بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

شي جينپيڭ ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقاندا مىنانى باسا دارىپتەدى

ەكولوگيالىق وركەنيەت قۇرىلىسىن كۇشەيتۋدەگى ستراتەگيالىق تاباندىلىقتى ساقتاپ، وتانىمىزدىڭ سولتۇستىك الابىنداعى وسى كوركەم كورىنىس جەلىسىن ويداعىداي قورعايىق

2019.03.07 15:34     كەلۋ قاينارى : شينجياڭ گازەتى

  شينحۋا اگەنتتىگىنىڭ 3 - ايدىڭ 5 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 5 - كۇنى تۇستەن كەيىن ءوزى تۇرعان 13 - كەزەكتى مەملەكەتتىك حالىق قۇرىلتايىنىڭ 2 - ماجىلىسىندەگى ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقاندا مىنانى باسا دارىپتەدى: ەكولوگيالىق وركەنيەت قۇرىلىسىن كۇشەيتۋدەگى ستراتەگيالىق تاباندىلىقتى ساقتاپ، ەكولوگيانى الدىمەن ەسكەرۋدى، جاسىل دامۋدى باعدار ەتكەن جوعارى ساپالى دامۋدىڭ جاڭا جولىن قاراستىرىپ، ەكولوگيالىق جۇيەنى قورعاۋ تەبىنىن ارتتىرىپ، لاستانۋدان ساقتانۋدان جانە ونى تىزگىندەۋدەن قامال الۋ شايقاسىن ويداعىداي جۇرگىزىپ، وتانىمىزدىڭ سولتۇستىك الابىنداعى وسى كوركەم كورىنىس جەلىسىن ويداعىداي قورعايىق.

  شي جينپيڭ ءماجىلىس زالىنا كىرگەندە تۇتاس زالداعىلار ورىندارىنان تۇرىپ، قىزۋ شاپالاق سوقتى. ەۆنكى ۇلتىنىڭ ۋاكىلى شي جينپيڭگە كوك ءتۇستى حادا ۇسىنىپ، ىشكى موڭعۇلداعى ءار ۇلت بۇقاراسىنىڭ پارتيا ورتالىق كوميتەتى مەن باس شۋجيگە دەگەن قۇرمەتىن ءبىلدىردى. شي جينپيڭ ولارعا العىس ايتتى ءارى ولارعا ءار ۇلت كادرلارى مەن بۇقاراعا ىقىلاستى سالەمىن جەتكىزۋدى تاپسىردى.

  جاڭ جيشين، يۇي ليشين، لي يۇيلياڭ، سو شۋحۇي، ۋ يۇنبو، جاۋ جياڭتاۋ، ليۋ ياشىڭ، گۇڭ ميڭجۋ قاتارلى 8 ۋاكىل جەكە - جەكە نەگىزگى ساتى كادرلارىنىڭ ”سەركەلىك“ رولىن ساۋلەلەندىرۋ، ەكولوگيالىق ورتانى قورعاۋدى كۇشەيتۋ، حالىقتىق شارۋاشىلىقتى دامىتۋ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ، بايلىقتان پايدالانۋ ونىمدىلىگىن جوعارىلاتۋ، سالماقتى ناۋقاستاردى ەڭ تومەنگى شەكتەن تۇسىرمەي قامتاماسىزداندىرۋ مەحانيزمىن كەمەلدەندىرۋ، وسى زامانعى ەنەرگيالىق ەكونوميكا قۇرۋ سياقتى ماسەلەلەر جونىندە ءسوز سويلەدى. شي جينپيڭ ءالسىن - ءالى كوپشىلىكپەن پىكىر اۋىستىرىپ، ەڭ سوڭىندا ءسوز سويلەدى.

  شي جينپيڭ الدىمەن مىنانى ءبىلدىردى: ۇكىمەت قىزمەتىنەن بايانداما جاڭا داۋىردەگى جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ايگىلەدى، پارتيا ورتالىق كوميتەتىنىڭ بيىلعى قىزمەتتەر جونىندەگى جالپىلىق ورنالاستىرۋىن جانە تالاپتارىن ايگىلەدى، بۇكىلدەي قۇپتايمىن.

