ۋاڭ حۋنيڭ 13 - كەزەكتى مەملەكەتتىك حالىق قۇرىلتايىنىڭ 2 - ماجىلىسىندەگى شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا مىنانى باسا دارىپتەدى
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرىپ، شينجياڭداعى ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتەيىك
چىن چۋانگو باسقاردى، ەركىن يمىرباقى، شوكىرات زاكىر، شاۋكەت يمىن، سۇن جينلۇڭ باياندامانى قاراۋعا قاتىناستى، مۋ حۇڭ ماجىلىسكە قاتىناسىپ پىكىر تىڭدادى
2019.03.12 16:18 كەلۋ قاينارى : شينجياڭ گازەتى
تىلشىلەرىمىز ياۋ تۇڭ، سۇي يۇنيان، لي ياڭ 3 - ايدىڭ 10 - كۇنى بەيجيڭنەن حابارلايدى. 3 - ايدىڭ 10 - كۇنى تۇستەن بۇرىن 13 - كەزەكتى مەملەكەتتىك حالىق قۇرىلتايىنىڭ 2 - ماجىلىسىندەگى شينجياڭ ۋاكىلدەر ۇيىرمەسى حالىق سارايىنىڭ شينجياڭ زالىندا جالپى جيىن وتكىزىپ، جۇڭحۋا حالىق رەسپۋبليكاسىنىڭ شەتەل ساۋداگەرلەرى قارجى قوسۋ زاڭى جوباسىن قارادى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ باياندامانى قاراۋعا قاتىناستى.
شينجياڭ ۋاكىلدەر ۇيىرمەسىنىڭ باستىعى، مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق پارتكومنىڭ شۋجيى چىن چۋانگو جيىندى باسقاردى. مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى جانە مەملەكەتتىك حالىق قۇرىلتايىنىڭ ۋاكىلدەرى شوكىرات زاكىر، شاۋكەت يمىن، سۇن جينلۇڭ قاتارلىلار قاراۋعا قاتىناستى. ورتالىق رەفورمانى جاپپاي تەرەڭدەتۋ كوميتەتى كەڭسەسىنىڭ ۇنەمىلىك ىستەرگە جاۋاپتى ورىنباسار مەڭگەرۋشىسى، مەملەكەتتىك دامۋ جانە رەفورما كوميتەتىنىڭ ورىنباسار مەڭگەرۋشىسى مۋ حۇڭ، ورتالىق كوميتەت ساياسات زەرتتەۋ كەڭسەسىنىڭ ورىنباسار مەڭگەرۋشىسى تيان پەييان جانە مەملەكەتتىڭ قاتىستى مينيسترلىك، كوميتەتتەرىندەگى جاۋاپتى جولداستار جيىنعا قاتىناسىپ، پىكىر تىڭدادى.
تۇستەن بۇرىن ساعات 9دا ۋاڭ حۋنيڭ جيىن زالىنا كىرىپ، كوپشىلىكپەن ءبىر - بىرلەپ قول الىسىپ، ىقىلاستى تۇردە اڭگىمەلەستى.
جيىن زالى مەرەيلى دۋمانعا شومىپ، ۋاكىلدەر جابال جارىس سوزگە شىقتى. شوكىرات زاكىر، سۇن جينلۇڭ، ابدۇرىقىپ ءتومۇرنياز، پارھات روزى، نياز ءاشىم، چىن لياڭ، سۇي جيۋشيۋ، قۇربان نياز، رۋحيام ماتسەيت، ريزا باعداۋلەت قىزى، مين شياۋچيڭ قاتارلى ۋاكىلدەر شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرۋ، تياناقتاندىرۋ، قوعام ورنىقتىلىعى مەن ەكونوميكانىڭ جوعارى ساپالى دامۋىن ءبىر تۇتاس ىلگەرىلەتۋ، بيڭتۋان رەفورماسىن تەرەڭدەتۋ، ءدىن تاتۋلىعىن، جاراسىمدىلىعىن جەبەۋ، كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋ، ۇلتتار ىنتىماعىن بەكەمدەۋ، دامىتۋ، قالا، اۋىلداردىڭ نەگىزگى ساتى نەگىزىن بەكەمدەۋ، وقۋ - اعارتۋدا حالىققا تيىمدىلىك جەتكىزۋدى ىلگەرىلەتۋ، ت. ب توڭىرەگىندە پىكىر باياندادى.
ۋاڭ حۋنيڭ ۋاكىلدەردىڭ ءسوزىن تىڭداي وتىرىپ ەستەلىككە الىپ، ولارمەن ىشكەرىلەي تالقى جۇرگىزىپ، پىكىر اۋىستىردى. ۋاكىلدەردىڭ ءسوزىن دەن قويا تىڭداعاننان كەيىن ۋاڭ حۋنيڭ مىنالاردى ءبىلدىردى: مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن قۇپتايمىن. شينجياڭ ءتۇرلى قىزمەتتەردە تىڭ تابىسقا قول جەتكىزدى، شينجياڭنىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ماڭداي الدى ساياسي مىندەت ەتىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن مۇقيات تياناقتاندىرىپ، قالىڭ پارتيا مۇشەلەرى مەن كادرلاردى ”ءتورت تانىم“دى كۇشەيتۋگە، ”ءتورت سەنىم“دى بەكەمدەۋگە، ”ەكىنى قورعاۋ“دى ورىنداۋعا جەتەكتەۋىن ءۇمىت ەتەمىن. قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، حالىق تۇرمىسىن قامتاماسىزداندىرۋ جانە جاقسارتۋ قىزمەتىن جاقسى ىستەپ، ءتۇرلى تاربيە قىزمەتىن ويداعىداي باسقارىپ، ۇلتتار ىنتىماعى، العاباسارلىعى تاربيەسىن تەرەڭدەتىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋ كەرەك. جاڭا داۋىردەگى پارتيا قۇرىلىسىنىڭ باس تالابىن دايەكتىلەندىرىپ، پارتيانىڭ باسشىلىعى مەن پارتيا قۇرىلىسىن جالپى بەتتىك كۇشەيتۋ كەرەك.
چىن چۋانگو مىنانىءبىلدىردى: ۋاڭ حۋنيڭ جولداستىڭ شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناسۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭداعى ءار ۇلت حالقىنا باسا ءمان بەرىپ وتىرعاندىعىن جانە ىقىلاستى قامقورلىق جاساعاندىعىن تولىق ايگىلەدى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تەرەڭ تامىر تارتىپ تياناقتانۋىن تاباندىلىقپەن ىلگەرىلەتىپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن ۇزدىك ناتيجەمەن قارسى الامىز.
مەملەكەتتىك حالىق قۇرىلتايىنىڭ ۋاكىلدەرى نايىم ياسىن، شى داگاڭ، لي ۋي، لو دۇڭچۋان، پىڭ جيارۇي، عانيبات سابىكەي ۇلى قاتارلىلار قاراۋعا قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
