بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

كەريا اۋدانى ارال اۋىلى بەستوعىراق قىستاعى −

جەرگىلىكتى جاعدايعا قاراي دامۋعا تالپىندى، راۋشانگۇلىنىڭ حوش ءيىسى شار تاراپقا تارادى

ءتىلشىمىز سۇي يۇنيان

2019.03.08 16:38     كەلۋ قاينارى : شينجياڭ گازەتى

  وڭتۇستىك شينجياڭدى دامىتۋدا جەرگىلىكتى جاعدايمەن ساناسا ءبىلۋ كەرەك، استىق، ماقتا، جەمىس شارۋاشىلىعى، جايلىم شارۋاشىلىعى جانە مال شارۋاشىلىعى باسىم كوپ ساندى ەگىنشى وتباسىن قامتىدى، شارۋالارعا وزىق ءوندىرىس تەحنيكاسى مەن بازار تيجارات ءتاسىلىن ۇيرەتىپ، ەگىنشىلەردىڭ كىرىسىن ارتتىرۋعا دەم بەرۋ كەرەك.− شي جينپيڭ

  2 - ايدىڭ 16 - كۇنى تۇستەن بۇرىن كەريا اۋدانى كۇننىڭ شۇلەن شۋاعىنا بولەندى، جەر ءالى كوگەرمەگەنىمەن كوكتەمنىڭ جىلى لەبى ەسەدى. كەريا اۋدانى ارال اۋىلى بەستوعىراق قىستاعىنىڭ تۇرعىنى ارزىگۇل ءسىلام ەسىك الدىندا تۇرىپ قارسى الدىنداعى جەرىنە كوز سالىپ، دايىنداعان تىڭايتقىشىنىڭ جەتەتىن - جەتپەيتىنىن مولشەرلەدى. بىرنەشە كۇننەن كەيىن قىستا جەرگە كومىپ قويعان راۋشانگۇلىن قازىپ الماق.

  جەرگىلىكتى ورىنداعى جىنتىكتەي مانەرلەۋ كاسىپورىندارىنا سۇيەنۋ ارقىلى ارزىگۇل راۋشانگۇل ەگىپ، كاسىپ سالالاندىرىپ دامۋ جولىنا ءتۇستى، كەدەيلىككە قوش ايتقان ونىڭ بولاشاقتاعى تۇرمىسى اناعۇرلىم جاقسارادى. بۇل جەرگىلىكتى ورىننىڭ باس شۋجي شي جينپيڭنىڭ ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، جەرگىلىكتى جاعدايعا قاراي كاسىپتى دامىتىپ، ەگىنشىلەردىڭ كەدەيلىكتەن ارىلىپ، كىرىسىن ارتتىرۋىنا كومەكتەسۋىنىڭ جاندى امالياتى.

  ■راۋشانگۇلى قۇلپىرىپ باقىت اكەلدى

  ”راۋشانگۇلدى جىنتىكتەي مانەرلەۋ كاسىپ سالاسىن بارىنشا دامىتىپ، جەرگىلىكتى ورىنداعى ەگىنشىلەردىڭ كىرىسىن ارتتىرۋعا جەتەكشىلىك ەتتى“.

  بەستوعىراق قىستاعى قۇمدى ءشولدىڭ جيەگىنە، كەريا وزەنىنىڭ بويىنا ورنالاسقان، جەرگىلىكتى ادامدار راۋشانگۇل ەگۋدى ادەتكە اينالدىرعان. ارزىگۇلدىڭ اتا - اجەسى، اكە - شەشەسى راۋشانگۇل ەگۋمەن شۇعىلدانعان، ول ۇيلەنگەننەن كەيىن دە جۇبايىمەن بىرگە راۋشانگۇل ەكتى.

  راۋشانگۇلىنەن نە جاساۋعا بولادى؟ كەلەر جىلعا دەيىن جەپ تاۋىسقىسىز راۋشانگۇل قايناتپاسىنان، دەمدەپ تاۋىسقىسىز راۋشانگۇل شايىنان باسقا ەشتەڭە جاساۋعا بولمايدى. تۋىس - تۋعان، دوس - جاراندارى دا ەگەتىندىكتەن، ول ونى سيعا تارتا دا المايدى. ول كەزدە راۋشانگۇلى قىستاقتا جىم - جىلاس اشىلىپ، قىستاقتاعىلارعا عانا حوش ءيىسىن شاشا الاتىن.