  شي جينپيڭ ىشكى موڭعۇلدىڭ ءبىر جىلدان بەرگى قىزمەتتەرىن تولىق تۇراقتاندىردى، ىشكى موڭعۇلداعى جولداستاردان پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، جاڭا دامۋ ۇستانىمىن دايەكتىلەندىرىپ، تياناقتاندىرىپ، قىزمەتتى ورنىقتىلىق بارىسىندا ىلگەرىلەتۋ سىندى جالپى ارنادان جازباي، جوعارى ساپالى دامۋ تالابىنا ساي، ورنىقتىلىق پەن العا ىلگەرىلەتۋدىڭ ديالەكتيكالىق قاتىناسىن دۇرىس ءبىر جاقتى ەتىپ، ارتۋدى ورنىقتىرۋدىڭ، رەفورمانى جەبەۋدىڭ، قۇرىلىمدى رەتتەۋدىڭ، حالىق تۇرمىسىنا تيىمدىلىك جاساۋدىڭ، حاۋىپ - قاتەردەن ساقتانۋدىڭ، ورنىقتىلىقتى ساقتاۋدىڭ ءتۇرلى قىزمەتتەرىن ءبىر تۇتاس جوسپارلاپ ىلگەرىلەتىپ، پارتيانى جاپپاي قاتاڭ جونگە سالۋدى ىلگەرىلەتىپ، ەكونوميكانىڭ باياندى اقاۋسىز دامۋىن جانە قوعامدىق جالپى جاعدايدىڭ ورنىقتىلىعىن ساقتاپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتىپ، جاڭا جۇڭگو قۇرىلعاندىعىنىڭ 70 جىلدىعىن ۇزدىك ناتيجەمەن قۇتتىقتاۋدى ءۇمىت ەتتى.

  شي جينپيڭ بىلاي دەپ باسا دارىپتەدى: پارتيا 18 - قۇرىلتايىنان بەرى پارتيامىزدىڭ ەكولوگيالىق وركەنيەت قۇرىلىسى جونىندەگى يدەياسى ۇزدىكسىز بايىدى جانە كەمەلدەندى. ”بەستى ءبىر تۇلعالاندىرۋ“ جالپى تۇلعالىق ورنالاستىرۋىنىڭ بىرەۋى − ەكولوگيالىق وركەنيەت قۇرىلىسى، جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ نەگىزگى جالپى جوباسىندا ادام مەن تابيعاتتىڭ جاراسىمدى قاتار تۇرۋىنا تاباندى بولۋ − ءبىر نەگىزگى جالپى جوبا، جاڭا دامۋ ۇستانىمىنىڭ ىشىندە جاسىل − ءبىر كەلەلى ۇستانىم، ءۇش ءىرى قامال الۋ شايقاسىندا لاستانۋدان ساقتانۋ جانە ونى تىزگىندەۋ − ءبىر ءىرى قامال الۋ شايقاسى. وسى ”ءتورت ءبىر“ پارتيامىزدىڭ ەكولوگيالىق وركەنيەت قۇرىلىسىنىڭ زاڭدىلىعىن يگەرۋىن ايگىلەدى، ەكولوگيالىق وركەنيەت قۇرىلىسىنىڭ جاڭا داۋىردەگى پارتيا مەن مەملەكەت ىستەرىنىڭ دامۋىنداعى ورنىن ايگىلەدى، پارتيانىڭ ەكولوگيالىق وركەنيەت قۇرۋ جونىندەگى ورنالاستىرۋلارى مەن تالاپتارىن ايگىلەدى. جەر - جەر، تاراۋلار مۇقيات دايەكتىلەندىرىپ، تياناقتاندىرىپ، ەلىمىزدىڭ ەكولوگيالىق وركەنيەت قۇرىلىسىنىڭ تىڭ ساتىعا قادام باسۋىن قۇلشىنا جەبەۋ كەرەك.

