جاڭالىق اشۋ ارقىلى دامۋعا دەم بەردى، جەل گەنەراتورى دا ”پوەتيكالىق كوركەمدىككە“ يە بولدى
ءتىلشىمىز ۋاڭ يۇڭفي، ەرىكتى ءتىلشى جاڭ جيڭ
2019.03.08 16:39 كەلۋ قاينارى : شينجياڭ گازەتى
جاڭالىق اشۋ − دامۋعا جەتەكشىلىك ەتەتىن ءبىرىنشى قوزعاۋشى كۇش، وسىزاماندانعان ەكونوميكالىق جۇيە ورناتۋدىڭ ستراتەگيالىق تىرەگى. − شي جينپيڭ
جەل گەنەراتورىن جاساۋ سالاسىندا بازار ۇلەسى ەل ىشىندە ۇدايى 7 جىل 1 - ورىندى يەلەپ، دۇنيە ءجۇزى بويىنشا ۇدايى 6 جىل الدىڭعى ۇشتىكتىڭ قاتارىنان كورىندى، بۇل شينجياڭ جينفىڭ عىلىم - تەحنيكا شەكتى جارنا سەرىكتەستىگىنىڭ كورنەكتى ناتيجەسى.
ءبىر حالىقتىق كاسىپورىن وسىنداي ماقتانارلىق ناتيجەگە قول جەتكىزۋدە نەگە سۇيەندى؟ مۇنىڭ جاۋابى: جاڭالىق اشۋ ارقىلى دامۋعا دەم بەرۋ ستراتەگياسى. مەملەكەتتىك ساياسي كەڭەستىڭ مۇشەسى، جينفىڭ عىلىم - تەحنيكا شەكتى جارنا سەرىكتەستىگىنىڭ باس جوراسى ۋ گاڭ بىلاي دەدى: جاڭالىق اشۋ − كاسىپورىننىڭ ۇزدىكسىز جەتىلۋىنىڭ باستاپقى قوزعاۋشى كۇشى، جاڭالىق اشۋ بولماسا، جينفىڭ عىلىم - تەحنيكا شەكتى جارنا سەرىكتەستىگىنىڭ بۇگىنى دە بولماعان بولار ەدى. باتىلدىقپەن ەلدىڭ الدىندا جۇرەتىن جاڭالىق اشۋ رۋحى ءارقاشان جينفىڭدىقتاردىڭ تامىرىندا اعىپ جاتىر!
اسىرەسە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىنەن بەرى، باس شۋجي شي جينپيڭنىڭ تالابى بويىنشا، جينفىڭ عىلىم - تەحنيكا شەكتى جارنا سەرىكتەستىگى جاڭالىق اشۋ سەرپىنىن اتتىرىپ، زەرتتەۋ - اشۋدا ءبىر قاتار جەتىستىكتەرگە جەتتى.
■جالپى بارىستىق ينفورماتسيالاندىرىپ باسقارۋدى جۇزەگە اسىردى
”ءبىز جاڭالىق اشۋدى ءارقاشان كاسىپورىننىڭ جانى رەتىندە قاراپ كەلەمىز“
اۆتوكولىكپەن ءۇرىمجى قالا اۋماعىنان دابانچىڭ رايونىنا قاراي جۇرسەڭىز، جولدىڭ ەكى جاعىندا تۇتاسىپ جاتقان جەل گەنەراتورلارىنىڭ قالاقتارى اينالىپ، پوەتيكالىق كوركەمدىكپەن كوز تارتىپ تۇرعانىن كورەسىز. قازىر دابانچىڭ جەل ەلەكتر الاڭىنا جەل گەنەراتور اگراگاتتارى تولعان، شارۋاشىلىق قۇرعان العاشقى كەزدەگى جينفىڭدىقتاردىڭ جەل گەنەراتورىن ءوزى جاساۋ ارمانى قازىر جول شەتىندەگى اسەم كورىنىس بولىپ گۇل اشتى.
”جاڭالىق اشۋ دامۋعا جەتەكشىلىك ەتۋدىڭ ءبىرىنشى قوزعاۋشى كۇشى، ءبىز جاڭالىق اشۋدى ءارقاشان كاسىپورىننىڭ جانى رەتىندە قاراپ كەلەمىز“، - دەيدى ۋ گاڭ.
قازىرگى تاڭدا، دۇنيە ءجۇزى كولەمىندە 7 ۇلكەن زەرتتەۋ - اشۋ ورتالىعىن قۇرعان جينفىڭ عىلىم - تەحنيكا شەكتى جارنا سەرىكتەستىگىندە 2000نان استام عىلمي زەرتتەۋ قىزمەتكەرى بار. بۇدان تىس، سەرىكتەستىك تاعى ەل ىشىندە جەل ەلەكترگە قاتىستى 160 تەحنيكالىق ولشەمنىڭ جاسالۋىنا جانە وعان وزگەرىس ەنگىزىلۋىنە قاتىناستى، بۇل جالپى تەحنيكالىق ولشەمنىڭ ٪ 80 ىن يەلەيدى؛ جەل ەلەكترگە قاتىستى 11 حالىقارالىق ولشەمنىڭ جاسالۋىنا جانە وعان وزگەرىس ەنگىزىلۋىنە قاتىناستى، اسىرەسە، تاياۋ جىلداردان بەرى دەربەس زەرتتەپ اشقان تۇراقتى ماگينتتى تىكە جەتەكتەپ جەل كۇشىمەن ەلەكتر شىعارۋ تەحنولوگياسى دۇنيە جۇزىندەگى جەل گەنەراتور اگراگاتتارىنىڭ دامۋ بەتالىسىنا ۋاكىلدىك ەتتى.
سوڭعى 3 جىلدان بەرى، جينفىڭ عىلىم - تەحنيكا شەكتى جارنا سەرىكتەستىگى سيفرلاندىرۋعا تۇرلەنۋدى قامداۋ جاعىنداعى قۇرىلىمدىق رەفورمانىڭ ماڭىزدى تياناعى ەتىپ، جەل گەنەراتورىن زەردەلەندىرىپ جوبالاۋ جانە زەردەلى زاۆود، سيفرلانعان جەل ەلەكتر الاڭى قۇرىلىسىن ىلگەرىلەتۋ ارقىلى جەل گەنەراتورىن زەردەلەندىرىپ جاساۋدى، جاسىل جاساۋدى جانە زەردەلى جەل ەلەكتر الاڭىن قۇرۋدى جۇزەگە اسىردى.
”ءبىز مىنانى ماقتانىشپەن ايتا الامىز: ءبىز جەل گەنەراتور اگراگاتتارىن جالپى عۇمىرلىق ينفورماتسيالاندىرىپ باسقارۋدى جۇزەگە اسىردىق. ونەركاسىپ ۇلكەن ساندى مالىمەتتەر سياقتى ينفورماتسيالىق تەحنيكا تاسىلدەرىنە سۇيەنىپ، ءبىز سايكەسىپ جوبالاۋدىڭ، سايكەسىپ جاساۋدىڭ، سايكەسىپ قىزمەت وتەۋدىڭ اشىق، بىرگە يگىلىكتەنەتىن تۇعىرىن ورناتىپ، تۇتىنۋشى ءۇشىن جان - جاقتى، سيفرلانعان ءونىم جانە شەشىم جوباسىن ۇسىندىق“، - دەيدى ۋ گاڭ.
■ جاڭالىق اشىپ، ”گانتەل تۇرىندەگى“ تيجارات ۇلگىسىن العا قويدى
”كاسىپورىن بىلىمگە، دارىندىعا، جاسامپازدىققا قۇرمەت ەتىپ، جاڭالىق اشۋعا قوزعاۋشى كۇش ۇستەدى“
2 - ايدىڭ 2 - كۇنى شەكارا وڭىردەگى ءبىر كاسىپورىننىڭ نە ءۇشىن جۇڭگودان شىعىپ، دۇنيە جۇزىنە بەت العانى تۋرالى ءسوز بولعاندا، ۋ گاڭ بىلاي دەدى: ”سەبەبى بىزدە كۇشتى دامۋ تىلەگى بار، ءبىز الەمدىك ساحناعا شىعۋدى ارماندادىق“. ءدال وسىنداي رۋحتىڭ ارقاسىندا، جينفىڭ عىلىم - تەحنيكا شەكتى جارنا سەرىكتەستىگى قاشاندا زەرتتەۋ - اشۋ جولىمەن ءجۇرىپ كەلەدى.
جينفىڭ عىلىم - تەحنيكا شەكتى جارنا سەرىكتەستىگىنىڭ باسقارۋ ۇجىمى جاڭالىق اشىپ، ”گانتەل تۇرىندەگى“ تيجارات ۇلگىسىن العا قويىپ، جۇمىس تىزبەگىنىڭ الدىڭعى باسىنداعى تەحنيكالىق ولشەم مەن قاعيدانى، سونداي - اق سوڭعى باسىنداعى بازاردا ساتۋ مەن قىزمەت وتەۋدى ءوز قولىندا ۇستاپ، ورتاداعى جاساۋ بۋىنىندا بازاردا سىرتقا كوتەرمەگە بەرۋ ءتاسىلىن قولداندى. ”وسىلاي ىستەگەندە، اناعۇرلىم كوپ كۇش - قايراتتى وزەكتى تەحنيكا زەرتتەۋ - اشۋعا جۇمساۋعا بولادى، بۇل ءبىزدىڭ وزەكتى باسەكەلىك قابىلەتىمىزدى ءوسىرۋدىڭ وزىندىك قۇنى مەن ۋاقىتىن بارىنشا قىسقارتتى“، - دەيدى ۋ گاڭ.
وسىنداي تيجارات اياسىندا، جينفىڭ عىلىم - تەحنيكا شەكتى جارنا سەرىكتەستىگى زەرتتەۋ - اشۋعا قارجىلىق ۇسىنىلىمدى ۇزدىكسىز ارتتىردى. قازىر جينفىڭ عىلىم - تەحنيكا شەكتى جارنا سەرىكتەستىگى سالانىڭ تانىمالىنا اينالعانىمەن، ءار جىلعى عىلمي زەرتتەۋگە بولگەن قاراجاتى ساتىلىم كىرىسىنىڭ ٪ 5 ىنەن اسىپ وتىرادى.
جينفىڭ عىلىم - تەحنيكا شەكتى جارنا سەرىكتەستىگى جاڭالىق اشۋعا ىنتالاندىرۋدىڭ جالپى بارىستى قامتيتىن مەحانيزمىن ۇزدىكسىز كەمەلدەندىردى. جينفىڭ عىلىم - تەحنيكا شەكتى جارنا سەرىكتەستىگىنىڭ ينجەنەرى اسقار 2015 - جىلدان 2017 - جىلعا دەيىن 10 پاتەنتكە ءوتىنىش بەرىپتى، ول بىلاي دەيدى: ”پاتەنتكە رۇقسات بەرىلسىن - بەرىلمەسىن، پاتەنتكە ءوتىنىش بەرسەڭ بولدى سيلاناسىڭ، سيلاۋ كولەمى پاتەنتتىك جوبالاۋ، تاجىريبە، پاتەنتكە ءوتىنىش بەرۋ، قولدانۋ سياقتى جالپى زەرتتەۋ - اشۋ بارىسىن قامتىپ، ءبىزدىڭ جاڭالىق اشۋ بەلسەندىلىگىمىزدى بارىنشا قاۋلاتتى“.
اسقاردىڭ جينفىڭ عىلىم - تەحنيكا شەكتى جارنا سەرىكتەستىگىندە قىزمەت ىستەگەنىنە 15 جىل بولىپتى، كاسىپورىن مادەنيەتى ونى ءىس تىندىرىپ، ناتيجە شىعارۋعا باۋراعان. ”كاسىپورىن بىلىمگە، دارىندىعا، جاسامپازدىققا قۇرمەت ەتىپ، جاڭالىق اشۋعا قوزعاۋشى كۇش ۇستەدى“، - دەيدى ول.
اماليات ”گانتەل تۇرىندەگى“ تيجارات ۇلگىسىنىڭ اسا تابىستى بولعانىن دالەلدەدى. ”تاياۋ جىلداردان بەرى، ءبىز ساۋدا ۇلگىسىندە ونان ارى جاڭالىق اشىپ، كاسىپتى كوپ نەگىزدەندىرىپ دامىتۋدى بەلسەنە ىلگەرىلەتتىك، سۋ وڭدەۋ، اقىلدى باقشا رايونى شەشىم جوباسى، زەردەلى ميكرو تور، تەڭىز سۋىن تۇششىلاندىرۋ، ونەركاسىپتىك بۇلت تۇعىرى، تەحنيكالىق جاڭالىق اشۋ ينكۋباتورى سياقتى كاسىپتەر قارىشتاپ دامىدى“، - دەيدى ۋ گاڭ.
■جەل گەنەراتورى قورشاعان ورتانى سەزەتىن قابىلەتكە يە بولدى
”بۇدان كەيىن دە ءبىز الەمدىك قيىن ماسەلەلەرگە سايىس جاريالاۋدان تايىنبايمىز“
جينفىڭ عىلىم - تەحنيكا شەكتى جارنا سەرىكتەستىگىن ۋاكىل ەتكەن ءبىر توپ جەل ەلەكتر كاسىپورىندارىنىڭ تەحنيكادا جاڭالىق اشۋدى ۇزدىكسىز ىلگەرىلەتۋىنىڭ ارقاسىندا، وتكەن 10 جىلعا جۋىق ۋاقىتتا، ەلىمىزدىڭ جەل گەنەراتورىمەن ەلەكتر شىعارۋ ونىمدىلىگى% 30 ~ %20 كە دەيىن جوعارىلاپ، ەلەكتر شىعارۋ مولشەرى % 5 ~ % 2 كە دەيىن ءوسىپ، اينالىم - باپتاۋ وزىندىك قۇنى٪ 10 ~ ٪ 5 دەيىن تومەندەپ، جەل ەلەكتر جابدىقتارىنىڭ باعاسى ٪ 65 كە جۋىق، جەل ەلەكتر الاڭدارىن اشۋ باعاسى ٪ 40 كە جۋىق ارزاندادى.
اسىرەسە، سوڭعى 3 جىلدان بەرى، جينفىڭ عىلىم - تەحنيكا شەكتى جارنا سەرىكتەستىگى جاڭالىق اشۋ ارقىلى ونىمدىلىكتى ارتتىرۋعا تاباندى بولىپ، سيفرلاندىرۋدىڭ، زەردەلەندىرۋدىڭ جاڭا بيىگىنە جورىق جاسادى. سيفرلاندىرۋ تەحنيكاسىنىڭ ارقاسىندا، جەل ەلەكتر الاڭدارىنىڭ ەلەكتر شىعارۋ مولشەرى % 15 ~ % 5 كە دەيىن ءوسىپ، قۇرىلىس ۋاقىتى % 10 ~ % 5 كە دەيىن قىسقارىپ، وزىندىك قۇنى% 10 ~ % 5 كە دەيىن تومەندەدى.
ۋ گاڭ بىلاي دەيدى: بۇرىن جەل گەنەراتور اگراگاتتارى مەحانيكا مەن ەلەكترلىك بولشەكتىڭ قاراپايىم قۇراندىسى بولاتىن، قازىر جينفىڭ عىلىم - تەحنيكا شەكتى جارنا سەرىكتەستىگى جەل گەنەراتورىنا كوپتەگەن اۆتوماتتى جۇمساق بولشەكتەر قوستى، ودان كەيىن وسى جۇمساق بولشەكتەردى ينتەرنەتكە جالعاپ، جەل گەنەراتورىنىڭ اناعۇرلىم زەردەلى بولۋىنا مۇمكىندىك جاسادى. مىسالى، جينفىڭ عىلىم - تەحنيكا شەكتى جارنا سەرىكتەستىگى وندىرگەن جەل گەنەراتورلارىنا 100دەن استام سەنزور ورناتىلعان، ”وسى سەنزورلاردىڭ ارقاسىندا، جەل گەنەراتورى ادامدار سياقتى سەزىمگە يە بولىپ، جەل جاعدايى، تەڭىز دەڭگەيىنەن بيىكتىك، تەمپەراتۋرا، سونداي - اق وزىندەگى شۋىل، ءدىرىل سياقتى جاعدايلاردى ناقتى ۋاقىتتا سەزىپ ءبىلىپ وتىرادى، ءسويتىپ، جەل گەنەراتورى مەن جەل ەلەكتر الاڭدارىن باسقارۋ زەردەلەندى“.
سەنزور ارقىلى جەل گەنەراتورى جەل جاعدايى سياقتى اۋا رايىنىڭ شارت - جاعدايىنا نەگىزدەلە وتىرىپ، ەڭ ۇتىمدى جوبالاۋ جانە مەڭگەرۋ جۇرگىزەدى. ايتالىق، جەل گەنەراتورىنىڭ جەلدىڭ باعىتىنا تۋرالانۋى ءدال بولماي قالسا، تەحنيكتەر بۇدان بۇرىن جينالعان جيىنتىق ساندى مالىمەتتەرگە قاراي وتىرىپ، اۋىتقۋدى دەر كەزىندە بايقاپ، جۇمساق بولشەك تۇعىرىندا مەڭگەرىپ، ماسەلەنى شەشە الادى، ادامنىڭ گەنەراتوردىڭ قاسىنا بارىپ تۇزەپ ءجۇرۋى قاجەتسىز.
جينفىڭ عىلىم - تەحنيكا شەكتى جارنا سەرىكتەستىگى تيانرۇن باتىس سولتۇستىك بولىمشەسىنىڭ جيناۋ - مەڭگەرۋ ورتالىعىنداعى ۇلكەن ەكراننان ءتىلشى جينفىڭ عىلىم - تەحنيكا شەكتى جارنا سەرىكتەستىگىنىڭ باتىس سولتۇستىك 5 ولكە، رايونداعى جەل گەنەراتورلارىنىڭ اينالىم كۇيى ناقتى ۋاقىتتا كورسەتىلىپ تۇرعانىن كوردى. ”وسى ينفورماتسيالاردىڭ ارقاسىندا، ءبىز گەنەراتورلاردىڭ اينالىم جاعدايىن ناقتى ۋاقىتتا قاداعالاپ وتىرامىز. بۇرىن ماسەلەنى شەشۋ ءۇشىن گەنەراتور تۇرعان جەرگە بارۋ قاجەت بولاتىن، ول كەزدە ءبىر جاقتى ەتۋگە 9 ساعات ۋاقىت جۇمسالاتىن، قازىر دەرەۋ شەشىلەدى“، - دەيدى جينفىڭ عىلىم - تەحنيكا شەكتى جارنا سەرىكتەستىگى تيانرۇن باتىس سولتۇستىك بولىمشەسى جيناۋ - مەڭگەرۋ ورتالىعى جەل گەنەراتورلارىنىڭ باسقارۋشىسى لي لين.
”دامىعان ەلدەردىڭ جەل گەنەراتورلارىنىڭ تەحنيكالىق دەڭگەيىمەن سالىستىرعاندا، بىزدە ءالى دە جەتەرسىزدىك بار. بۇدان كەيىن دە ءبىز الەمدىك قيىن ماسەلەلەرگە سايىس جاريالاۋدان تايىنباي، باتىلدىقپەن بولاشاققا جول اشامىز، جاڭالىق اشۋدىڭ ەڭ جوعارى دەڭگەيى وسى“، - دەيدى ۋ گاڭ.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
