شي جينپيڭ گرەتسيانىڭ زۇڭتۇڭى پاۆلوپوۋلوسپەن كەڭەس وتكىزدى
شريلانكانىڭ زۇڭتۇڭىمەن، كامبودجانىڭ پاتشاسىمەن، سينگاپۋردىڭ زۇڭتۇڭىمەن، ارمەنيانىڭ زۇڭليىمەن جەكە - جەكە كەزدەستى
2019.05.17 15:03 كەلۋ قاينارى : شينجياڭ گازەتى
شينحۋا اگەنتتىگىنىڭ 5 - ايدىڭ 14 - كۇنى بەيجيڭنەن بەرگەن حابارى (تىلشىلەر ۋاڭ جولۇن، ۋاڭ شياۋجيە). مەملەكەت ءتوراعاسى شي جينپيڭ 5 - ايدىڭ 14 - كۇنى حالىق سارايىندا گرەتسيانىڭ زۇڭتۇڭى پاۆلوپوۋلوسپەن كەڭەس وتكىزدى.
شي جينپيڭ بىلاي دەدى: پاۆلوپوۋلوس زۇڭتۇڭنىڭ مەملەكەتتىك ساپاردا بولۋ ءارى ازيا وركەنيەتتەر تىلدەسۋ جينالىسىنا قاتىناسۋ ءۇشىن جۇڭگوعا كەلگەندىگىن قارسى الامىن. گرەتسيا ەۆروپاداعى وركەنيەتتى بايىرعى ەل، ءسىزدىڭ كەلۋىڭىز ازيا - ەۆروپا وركەنيەتتەرىنىڭ اۋىس - ءتۇيىسىن، ءوزارا ۇلگى الۋىن جانە دۇنيە جۇزىندەگى تۇرلىشە وركەنيەتتەر تىلدەسۋىن جەبەۋ جونىنەن ماڭىزدى ءمان الادى.
شي جينپيڭ بىلاي دەپ اتاپ كورسەتتى: جۇڭحۋا ۇلتى − دۇرىس جولدان تايمايتىن، جاڭالىق اشاتىن ۇلت. ۇزاقتان بەرى جالعاسىپ، قازىرگە دەيىن ءۇزىلىس جاساماي كەلە جاتقان، ەجەلدەن قاقپايلاۋشىلىق سيپات الماعان جۇڭحۋا وركەنيەتى سيىسىمدى، ءبارىن قامتۋ بارىسىندا ۇزدىكسىز تۋىنداپ، دامىپ وتىردى. بايىرعى جىبەك جولىنداعى اۋىس - ءتۇيىسى ارقىلى بايىرعى گرەتسيا وركەنيەتى، بايىرعى ريم وركەنيەتى، جەر ورتا تەڭىز وركەنيەتى جانە بۋددا ءدىنى، ءىسلام ءدىنى، حريستيان ءدىنى ىركەس - تىركەس جۇڭگوعا كىرىپ، جۇڭحۋا وركەنيەتىمەن توعىسىپ، بىرگە ءومىر ءسۇرىپ، جەرگىلىكتەنۋدى جۇزەگە اسىردى، ەجەلدەن وركەنيەتتەر قاقتىعىسى جانە ءدىن سوعىسى تۋىلمادى. جۇڭحۋا ۇلتىندا سىرتقا شاپقىنشىلىق جاساۋ داعدىسى جوق. 600 نەشە جىلدىڭ الدىندا جىڭ حى باتىس مۇحيتقا ساپار شەككەن كەزدە باستاعانى سول كەزدەگى دۇنيە جۇزىندەگى ەڭ كولەمدى كەمە اترەتى ەدى، اپارعانى سوعىس ەمەس، قايتا جىبەك، شاي جانە فارفور ىدىستار بولدى، جول بويى ءبىر سۇيەم جەردى دە يەمدەنىپ العان جوق.
