ي جينپيڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي مەملەكەتتىك حالىق قۇرىلتايى ماجىلىسىندەگى ءبىر ءبولىم ۋاكىلدەر ۇيىرمەلەرىنىڭ باياندامانى قاراۋىنا جەكە - جەكە قاتىناستى
2019.03.12 16:16 كەلۋ قاينارى : شينجياڭ گازەتى
■ جاڭالىق اشۋعا، شارۋاشىلىق قۇرۋعا، جاسامپازدىق جاراتۋعا پايدالى تاماشا دامۋ ورتاسىن قالىپتاستىرۋ كەرەك. رەفورما جاساۋدان، ەسىك اشۋدان قوزعاۋشى كۇش الىپ، تۇتاس قوعامنىڭ جاڭالىق اشۋ، شارۋاشىلىق قۇرۋ، جاسامپازدىق جاراتۋ قوزعاۋشى قۋاتىن مۇمكىندىكتىڭ بارىنشا جارىققا شىعارىپ، ەلىمىزدىڭ دۇنيە ءجۇزىنىڭ ۇلكەن وزگەرىس جاعدايىنداعى ىقپال قۋاتىن، باسەكەلىك قۋاتىن ۇزدىكسىز كۇشەيتۋ كەرەك. ماسەلەنى باعدار ەتۋدەن جازباي، يدەيانى ازات ەتىپ، رەفورما جاساۋدى، ەسىك اشۋدى جالپى بەتتىك تەرەڭدەتۋ ارقىلى جاڭالىق اشۋعا، شارۋاشىلىق قۇرۋعا، جاسامپازدىق جاراتۋعا اناعۇرلىم جاقسى ورتا ازىرلەپ، جاڭالىق اشۋعا، شارۋاشىلىق قۇرۋعا، جاسامپازدىق جاراتۋعا ىقپال كورسەتەتىن كورنەكتى تۇزىلىستىك، مەحانيزمدىك ماسەلەلەردى كۇش سالا شەشىپ، جاڭالىق اشۋعا، شارۋاشىلىق قۇرۋعا، جاسامپازدىق جاراتۋعا ىنتالاندىراتىن قوعامدىق راي قالىپتاستىرۋ، اسىرەسە، ورتا، شاعىن كاسىپورىنداردىڭ، جاستاردىڭ دامۋىنا پايدالى شارت - جاعداي ازىرلەپ، جوعارى تەحنيكالى كاسىپورىنداردىڭ جەتىلۋىن تەزدەتۋ مەحانيزمىن ورناتۋ كەرەك.■ ەكى جاعالاۋدىڭ اۋىس - ءتۇيىسىن، سەلبەستىگىن كۇشەيتىپ، مادەنيەت اۋىس - ءتۇيىس تەبىنىن ارتتىرىپ، قىزمەتتى قالىڭ تايۋاندىق باۋىرلاستاردىڭ كوڭىلىنەن شىعاتىنداي ەتىپ ىستەپ، تايۋاندىق باۋىرلاستاردىڭ ۇلت، مەملەكەت جونىندەگى رەسمي مويىنداۋىن جانە سۇيىسپەنشىلىگىن كۇشەيتۋ كەرەك. تايۋانعا قاراتىلعان قىزمەتتە حالىقتى وزەك ەتۋدەي دامۋ يدەياسىن ويداعىداي دايەكتىلەندىرىپ، تايۋاندىق باۋىرلاستارعا تەڭ مامىلە جاساپ، ۇلى قۇرلىقتاعى بۇقاراعا قىزمەت وتەگەنىمىزدەي تايۋاندىق باۋىرلاستاردى دا باقىتقا كەنەلتۋىمىز كەرەك.■ توڭكەرىستىك بايىرعى رايونداردىڭ، ورتالىق سوۆەتتىك رايونداردىڭ كەدەيلىكتەن ارىلىپ، دوڭگەلەك داۋلەتتىلىككە جەتۋ قىزمەتىن ويداعىداي ىستەۋ كەرەك. بيىل جاڭا جۇڭگو قۇرىلعاندىعىنىڭ 70 جىلدىعى، سۋ ىشكەندە قاينارىن ۇمىتپاۋ كەرەك، بايىرعى رايون، سوۆەتتىك رايون حالقىن استە ۇمىتۋعا بولمايدى. اداقتاپ، ءبىر - بىرلەپ تەكسەرىپ، قىزمەتتى مىقتى يگەرىپ، بايىرعى رايونداردىڭ، سوۆەتتىك رايونداردىڭ جاپپاي دوڭگەلەك داۋلەتتى قوعام ورناتۋ بارىسىندا ءبىرىنىڭ دە قاتاردان قالىپ قالماۋىنا شىنايى كەپىلدىك ەتۋ كەرەك.
شينحۋا اگەنتتىگىنىڭ 3 - ايدىڭ 10 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى جاۋ لىجي 3 - ايدىڭ 10 - كۇنى 13 - كەزەكتى مەملەكەتتىك حالىق قۇرىلتايىنىڭ 2 - ماجىلىسىندەگى ءبىر ءبولىم ۋاكىلدەر ۇيىرمەلەرىنىڭ باياندامانى قاراۋىنا جەكە - جەكە قاتىناستى.
شي جينپيڭ فۋجيان ۋاكىلدەر ۇيىرمەسىنىڭ قاراۋىنا قاتىناستى. ماجىلىستە لەي جينيۇي، جاڭ لينشۇن، لان پيڭيۇڭ، كاڭ تاۋ، چىن گويىڭ، پان يۋە، ديڭ شىجۇڭ، جاڭ ليانشىڭ قاتارلى 8 ۋاكىل ىلگەرىندى - كەيىندى كەدەيلىكتەن ارىلتۋدان قامال الۋ شايقاسىن ويداعىداي جۇرگىزۋ، كورىكتى اۋىل - قىستاق قۇرۋ، شالعاي مۇحيت بالىق شارۋاشىلىعىن دامىتۋ، ەكى جاعالاۋدىڭ توعىسا دامۋىن تەرەڭدەتۋ، ”سيفرلى جۇڭگو“ قۇرۋ، سىرتقا ەسىك اشۋدى كەڭەيتۋ، جاڭالىق اشا دامۋدى ىلگەرىلەتۋ، بايىرعى رايونداردىڭ، سوۆەتتىك رايونداردىڭ دامۋىن جەبەۋ سياقتى ماسەلەلەر توڭىرەگىندە پىكىر ءبىلدىردى. ءبىر ۋاكىل جاڭالىق اشۋ، وزگەرىس جاساۋ ارقىلى ۇلتتىق ايگىلى ماركا جاراتۋدى تىلگە تيەك ەتكەندە، شي جينپيڭ بىلاي دەدى: ءسىز 2001 - جىلدىڭ وزىندە وسى ءىستى ىستەگەنسىز، قازىر دە ىستەپ وتىرسىز، ونىڭ ۇستىنە نەعۇرلىم ىستەگەن سايىن سولعۇرلىم زورايىپ كەلەدى. كاسىپورىن شارۋاشىلىعىمەن اينالىسۋ، جۇمىس جۇرگىزۋ تەك ءبىرسىپىرا اقشا تابۋ ماسەلەسى عانا ەمەس. شىنايى، زەيىندى شوعىرلاندىرا وتىرىپ شارۋاشىلىق جۇرگىزۋ كەرەك، بۇل − بورىش. شي جينپيڭ ەڭ سوڭعى ماڭىزدى سوزىندە فۋجياننىڭ قىزمەتىن تۇراقتاندىرىپ، فۋجياندىق جولداستاردان جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، قىزمەتتى ورنىقتىلىق بارىسىندا ىلگەرىلەتۋ جالپى ارناسىنان جازباي، جاڭا دامۋ ۇستانىمىنا تاباندى بولىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ، ورنىقتىلىقتى ساقتاۋ قىزمەتىن ءبىر تۇتاس جوسپارلاپ، ويداعىداي ىستەپ، تاماشا دامۋ ورتاسىن قالىپتاستىرۋ جاعىندا تاعى دا ۇزدىك ناتيجەگە قول جەتكىزۋگە، ەكى جاعالاۋدىڭ توعىسا دامۋىن ىلگەرىلەتۋ جاعىندا ۇلگى بولۋعا قۇلشىنىپ، جاپپاي دوڭگەلەك داۋلەتتى قوعام ورناتۋدىڭ تابىستى ورىندالۋىنا بەرىك نەگىز قالاۋدى ءۇمىت ەتتى. شي جينپيڭ بىلاي دەپ باسا دارىپتەدى: جاڭالىق اشۋعا، شارۋاشىلىق قۇرۋعا، جاسامپازدىق جاراتۋعا پايدالى تاماشا دامۋ ورتاسىن قالىپتاستىرۋ كەرەك. رەفورما جاساۋدان، ەسىك اشۋدان قوزعاۋشى كۇش الىپ، تۇتاس قوعامنىڭ جاڭالىق اشۋ، شارۋاشىلىق قۇرۋ، جاسامپازدىق جاراتۋ قوزعاۋشى قۋاتىن مۇمكىندىكتىڭ بارىنشا جارىققا شىعارىپ، ەلىمىزدىڭ دۇنيە ءجۇزىنىڭ ۇلكەن وزگەرىس جاعدايىنداعى ىقپال قۋاتىن، باسەكەلىك قۋاتىن ۇزدىكسىز كۇشەيتۋ كەرەك. ماسەلەنى باعدار ەتۋدەن جازباي، يدەيانى ازات ەتىپ، رەفورما جاساۋدى، ەسىك اشۋدى جالپى بەتتىك تەرەڭدەتۋ ارقىلى جاڭالىق اشۋعا، شارۋاشىلىق قۇرۋعا، جاسامپازدىق جاراتۋعا اناعۇرلىم جاقسى ورتا ازىرلەپ، جاڭالىق اشۋعا، شارۋاشىلىق قۇرۋعا، جاسامپازدىق جاراتۋعا ىقپال كورسەتەتىن كورنەكتى تۇزىلىستىك، مەحانيزمدىك ماسەلەلەردى كۇش سالا شەشىپ، جاڭالىق اشۋعا، شارۋاشىلىق قۇرۋعا، جاسامپازدىق جاراتۋعا ىنتالاندىراتىن قوعامدىق راي قالىپتاستىرۋ، اسىرەسە، ورتا، شاعىن كاسىپورىنداردىڭ، جاستاردىڭ دامۋىنا پايدالى شارت - جاعداي ازىرلەپ، جوعارى تەحنيكالى كاسىپورىنداردىڭ جەتىلۋىن تەزدەتۋ مەحانيزمىن ورناتۋ كەرەك. ”ەكىدەن استە اۋىتقىماۋعا“ تاباندى بولىپ، حالىقتىق شارۋاشىلىقتىڭ دامۋىن ىنتالاندىراتىن، جەتەكتەيتىن، قولدايتىن ءتۇرلى ساياساتتاردى، شارالاردى تياناقتاندىرىپ، ءتۇرلى مەنشىكتەگى كاسىپورىندارعا ءادىل، جاريالى، زاڭمەن جونگە سالىناتىن دامۋ ورتاسىن ازىرلەپ، كاسىپورىنشىلاردىڭ اقاۋسىز ءوسىپ - جەتىلۋىنە پايدالى تاماشا جاعداي قالىپتاستىرىپ، حالىقتىق كاسىپورىنداردىڭ جاڭالىق اشا دامۋدى جۇزەگە اسىرۋىنا كومەكتەسىپ، بازار باسەكەسىندە ءورىس اشۋ رۋحىنا، بولجامپازدىققا، حالىقارالىق كوز اياعا يە كاسىپورىنشىلار قوسىنىن سومداۋ كەرەك. ەكونوميكالىق ەرەكشە رايون، ەركىن ساۋدا سىناق رايونى، كەشەندى تاجىريبە رايونى، 21 - عاسىرداعى تەڭىز جىبەك جولى وزەكتى رايونى سياقتى كوپ رايوننىڭ قاباتتاسۋ باسىمدىعىن ساۋلەلەندىرىپ، ۇزدىكسىز تىڭ جول قاراستىرىپ، ساپالى ءوندىرىس فاكتورلارىن شوعىرلانۋعا، ۇيىسۋعا باۋراپ، فۋجياننىڭ كاسىپ سالاسىنىڭ باسەكەلىك قۋاتىن جالپى بەتتىك جوعارىلاتىپ، اشىق ەكونوميكانىڭ جاڭا ءتۇزىلىسىن قۇرۋ جاعىندا الدا جۇرۋگە كۇش سالۋ كەرەك. بۇعاز ەكى جاعالاۋىنىڭ توعىسا دامۋىنىڭ تىڭ جولىن قاراستىرۋ كەرەك. تايۋانعا قاراتىلعان قىزمەتتە ءارى جالپى جاعدايدى، جالپى بەتالىستى كوزدەۋ، ءارى تياناقتاندىرۋعا، ناقتىلاندىرۋعا باسا ءمان بەرۋ كەرەك. ەكى جاعالاۋ تۇتاستىرۋعا تيىستىلەرىن مۇمكىندىكتىڭ بارىنشا تۇتاستىرىپ، ەكونوميكا - ساۋدا سەلبەستىگىن ىركىلىسسىزدەندىرۋدى، نەگىزدىك قۇرىلعىلاردى بىرلەسىپ تۇتاستىرۋدى، ەنەرگيا بايلىعىن ءوزارا تۇتاستىرۋدى، كاسىپ ولشەمىن بىرگە تۇتاستىرۋدى جوعارىلاتىپ، فۋجياندى تايۋاندىق باۋىرلاستاردىڭ، تايۋاندىق كاسىپورىنداردىڭ قۇرلىققا شىعاتىن ءبىرىنشى مەكەنى ەتىپ قۇرىپ شىعۋعا قۇلشىنۋ كەرەك. ەكى جاعالاۋدىڭ اۋىس - ءتۇيىسىن، سەلبەستىگىن كۇشەيتىپ، مادەنيەت اۋىس - ءتۇيىس تەبىنىن ارتتىرىپ، قىزمەتتى قالىڭ تايۋاندىق باۋىرلاستاردىڭ كوڭىلىنەن شىعاتىنداي ەتىپ ىستەپ، تايۋاندىق باۋىرلاستاردىڭ ۇلتتى، مەملەكەتتى تانۋىن جانە سۇيىسپەنشىلىگىن كۇشەيتۋ كەرەك. تايۋانعا قاراتىلعان قىزمەتتە حالىقتى وزەك ەتۋدەي دامۋ يدەياسىن ويداعىداي دايەكتىلەندىرىپ، تايۋاندىق باۋىرلاستارعا تەڭ مامىلە جاساپ، ۇلى قۇرلىقتاعى بۇقاراعا قىزمەت وتەگەنىمىزدەي تايۋاندىق باۋىرلاستاردى دا باقىتقا كەنەلتۋىمىز كەرەك. بىلتىردان بەرى، ءبىز ”31 تارماقتى تايۋانعا تيىمدىلىك جاساۋ شاراسىن“ شىعارىپ، فۋجيان ”66 تارماقتى اتقارۋ پىكىرىن“ جولعا قويىپ، كورنەكتى ناتيجەگە قول جەتكىزدىك. قالىڭ تايۋاندىق باۋىرلاستاردىڭ ءبارى − يگىلىگىن كورۋشى. وسى شارالاردى تولىق تياناقتاندىرۋ، سونىمەن بىرگە تايۋاندىق باۋىرلاستاردىڭ ءۇنىن تىڭداۋ، تايۋانعا تيىمدىلىك جەتكىزەتىن، حالىققا پايدالى تاعى قانداي ساياساتتاردى، شارالاردى شىعارۋعا بولاتىندىعىن اقىلداسۋ كەرەك، ىستەي الاتىندارىمىزدىڭ ءبارىن مۇمكىندىكتىڭ بارىنشا ىستەۋىمىز قاجەت. توڭكەرىستىك بايىرعى رايونداردىڭ، ورتالىق سوۆەتتىك رايونداردىڭ كەدەيلىكتەن ارىلىپ، دوڭگەلەك داۋلەتتىلىككە جەتۋ قىزمەتىن ويداعىداي ىستەۋ كەرەك. بيىل جاڭا جۇڭگو قۇرىلعاندىعىنىڭ 70 جىلدىعى، سۋ ىشكەندە قاينارىن ۇمىتپاۋ كەرەك، بايىرعى رايون، سوۆەتتىك رايون حالقىن استە ۇمىتۋعا بولمايدى. اداقتاپ، ءبىر - بىرلەپ تەكسەرىپ، قىزمەتتى مىقتى يگەرىپ، بايىرعى رايونداردىڭ، سوۆەتتىك رايونداردىڭ جاپپاي دوڭگەلەك داۋلەتتى قوعام ورناتۋ بارىسىندا ءبىرىنىڭ دە قاتاردان قالىپ قالماۋىنا شىنايى كەپىلدىك ەتۋ كەرەك. كەدەيلەردى دالمە - ءدال سۇيەمەلدەۋگە، كەدەيلىكتەن دالمە - ءدال ارىلتۋعا تاباندى بولىپ، ماسەلەنىڭ قاينارىن تاۋىپ، كەدەيلىكتەن ارىلتۋ شاراسىنىڭ ناقتى ونىمدىلىگىن كۇشەيتۋ كەرەك. ءار دارەجەلى باسشى كادرلاردا شارشاپ - شالدىعۋدان قورىقپايتىن، ۇزدىكسىز سوعىس جۇرگىزەتىن قايسار ستيل بولۋ كەرەك، ءبىرىنشى شەپكە بارىپ، بۇقارانى ارالاپ، كەدەيلىكتەن ارىلتۋدان قامال الۋداعى قيىن ماسەلەلەردى دەر كەزىندە شەشىپ، ءتۇرلى نىسانا مەن مىندەتتەردىڭ دەر كەزىندە ورىندالۋىنا شىنايى كەپىلدىك ەتۋ كەرەك. بايىرعى رايونداردىڭ، سوۆەتتىك رايونداردىڭ دامۋىن جەدەلدەتۋدە، كورەگەن كوز ايا بولۋ كەرەك، ەكونوميكالىق دامۋ مەن ەكولوگيانى قورعاۋدى ءوزارا سايكەستىرەتىن، ءوزارا جەبەيتىن ىستەردى كوبىرەك ىستەپ، لاستانۋدان ساقتانۋدان، جونگە سالۋدان قامال الۋ شايقاسىن ويداعىداي جۇرگىزىپ، اشىق اسپاندى، تۇنىق سۋدى، تازا توپىراقتى قورعاۋ سىندى 3 ۇلكەن شايقاستى ويداعىداي جۇرگىزۋدى كورنەكتىلەندىرۋ كەرەك. پارتيانىڭ ساياسي قۇرىلىسىن باسشىلىققا الىپ، جاڭا داۋىردەگى پارتيا قۇرىلىسىنىڭ باس تالابىن جالپى بەتتىك تياناقتاندىرىپ، پارتيانىڭ ءار جاقتاعى قۇرىلىسىن جالپى بەتتىك ىلگەرىلەتىپ، باتىل، پارمەندى پارتيا ۇيىمى ارقىلى قىزمەت مىندەتتەرىن تياناقتاندىرۋعا شىنايى كەپىلدىك ەتۋ كەرەك.
لي جانشۋ جياڭسۋ ۋاكىلدەر ۇيىرمەسىنىڭ قاراۋىنا قاتىناستى. لوۋ چينجيان، ۋ جىڭلۇڭ، چى جيە قاتارلى ۋاكىلدەردىڭ جارىس ءسوزىن دەن قويا تىڭداعاننان كەيىن، لي جانشۋ بىلاي دەدى: شەتەل ساۋداگەرلەرى قارجى قوسۋ زاڭىن جاساۋ − شي جينپيڭ جولداستى ۇيتقى ەتكەن پارتيا ورتالىق كوميتەتى تۇراقتاندىرعان كەلەلى زاڭ شىعارۋ مىندەتى، ول پارتيا مەن حالىقتىڭ جاڭا داۋىردە رەفورما جاساۋدى، ەسىك اشۋدى سوڭىنا دەيىن جۇرگىزەتىن باتىل بەكىمىن تولىق ايگىلەدى، ەلىمىزدىڭ ءوزارا تيىمدىلىك جەتكىزۋ، تەڭ يگىلىككە كەنەلۋ، اشىق ۇستاۋ ستراتەگياسىن اتقارىپ، اشىق الەمدىك ەكونوميكا قۇرۋدى بەلسەنە ىلگەرىلەتەتىن ايقىن تۇرعىسىن اڭعارتتى، ول بازارلانۋدىڭ، زاڭمەن جونگە سالۋدىڭ، حالىقارالانۋدىڭ بىرەگەي تيجارات - ساۋدا ورتاسىن جاراتۋعا پايدالى، جوعارى دەڭگەيدە سىرتقا ەسىك اشۋدى ىلگەرىلەتۋگە اناعۇرلىم پارمەندى زاڭمەن جونگە سالۋ كەپىلدىگىن ازىرلەدى. جياڭسۋدىڭ باس شۋجي شي جينپيڭنىڭ جياڭسۋ قىزمەتى جونىندەگى ماڭىزدى نۇسقاۋىن، تالابىن مۇقيات دايەكتىلەندىرىپ، چاڭجياڭ ەكونوميكالىق بەلدەۋىن دامىتۋ ستراتەگياسىن اتقارۋ ورايىن يگەرىپ، جوعارى ساپالى دامۋدى كۇش سالا ىلگەرىلەتىپ، اۋىل - قىستاقتى گۇلدەندىرۋ ستراتەگياسىن اتقارىپ، جوعارى دەڭگەيدە سىرتقا ەسىك اشۋدى ىلگەرىلەتىپ، ەكونوميكاسى قۋاتتى، حالقى باي، ورتاسى كوركەم، قوعامدىق وركەنيەت دەڭگەيى جوعارى جاڭا جياڭسۋ قۇرۋعا قۇلشىنۋىن ءۇمىت ەتەمىن.
ۋاڭ ياڭ شيزاڭ ۋاكىلدەر ۇيىرمەسىنىڭ قاراۋىنا قاتىناستى. پۋبۋدۇنجۋ، گىساڭجوگا، زاشيجياڭسۇن قاتارلى ۋاكىلدەردىڭ جارىس ءسوزىن تىڭداعاننان كەيىن، ۋاڭ ياڭ كوميتەت باستىعى لي جانشۋ جاساعان مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن بۇكىلدەي قۇپتايتىندىعىن ءبىلدىردى. ۋاڭ ياڭ وتكەن ءبىر جىلداعى شيزاڭنىڭ سان سالالى ىستەرىنىڭ دامۋ ناتيجەلەرىن تولىق تۇراقتاندىرا كەلىپ بىلاي دەپ اتاپ كورسەتتى: شيزاڭنىڭ ەكونوميكالىق دامۋى مەن قوعامدىق ورنىقتىلىعى ۇزدىكسىز جاقسارۋعا بەت الدى، الايدا حاۋىپ - قاتەر مەن سىن - سايىستاردى دا كورە ءبىلۋىمىز كەرەك. باس شۋجي شي جينپيڭنىڭ شيزاڭ قىزمەتى جونىندەگى ماڭىزدى بايىمداۋىن ىشكەرىلەي ۇيرەنىپ، دايەكتىلەندىرىپ، وتاننىڭ تۇتاستىعىن قورعاۋدا، ۇلتتار ىنتىماعىن كۇشەيتۋدە نازار اۋداراتىن تۇيىندەر مەن كۇش سالاتىن تۇيىندەردى مىقتاپ يگەرىپ، شيزاڭدى زاڭ بويىنشا جونگە سالۋ، حالىقتى اۋقاتتاندىرىپ، شيزاڭدى كوركەيتۋ، شيزاڭدى ۇزاق ۋاقىت گۇلدەندىرۋ، جۇرت تىلەگىن ۇيىستىرۋ، نەگىزدى بەكەمدەۋ ماڭىزدى پرينسيبىن مىقتاپ يگەرىپ، امانشىلىقتا جامانشىلىقتىڭ بولاتىنىن دا ويلاپ، ورنىقتىلىق بارىسىندا ىلگەرىلەپ، قوعامدىق جالپى جاعدايدىڭ ورنىقتىلىعى سىندى تاماشا جاعدايدى ونان ارى بەكەمدەپ، بۇتحانالاردى باسقارۋ قابىلەتى قۇرىلىسىن ونان ارى كۇشەيتىپ، كەدەيلىكتەن ارىلتۋدان قامال الۋ ساپاسىن ونان ارى جوعارىلاتىپ، قارلى ءۇستىرتتىڭ تىنىشتىعىنا، جاراسىمدىلىعىنا، ءار ۇلت حالقىنىڭ تىنىش ءومىر، شات - شادىمان تىرشىلىك قۇرۋىنا شىنايى كەپىلدىك ەتۋ كەرەك.
ۋاڭ حۋنيڭ شينجياڭ ۋاكىلدەر ۇيىرمەسىنىڭ قاراۋىنا قاتىناستى. شوكىرات زاكىر، سۇن جينلۇڭ، ابدۇرىقىپ ءتومۇرنياز قاتارلى ۋاكىلدەردىڭ جارىس ءسوزىن تىڭداعاننان كەيىن، ۋاڭ حۋنيڭ مىنالاردى ءبىلدىردى: مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن قۇپتايمىن. شينجياڭ ءتۇرلى قىزمەتتە تىڭ تابىسقا قول جەتكىزدى، شينجياڭنىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ماڭداي الدى ساياسي مىندەت ەتىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن مۇقيات تياناقتاندىرىپ، قالىڭ پارتيا مۇشەلەرى مەن كادرلاردى ”ءتورت تانىم“دى كۇشەيتۋگە، ”ءتورت سەنىم“دى بەكەمدەۋگە، ”ەكىنى قورعاۋ“دى ورىنداۋعا جەتەكتەۋىن ءۇمىت ەتەمىن. قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، حالىق تۇرمىسىن قامتاماسىزداندىرۋ مەن جاقسارتۋ قىزمەتىن جاقسى ىستەپ، ءتۇرلى وقۋ - اعارتۋدى ويداعىداي باسقارىپ، ۇلتتار ىنتىماعى، العاباسارلىعى تاربيەسىن تەرەڭدەتىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋ كەرەك، جاڭا داۋىردەگى پارتيا قۇرىلىسىنىڭ باس تالابىن دايەكتىلەندىرىپ، پارتيانىڭ باسشىلىعى مەن پارتيا قۇرىلىسىن جالپى بەتتىك كۇشەيتۋ كەرەك.
جاۋ لىجي حاينان ۋاكىلدەر ۇيىرمەسىنىڭ قاراۋىنا قاتىناستى. چىن پياۋ، دىڭ شياۋگاڭ، ياڭ يىڭ قاتارلى ۋاكىلدەر ارت - ارتىنان جارىس ءسوز سويلەدى. جاۋ لىجي حايناننىڭ قىزمەتتە قول جەتكىزگەن تىڭ ناتيجەلەرىن تولىق تۇراقتاندىرىپ، حايناننىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ حاينان قىزمەتى جونىندەگى ماڭىزدى نۇسقاۋىنىڭ رۋحىن ۇيرەنىپ، دايەكتىلەندىرىپ، پارتيا ورتالىق كوميتەتىنىڭ حايناننىڭ جاڭا كەزەكتى رەفورما جاساۋ، ەسىك اشۋ بارىسىنداعى ستراتەگيالىق ورنىن مىقتاپ يگەرىپ، ورايدان ۇتىمدى، تولىق پايدالانىپ، جاڭالىق اشۋ جونىندە باتىلدىقپەن ىزدەنىس جاساپ، زەيىن - زەردەنى، كۇش - قۋاتتى شوعىرلاندىرىپ، تياناقتاندىرۋدى مىقتى يگەرىپ، ەركىن ساۋدا سىناق رايونىن جەدەل قۇرىپ، جۇڭگوشا ەرەكشەلىككە يە ەركىن ساۋدا پورتىن قۇرۋ جونىندە ىزدەنىس جاساپ، ءىس جۇزىندىك ارەكەت ارقىلى ”ەكىنى قورعاۋ“دى امالياتتا ايگىلەپ، پارتيا ورتالىق كوميتەتىنىڭ كەلەلى تاپسىرماسىن تىڭ دا اناعۇرلىم زور ناتيجەلەرمەن اقتاۋىن ءۇمىت ەتتى. جاۋ لىجي بىلاي دەدى: مەملەكەتتىڭ باقىلاۋ - تەكسەرۋ ءتۇزىلىسى رەفورماسىن تەرەڭدەتۋ − رەفورمانى جاپپاي تەرەڭدەتۋدىڭ ماڭىزدى مازمۇنى، پارتيا ىشىندەگى باقىلاۋدى مەملەكەت ورگاندارىن باقىلاۋمەن، دەموكراتيالىق باقىلاۋمەن، ءادىليالىق باقىلاۋمەن، بۇقارالىق باقىلاۋمەن، قوعامدىق پىكىر باقىلاۋىمەن ساباقتاستىرىپ، پارتيا مەن مەملەكەتتىڭ باقىلاۋ جۇيەسىن اقاۋسىزداندىرىپ، پارمەندى، ۇتىمدى باقىلاۋ ارقىلى ءتۇرلى مىندەتتەردىڭ تياناقتانۋىن قامتاماسىزداندىرۋ كەرەك.
چىن چۋانگو قاتارلىلار قاراۋعا قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