  بۇگىنگى كۇنى، ارزىگۇل اقشاعا ەڭ جارايتىن راۋشانگۇلدى ەكتى، بۇل جەردە راۋشانگۇلدى وڭدەيتىن كاسىپ سالاسى بولعاندىقتان، جاپ - جاڭا گۇل قاۋىزى مەن بايشەشەگى جوعارى باعاعا ساتىلدى. ءونىم الاتىن مەزگىلدە جەرگىلىكتى ورىنداعى باستاماشى كاسىپورىن − شينجياڭ كەريا گۇيمي بيوتەحنيكا شەكتى جارنا سەرىكتەستىگى جانە حوتان ايماعىنداعى راۋشانگۇل وڭدەۋ كاسىپورىندارى راۋشانگۇلدى ساتىپ الۋعا ادام جىبەردى، ارزىگۇل وتباسىنىڭ 4 مۋ جەرى بىلتىر راۋشانگۇل ەگۋدىڭ وزىنەن 45 مىڭ يۋان كىرىس كىرگىزدى.

  باس شۋجي شي جينپيڭ بىلاي دەپ اتاپ كورسەتتى: جەرگىلىكتى ورىننىڭ جاعدايىمەن ساناسىپ، كاسىپ سالاسىن جەتىلدىرۋدى كەدەيلىكتەن ارىلتۋدان قامال الۋدى ىلگەرىلەتۋدىڭ ءتۇبىرلى جولى ەتۋ كەرەك. مەملەكەتتىك حالىق قۇرىلتايىنىڭ ۋاكىلى، شينجياڭ كەريا گۇيمي بيوتەحنيكا شەكتى جارنا سەرىكتەستىگىنىڭ باس ديرەكتورى ادىل ابدۇرازاق بىلاي دەدى: كاسىپورنىمىز راۋشانگۇلدى ىشكەرىلەي وڭدەۋ كاسىبىن بارىنشا دامىتۋ ارقىلى جالپى ءونىم كاسىپ تىزبەگىن قۇرىپ، جەرگىلىكتى ەگىنشىلەردىڭ كىرىسىن ارتتىرۋعا جەتەكشىلىك ەتتى.

  ادىل بىلاي دەدى: سەرىكتەستىگىمىزدىڭ ونىمدەرى راۋشانگۇل حوش ءيىستى زاتتار، ازىق - تۇلىك، ساندىك بۇيىمدار، ءدارى - دارمەك، كۇندەلىكتى بۇيىمدار بويىنشا ءبىر تۇلعالانعان، گۇل شايى، ەفير مايى، تازا ءسول سياقتى 58 ءتۇرلى ءونىم جەلىدە جانە جەلىدەن تىس ەكى ارنامەن شينجياڭنىڭ ءىشى - سىرتىنا ساتىلادى.

  ”جەرگىلىكتى ورىننىڭ توپىراعىندا وسكەن راۋشانگۇلدىڭ ءتۇسىمى مول، دارىلىك رولى جاقسى“، - دەدى ادىل. ارزىگۇل مەن قىستاق تۇرعىندارى ەككەن راۋشانگۇلدىڭ ”ءشول ءجازيرا راۋشانگۇلى“ دەگەن اسەم اتى بار، ارزىگۇل راۋشانگۇلدىڭ وسىنشاما قۇندى بولارىن ويلاماعان.

  ”ءبىز باس شۋجي شي جينپيڭنىڭ شينجياڭدا قىزمەت تەكسەرگەندە سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، راۋشانگۇلى كاسىپ سالاسىن دامىتۋداعى ارتىقشىلىققا سۇيەنىپ، ءتىپتى كوپ قىستاق تۇرعىندارىن كەدەيلىكتەن ارىلىپ بايۋعا باستاپ، كەدەيلىكتەن ارىلتۋدان قامال الۋ شايقاسىن جەڭىستى جۇرگىزۋگە ءتيىستى ۇلەس قوسامىز“، − دەدى ادىل سەنىممەن.

  ■ ەگىنشىلەر مەن بازار ۇشتاستى

  ”كاسىپ سالاسى دامىدى، كوزبەن كورىپ، قولمەن ۇستاۋعا بولاتىن كىرىس ەڭ يلاندىرىمدى“

  كەريا اۋدانىندا قازىر راۋشانگۇل ەگىلەتىن جەر اۋماعى 44 مىڭ مۋ، بيىل ەگىنشىلىك كولەمىن تاعى دا ۇزدىكسىز كەڭەيتپەك. ەگىنشىلەردىڭ ەگۋ ىنتاسى بازارمەن ۇشتاستىرۋدىڭ پايداسىن كورگەندىگىنەن تۋىندادى. بۇل جاعىندا بەستوعىراق قىستاعىنىڭ ءبىرىنشى شۋجيى، شىنحۋا شينجياڭ ەنەرگيا شەكتى جاۋاپكەرشىلىك سەرىكتەستىگىنىڭ ورىنباسار باس ديرەكتور ۇسەن ءومار تەرەڭ اسەرگە يە.

  2002 - جىلى سەرىكتەستىكتىڭ توركىنى بولعان ءۇرىمجى كەن ىستەرى مەكەمەسى ارال اۋىلىنا باعىتتامالى كومەكتەستى، سول كەزدە اۋىل − قىستاق تۇرعىندارىن راۋشانگۇلدى ەگۋگە جۇمىلدىردى. سونىمەن كاسىپورىن 300 مىڭ يۋانعا كوشەت ساتىپ الىپ، ءاربىر ەگىنشى وتباسىنا تاراتتى.

  الايدا، ناتيجەسى كوڭىلدى كونشىتە قويمادى، ەگىنشىلەر باستىسى سەنىمدەرى بولماعاندىقتان كوپ مولشەردە ەگۋدى قالامادى.

  ارزىگۇلدىڭ وتباسى دا سول كەزدە راۋشانگۇل ەكتى، الايدا راۋشانگۇل جايقالا اشىلعان مەزگىلدە گۇل ءتىپتى ساتىلماي قالدى. گۇل ساتىپ الۋشىلار از، سانى شاقتى، ءار كيلوگرامىنىڭ باعاسى دا ءبىر يۋانعا دا جەتپەدى. ۇمىتسىزدەنگەن ارزىگۇل مەن ءىشىنارا قىستاق تۇرعىندارى گۇلدى جۇلىپ تاستادى.

  قىستاقتا ادام كوپ، جەر از، ەگىستىك جەر قۇنارسىز، ەگىنشىلەر ەگىن ەگۋگە جانە ۋاقىتتىق جۇمىس ىستەۋگە سۇيەنىپ جان باعاتىن. ”ەرەكشە ەگىنشىلىكتى دامىتۋدا جەرگىلىكتى ورىننىڭ جاعدايىمەن ساناسىپ قانا قويماي، ىشكەرىلەي مانەرلەۋ ارقىلى اۋىل شارۋاشىلىعى ونىمدەرىنىڭ قۇنىن ارتتىرۋ كەرەك. ەگىنشىلەر مەن بازار ۇشتاسقاندا عانا، دامۋدىڭ بولاشاعى اشىلىپ، تابيعي تۇردە قوزعاۋشى كۇش تۋىندايدى“، − دەدى ۇسەن، قازىر بازار سىناعىن وتكەرگەن قىستاق تۇرعىندارىنىڭ كوزقاراسىندا وزگەرىس تۋىلدى.

  2010 - جىلى ارزىگۇل قايتا باستان راۋشانگۇل ەكتى، ءبىراق باستاپقى جىلدارى پايداسى ماردىمدى بولعان جوق. راۋشانگۇل وڭدەۋ كاسىبىنىڭ دامۋىنا بايلانىستى، راۋشانگۇلدىڭ باعاسى 2016 - جىلدان باستاپ جوعارىلادى، بىلتىر ونىڭ وتباسىنىڭ ءشول راۋشانگۇلىنەن تاپقان مۋ باسىندىق ورتاشا كىرىسى 10 مىڭ يۋاننان اسىپ، گۇل ءوسىرۋشى باسقا شارۋالاردان وزىپ كەتتى. ”مەن قىستاقتا كۋرسقا قاتىناسىپ، تالاپ بويىنشا دەن قويا تىڭايتقىش بەردىم، بۇتادىم، ەگەر الدەقانداي قۇپيالىق بار دەسە، اۋىل شارۋاشىلىعى عىلىم - تەحنيكاسىن ۇيرەنىپ، جاپا - ماشاقاتقا شىداي بىلگەنىم“، − دەدى ارزىگۇلدىڭ جۇزىنەن كۇلكى ەسىپ.

  كەيبىرەۋلەر بۇتاقتى كەسۋ وتە وبال دەسەدى، ال ارزىگۇل اماليات بارىسىندا گۇلدى بۇتاۋدىڭ ءونىم مولشەرى جونىنەن ماڭىزىن تانىپ جەتتى. كەيبىرەۋلەردىڭ گۇلباقشاسىن ارام ءشوپ باسىپ كەتكەن، ال ونىڭ اتىزىنان ءبىر تال ارام ءشوپتى كورمەيسىڭ. راۋشانگۇلدى ۇزەتىن مەزگىلدە، ول ءار كۇنى تاڭعى ساعات 5تە كۇنمەن تالاسا تۇرىپ، گۇل اشىلۋدان بۇرىن، باس كيىمدەگى پىراجەكتردىڭ جارىعىمەن اتىزدا راۋشانگۇلدىڭ گۇل قاۋىزىن تەردى، گۇلدىڭ ءار كيلوگرامى 20 يۋان، ال گۇل قاۋىزىنىڭ ءار كيلوگرامى 40 يۋان. ارزىگۇل ەسەپتىڭ ەبىن بىلگەندىكتەن، جاپاعا شىداعاندىقتان، ارينە، تاباتىن پايداسى دا مولايدى.

  اۋىل - قىستاقتىڭ گۇلدەنۋىندەگى ءتۇيىن - شارۋاشىلىقتىڭ گۇلدەنۋى. كاسىپ − دامۋدىڭ نەگىزى، كاسىپ گۇلدەنسە عانا، شارۋالاردىڭ كىرىسى ورنىقتى تۇردە ارتا الادى. ”بۇرىن كوزقاراس سەبەبىنەن كەدەيلەستى، قانشا ايتساڭ دا كونبەيتىن، ال قازىر كاسىپ دامىدى، كوزگە كورىنىپ تۇرعان ناقتى پايدانىڭ يلاندىرۋ قۋاتى ەڭ كۇشتى“. وسى وزگەرىستەر ۇسەننىڭ كوڭىلىن سەرپىلتتى.

  ۇسەن تىلشىگە راۋشانگۇلدى ەگىستىك پەن جەمىس باعىنا كىرىستىرىپ ەككەنىن، ءار جىلى 5 - ايدىڭ اياعىندا گۇل اشىپ، 6 - ايدىڭ ورتاسىندا جيىلىپ بولاتىنىن، قالىپتى ەگىنشىلىك جۇمىسىنا جانە جۇمىس ىستەپ كاسىپتەنۋگە ىقپال جاسامايتىندىعىن ايتتى.

  ■ سانا ويانىپ، جول كەڭەيدى

  ”تۇرمىسىمىز جاقسارىپ، بولاشاققا دەگەن ءۇمىت كۇشەيىپ، ارمانعا قانات قاعۋدىڭ قوزعاۋشى كۇشىنە يە بولدىق“

  ارزىگۇلدىڭ 7 بولمەلى ءۇيى بار، ءۇيدىڭ ارقالىقتارىنا ناقىشتاپ ويۋ ءتۇسىرىلىپ ادەمى اشەكەيلەنىپتى، توسەك پەن ەدەنگە كىلەم توسەلىپتى، ۇستەل ۇستىنە ءار ءتۇرلى پراندىك، تورت، كەپتىرىلگەن جەمىستەر، جاڭا جەمىس - جيدەكتەر قويىلىپتى. ارزىگۇل پوپايكا، كويلەك كيىپ، شاشىن بۇيرالاتىپتى، قۇلاعىنا اسەم سىرعا، قولىنا ادەمى بىلەزىك تاعىپتى. ”بىلەزىگىم كۇمىستەن جاسالعان، سىرعام دا قىمبات ەمەس، ءتاۋىر التىن القا - مونشاعىم بار، جۇمىس ىستەگەندە ءتۇسىپ قالا ما دەپ تاقپادىم“، − دەدى تىلشىگە باسەڭ ۇنمەن.

  ارزىگۇل ءتىلشىنى ەرتىپ ءۇيىن كورسەتتى، جانداعى بولمەگە توڭازىتقىش، كىرجۋعىش قويىلىپتى؛ اۋلادا كۇيەۋى ەكەۋىنىڭ ەكى ەلەكتر سەكلەتى تۇر؛ ەگەر زات تاسۋعا تۋرا كەلسە، قوراپتى ءۇش دوڭگەلەكتى موتوتسيكل دە دايىن ەكەن.

  وتكەن كۇندەردى ەسكە العاندا، ارزىگۇل باسىن شايقاپ بىلاي دەدى: بۇرىن جەر ۇيدە وتىردىق، ىلىككە الار دۇنيەمىز جالپى قۇنى بىرنەشە ءجۇز يۋان تۇراتىن تەلەۆيزور مەن 4 شارشى مەترلىك كىلەم بولاتىن. ول كەزدە جارىتىپ اقشا ۇستاپ كورمەدىك، كەرەك - جاراقتى دا وتە از الاتىنبىز. اقشا بولماعان سوڭ ءبىر داعار ءبيدايدى بازارعا اپارىپ ساتىپ، بالالارعا تۇرمىستىق بۇيىمدار ساتىپ الاتىنبىز، نەگىزىنەن سول جەردىڭ وزىندە جۇمساپ بولاتىنبىز.

  اڭگىمەلەسىپ وتىرعانىمىزدا، ارزىگۇلدىڭ كۇيەۋى سىدىق يمىن جۇمىستان ورالدى. ول بىلتىردان باستاپ سول ماڭداعى كەرپىش زاۆودىندا جۇمىسقا ورنالاسىپتى، ءبىر ايدا 3000 − 4000 يۋان ەڭبەكاقى الادى ەكەن. ”بۇرىن سونشا كەدەي بولدىڭىزدار، سوندا نە ءۇشىن جۇمىس ىستەپ اقشا تابۋدى ويلامادىڭىزدار“ دەگەن ءتىلشىنىڭ سۇراۋىنا، سىدىق ىڭعايسىزدانا باسىن قاسىپ: ادام كەدەي كەزىندە وي - ساناسىندا ەشتەمە بولمايدى ەكەن، − دەپ جاۋاپ بەردى.

  بۇرىن سىدىق قۇلشىنۋ كەرەكتىگىن ويلاماپتى، جەردى تاستاپ باسقا جۇمىس ىستەۋگە باتىلى ءتىپتى بولماپتى. ”قازىر جۇرتتىڭ تۇرمىسى جاقسارىپ، بولاشاققا دەگەن ءۇمىت كۇشەيىپ، ارمانعا قانات قاعۋدىڭ قوزعاۋشى كۇشىنە يە بولدىق“، − دەدى ۇسەن.

  كاسىپتىڭ دامۋى قىستاق تۇرعىندارىنىڭ بەلسەندىلىگىنە دەم بەرىپ، دامۋ قابىلەتىن ءوسىرىپ، تۇلعالىق رولىن ساۋلەلەندىردى. ”پارتيانىڭ حالىققا تيىمدىلىك جاساۋ ساياساتىنا راقىمەت، ءبىزدىڭ راۋشانگۇل ساۋدامىزدىڭ كۇسەتتەنۋىنە كومەكتەسىپ، سانامىزدىڭ اشىلۋىنا جەتەكشىلىك ەتتى، سونداي - اق ءبىزدىڭ كوپ اقشا تابۋىمىزعا شارت - جاعداي ازىرلەدى“، − دەدى ارزىگۇل.

  وسى ەڭبەكقور اۋىل ايەلى بىلتىر 8 - ايدان باستاپ قىستاقتىڭ كەشكى بازارىندا مالاچۋان ساتىپ، ءار كۇنى كەشتە 100 يۋان تازا كىرىس تاۋىپتى. ”قولىمدا 5 قويىم بار، ءبىر سيىرىم قىستاقتىڭ سيىر باعىپ بەرۋ ورنىندا“. ارزىگۇلدىڭ اۋلا شارۋاشىلىعىن دامىتىپ، كىرىس ارناسىن بارعان سايىن كوبەيتۋ جوسپارى بار ەكەن.
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار