىزدىڭ پارتيامىزدىڭ كۇرەس نىساناسى. پارتيانىڭ ساياساتىنىڭ دەمەۋىندە سىزدەردىڭ اناعۇرلىم باقىتتى تۇرمىس كەشىرۋلەرىڭىزگە تىلەكتەسپىن.

  − شي جينپيڭ

  كوكتەم باسىنداعى قاشقار كونەءشار اۋدانى توققۇزاق قالاشىعى اياقمەنگەن قىستاعىندا جۇك اۆتوموبيلى مەن سەمەنت ارالاستىرعىشتىڭ داۋىسى، تراكتور مەن ەلەكتروسيكلدىڭ داۋىسى، دابىل ءۇنى مەن كوڭىلدى كۇلكى اۋەندەرى قوسىلا دىر - دۋمانعا تولى اۋىل - قىستاق سيمفونياسىن اۋەلەتۋدە.

  قىستاق تۇرعىنى ابدۇقيۇم روزى بىلاي دەدى: وسى بىرنەشە جىلدا اياقمەنگەن قىستاعىنىڭ وزگەرىسى وتە تەز بولدى، كۇندە قىستاقتا تۇرساڭ دا كورىپ تاۋىسا المايسىڭ؛ باقىتتى مەيلىنشە سەزىندىك، ەلگە ايتىپ تۇگەتە المايسىڭ. وسىنىڭ بارلىعى ءۇشىن، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىقىلاستى قامقورلىعىنا العىس ايتامىز.

  2014 - جىلى 4 - ايدىڭ 28 - كۇنى تۇستەن بۇرىن شينجياڭدا قىزمەت تەكسەرىپ جۇرگەن باس شۋجي شي جينپيڭ اياقمەنگەن قىستاعىنا كەلىپ، كادرلار مەن بۇقاراعا امانداستى. باس شۋجي ابدۇقيۇم روزىنىڭ ۇيىندە بىلاي دەدى: ۇيلەرىڭنىڭ وسىنشاما ورەلى تۇرمىسىن كورىپ قاتتى قۋاندىم. سىزدەردى كورۋگە كەلگەندەگى ماقساتىم پارتيانىڭ حالىققا ءتيىمدى ساياساتتارىنىڭ حالىق جۇرەگىنە تەرەڭ ۇيالاعان - ۇيالاماعاندىعىن، رولىن ساۋلەلەندىرگەن - ساۋلەلەندىرمەگەندىگىن دالەلدەۋ ءۇشىن ەدى. حالىق بۇقاراسىنىڭ ارمان - تىلەگىنە ۇيلەسەتىن ءىستىڭ ءبارى ءبىزدىڭ پارتيامىزدىڭ كۇرەس نىساناسى. پارتيانىڭ ساياساتىنىڭ دەمەۋىندە سىزدەردىڭ اناعۇرلىم باقىتتى تۇرمىس كەشىرۋلەرىڭىزگە تىلەكتەسپىن.

  ■ ساياسات جاقسى، كىرىس كوپتەپ ارتتى، كەدەيلىكتەن ورنىقتى ارىلدى

  ”شارۋالاردىڭ كىرىسىن ارتتىرۋ ارناسى بارعان سايىن كەڭەيدى، قازىرگىدەي كىرىستى بۇرىن ويلاۋعا دا باتىلىمىز جەتپەيتىن“

  ”وسى اپتادا جۇمىسقا تولىق كەلدىڭ، جاساعان سىبىرتكىلەرىڭ الدىڭعى اپتاداعىمەن بىردەي كوپ بولدى، تاعى 550 يۋان الا الاسىڭ“. 3 - ايدىڭ 2 - كۇنى اياقمەنگەن قىستاعىنداعى ۋارىس قولونەر بۇيىمدارى شارۋالار كاسىپتىك سەلبەستىك كووپەراتيۆىندە، كووپەراتيۆتىڭ القا باستىعى داۋىتجان ابدۇرەيىم سىبىرتكى جاساپ جاتقان قىستاق تۇرعىنى مامەت يمىردى وسىلاي شابىتتاندىردى.

  ۋارىس قولونەر بۇيىمدارى شارۋالار كاسىپتىك سەلبەستىك كووپەراتيۆى 2016 - جىلى قۇرىلعان. بۇل كۇندەرى كووپەراتيۆكە تۇراقتى بارىپ جۇمىسقا شىعاتىن قىستاق تۇرعىندارىنان 50 نەشە ادام بار، ەڭبەكاقى اپتاسىنا ءبىر رەت ەسەپتەلەدى. 300 نەشە قىستاق تۇرعىنى ۇيىندە سىبىرتكى جاسايدى، كووپەراتيۆ ولاردىڭ ونىمدەرىن كەلىپ جيىپ كەتەدى.

  ءبىر سىبىرتكى جاساۋدىڭ ەڭبەكاقىسى از دەگەندە 5 يۋان، مامەت يمىر ءار كۇنى 20 − 25 سىبىرتكى جاسايدى، ايەلىنىڭ كىرىسىن قوسقاندا، ونىڭ وتباسىنىڭ جىلدىق كىرىسى بۇرىنعى تەك عانا ەگىن ەگۋدەن كىرگەن كىرىستەن 30 مىڭ يۋان ارتتى.

  ”پارتيانىڭ ساياساتى جاقسى، شارۋالاردىڭ كىرىسىن ارتتىرۋ ارناسى بارعان سايىن كەڭەيدى، قازىرگى كىرىستى بۇرىن اۋەلى ويلاۋعا باتىلىڭ جەتپەيتىن. بىلتىر كۇيەۋىم كاسىپورىندا جۇمىس ىستەپ 20 نەشە مىڭ يۋان كىرىس تاپتى، ۇيدە 38 قوي باعىپ، 30 نەشە مىڭ يۋان كىرىس كىرگىزدىك“، - دەدى قىستاق تۇرعىنى تۇرسۇنگۇل ءالي. 2016 - جىلدان بۇرىن ونىڭ وتباسىنىڭ ارحيۆ تۇرعىزىلىپ، كارتچكا بەرىلگەن كەدەي وتباسى ەكەندىگىن، سول كەزدە ءار ماۋسىم سايىن ەڭ تومەنگى تۇرمىستى قامتاماسىزداندىرۋ قاراجاتى ءۇشىن بەرىلەتىن 780 يۋاننان يگىلىكتەنگەنىنە قاناعاتتاناتىنىن تىلگە العاندا، تۇرسۇنگۇل ءسال ىڭعايسىزداندى.

  قىستاق تۇرعىنى ابدۇكەرىمجان روزى اسىلىندە اعاششىلىق ونەرىمەن تۇس - تۇسقا شاپقىلاپ جۇمىس ىستەپ، ماردىمسىز كىرىس تاۋىپ جۇرەتىن. 2015 - جىلى ول اسحانا اشىپ، ءۇي تاعامدارىن ارناۋلى شىعاردى، ساۋدا جاقسى كەزدە ءبىر كۇندە 2000 نەشە يۋان كىرىس كىرگىزدى. ول: ”ءبىز باس شۋجيدىڭ ىقىلاستى قامقورلىعىنا العىس ايتامىز، سوندىقتان قاجىرلىلىقپەن ەسەلەپ ەڭبەكتەنىپ، قۇلشىنا اقشا تابۋىمىز كەرەك. قازىر قىستاعىمىزدىڭ دامۋى تەز، قىستاق تۇرعىندارىنىڭ اقشا تابۋ جولى كوبەيدى، ءبارى دە بىلەك سىبانا قايراتتانا ىستەپ جاتىر“، - دەدى.

  قىستاق كادرلارى دا وسىلاي سەزىنۋدە ەدى. 2014 - جىلى قىستاق وداق ياچەيكاسىنىڭ شۋجيى بولعان، قازىر قىستاق پارتيا ياچەيكاسىنىڭ مۇشەسى نيساقىز مامەت تىلشىگە بىلاي دەدى: بۇكىل قىستاقتاعى ارحيۆ تۇرعىزىلىپ، كارتچكا بەرىلگەن 240 نەشە كەدەي وتباسى 2016 - جىلى تۇگەلدەي كەدەيلىكتەن ارىلدى، كەدەيلىكتەن ارىلتۋدى جەبەيتىن ساياساتتار وتە كوپ. باس شۋجي سول جىلى قىزمەت تەكسەرە كەلگەندە جۇمىسقا ورنالاستىرۋ قىزمەتىن مىقتى ۇستاۋ، جاقسى ۇستاۋ كەرەكتىگىن ايتقان بولاتىن، قازىر قىستاق حالقى سىرتقا شىعۋ نەمەسە ءۇي ماڭايىندا جۇمىس ىستەۋ، ەرەكشە ەگىنشىلىك، باعىمشىلىق قاتارلى الۋان ارنالار ارقىلى جۇمىسقا ورنالاستى.

  ■ ياچەيكا كۇشەيدى، ەگجەي - تەگجەيلى قىزمەت ەتتى، ارىنى اسقاقتادى

  ”ءتۇرلى قىزمەتتەر دابىرالى ورىستەتىلدى، ويتكەنى قىستاعىمىزدا پارمەندى جاۋىنگەرلىك قورعان بار“

  باس شۋجي شي جينپيڭ اياقمەنگەن قىستاعىندا قىزمەت تەكسەرگەندە: ”بىزدە پارمەندى نەگىزگى ساتى بيلىگى بولۋى كەرەك“، - دەپ اتاپ كورسەتتى. باس شۋجي قاسىنداعى كادرلارعا قىستاق پارتيا ياچەيكاسىن ويداعىداي قۇرۋدى تاپسىردى.