شي جينپيڭ بىلاي دەپ باسا دارىپتەدى: جۇڭگولىقتار ەجەلدەن وتباسى مەن وتانعا سۇيىسپەنشىلىك ورناتقان، مەملەكەت ءبىرىنشى ورىندا تۇرادى، مەملەكەت بولماسا، وتباسى بولمايدى، مەملەكەتتىڭ ءبىر تۇتاستىعى، قۇدىرەتتەنۋى بولماسا، وتباسىنىڭ جاراستىعى مەن جەكەنىڭ باقىتى بولمايدى ۇستانىمدا بولىپ كەلەدى. جۇڭگو حالقىنىڭ مەملەكەتتىڭ تۇتاستىعىن جانە تەرريتوريانىڭ بۇتىندىگىن قورعاۋ، ۇلتتىڭ مۇددەسى مەن مەملەكەتتىڭ ار - نامىسىن قورعاۋ سەنىمى وسكەلەڭ بىرلىككە كەلگەن، بەكىمى قۇرىشتاي بەرىك. جۇڭگونىڭ بۇگىنگى جۇرگەن جۇڭگوشا سوتسياليزم جولىن 5000 جىلدىق جۇڭحۋا وركەنيەتىنەن بولە قاراۋعا بولمايدى، ول ءارى جۇڭگو حالقىنىڭ قاجىرلى دا جاپالى كۇرەستى باستان كەشىرە ءجۇرىپ تاپقان جولى، ماركسيزم نەگىزگى قاعيداسىنىڭ جۇڭگونىڭ امالياتىمەن جانە ءداۋىر ەرەكشەلىگىمەن ۇشتاسۋىنىڭ تۋىندىسى، ول تاريحتىڭ قاجەتتىلىگى، حالىقتىڭ تالعامى. دۇنيە جولى − كوك تەڭىزدەر ەگىنجايعا وزگەرمەك. قانشالىق قيىندىق، كەدەرگى بولسا دا، ءبىز وسى جولدى بويلاي تاباندىلىقپەن جۇرە بەرەمىز. جۇڭگو دامىسا، دۇنيە ءجۇزىنىڭ بەيبىتشىلىگىنە جانە ادامزاتتىڭ العا باسۋىنا ماڭىزدى ۇلەس قوسادى. قازىرگى تاڭداعى دۇنيە جۇزىندە ءار ەل حالقى ورتاق جەر شارى قىستاعىندا ءومىر كەشىپ، ءبىرى گۇلدەنسە باسقاسى دا گۇلدەنىپ، ءبىرى زيان تارتسا باسقاسى دا زيان تارتىپ، بەينەت پەن زەينەتتى بىرگە وتكەرىپ كەلەدى. مەنىڭ ”ءبىر بەلدەۋ، ءبىر جول“دى بىرگە قۇرۋدى جانە ادامزاتتىڭ تاعدىرلاس ورتاق تۇلعاسىن ورناتۋدى دارىپتەۋىم تۇرلىشە وركەنيەتتەردىڭ اۋىس - ءتۇيىسىن، ءوزارا ۇلگى الۋىن جانە ءار ەل اراسىنداعى ءوزارا پايدا جەتكىزۋ سەلبەستىگىن جەبەپ، باياندى بەيبىتشىلىك ورناعان، جاپپاي حاۋىپسىز، بىرگە گۇلدەنگەن، اشىق، سيىسىمدى، تازا دا كورىكتى دۇنيە ءجۇزىن قۇرۋ ءۇشىن بولىپ تابىلادى.
شي جينپيڭ بىلاي دەپ اتاپ كورسەتتى: جۇڭگو مەن گرەتسيا ەكەۋى دە وركەنيەتتى بايىرعى ەلدەر، ەكى ەلدىڭ دوستىق بارىس - كەلىسى ارىدان باستاۋ العان، ءبىر - بىرىمەن تابيعي ەتەنەلىك سۇيىسپەنشىلىگى بار. گرەتسيا جۇڭگونىڭ ەۆروپاداعى جاقسى دوسى، جاقسى سەرىگى، جۇڭگو جاق گرەتسيا جاقپەن بىرگە ناقتى ىستەر سەلبەستىگىن جانە گۋمانيتارلىق اۋىس - ءتۇيىستى كۇشەيتىپ، ”ءبىر بەلدەۋ، ءبىر جول“دى قول ۇستاسا بىرگە قۇرۋدى قالايدى.