  شي جينپيڭ مىنانى اتاپ كورسەتتى: ىشكى موڭعۇلدىڭ ەكولوگيالىق جاعدايىنىڭ قانداي بولۋى تۇتاس رايونداعى ءار ۇلت بۇقاراسىنىڭ تىرشىلىگى مەن دامۋىنا قاتىستى بولۋمەن بىرگە، حۋابەيدىڭ، شىعىس سولتۇستىكتىڭ، باتىس سولتۇستىكتىڭ، اۋەلى، بۇكىل ەلدىڭ ەكولوگيالىق حاۋىپسىزدىگىنە دە قاتىستى. ىشكى موڭعۇلدى ەلىمىزدىڭ سولتۇستىگىندەگى ماڭىزدى ەكولوگيالىق حاۋىپسىزدىك قالتقى ەتىپ قۇرىپ شىعۋ بۇكىل ەلدىڭ دامۋ جالپى جاعدايىن تياناق ەتىپ تۇراقتاندىرعان ستراتەگيالىق تياناق ءارى ىشكى موڭعۇلدىڭ، ءسوز جوق، سانالى تۇردە ارقالايتىن كەلەلى جاۋاپكەرشىلىگى. ەلىمىزدىڭ سولتۇستىگىندەگى ماڭىزدى ەكولوگيالىق حاۋىپسىزدىك قالتقىسىن ورناتىپ، وتانىمىزدىڭ سولتۇستىك الابىنداعى وسى كورىنىس جەلىسىن اناعۇرلىم كورىكتى ەتىپ قۇرۋدا، ءسوز جوق، اناعۇرلىم زور بەكىممەن ءتىپتى دە جاپالى قۇلشىنىس جاساۋعا تۋرا كەلەدى.

  شي جينپيڭ بىلاي دەپ باسا دارىپتەدى: ەكولوگيالىق وركەنيەت قۇرىلىسىن كۇشەيتۋدەگى ستراتەگيالىق تاباندىلىقتى ساقتاۋ كەرەك. ەكولوگيالىق ورتانى قورعاۋ مەن ەكونوميكانى دامىتۋ، تۇبىرىنەن العاندا، جاندى بىرلىككە يە، ءبىرىن - ءبىرى كەمەلدەندىرەدى. ەكونوميكالىق دامۋ ازعانتاي قيىنشىلىققا جولىقسا بولدى، جاڭا جۇمىس باستاۋ، نىساندى جولعا قويۋ، قورشاعان ورتانى قۇرباندىققا شالۋ ارقىلى ەكونوميكالىق ارتۋعا قول جەتكىزۋ ويىندا بولۋعا بولمايدى، ەكولوگيانى قورعاۋ قىزىل سىزىعىنان امالداپ اتتاۋعا تىپتەن بولمايدى. ەلىمىزدىڭ ەكونوميكاسى جوعارى جىلدامدىقتى ارتۋ كەزەڭىنەن جوعارى ساپالى دامۋ كەزەڭىنە بۇرىلىس جاساۋ بارىسىندا لاستانۋدان ساقتانۋ، جونگە سالۋ جانە قورشاعان ورتانى جونگە سالۋ اسىپ وتۋگە ءتيىستى ءبىر ماڭىزدى وتكەل. ءبىز، ءسوز جوق، توزىمدىلىك كورسەتىپ، وسى اسۋدان اسۋىمىز، وسى قىردان اتتاپ ءوتۋىمىز كەرەك. ەكولوگيالىق ورتانى قورعاۋ قۇرىلىسىن كۇشەيتۋدىڭ تۇراقتىلىعىن ساقتاپ، اۋىتقىماۋ، بوساڭسىماۋ، اقاۋ شىعارماۋ كەرەك.

  شي جينپيڭ بىلاي دەپ اتاپ كورسەتتى: ەكولوگيانى الدىمەن ەسكەرۋدى، جاسىل دامۋدى باعدار ەتكەن جوعارى ساپالى دامۋدىڭ جاڭا جولىن قاراستىرۋ كەرەك. جاڭا دامۋ ۇستانىمىن دايەكتىلەندىرىپ، ەكونوميكالىق دامۋ مەن ەكولوگيالىق ورتانى قورعاۋ قۇرىلىسىنىڭ قاتىناسىن ءبىر تۇتاس ويداعىداي جوسپارلاپ، ستراتەگيالىق ورىن تۇراقتاندىرۋعا ۇيلەسەتىن، ىشكى موڭعۇلدىڭ ەرەكشەلىگىن ايگىلەيتىن، ەكولوگيانى الدىمەن ەسكەرۋدى، جاسىل دامۋدى باعدار ەتكەن جوعارى ساپالى دامۋدىڭ جاڭا جولىن قۇلشىنا قاراستىرۋ كەرەك. تومەنگى شەكتىك ويلاۋعا تاباندى بولىپ، مەملەكەت جەرى كەڭىستىگى جوباسىن نەگىز ەتىپ، قالا - قالاشىقتىڭ، اۋىل شارۋاشىلىعىنىڭ، ەكولوگيالىق كەڭىستىكتىڭ جانە ەكولوگيانى قورعاۋدىڭ قىزىل سىزىعىن، ماڭگىلىك نەگىزگى ەگىنجايدى قورعاۋ قىزىل سىزىعىن، قالا - قالاشىقتاردى اشۋ شەكاراسىن ەكونوميكالىق قۇرىلىمدى رەتتەۋدە، كاسىپ سالاسىنىڭ دامۋىن جوبالاۋدا، قالا - قالاشىقتاندىرۋدى ىلگەرىلەتۋدە اتتاپ وتۋگە بولمايتىن قىزىل سىزىق ەتىپ، ءوز جەرىنىڭ بايلىق قاسيەتى ەرەكشەلىگىن تياناق ەتىپ، ءوز جەرىنىڭ باسىمدىعى مەن ەرەكشەلىگىن ايگىلەۋ كەرەك.

  شي جينپيڭ بىلاي دەپ باسا دارىپتەدى: ەكولوگيالىق جۇيەنى قورعاۋ تەبىنىن ارتتىرۋ كەرەك. ىشكى موڭعۇلدىڭ ورمان، جايلىم، سازدىق، وزەن، كول، ءشول سياقتى الۋان ءتۇرلى جاراتىلىستىق فورماتسياسى بار، ول ۇزاق ۋاقىت قالىپتاسقان جالپىلىق سيپاتتى ەكولوگيالىق جۇيە، ەكولوگيانى قورعاۋ مەن قالپىنا كەلتىرۋدە، ءسوز جوق، جالپىلىق جونگە سالۋ كەرەك. جايلىمدى، ورماندى قورعاۋ ىشكى موڭعۇلدىڭ ەكولوگيالىق جۇيەسىن قورعاۋدىڭ ماڭداي الدى مىندەتى. ءسوز جوق، ەكولوگيالىق جۇيەنىڭ ىشكى قۇرىلىمىنا جانە زاڭدىلىعىنا بويسۇنىپ، تابيعي قالپىنا كەلۋدى نەگىز ەتۋ باعىتىنا تاباندى بولىپ، جەرگىلىكتى جاعدايعا قاراي شارا قولدانىپ، تۇرلەر بويىنشا شارا اتقارىپ، باعىتتامالىلىقتى، جۇيەلىلىكتى، ۇزاق ونىمدىلىكتى نىعايتۋ كەرەك.

  شي جينپيڭ بىلاي دەپ اتاپ كورسەتتى: لاستانۋدان ساقتانۋدان جانە ونى جونگە سالۋدان قامال الۋ شايقاسىن ويداعىداي جۇرگىزۋ كەرەك. حالىق بۇقاراسىنىڭ اڭىسى كۇشتى بولعان كورنەكتى قورشاعان ورتا ماسەلەسىن ويداعىداي شەشۋ − ءارى حالىق تۇرمىسىنا قاتىستى قورشاعان ورتانى جاقسارتۋدىڭ كوكەي تەستى قاجەتى، ءارى ەكولوگيالىق وركەنيەت قۇرىلىسىن كۇشەيتۋدىڭ شۇعىل مىندەتى. قامال الۋدىڭ سەرپىنى مەن تەبىنىن ساقتاپ، ”بىتىراندى، جۇيەسىز، لاستاۋشى“ كاسىپورىنداردى باتىل جونگە سالىپ، ءتۇيىندى وڭىرلەردىڭ اتموسفەرا ورتاسىن جالپىلىق رەتتەۋ - وڭاۋدى ۇزدىكسز ىلگەرىلەتىپ، قالا - قالاشىقتاردا، اشۋ رايونىندا، ونەركاسىپ باقشا رايونىندا لاس سۋلاردى ءبىر جاقتى ەتەتىن قۇرىلعى قۇرىلىسىن تەزدەتىپ، اۋىل - قىستاقتاردىڭ، مال شارۋاشىلىق رايوندارىنىڭ قونىس ورتاسىن رەتتەۋ - وڭاۋدى ىشكەرىلەي ىلگەرىلەتۋ كەرەك. ىشكى موڭعۇلدىڭ حۋلۇنحۋىنىڭ، ۋلياڭسۋحايىنىڭ، داڭحايىنىڭ ەكولوگياسىن جالپىلىق جونگە سالۋدى ويداعىداي يگەرىپ، اۋرۋىنا قاراي ءدارى بەرىپ، تياناقتاندىرۋدى شىنايى ويداعىداي يگەرۋ كەرەك.

  شي جينپيڭ بىلاي دەپ باسا دارىپتەدى: بيىل − جاڭا جۇڭگو قۇرىلعاندىعىنىڭ 70 جىلدىعى، ەكونوميكانىڭ باياندى، اقاۋسىز دامۋىن جانە قوعامدىق جالپى جاعدايدىڭ ورنىقتىلىعىن ساقتاۋدىڭ مىندەتى ەرەكشە اۋىر. ىشكى موڭعۇل ءتۇرلى قىزمەتتەردى تىڭعىلىقتى ويداعىداي ىستەپ، ەكونوميكانىڭ ورنىقتى اينالىمىنا كەپىلدىك ەتىپ، كەدەيلىكتەن ارىلتۋدان قامال الۋ شايقاسىن ويداعىداي جۇرگىزىپ، حالىق تۇرمىسىن قامتاماسىز ەتۋ دەڭگەيىن ورنىقتى جوعارىلاتىپ، ءار ۇلتتىڭ ورتاق گۇلدەنۋىن، دامۋىن جەبەپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.

  شي جينپيڭ بىلاي دەپ اتاپ كورسەتتى: وتكەندە پارتيامىز قاجىرلى كۇرەس جاساۋعا، ۇقىپتى، ۇنەمشىل بولۋعا سۇيەنىپ ۇلى ىستەردەن ۇزدىكسىز ناتيجە شىعاردى، قازىر ءبىز ءالى دە وسىنداي يدەيا ارقىلى قىزمەتكە جەتەكشىلىك ەتۋىمىز كەرەك. ءىشىپ - جەۋدەن تارىقپاۋ، كيىم - كەشەكتەن تارىقپاۋ جوسپارى تياناقتانباسا ءومىر بويى تارىعىپ وتەسىڭ. پارتيا مەن ۇكىمەتتىڭ باستاماشىلدىقپەن ۇنەمشىلدىك تۇرمىس كەشىرۋدەگى ماقساتى بۇقارانى تاماشا تۇرمىسقا كەنەلتۋ ءۇشىن، مۇنى پارتيامىزدىڭ تۇپكى ماقساتى مەن سيپاتى بەلگىلەگەن. مەيلى ەلىمىز دامىپ قايسى ورەگە جەتسىن، مەيلى حالىقتىڭ تۇرمىسى جاقسارىپ قايسى دەڭگەيگە جەتسىن، قاجىرلى كۇرەس جاساۋ، ۇقىپتى، ۇنەمشىل بولۋ يدەياسىن ءومىر بويى جوعالتۋعا بولمايدى. قاجىرلى كۇرەس جاساۋ، ۇقىپتى، ۇنەمشىل بولۋ ءبىزدىڭ جولدان جازباۋىمىزدىڭ، دامىپ - زورايۋىمىزدىڭ ماڭىزدى كەپىلى بولۋمەن بىرگە، ءبىزدىڭ الدىڭعىلاردىڭ ءىزىن باسىپ، بولاشاققا جول اشۋىمىزدىڭ، تاعى دا شۇعىلالى ناتيجە جاراتۋىمىزدىڭ ماڭىزدى كەپىلى.
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار