ازيانىڭ حاۋىپسىزدىگى مەن دامۋىنىڭ جاڭا جاعدايىن قول ۇستاسا اشايىق
− ازيا ءوزارا ىقپالداستىق جانە سەنىم شارالارى ءماجىلىسىنىڭ 5 - رەتكى باسشىلار ماجىلىسىندە سويلەنگەن ءسوز (2019 - جىلى 6 - ايدىڭ 15 - كۇنى، دۋشانبە)
جۇڭحۋا حالىق رەسپۋبليكاسىنىڭ ءتوراعاسى شي جينپيڭ
2019.06.17 10:59 كەلۋ قاينارى : شينجياڭ گازەتى
قۇرمەتتى راحمون زۇڭتۇڭ،
قۇرمەتتى ارىپتەستەر:
دۋشانبەگە كەلىپ، ازيا ءوزارا ىقپالداستىق جانە سەنىم شارالارى ءماجىلىسىنىڭ 5 - رەتكى باسشىلار ماجىلىسىنە قاتىناسقانىما وتە قۋانىشتامىن، ءتوراعا ەل تاجىكستاننىڭ باسشىلار ءماجىلىسىن ءساتتى وتكىزۋدە جاساعان ەگجەي - تەگجەيلى دايىندىعىنا جانە جان - جاقتى ورنالاستىرۋىنا العىس ايتامىن.
ازيا ءوزارا ىقپالداستىق جانە سەنىم شارالارى ءماجىلىسىن قۇرۋ قازاقستاننىڭ تۇڭعىش كەزەكتى زۇڭتۇڭى نازاربايەۆ ورتاعا قويعان ماڭىزدى باستاما. ازيا ءوزارا ىقپالداستىق جانە سەنىم شارالارى ءماجىلىسى قۇرىلعان 27 جىلدان بەرى ءداۋىردىڭ دامۋ اعىمىنا ۇيلەسىپ، ءار ەلدىڭ ءوزارا سەنىمدىلىگىن جانە ىستەستىگىن ارتتىرۋعا كۇش سالىپ، ءوڭىردىڭ حاۋىپسىزدىگىن جانە ورنىقتىلىعىن قورعاپ، ازيانىڭ بەيبىتشىلىگى مەن دامۋىن جەبەۋگە بەلسەندى ۇلەس قوستى.
ازيا ءوزارا ىقپالداستىق جانە سەنىم شارالارى ءماجىلىسى شاڭحاي باسشىلار ماجىلىسىندە ءوڭىردىڭ بەيبىتشىلىگى مەن دامۋ ىستەرىن جەبەۋ ءۇشىن، مەن ورتاق، كەشەندى، سەلبەسكەن، باياندى جاڭا حاۋىپسىزدىك كوزقاراسىن امالياتتا ايگىلەۋدى ورتاعا قويىپ، ازيانىڭ ەرەكشەلىگى مەن ءار ەلدىڭ ورتاق مۇددەسىنە ۇيلەسەتىن حاۋىپسىزدىك جانە دامۋ جولىن قاراستىرۋدى دارىپتەدىم، بۇعان ءار جاق بەلسەنە ءۇن قوستى. 5 جىلدان بەرى ءار جاق جۇڭگو جاقتىڭ ەكى كەزەك ءتوراعا ەل جانە تاجىكستان جاقتىڭ قازىر ءتوراعا ەل مىندەتىن اتقارۋ قىزمەتىنە بارىنشا قولداۋ كورسەتىپ، ءتۇسىنىسۋدى تىنباي تەرەڭدەتىپ، سەلبەستىكتى تەرەڭدەتىپ، ازيا ءوزارا ىقپالداستىق جانە سەنىم شارالارى ءماجىلىسىنىڭ تىڭ دامۋعا قول جەتكىزۋىن بىرگە ىلگەرىلەتتى.
جۇڭگو جاق ءار جاقپەن بىرگە تاجىكستان جاقتىڭ ءتوراعا ەل قىزمەتىن بارىنشا قولداپ، ءار سالاداعى سەلبەستىكتى تەرەڭدەتىپ، ازيا ءوزارا ىقپالداستىق جانە سەنىم شارالارى ءماجىلىسى اياق الىسىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋدى قالايدى. جۇڭگو جاق مۇشە ەلدەردىڭ اسكەري مەكتەپ باستىقتارى تالقى مىنبەرىن، سونداي - اق ورتا، شاعىن كاسىپورىندار، فينانس، قورشاعان ورتانى قورعاۋ، كەدەيلەردى سۇيەمەلدەۋ، گۋمانيتارلىق سياقتى سالالاردا قيمىل وتكىزىپ، ازيا ىقپالداستىق جانە سەنىم شارالارى ءماجىلىسىنىڭ دامۋىنا تيەسىلى ۇلەس قوسادى.
ارىپتەستەر!
ازيا − قازىرگى تاڭداعى دۇنيە جۇزىندە ەڭ دامۋ ومىرشەڭدىك كۇشىنە جانە كومەسكى كۇشىنە يە وڭىرلەردىڭ ءبىرى، سونىمەن بىرگە، ساياسي ءوزارا سەنىمدىلىك جەتەرسىز بولۋ، ەكونوميكالىق دامۋ بىركەلكى بولماۋ، حاۋىپسىزدىك جانە جونگە سالۋ ماسەلەلەرى كورنەكتى بولۋ سياقتى ورتاق سىن - سايىسقا ءدوپ كەلىپ وتىر، باياندى بەيبىتشىلىك پەن بىرگە گۇلدەنۋدى جۇزەگە اسىرۋدا مىندەت اۋىر، جول ۇزاق.
”قۇلىقتى ادامدار نەگىزىن وڭاۋعا كۇش سالۋ كەرەك. نەگىز وڭالسا - اق بولعانى، ەل بيلەپ، ادام بولۋدىڭ جولى دا تابيعي قالىپتاسادى“. 2015 - جىلى مەن ازيا تاعدىرلاس ورتاق تۇلعاسىن قۇرۋ دارىپتەمەسىن العا قويىپ، ازيانىڭ كوركەم بولاشاعىن قۇرۋ ورتاق نىساناسىن بايىمداعان بولاتىنمىن. بىرنەشە جىلدان بەرى ازيا ەلدەرى تاعدىرلاس ورتاق تۇلعاعا قادام باسۋ بارىسىندا سەلبەسۋ تانىمىن كۇشەيتتى، سەلبەسۋ امالياتىن بايىتتى، سەلبەسۋ تاجىريبەسىن توپتادى. جاڭا جاعدايدا، ءبىز كوزدەگەن نىسانادان جازباي، ورايدى بىرگە قارسى الىپ، سىن - سايىستارعا بىرگە توتەپ بەرىپ، ازيا حاۋىپسىزدىگى مەن دامۋىنىڭ جاڭا جاعدايىن قول ۇستاسا اشۋىمىز كەرەك.
− ءوزارا قۇرمەت ەتەتىن، ءوزارا سەنەتىن ازيا قۇرۋ ءبىزدىڭ ورتاق ءۇمىتىمىز. ءوزارا قۇرمەت ەتۋ جانە سەنۋ − ەل مەن ەل اراسىندا بولۋعا ءتيىستى جاراسىمدىلىق جولى. ءبىز بىرلەسكەن مەملەكەتتەر ۇيىمىنىڭ ۋستاۆىندا تۇراقتانعان نەگىزگى ماقسات پەن پرينسيپكە بويسۇنىپ، ءار ەلدىڭ يەلىك ۇقىعىنا، تاۋەلسىزدىگىنە، تەرريتوريا بۇتىندىگىنە قۇرمەت ەتۋىمىز، ءار ەلدىڭ ءوزى تاڭداعان ساياسي تۇزىمىنە جانە دامۋ جولىنا قۇرمەت ەتۋىمىز كەرەك. نولدىك جيىنتىق ويىنىن، قورعامپازدىقتى دوعارىپ، ساياسي بايلانىستى كۇشەيتىپ، ساياسي سەنىمدىلىكتى نىعايتىپ، ستراتەگيالىق ورتاق تانىمدى بىرتىندەپ كەڭەيتۋىمىز كەرەك.
− حاۋىپسىز، ورنىقتى ازيا قۇرۋ ءبىزدىڭ ورتاق نىسانامىز. ورتاق، كەشەندى، سەلبەسكەن، باياندى حاۋىپسىزدىككە تالپىنۋ وڭىردەگى ەلدەردىڭ تۇتاس تۇلعالىق حاۋىپسىزدىگىن جۇزەگە اسىرۋ ءۇشىن بولىپ تابىلادى. ءبىز قارسىلاسۋ ەمەس، قايتا تىلدەسۋگە، وداقتاسۋ ەمەس، قايتا سەرىكتەسۋگە تاباندى بولىپ، ءتۇرلى ءداستۇرلى جانە ءداستۇرلى ەمەس حاۋىپسىزدىك ماسەلەلەرىنە ۇيلەسىمدى توتەپ بەرۋىمىز، اسىرەسە، ءارقانداي فورماداعى لاڭكەستىككە باتىل سوققى بەرۋىمىز كەرەك. ءتۇرلى ۇتىمدى ساقتانۋ سيپاتتى شارالاردى قولدانۋعا باسا ءمان بەرىپ، ۇشقارى يدەيا اعىمىنىڭ ورشۋىنەن تۇبىرىنەن ساقتانۋىمىز كەرەك. ازيانىڭ ەرەكشەلىگىنە ۇيلەسەتىن وڭىرلىك حاۋىپسىزدىك قۇرىلىمىن ورناتۋدى تالقىلاپ، جاپپاي حاۋىپسىزدىككە جانە ورتاق حاۋىپسىزدىككە ۇمىتلۋىمىز كەرەك.
− دامىعان، گۇلدەنگەن ازيا قۇرۋ ءبىزدىڭ ورتاق تىلەگىمىز. دامۋ بارلىق ماسەلەنى شەشۋدىڭ باس كىلتى. ءبىز ساۋداعا جانە قارجى قوسۋعا ەركىن، قولايلى بولۋدى بىرگە ىلگەرىلەتىپ، «وڭىرلىك جان - جاقتى ەكونوميكالىق سەرىكتەستىك قاتىناس كەلىسىمى» سياقتى وڭىرلەردى ءبىر تۇلعالاندىرۋ حۇجاتىن كۇنى بۇرىن قالىپتاستىرۋىمىز كەرەك. بيىل 4 - ايداعى 2 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرى ورتاق تانىمىن تياناقتاندىرىپ، دامۋ ستراتەگياسىنىڭ ۇشتاسۋىن كۇشەيتىپ، جان - جاقتى ۇلاستىرۋدى، تۇتاستىرۋدى جەبەپ، ءار ەلدىڭ ەكونوميكاسىنىڭ جوعارى ساپالى دامۋىن ىلگەرىلەتۋىمىز كەرەك.
− اشىق، سيىسىمدى ازيا قۇرۋ ءبىزدىڭ ورتاق تالپىنىسىمىز. جابىق كەڭىستىكتە تەك اركىمنىڭ تۇمسىعى تاسقا تيەدى، اشىق جول جۇرگەن سايىن داڭعىلدانا تۇسەدى. ءبىز بيىل 5 - ايداعى ازيا وركەنيەتتەر تىلدەسۋ جينالىسى ورتاق تانىمىن ويداعىداي تياناقتاندىرىپ، تەرەزەسى تەڭ، ءوزارا ۇلگى الاتىن، تىلدەسەتىن، سيىسىمدى وركەنيەت كوزقاراسىن ورناتۋىمىز كەرەك. ءوڭىردىڭ ءىشى - سىرتىنداعى ەلدەر اراسىنداعى گۋمانيتارلىق اۋىس - كۇيىستى كەڭەيتىپ، الۋان تۇرلىلىكپەن بىرگە ءومىر ءسۇرۋ ارقىلى وركەنيەتتەر ۇستەمدىگىنەن اسىپ ءتۇسۋىمىز، جاراسىمدى بىرگە جاساۋ ارقىلى وركەنيەتتەر قاقتىعىسىنان اسىپ ءتۇسۋىمىز، توعىسۋ، بىرگە ءبولىسۋ ارقىلى وركەنيەتتەر ارازدىعىنان اسىپ ءتۇسۋىمىز، گۇلدەنۋ، بىرگە ىلگەرىلەۋ ارقىلى وركەنيەتتەر قاتىپ - سەمۋىنەن اسىپ ءتۇسۋىمىز كەرەك.
− سەلبەسىپ جاڭالىق اشاتىن ازيا قۇرۋ ءبىزدىڭ ورتاق قاجەتىمىز. وزگەرىس، جاڭالىق اشۋ ادامزات وركەنيەتىنىڭ العا باسۋىن ىلگەرىلەتەتىن قۇدىرەتتى قوزعاۋشى كۇش. ءبىز ءداۋىر وزگەرىسىنە ۇيلەسىپ، باتىلدىقپەن جاڭارۋ ۇستامىن ارەكەت ساتىسىندا تياناقتاندىرىپ، نازاريا، ءتۇزىم، عىلىم - تەحنيكا، مادەنيەت سياقتى ءار جاقتا جاڭالىق اشۋدى كۇشەيتىپ، ازيانىڭ دامۋ ومىرشەڭدىك كۇشىن ماڭگى ساقتاۋىمىز كەرەك. ەسكىنى الاستاپ، جاڭانى ورناتۋعا باتىل بولىپ، كونە ماسەلەلەردى شەشۋدىڭ جاڭا جاۋابىن تابۋعا قۇلشىنىپ، جاڭا ماسەلەلەرگە توتەپ بەرۋدىڭ جاۋابىن ويداعىداي قاراستىرىپ، ازيا ءدوپ كەلگەن ءتۇرلى قيىن ماسەلەلەردى شەشۋىمىز كەرەك.
ارىپتەستەر!
جۇڭگو ازيا ەلدەرىمەن كورشىلىك دوستىق قارىم - قاتىناسقا باستان - اياق تاباندى بولىپ، ازيا ءوزارا ىقپالداستىق جانە سەنىم شارالارى ءماجىلىسى، شاڭحاي سەلبەستىك ۇيىمى، ازيا نەگىزدىك قۇرىلعىلارعا قارجى قوسۋ بانكەسى سياقتى كوپ جاقتى حاۋىپسىزدىك جانە دامۋ مەحانيزمىن قۇرۋعا ات سالىسىپ، شىعىس وڭتۇستىك ازيا ەلدەرى وداعى، وڭتۇستىك ازيا وڭىرلىك سەلبەستىك وداعى، اراب ەلدەرى وداعى سياقتىلاردىڭ بەلسەندى رول اتقارۋىن قولداپ، ازيانىڭ ورنىقتىلىعى مەن گۇلدەنۋىنە ماڭىزدى ۇلەس قوستى. ازيا ۇلكەن شاڭىراعىنىڭ ءبىر مۇشەسى جانە حالىقارالىق قوعامدا جاۋاپكەرشىلىك ارقالايتىن ءىرى ەل رەتىندە، جۇڭگو ۇزدىكسىز دۇنيە ءجۇزى بەيبىتشىلىگىن قۇرۋشى، جاھاندىق دامۋعا ۇلەس قوسۋشى، حالىقارالىق ءتارتىپتى قورعاۋشى بولىپ، جاڭاشا حالىقارالىق قارىم - قاتىناس جانە ادامزاتتىڭ تاعدىرلاس ورتاق تۇلعاسىن ورناتۋدى ىلگەرىلەتەدى.
ءبىرىنشى، ءبىز بەيبىت دامۋ جولىمەن مىزعىماي جۇرەمىز، استە باسقاعا زيان جەتكىزىپ، ءوزىمىز پايدا تاپپايمىز، كورشىگە زيان جەتكىزبەيمىز. جۇڭگو جاق بەيبىت قاتار تۇرۋ 5 پرينسيبى نەگىزىندە ءار ەلمەن دوستىق سەلبەستىكتى ۇزدىكسىز تەرەڭدەتىپ، قاتىستى ەلدەرمەن تەرريتوريا يەلىك ۇقىعى جانە تەڭىز - مۇحيت ۇقىق - مۇددە تالاس - تارتىسىن بەيبىت جولمەن شەشىپ، وڭىرلەردىڭ قولامتالى ماسەلەسىن تىلدەسۋ، كەڭەسۋ ارقىلى شەشۋىن قولدايدى.
ەكىنشى، ءبىز اشىق بولۋعا، بىرگە يگىلىكتەنۋگە تاباندى بولىپ، دامۋ ورايىن ءار ەلمەن بىرگە بولىسەمىز. جۇڭگو جاق ءار جاقپەن ”ءبىر بەلدەۋ، ءبىر جول“دى بىرگە قۇرۋ حالىقارالىق سەلبەستىك تۇعىرىنان ويداعىداي پايدالانىپ، ورتاق دامۋعا ۇزدىكسىز قۇدىرەتتى قوزعاۋشى قۋات ۇستەۋدى قالايدى. جۇڭگو جاق بيىل 2 - كەزەكتى جۇڭگو حالىقارالىق يمپورت كورمەسىن وتكىزىپ، ءار جاقتىڭ جۇڭگو بازارىنا كىرۋىنە اناعۇرلىم كوپ قولايلى شارت - جاعداي جاراتۋعا قۇلشىنادى.
ءۇشىنشى، ءبىز كوپ جاقتىلىقتى باتىل امالياتتا ايگىلەپ، حالىقارالىق زاڭدى نەگىز ەتكەن حالىقارالىق ءتارتىپتى قورعايمىز. جۇڭگو جاق ءار ەلمەن بىرگە بىرگە اقىلداسۋ، بىرگە قۇرۋ، بىرگە ءبولىسۋ سىندى الەمدىك جونگە سالۋ كوزقاراسىن ۇستانىپ، بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى باتىل قورعاۋدى، الەمدىك ساۋدا ۇيىمىن وزەك ەتكەن كوپ جاقتى ساۋدا ءتۇزىلىسىن باتىل قورعاۋدى قالايدى. ەكونوميكا - ساۋدا بارىس - كەلىسىندە جارىققا شىققان ماسەلەلەردى قيت ەتسە بولعانى قورعامپازدىقپەن، سىڭار جاقتىلىقپەن ءبىتىرۋ ەمەس، قايتا ءار جاق ءوزارا قۇرمەت ەتۋ رۋحىن نەگىزگە الىپ، تەرەزەسى تەڭ تۇرعىدا تىلدەسۋ، كەڭەسۋ ارقىلى حالىقارالىق قارىم - قاتىناس ولشەمى جانە كوپ جاقتى ساۋدا ەرەجەسى بويىنشا ۇيلەسىمدى ءبىر جاقتى ەتۋ كەرەك. جۇڭگونىڭ وسى ءبىر تۇرعىسى ءار ەلدىڭ ورىندى دامۋ ۇقىعىن قورعاۋ بولىپ قالماستان، ءارى حالىقارالىق ادىلدىكتى، تۋراشىلدىقتى دا قورعاۋ بولىپ تابىلادى.
ارىپتەستەر!
تاجىك ۇلتىنىڭ ۇلى اقىنى رۋداكي: ”اقىلدى اق نيەت پەن بەيبىتشىلىك جولىن قۋار، اقىماق ۇرىس - كەرىس پەن سوعىسقا قۇمار“ دەپ جازعان بولاتىن. جۇڭگو جاق ءار جاقپەن قول ۇستاسا قۇلشىنىپ، بەيبىتشىلىككە، ورنىقتىلىققا، گۇلدەنۋگە قاجىماي - تالماي تالپىنىپ، ازيا مەن دۇنيە ءجۇزىنىڭ كوركەم بولاشاعىن بىرگە اشۋدى قالايدى.
كوپشىلىككە راقىمەت.
(شينحۋا اگەنتتىگىنىڭ 6 - ايدىڭ 15 - كۇنى دۋشانبەدەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