پاۆلوپوۋلوس مىنالاردى ءبىلدىردى: جۇڭگونىڭ ازيا وركەنيەتتەر تىلدەسۋ جينالىسىن وتكىزۋى دۇنيە جۇزىندەگى وركەنيەتتەردىڭ اۋىس - ءتۇيىسى، ءوزارا ۇلگى الۋى جونىنەن ايرىقشا ماڭىزدى، گرەتسيا ۇسىنىس بويىنشا قاتىناسقاندىعىن وتە داڭق سەزىنەدى. كەزەكتە حالىقارادا ءىشىنارا ادامدار ايتىلمىس ”وركەنيەتتەر قاقتىعىسى ءپاتۋاسى“ن كولدەنەڭ تارتىپ داۋىرىعىپ وتىر، بۇل ەرەكشە قاتە. ءىس جۇزىندە، ناعىز وركەنيەتتەر اراسىندا قاقتىعىس، قارسىلىق تۋىلماۋعا ءتيىس ءارى تۋىلمايدى. تۇرلىشە وركەنيەتتەر اراسىندا پارىق بار، ءبىرىن - ءبىرى قۇرمەتتەۋ، تىلدەسۋ، اۋىس - ءتۇيىس جاساۋ ارقىلى ءبىر - بىرىنەن ۇلگى الىپ، ارتىقشىلىقتارىن قابىلداپ، كەمشىلىكتەرىن تولىقتاۋ كەرەك، مىنە بۇل − دۇنيە ءجۇزىنىڭ باياندى بەيبىت جانە ادامزاتتىڭ جاراسىمدى بىرگە تۇرۋ جولى. بۇل جاعىندا، گرەتسيا مەن جۇڭگونىڭ ۇستانىمى ۇقساس. ءبىر ەلدىڭ، ءبىر ۇلتتىڭ دۇنيە جۇزىنە جانە ادامزاتقا قوسقان ۇلەسى قانشالىق زاتتىق بايلىق جاراتقاندىعىندا عانا ەمەس، تاعى قانداي ۇستانىمدى ورتاعا قويعاندىعىندا كورىلەدى. گرەتسيا ءتوراعا شي جينپيڭ ورتاعا قويعان دۇنيە جۇزىلىك وركەنيەت كوزقاراسىن، ”ءبىر بەلدەۋ، ءبىر جول“دى بىرگە قۇرۋ باستاماسىن جانە ادامزاتتىڭ تاعدىرلاس ورتاق تۇلعاسىن قۇرۋ ۇستانىمىن ايرىقشا القايدى، جۇڭگونىڭ كوپ جاقتىلىقتى قولداپ، حالىقارادا سەنىمگە ءمان بەرىپ، ۋادەسىندە تۇرعاندىعىن وسكەلەڭ باعالايدى، بۇل بايىرعى جۇڭحۋا وركەنيەتىنىڭ اقىل - پاراساتىن جانە جۇڭگونىڭ جاۋاپكەرشىلىك ارقالاعان ءىرى ەل رەتىندەگى تاريحي جاۋاپكەرشىلىگىن ايگىلەدى. مەن جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى قارساڭىندا جۇڭگوعا كەلگەندىگىمە وتە قۋانىشتامىن. گرەتسيا حالقى جۇڭگونىڭ دامۋدا قول جەتكىزگەن كەسەك تابىستارىنا سۇيىنەدى. جۇڭگو كوممۋنيستىك پارتياسى حالىقتى وزەك ەتۋدەي دامۋ ۇستانىمىن ورتاعا قويىپ، نەشە ءجۇز ميلليون جان سانىن تابىستى تۇردە كەدەيلىكتەن ارىلتتى، بۇل ەرەكشە كەرەمەت. جۇڭگونىڭ دامۋى جۇڭگو حالقىنىڭ باقىتىن كوزدەدى ءارى دۇنيە ءجۇزىن باقىتقا كەنەلتتى. گرەتسيا ”ءبىر بەلدەۋ، ءبىر جول“دى بىرگە قۇرۋدىڭ تاريحي ورايىن مىقتاپ يگەرىپ، جۇڭگومەن اۋىس - ءتۇيىستى، سەلبەستىكتى تەرەڭدەتۋدى ءارى ەۆروپا - جۇڭگو قارىم - قاتىناسىنىڭ، سونداي - اق ورتا، شىعىس ەۆروپا ەلدەرىنىڭ جۇڭگومەن قارىم - قاتىناسىنىڭ دامۋىن جەبەۋ ءۇشىن بەلسەندى رول اتقارۋدى قالايدى.
كەڭەستىڭ الدىندا، شي جينپيڭ حالىق سارايىنىڭ شىعىس ەسىگى الدىنداعى الاڭدا پاۆلوپوۋلوستى قارسى الۋ سالتىن وتكىزدى. پىڭ لييۋان، ديڭ شۋەشياڭ، ياڭ جيەچى، حۋاڭ كۇنميڭ، چىن جۋ، ۋاڭ ي، لي بين، حى ليفىڭ قاتارلىلار قاتىناستى.
شينحۋا اگەنتتىگىنىڭ 5 - ايدىڭ 14 - كۇنى بەيجيڭنەن بەرگەن حابارى (تىلشىلەر باي جيە، گاي بوميڭ). مەملەكەت ءتوراعاسى شي جينپيڭ 5 - ايدىڭ 14 - كۇنى حالىق سارايىندا ازيا وركەنيەتتەر تىلدەسۋ جينالىسىنا قاتىناسۋ ءۇشىن جۇڭگوعا كەلگەن شريلانكانىڭ زۇڭتۇڭى سيريسەنامەن كەزدەستى.
شي جينپيڭ مىنانى اتاپ كورسەتتى: جۇڭگو جاق تاياۋدا شريلانكادا تۋىلعان جەلىلەس لاڭكەستىك شابۋىلداۋ وقيعاسىن قاتاڭ جازعىرادى، شريلانكا ۇكىمەتىمەن، حالقىمەن مىزعىماي بىرگە تۇرىپ، شريلانكا جاقتىڭ لاڭكەستىككە سوققى بەرۋىن قولداپ، شريلانكا جاقتىڭ لاڭكەستىككە قارسى تۇرۋ قۋاتىن كۇشەيتۋ قۇرىلىسىنا كومەك كورسەتىپ، مەملەكەتتىڭ حاۋىپسىزدىگى مەن ورنىقتىلىعىن قورعاۋدى قالايدى.
شي جينپيڭ مىنانى باسا دارىپتەدى: جۇڭگو مەن شريلانكا جاقسى كورشى، جاقسى سەرىك. جۇڭگو جاق شريلانكا جاقپەن بىرگە ەكى ەلدىڭ ءبىر - بىرىنە شىنايى كومەكتەسۋ، عاسىرلار بويى دوس بولۋداي ستراتەگيالىق سەلبەستىك سەرىكتەستىك قارىم - قاتىناسىنىڭ تىنباي العا دامۋىن ىلگەرىلەتۋدى قالايدى. ەكى جاق جوعارى جىكتەگىلەردىڭ ۇنەمىلىك بايلانىسىن ساقتاپ، دوستىق سەلبەستىك بەتالىسىن مىقتى مەڭگەرىپ، ءبىر - ءبىرىن تاباندىلىقپەن قولداۋى كەرەك. ”ءبىر بەلدەۋ، ءبىر جول“دى بىرگە قۇرۋدى تىڭعىلىقتى ىلگەرىلەتىپ، ەكى ەلدىڭ ءىرى نىساندار سەلبەستىگىن جەبەپ، شريلانكا حالقىن يگىلىككە كەنەلدىرەتىن حالىق تۇرمىسى نىساندارىن جەدەل اتقارۋ قاجەت. حاۋىپسىزدىك، زاڭ اتقارۋ سەلبەستىگىن ىشكەرىلەي ورىستەتىپ، لاڭكەستىك سياقتى داستۇرگە جاتپايتىن حاۋىپسىزدىك قاتەرىنە بىرگە توتەپ بەرۋ كەرەك. شريلانكا جاقتىڭ ازيا وركەنيەتتەر تىلدەسۋ جينالىسى تۇعىرىنان ويداعىداي پايدالانىپ، شريلانكانىڭ تاريحى ۇزاق بۋددا ءدىنى وركەنيەتى مەن الۋان ءتۇرلى، كوپ نەگىزدى مادەنيەتىن ايگىلەيتىندىگىنە سەنەمىن.
سيريسەنا مىنالاردى ءبىلدىردى: مەن تاياۋدا شريلانكادا تۋىلعان جەلىلەس لاڭكەستىك شابۋىلداۋ وقيعاسىندا قازا بولعان جۇڭگو ازاماتتارىنا قايعىلى ازا بىلدىرەمىن، جۇڭگو جاقتىڭ شريلانكا جاقتىڭ لاڭكەستىككە قارسى تۇرۋ جاعىنداعى قۇلشىنىسىن تاباندىلىقپەن قولداعاندىعىنا العىس ايتامىن. جۇڭگونىڭ باستاماسىمەن وتكىزىلەتىن ازيا وركەنيەتتەر تىلدەسۋ جينالىسى ماڭىزدى وڭىرلىك جانە حالىقارالىق ءمان الادى، شريلانكا جونىنەن دە توتەنشە ماڭىزدى. شريلانكا مەن جۇڭگونىڭ دوستىعى ارىدان باستاۋ العان. شريلانكا جاق جۇڭگو جاقتىڭ ۇزاق ۋاقىتتان بەرى قۇندى قولداۋ كورسەتىپ كەلگەندىگىنە العىس ايتادى، شريلانكا - جۇڭگو قارىم - قاتىناسىن دامىتۋدى باستان - اياق الدىڭعى ورىنعا قويىپ، جۇڭگو جاقپەن ”ءبىر بەلدەۋ، ءبىر جول“دى بىرگە قۇرۋ سەلبەستىگىن كۇشەيتىپ، دامۋ جانە حاۋىپسىزدىك سەلبەستىگىن تەرەڭدەتۋدى قالايدى.
كەزدەسۋدەن كەيىن، ەكى ەلدىڭ مەملەكەت باسشىلارى قاتىستى ەكى جاقتى سەلبەستىك حۇجاتتارىنا قول قويۋعا بىرگە كۋا بولدى.
ديڭ شۋەشياڭ، ياڭ جيەچى، حۋاڭ كۇنميڭ، ۋاڭ ي، حى ليفىڭ قاتارلىلار كەزدەسۋگە قاتىناستى.
شينحۋا اگەنتتىگىنىڭ 5 - ايدىڭ 14 - كۇنى بەيجيڭنەن بەرگەن حابارى (تىلشىلەر باي جيە، ۋاڭ شياۋجيە). مەملەكەت ءتوراعاسى شي جينپيڭ 5 - ايدىڭ 14 - كۇنى حالىق سارايىندا كامبودجانىڭ پاتشاسى سحامونيمەن كەزدەستى.
شي جينپيڭ مىنانى اتاپ كورسەتتى: جۇڭگو مەن كامبودجانىڭ دوستىعى كۇللى دۇنيە جۇزىنە مەملەكەتتەر اراسىنداعى، حالىقتار اراسىنداعى شىنايى دوستىقتى ايگىلەدى، ول ادامزاتتىڭ تاعدىرلاس ورتاق تۇلعاسىن قالىپتاستىرۋدا مىڭداعان جىلدار بويى جىرلاناتىن ادەمى اڭگىمەگە اينالدى. جۇڭگو جاق كامبودجا پاتشا اۋلەتىمەن اراداعى ەرەكشە دوستىقتى قاستەرلەيدى. جۇڭگونىڭ نەشە ۇرپاق باسشىلارى سحانوك پاتشامەن قويۋ دوستىق سۇيىسپەنشىلىك ورناتقان، ءبىز وعان ويداعىداي مۇراگەرلىك ەتىپ، ويداعىداي ساۋلەلەندىرىپ، جۇڭگو مەن كامبودجانىڭ دوستىعىن ۇرپاقتان - ۇرپاققا جالعاستىرۋىمىز كەرەك. جۇڭگو جاق كامبودجانىڭ ءوز مەملەكەت جاعدايىنا ۇيلەسەتىن دامۋ جولىمەن ءجۇرۋىن بۇرىنعىداي قولدايدى، كامبودجا جاقپەن بىرگە جۇڭگو - كامبودجا جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتەدى. ەكى جاق جۇڭگو مەن كامبودجانىڭ تاعدىرلاس ورتاق تۇلعا قۇرۋ قيمىلى جوسپارىن ويداعىداي تياناقتاندىرىپ، ەكى ەل حالقىن مۇنان يگىلىكتەندىرىپ، مەملەكەتتەر ارا مادەنيەتتىڭ كوپ تۇرلىلىگىنە ءوزارا قۇرمەت ەتۋدىڭ، وركەنيەتتەردىڭ اۋىس - ءتۇيىسىن، ءوزارا ۇلگى الۋىن جەبەۋدىڭ ۇلگىسىن ورناتۋ كەرەك.
سحاموني مىنانى ءبىلدىردى: جۇڭگو ۇكىمەتى مەن حالقىنىڭ كامبودجا پاتشا اۋلەتىنە دەگەن تەرەڭ دوستىق سۇيىسپەنشىلىگىنە جانە ۇزاق ۋاقىتتان بەرى كامبودجا حالقىنا قۇندى قولداۋ، كومەك كورسەتىپ كەلگەندىگىنە العىس ايتامىن. كامبودجا حالقى ءارقانداي جاعدايدا دا باتىل تۇردە جۇڭگو حالقىمەن بىرگە بولادى. كامبودجا جۇڭحۋا حالىق رەسپۋبليكاسى قۇرىلعان 70 جىلدان بەرى قول جەتكىزگەن وراسان زور دامۋ ناتيجەسىن قۇتتىقتايدى، جۇڭگونىڭ حالىقارالىق ىستەردە ساۋلەلەندىرگەن ماڭىزدى ىقپالىن القايدى، ”ءبىر بەلدەۋ، ءبىر جول“دى بىرگە قۇرۋدى تاباندىلىقپەن قولدايدى. ءتوراعا شي جينپيڭنىڭ باستاماسىمەن وتكىزىلەتىن ازيا وركەنيەتتەر تىلدەسۋ جينالىسىنىڭ ءار ەل اراسىنداعى مادەنيەت اۋىس - ءتۇيىسى مەن ءوزارا ءتۇسىنىسۋدى ىلگەرىلەتۋ جاعىندا ماڭىزدى رول اتقاراتىندىعى ءسوزسىز.
ديڭ شۋەشياڭ، ياڭ جيەچى، حۋاڭ كۇنميڭ، ۋاڭ ي، حى ليفىڭ قاتارلىلار كەزدەسۋگە قاتىناستى.
شينحۋا اگەنتتىگىنىڭ 5 - ايدىڭ 14 - كۇنى بەيجيڭنەن بەرگەن حابارى (تىلشىلەر باي جيە، شيە حاۋ). مەملەكەت ءتوراعاسى شي جينپيڭ 5 - ايدىڭ 14 - كۇنى حالىق سارايىندا سينگاپۋردىڭ زۇڭتۇڭى حاليمامەن كەزدەستى.
شي جينپيڭ بىلاي دەپ اتاپ كورسەتتى: وتكەن ايدا لي شيانلۇڭ زۇڭلي جۇڭگوعا كەلىپ، ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنە جانە بەيجيڭ دۇنيە جۇزىلىك باۋ - باقشا كورمەسىنىڭ اشىلۋ سالتىنا قاتىناسقان ەدى، وسى ايدا زۇڭتۇڭ حانىمنىڭ جۇڭگوعا ازيا وركەنيەتتەر تىلدەسۋ جينالىسىنا قاتىناسۋعا كەلۋى جۇڭگو مەن سينگاپۋردىڭ قارىم - قاتىناسىنىڭ قويۋلىعىن تولىق ايگىلەدى. جۇڭگو مەن سينگاپۋر ءبىر - بىرىنە دامۋ ورايىن جاساپ، ۇزاق ۋاقىتتان بەرى قول ۇستاسا بىرگە ءجۇرىپ، مۇددەلەرىن وسكەلەڭ توعىستىردى. ەكى ەل جوعارى جىكتەگىلەردىڭ بارىس - كەلىس ءداستۇرىن ساقتاپ، ەكى ەل قارىم - قاتىناسىنىڭ دامۋىنا ستراتەگيالىق جاقتان جەتەكشىلىك ەتۋى كەرەك. جۇڭحۋا ۇلتىندا دۇرىس جولدان تايماي، جاڭالىق اشاتىن ءداستۇر بار، ”ءبىر بەلدەۋ، ءبىر جول“دى بىرگە قۇرۋ سيىسىمدىلىق، دوستىق بارىسى ءارى كەزەكتەگى جۇڭگو مەن سينگاپۋر ەكى ەل قارىم - قاتىناسىن دامىتۋدىڭ ەڭ زور ورايى. ەكى جاق ”ءبىر بەلدەۋ، ءبىر جول“دى جوعارى ساپادا بىرگە قۇرۋدى جۇڭگو مەن سينگاپۋر قارىم - قاتىناسىنىڭ جاڭا تانىسقىسى ەتىپ قالىپتاستىرىپ، ”قۇرلىق - تەڭىز جاڭا ارناسى“نان جانە 3 - جاق بازارى سەلبەستىگىنەن ويداعىداي، تولىق پايدالانىپ، ەرتەرەك ناتيجە شىعارۋ كەرەك. ەكونوميكانىڭ جاھاندانۋىن جانە كوپ جاقتىلىقتى باتىل قولداپ، ازيا ەلدەرىنىڭ ىنتىماعىن، بىرلىگىن ىلگەرىلەتىپ، نازاردى سەلبەستىككە شوعىرلاندىرىپ، ازيا وركەنيەتتەر تىلدەسۋ جينالىسىن وتكىزۋدى وراي ەتىپ، ازيا تاماشا مەكەنىن بىرگە گۇلدەندىرۋ كەرەك. كوپ ۇيەكتى دۇنيە ءجۇزىن قۇرۋ بارىسىندا، ءبىزدىڭ دوستار شەڭبەرىمىز بارعان سايىن ۇلكەيەدى.
حاليما مىنالاردى ءبىلدىردى: جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتايمىن. جۇڭگو جاقتىڭ باستاما كوتەرىپ ازيا وركەنيەتتەر تىلدەسۋ جينالىسىن وتكىزۋى ءدال ۋاعىندا بولدى، بۇل تاراپتاردىڭ دۇنيە ءجۇزى حالىقتارىن قايتكەندە اناعۇرلىم تيىمدىلىككە كەنەلتۋ جونىندە ىزدەنىس جاساۋىنا پايدالى. سينگاپۋر - جۇڭگو قارىم - قاتىناسى جاقسى بەتالىستا دامۋدا، ەكى ەل اراسىنداعى ءتۇيىندى سەلبەستىك نىساندارى مەملەكەتتەر اراسىنداعى ءوزارا تيىمدىلىك جەتكىزىپ سەلبەسۋدىڭ ۇلگىسىنە اينالدى. سينگاپۋر جاق اۋەلدەن - اق ”ءبىر بەلدەۋ، ءبىر جول“ باستاماسىن باتىل قولدادى، جۇڭگو جاقپەن ەكونوميكا - ساۋدا، گۋمانيتارلىق سالالارداعى اۋىس - ءتۇيىستى، سەلبەستىكتى تەرەڭدەتىپ، ەكى ەل حالىقتارىن باقىتقا كەنەلتىپ، ەرەجەنى نەگىز ەتكەن كوپ جاقتى ساۋدا ءتۇزىلىسىن بىرگە قورعاۋدى قالايدى، بۇل ءار ەل جونىنەن، اسىرەسە، قالىڭ ورتا، شاعىن ەلدەر جونىنەن توتەنشە ماڭىزدى.
ديڭ شۋەشياڭ، ياڭ جيەچى، حۋاڭ كۇنميڭ، ۋاڭ ي، حى ليفىڭ قاتارلىلار كەزدەسۋگە قاتىناستى.
شينحۋا اگەنتتىگىنىڭ 5 - ايدىڭ 14 - كۇنى بەيجيڭنەن بەرگەن حابارى (تىلشىلەر باي جيە، ۋاڭ شياۋجيە). مەملەكەت ءتوراعاسى شي جينپيڭ 5 - ايدىڭ 14 - كۇنى حالىق سارايىندا ارمەنيانىڭ زۇڭليى پاشينيانمەن كەزدەستى.
شي جينپيڭ بىلاي دەپ اتاپ كورسەتتى: جۇڭگو مەن ارمەنيا − تاريحى ۇزاق وركەنيەتتى بايىرعى ەلدەر، ەكى ەل حالىقتارىنىڭ دوستىعى مەن سەلبەستىگى بايىرعى جىبەك جولى ارقىلى بۇگىنگە دەيىن جالعاسىپ كەلدى. قازىر جۇڭگو مەن ارمەنيانىڭ دوستىق سەلبەستىك قارىم - قاتىناسى اقاۋسىز، ورنىقتى دامۋدا. جۇڭگو جاق ارمەنيا جاقپەن بىرگە ەكى ەلدىڭ وركەنيەتتە ءبىر - بىرىنەن ۇيرەنۋىن، ءوزارا ۇلگى الۋىن جەبەپ، جۇڭگو مەن ارمەنيانىڭ ۇرپاقتار بويى دوستىعىن بەكەمدەۋگە، ”ءبىر بەلدەۋ، ءبىر جول“دى بىرگە قۇرۋعا پارمەندى تىرەك ازىرلەپ، ءوڭىردىڭ دامۋىنا، سەلبەستىگىنە تىڭ قوزعاۋشى كۇش ۇستەۋدى قالايدى. ەكى جاق ءبىر - ءبىرىنىڭ وزەكتى مۇددەسى مەن ءجىتى قاداعالاپ وتىرعان ىستەرىندە ءبىرىن - ءبىرى قولداۋ كەرەك. جۋىقتاعى جىلداردان بەرى، ”ءبىر بەلدەۋ، ءبىر جول“دى بىرگە قۇرۋ اياسىندا، جۇڭگو مەن ارمەنيانىڭ ناقتى سەلبەستىكتەرى تەز دامىدى. جۇڭگو جاق ارمەنيا جاقپەن سەلبەستىك كومەسكى كۇشتەرىن اشىپ، ەكى ەلدىڭ ساۋداعا قارجى قوسۋ، كەن ونىمدەرىن اشۋ، مەتال قورىتۋ، قايتا تۋىندايتىن ەنەرگيا، نەگىزدىك قۇرىلعى قۇرىلىسى سياقتى سالالارداعى ناقتى سەلبەستىكتەرىنىڭ اناعۇرلىم مول ءىس جۇزىندىك جەتىستىكتەرگە قول جەتكىزۋىن ىلگەرىلەتۋدى قالايدى. ەكى جاق گۋمانيتارلىق اۋىس - ءتۇيىستى قويۋلاتىپ، لاڭكەستىككە قارسى تۇرۋ جانە زاڭ اتقارۋ، حاۋىپسىزدىك سەلبەستىكتەرىن كۇشەيتىپ، ”ءۇش ءتۇرلى كۇش“كە بىرگە سوققى بەرۋى كەرەك.
پاشينيان مىنالاردى ءبىلدىردى: جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قىزۋ قۇتتىقتايمىن، جۇڭگو جاقتىڭ 2 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىن ءساتتى وتكىزگەندىگىن قۇتتىقتايمىن. ارمەنيا مەن جۇڭگو − وركەنيەتتى بايىرعى ەلدەر، تاريحتا ساۋدا، مادەنيەت بايلانىسى تىعىز بولعان. ارمەنيا ەكى ەل قارىم - قاتىناسىنىڭ دامۋىنا ستراتەگيالىق بيىكتەن مامىلە جاسايدى، ”ءبىر بەلدەۋ، ءبىر جول“دى بىرگە قۇرۋعا بەلسەندىلىكپەن ات سالىسۋدى قالايدى. ارمەنيا لاڭكەستىك كۇشتەرگە باتىل سوققى بەرۋگە كۇش سالادى.
ديڭ شۋەشياڭ، ياڭ جيەچى، حۋاڭ كۇنميڭ، ۋاڭ ي، حى ليفىڭ قاتارلىلار كەزدەسۋگە قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
