شي جينپيڭ تاجىكستاننىڭ زۇڭتۇڭى راحمونمەن كەڭەس وتكىزدى
2019.06.18 15:16 كەلۋ قاينارى : شينجياڭ گازەتى
شينحۋا اگەنتتىگىنىڭ 6 - ايدىڭ 15 - كۇنى دۋشانبەدەن بەرگەن حابارى (تىلشىلەر چىن جى، ۋي جيانحۋا، لۇي چۋانجۇڭ). مەملەكەت ءتوراعاسى شي جينپيڭ 6 - ايدىڭ 15 - كۇنى دۋشانبەدە تاجىكستاننىڭ زۇڭتۇڭى راحمونمەن كەڭەس وتكىزدى. ەكى ەلدىڭ مەملەكەت باسشىلارى جۇڭگو - تاجىكستان قارىم - قاتىناسىنا جانە ءار سالاداعى سەلبەستىك تابىستارىنا جوعارى باعا بەرىپ، ەكى جاقتى قارىم - قاتىناستىڭ دامۋىنىڭ جاڭا جوباسىن بىرگە جاسادى. شىنايى، ءوزارا سەنەتىن، سەلبەسىپ تەڭ يگىلىككە كەنەلەتىن جان - جاقتى ستراتەگيالىق سەرىكتەستىك قارىم - قاتىناستى تەرەڭدەتىپ، بارلىق جاعدايدا بىردەي دوستىقتى دامىتۋعا كۇش سالىپ، ادامزاتتىڭ تاعدىرلاس ورتاق تۇلعاسىن بىرگە قۇرۋدى ىلگەرىلەتىپ، ورتاق دامۋ مەن گۇلدەنۋدى جۇزەگە اسىرۋعا ءبىر اۋىزدان قوسىلدى.
شي جينپيڭ الدىمەن تاجىكستاننىڭ ازيا ءوزارا ىقپالداستىق جانە سەنىم شارالارى ءماجىلىسىنىڭ 5 - رەتكى باسشىلار ءماجىلىسىن ءساتتى وتكىزگەنىن قۇتتىقتاپ، بىلاي دەپ اتاپ كورسەتتى:باسشىلار ماجىلىسىندە كەلىسىلگەن ماڭىزدى ورتاق تانىم مەن تابىستار دۇنيە جۇزىنە بەلسەندى ينفورماتسيا تاراتىپ، وڭ ەنەرگيا ۇستەدى، جۇڭگو جاق تاجىكستاننىڭ ءتوراعا ەل مىندەتىن ۇستىنە العاننان بەرى ازيا ءوزارا ىقپالداستىق جانە سەنىم شارالارى ءماجىلىسىن ءۇردىسىن ىلگەرىلەتۋدە ىستەگەن قىرۋار قىزمەتتەرىن جوعارى باعالاپ، تاجىكستان جاققا ۇزدىكسىز قولداۋ كورسەتىپ، ازيا ءوزارا ىقپالداستىق جانە سەنىم شارالارى ءماجىلىسىنىڭ جالپىلىق سەلبەستىك دەڭگەيىن ۇزدىكسىز جوعارىلاتۋدى قالايدى.
شي جينپيڭ بىلاي دەپ اتاپ كورسەتتى: ديپلوماتيالىق قارىم - قاتىناس ورناتقان 27 جىلدان بەرى، جۇڭگو - تاجىكستان قارىم - قاتىناسىندا شاپشاڭ دامۋداي تاماشا جاعداي باستان - اياق ساقتالدى. جۇڭگو مەن تاجىكستان تاۋ - سۋى جالعاسقان جاقسى كورشىگە، ىزگى نيەتتى ءوزارا سەنىمدى ابزال دوسقا، سەلبەسىپ تەڭ يگىلىككە كەنەلەتىن تاماشا سەرىككە، ءبىرىن - ءبىرى دەمەيتىن جاقسى باۋىرلاسقا اينالدى، ەكى ەلدىڭ قارىم - قاتىناسى تاريحتاعى ەڭ تاماشا مەزگىلدە تۇر. ”تۋىستان ارتىق جاقىن جوق، كورشىدەن ارتىق تاتۋ جوق“. جۇڭگو جاق ورنىقتى، دامىعان، گۇلدەنگەن تاجىكستانعا سۇيىنەدى، تاجىكستاننىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن تاباندىلىقپەن قولدايدى، تاجىكستان ۇكىمەتىنىڭ مەملەكەتتىڭ يەلىك ۇقىعىن، حاۋىپسىزدىگىن قورعاۋ جولىنداعى قۇلشىنىسىن تاباندىلىقپەن قولدايدى. جۇڭگو جاق تاجىكستان جاقپەن ەكى ەل قارىم - قاتىناسىن جوعارى دەڭگەيدە جوبالاۋدى كۇشەيتىپ، ءار سالاداعى سەلبەستىكتىڭ دەڭگەيىن ءوسىرىپ، جۇڭگو مەن تاجىكستاننىڭ دامۋ ورتاق تۇلعاسى مەن حاۋىپسىزدىك ورتاق تۇلعاسىن بىرگە قالىپتاستىرۋدى قالايدى.
شي جينپيڭ بىلاي دەپ باسا دارىپتەدى: جۇڭگو مەن تاجىكستان ەكى جاق وزدەرىنىڭ وزەكتى مۇددەسىنە ساياتىن ماسەلەلەردە ۇزدىكسىز تۇردە ءبىرىن - ءبىرى تاباندىلىقپەن قولداۋى كەرەك. تاجىكستان باستان - اياق ”ءبىر بەلدەۋ، ءبىر جول“دى بىرگە قۇرۋدى بەلسەنە قولدادى جانە وعان قاتىناستى، جۇڭگو مەن تاجىكستاننىڭ ”ءبىر بەلدەۋ، ءبىر جول“ اياسىنداعى سەلبەستىگىندە سۇبەلى تابىسقا قول جەتكىزدى. ەكى جاق ”ءبىر بەلدەۋ، ءبىر جول“دى بىرگە قۇرۋ باستاماسىنىڭ تاجىكستاننىڭ مەملەكەتتىك دامۋ ستراتەگياسىمەن ۇشتاسۋىن ىشكەرىلەي ىلگەرىلەتىپ، سەلبەستىك كومەسكى كۇشتەرىن اشىپ، سەلبەستىك ساپاسىن جوعارىلاتىپ، قۇرىلعىلاردى بايلانىستىرۋ، ەنەرگيا، اۋىل شارۋاشىلىعى، ونەركاسىپ سياقتى سالالارداعى سەلبەستىكتەردى جاپپاي تەرەڭدەتۋ كەرەك. جۇڭگو جاق تاجىكستاننىڭ اۋىل شارۋاشىلىعىنىڭ وسىزاماندانۋ دەڭگەيىن جوعارىلاتۋىنا كومەكتەسۋدى قالايدى، تاجىكستان جاقتىڭ ەركىن ەكونوميكالىق رايون قۇرۋىن قولدايدى ءارى وعان بەلسەنە ات سالىسۋدى قالايدى. جۇڭگو جاق تاجىكستان جاقپەن مادەنيەت، وقۋ - اعارتۋ، ساياحات سياقتى سالالارداعى اۋىس - كۇيىستى نىعايتىپ، جۇڭگو - تاجىكستان دوستىعىن جۇرت كوڭىلىنە تەرەڭ ۇيالاتۋدى، زامانداردان كەلە جاتقان دوستىقتى ۇرپاقتان - ۇرپاققا جالعاستىرۋدى قالايدى. ەكى جاق ”ءۇش ءتۇرلى كۇش“كە جانە مەملەكەت اتتاعان ۇيىمداسقان قىلمىسقا سوققى بەرۋ، ەسىرتكىگە تيىم سالۋ، ينتەرنەت حاۋىپسىزدىگى سياقتى سالالارداعى سەلبەستىكتەردى تەرەڭدەتىپ، ەكى ەلدىڭ حاۋىپسىزدىگىن جانە وسى ءوڭىردىڭ بەيبىتشىلىگى مەن ورنىقتىلىعىن قورعاۋى كەرەك.
راحمون مىنالاردى ءبىلدىردى: ءتوراعا شي جينپيڭنىڭ تاجىكستانعا تاعى ساپارلاي كەلگەنىن قىزۋ قارسى الامىن، جۇڭگو جاقتىڭ ازيا ءوزارا ىقپالداستىق جانە سەنىم شارالارى ءماجىلىسىنىڭ 5 - رەتكى باسشىلار ءماجىلىسىنىڭ ءساتتى وتكىزىلۋىنە ماڭىزدى ۇلەس قوسقانىنا العىس ايتامىن، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتايمىن، دوس جۇڭگونىڭ ەلىنىڭ امان، جۇرتىنىڭ تىنىش بولۋىن تىلەيمىن. تاجىكستان جاق جۇڭگومەن جان - جاقتى ستراتەگيالىق سەرىكتەستىك قارىم - قاتىناستى تەرەڭدەتۋدى ديپلوماتياداعى باسىم بەتالىستىڭ ءبىرى ەتەدى، جۇڭگو جاقتىڭ ۇزاق ۋاقىتتان بەرگى قولداۋى مەن كومەگىنە العىس ايتادى، ”ءبىر بەلدەۋ، ءبىر جول“ اياسىندا ەكى جاقتىڭ ەنەرگيا، مۇناي حيميا، سۋ ەلەكتر، نەگىزدىك قۇرىلعى قۇرىلىسى سياقتى سالالارداعى ءتۇيىندى نىسان سەلبەستىكتەرىن كۇشەيتىپ، تاجىكستاننىڭ ونەركاسىپتەندىرۋ نىساناسىنىڭ جۇزەگە اسۋىنا دەم بەرۋدى قالايدى. ەكى جاق جاستار، وقۋ - اعارتۋ، مادەنيەت سياقتى گۋمانيتارلىق اۋىس - كۇيىستى نىعايتۋى كەرەك. تاجىكستان جاق جۇڭگو جاقپەن بىرگە ”ءۇش ءتۇرلى كۇش“كە جانە مەملەكەت اتتاعان قىلمىسقا سوققى بەرۋگە كۇش سالىپ، زاڭ اتقارۋ حاۋىپسىزدىگى سەلبەستىگىن كۇشەيتىپ، شاڭحاي سەلبەستىك ۇيىمى، ازيا ءوزارا ىقپالداستىق جانە سەنىم شارالارى ءماجىلىسى سياقتى كوپ جاقتى ىستەردەگى سايكەسۋدى نىعايتادى.
كەڭەستەن كەيىن، ەكى ەلدىڭ مەملەكەت باسشىلارى جۇڭگو جاقتىڭ كومەگىمەن سالىناتىن تاجىكستاننىڭ پارلامەنت عيماراتى، ۇكىمەتتىڭ قىزمەت عيماراتى نىسانىنىڭ مودەلىن اشۋ سالتىنا بىرگە قاتىناستى. شي جينپيڭ مەن راحمون نىساننىڭ ۇگىت تاقتاسىن بىرگە كورىپ، قاتىستى جوبالار، سەلبەستىك جاعدايى جونىندەگى تانىستىرۋلاردى تىڭدادى، ونان سوڭ ءتوراعالار مىنبەسىنە شىعىپ، مودەلگە جابىلعان قىزىل تورعىندى اشتى.
ونان سوڭ ەكى ەلدىڭ مەملەكەت باسشىلارى «جۇڭحۋا حالىق رەسپۋبليكاسى مەن تاجىكستان رەسپۋبليكاسىنىڭ جان - جاقتى ستراتەگيالىق سەرىكتەستىك قارىم - قاتىناستى اناعۇرلىم تەرەڭدەتۋ جونىندەگى بىرلەسكەن مالىمدەمەسى»نە قول قويدى ءارى كوپتەگەن ەكى جاقتى سەلبەستىك حۇجاتتاردى اۋىستىرۋعا كۋا بولدى.
ەكى ەلدىڭ مەملەكەت باسشىلارى بىرگە تىلشىلەرمەن كەزدەستى.
كەڭەستىڭ الدىندا، راحمون زۇڭتۇڭ سارايىنىڭ الدىنداعى الاڭدا شي جينپيڭدى سالتاناتپەن قارسى الۋ سالتىن وتكىزدى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار جوعارىداعى قيمىلدارعا قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