  اياقمەنگەن قىستاعى پارتيا ياچەيكاسىنىڭ شۋجيى تيان يشيۋ وزىنە تولىق سەنىممەن: ”اياقمەنگەن قىستاعىنىڭ ءتۇرلى قىزمەتتەرى دۋماندى ورىستەتىلدى، ويتكەنى قىستاعىمىزدا پارمەندى جاۋىنگەرلىك قورعان بار“، - دەدى.

  ”قىستاق پارتيا ياچەيكامىزدىڭ باسشىلىق القاسى مۇشەلەرىنىڭ ورتاشا جاسى 30 جاس اينالاسىندا، پۋتۇڭحۋانى جاقسى سويلەيدى، قىزمەتتى قۇلشىنا ىستەيدى، 2018 - جىلى قىستاق تۇرعىندارى ورتاعا قويعان ءبىر قىدىرۋ ماسەلەنىڭ بارلىعى سول جىلى شەشىلدى“، - دەدى تيان يشيۋ.

  كوكتەم كىرگەننەن بەرى قىستاقتىڭ قىزمەتى سان الۋان بولدى، قىستاق كادرلارى قاربالاس بولعانىمەن، ءوز قىزمەتتەرىنە وزدەرى جاۋاپتى بولىپ، جۇمىس تارتىبىمەن جۇرگىزىلدى. تيان يشيۋ بىلاي دەدى: كوپشىلىكتىڭ جۇمىس ءبولىسى وتە ايقىن، ءاربىر جۇمىسقا، ءاربىر قىزمەت وتەۋگە دەيىن تياناقتاندى. ايتالىق، بيىل قىستاق كەدەيلىكتەن ارىلتۋدىڭ ناتيجەسىن ونان ارى بەكەمدەۋ ءۇشىن، كوكونىس، گۇل، قولونەر بۇيىمدارى، قىزىل ساياحات سياقتى كاسىپ سالالارىن دامىتۋ كەرەك، ءاربىر قىستاق كادرى ءبىر كاسىپ سالاسىن ناقتىلى ۇستادى.

  ”ۇعىسۋ، تيىمدىلىك جاساۋ، توعىستىرۋ“ قيمىلى بويىنشا قىستاقتا تۇرعان قىزمەت اترەتىنىڭ مۇشەلەرى دە قاربالاستىققا ءتۇستى. سوڭعى كۇندەرى قىزمەت اترەتى قىستاقتىڭ كوكتەمگى ەگىس دايىندىعى، ەڭبەككۇشتەردى باسقا سالاعا ويىستىرۋ، شارۋا وتباسىلارىنىڭ اۋلا ورتاسىن رەتتەۋ - تۇزەۋ، شارۋالاردى كەشكى مەكتەپتە تاربيەلەۋ سياقتى قىزمەتتەرىنە كومەكتەسسە، ەندى ءبىر جاعىنان، شىنجىن قالالىق انا - بالا ىستەرىن دامىتۋ قورى قوعامىنىڭ انا - نارەستە بۇيىمدارىن جىلۋعا اتاۋ سالتىن جانە ”ۇلتتار ىنتىماعىنىڭ بەرەكەلى شاڭىراعى“ بىرلەسكەن دوستىق قيمىلىن ۇيىمداستىرىپ وتكىزدى.

  اۆتونوميالى رايوندىق پارتكوم پارتيا مەكتەبىنىڭ ”ۇعىسۋ، تيىمدىلىك جاساۋ، توعىستىرۋ“ قيمىلى بويىنشا اياقمەنگەن قىستاعىندا تۇرعان قىزمەت اترەتىنىڭ باستىعى، ءبىرىنشى شۋجيى شىن دىيىڭ بىلاي دەدى: ءبىز قىستاق تۇرعىندارىنىڭ كۇتىپ وتىرۋ، يەك سۇيەۋ، سۇراۋ يدەياسىنان بىرتىندەپ ايىعىپ، العىس ايتۋ تانىمىنىڭ ۇزدىكسىز كۇشەيگەندىگىن كورىپ ىشتەي قاتتى قۋاندىق.

  اياقمەنگەن قىستاق تۇرعىندار كوميتەتىنىڭ قارسىسىندا توققۇزاق قالاشىق سەنترلى باستاۋىش مەكتەبى بار، ەسىكتەن كىرىسىمەن باس شۋجي شي جينپيڭنىڭ سول جىلى وقىتۋشى - وقۋشىلارمەن بىرگە تۇسكەن سۋرەتى كوزگە شالىنادى. وسى مەكتەپتىڭ پارتيا ياچەيكا شۋجيى ياۋ حۇڭيۇي بىلاي دەدى: ”مەكتەپتىڭ وقىتۋشىلار قوسىنى بىرتىندەپ كۇشەيدى، وقىتۋشىلار ىقىلاس قويىپ، وقۋشىلاردىڭ رۋحى كوتەرىلىپ، مەكتەپ اۋلاسىنان بەلسەنە العا باسۋدىڭ قويۋ لەبى ەستى“.

  ■ جول كەڭەيدى، قوزعاۋشى كۇش تولىقتاندى، سەزىم اسقاقتادى

  ”اۋقاتتانۋعا جەتەكشىلىك ەتۋشى رەتىندە، مەن گۇل ەگۋ - باپتاۋ تەحنيكاسىن باستاماشىلدىقپەن ۇيرەنۋىم كەرەك“

  ابدۇقيۇم روزى وتباسىنىڭ ۇلكەن قاقپاسىندا ”باعىمشىلىقتان ۇلگى كورسەتۋ وتباسى“ دەگەن تاقتا ءىلۋلى تۇر، جاقىننان بەرى ول تاعى گۇل ەگۋ - باپتاۋ تەحنيكاسى جايلى ىزدەنىپ ءجۇر ەكەن. ول اۋلاداعى ۇلكەن جىلىجايدا ءتىزىلىپ تۇرعان روزا، تاس الما، جۇنزىلان سياقتى گۇلدەردى نۇسقاي تىلشىگە: ”باس شۋجي ءبىزدىڭ تۇرمىسىمىزدىڭ بارعان سايىن باقىتتى بولۋىن ءۇمىت ەتتى، مەن ورايدى قولدان جىبەرمەي كىرىسىمدى ارتتىرىپ، اۋقاتتانۋىم كەرەك. بيىل قىستاعىمىز گۇل كاسىبىن دامىتادى، اۋقاتتانۋعا جەتەكشىلىك ەتۋشى رەتىندە، مەن گۇل ەگۋ - باپتاۋ تەحنيكاسىن باستاماشىلدىقپەن ۇيرەنۋىم كەرەك“، - دەدى.

  قىستاقتاعى كەيبىر شارۋالاردىڭ اۋلاسى كەڭ، قىستاق كادرلارى وسى شارۋالارعا ”كاسىپورىن + سەلبەستىك كووپەراتيۆى + شارۋا“ فورماسىمەن گۇل ەگۋ كاسىبىنە قاتىناسۋ جونىندە ۇسىنىس بەردى. كوپشىلىكتىڭ گۇل بازاسىندا جۇمىس ىستەۋىنە بولادى، جارنا قوسىپ پايدا بولىسۋىنە دە بولادى. قىستاق تۇرعىنى ابدۇعيني تۇرسىن ءۇيىن وزگەرتۋمەن ابىگەرلەنىپ جاتتى، قىستاقتىڭ ساياحات جوباسىنا ساي، ول گۇل كاسىبىنە سۇيەنىپ شارۋالار شاتتىعى ساياجايىن اشپاقشى ەكەن.

  گۇلىستان سىدىق توققۇزاق قالاشىق سەنترلى باستاۋىش مەكتەپتىڭ وقىتۋشىسى، قازىر اياقمەنگەن قىستاعىندا نەگىزگى ساتى قىزمەتىن ىستەيدى. ول ءتىلشىنى ەرتىپ قىستاقتاعى وتانشىلدىق تاربيە بازاسىن ەكسكۋرسيالاعان كەزدە: ”مىنا سۋرەتتەردى كورىپ اياقمەنگەن قىستاعىندا قانشالىقتى ۇلكەن وزگەرىس بولعاندىعىن، قىستاق تۇرعىندارىنىڭ كەدەيلىكتەن ارىلىپ، اۋقاتتانۋ قوزعاۋشى كۇشىنىڭ قانشالىقتى جەتكىلىكتى ەكەندىگىن بىلەسىز“، - دەدى.

  سۋرەتتەردىڭ الدىندا گۇلىستان سىدىق سول كەزدە باس شۋجيمەن بىرگە تۇسكەن بالالاردىڭ جاعدايىن تانىستىردى، ولاردىڭ كەيبىرەۋى اۋداندىق ورتا مەكتەپكە قابىلدانسا، كەيبىرەۋى ىشكى ولكەلەردەگى شينجياڭ تولىق ورتا كلاسىنا قابىلداندى؛ ماڭايداعى قىستاق تۇرعىندارىنىڭ اياقمەنگەن قىستاعىنا كەلىپ جۇمىس ىستەۋ نەمەسە ۇيرەنۋ جاعدايىن ءتۇسىندىردى؛ ساۋدا رايونىنىڭ دۋماندى كورىنىسىن تانىستىردى، ءسوز لامىنەن وزىنە دەگەن تولىق سەنىم بايقالادى.
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار