سۇيىسپەنشىلىك توعىستىرىپ، تىلەك جالعاۋ كوپىرىن سالدى
لي ياڭ
2019.07.16 16:18 كەلۋ قاينارى : شينجياڭ گازەتى
7 - ايدىڭ 9 - كۇنى تۇستەن بۇرىن ساعات 10دا بيىلعى تۇڭعىش كەزەك ”جيتاي“ اتتى ساياحات ارقىلى شينجياڭعا كومەكتەسۋ ۇشاعى التايعا قوندى. الىستان كەلگەن 60 جيليندىك قوناق ۇشاقتان تۇسە سالىسىمەن دۋماندى ءان - ءبيدىڭ، ءار جەردەن كۇلىمدەگەن كوڭىلدى جۇزدەردىڭ اراسىنا كىرىپ كەتتى. جيلين چاڭچۇندىق ساياحاتشى ليۋ جيالي قول تەلەفونىن الىپ شىعىپ، وسى ءبىر اسەرلى كورىنىستەردى سۋرەتكە تۇسىرە ءجۇرىپ، ۋيچات دوستىق شەڭبەرىنە: ”شينجياڭدىق دوستار وتە قىزۋ مەرەيلى ەكەن، ولاردىڭ شىنايى شاتتىققا تولى جۇزدەرى ماعان ءوز ۇيىمە كەلگەندەي سەزىم بەردى“ دەپ جازدى.
جيلين ولكەلىك شينجياڭعا كومەكتەسۋ الدىڭعى شەپ قولباسشىلىق شتابى ۋاقىتشا پارتكومىنىڭ ورىنباسار شۋجيى، التاي ايماقتىق پارتكوم ۇيىمداستىرۋ ءبولىمىنىڭ ورىنباسار باستىعى جوۋ شياۋبيڭنىڭ قاراۋىنشا، ساياحات ارقىلى شينجياڭعا كومەكتەسۋ ۇشاعىن جىبەرۋ شينجياڭنىڭ ساياحاتىنا كومەكتەسۋدەگى ءبىر ءتۇرلى شارا بولىپ قانا قالماستان، ونان دا ماڭىزدىسى، ول جيلين مەن التاي ەكى جەردەگى بۇقارانىڭ ارالاسۋ، ىشتەسۋ، توعىسۋ تۇعىرىن ورناتتى.
”شينجياڭعا باعىتتامالى كومەكتەسۋ مەملەكەتتىك ستراتەگيا، ءسوز جوق، ۇزاق ۋاقىت تاباندى بولىپ، شينجياڭعا باعىتتامالى كومەكتەسۋ قىزمەتىن ۇلتتار ىنتىماعىن كۇشەيتۋ ينجەنەرياسى ەتىپ تۇلعالاۋ كەرەك“. باس شۋجي شي جينپيڭ ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە تەرەڭ ماعىنامەن وسىلاي دەپ اتاپ كورسەتتى.
جاڭا كەزەك شينجياڭعا باعىتتامالى كومەكتەسۋ قىزمەتى باستالعاننان بەرى، تالايلاعان قۋاتتى ”شينجياڭعا كومەكتەسۋشى كۇشتەر“ وتاننىڭ باتىس سولتۇستىك شەكارا وڭىرىنە كەلدى. قازىر تيانشاننىڭ وڭتۇستىگى مەن سولتۇستىگىندەگى قالالاردى، اۋىل - قىستاقتاردى ارالاساڭىز، جەر - جەر مەن شينجياڭعا باعىتتامالى كومەكتەسەتىن ولكە، قالالاردىڭ ءبىر وتباسىنداي ەتەنە بەينەسىن ءبار جەردە كەزدەستىرەسىز. وتان ۇلى شاڭىراعىنىڭ قۇشاعىندا شينجياڭداعى ءار ۇلت حالقى مەن وتاننىڭ جەر - جەرىندەگى باۋىرلاستاردىڭ تىلەگى بارعان سايىن توعىسىپ، ۇلتتار ىنتىماعى گۇلى اناعۇرلىم اسەم كوركىمەن جان تەبىرەنتتى.■ شىنايى سۇيىسپەنشىلىكپەن كومەكتەسىپ سۇيەمەلدەدى
6 - ايدىڭ 20 - كۇنى كۇننىڭ شۇلەن شۇعىلاسى ءۇشتۇرپان اۋدانى چيانجين قالاشىعى تومەنگى مەكىت قىستاعىنىڭ تۇرعىنى ءمۇتاللىپ تىلەكتىڭ ءۇيىنىڭ اۋلاسىنا ءتۇسىپ تۇردى، ءمۇتاللىپ ساڭىراۋقۇلاق تاياقشالارىن اۋدارىستىرىپ ءجۇر. جىجياڭنان شينجياڭعا كومەكتەسۋگە كەلگەن كادر يە شياڭفانى كورە سالىسىمەن جۇزىنە كۇلكى ۇيىرىلگەن ءمۇتاللىپ كەزدەسپەگەلى ۇزاق بولعان تۋىسىن كورگەندەي جۇگىرىپ الدىنان شىعىپ، قۇشاقتاسىپ امانداستى.
بىرنەشە جىلدىڭ الدىندا، اۆتوكولىك شىرعالاڭىنان مۇتاللىپتىڭ اياعى جارالانىپ كەمتار بولىپ قالعان بولاتىن. ۇيىندە ەڭبەككۇش از بولعاندىقتان، تۇرمىسى تارشىلىقتا وتكەن مۇتاللىپ ۋايىم شەگۋمەن بولادى.
2017 - جىلى جىجياڭ ولكەلىك شينجياڭعا كومەكتەسۋ قولباسشىلىق شتابىنىڭ جەبەۋىندە، عىلىم - تەحنيكا ارقىلى شينجياڭعا كومەكتەسۋ نىسانى ”شەكاراداعى قۋاڭ ءوڭىر جەمىس باقشالارىندا ەكولوگيالىق جوعارى ءونىمدى قارا ساڭىراۋقۇلاق جەتىلدىرۋدىڭ شەشۋشى تەحنيكاسىن زەرتتەپ اشۋ جانە ۇلگى كورسەتۋ نىسانى“ تياناقتاندى. وسى نىساننىڭ نەگىزگى تەحنيگى رەتىندە، يە شياڭفا مۇتاللىپ وتباسىن تۇڭعىش توپتا قارا ساڭىراۋقۇلاقتى سىناق رەتىندە وسىرۋدەن ۇلگى كورسەتۋ وتباسى ەتىپ بەلگىلەپ، ونىڭ جەمىس باقشاسىنا 1700دەن استام قارا ساڭىراۋقۇلاق تاياقشاسىن ەكتى. يە شياڭفا مەن ۇجىم تەحنيكتەرىنىڭ قاداعالاپ جەتەكشىلىك ەتۋىندە، جىل اياعىندا مۇتاللىپ تەك قارا ساڭىراۋقۇلاقتىڭ وزىنەن 10 مىڭ يۋاننان استام كىرىس كىرگىزدى.
”مەن العاش مۇتاللىپتىڭ ۇيىنە بارعاندا، شەشەسى الما اعاشىنان 4 الما ءۇزىپ، كيىمىنە ءسۇرتىپ تازالاپ، قوياردا - قويماي ماعان ۇستاتتى. قاريانىڭ العىستى كوز جانارىن ومىرىمدە ۇمىتپايمىن“، - دەدى يە شياڭفا.شىن پەيىل، اق تىلەك سيلاپ، ىقىلاستى سۇيىسپەنشىلىك جەتكىزدى. شينجياڭعا باعىتتامالى كومەكتەسەتىن ءارقايسى ولكە، قالالار ءوز ارتىقشىلىقتارىن تولىق ساۋلەلەندىرىپ، جۇمىسقا ورنالاستىرۋ، وقۋ - اعارتۋ، دەنساۋلىق ساقتاۋ سياقتى حالىق تۇرمىسىنىڭ باقىتىنا ساياتىن سالالاردا بار امالىن تاۋىپ ءار ۇلت بۇقاراسىنا ناقتى ىستەر تىندىرىپ، قيىن ماسەلەلەردى شەشىپ، شىن مانىندە تۇيىندە كومەكتەسىپ، كوڭىلدەردى مەيىرگە بولەدى.
شاڭحاي قالاسىنىڭ شينجياڭعا باعىتتامالى كومەكتەسۋ مىندەتىن ۇستىنە العان 4 رايونى كومەككە يە بولعان 4 اۋداننىڭ ۇكىمەت تاراۋلارى، پارتيا مەكتەپتەرى، مەكتەپتەر، ەمدەۋ - دەنساۋلىق ساقتاۋ قۇرىلىمدارى، قوعامدىق توپتار، ونەركاسىپ باقشا رايوندارى سياقتىلارمەن جۇپ قۇراۋ قيمىلىن ورىستەتتى. سونىمەن بىرگە، قوعامدىق توپتار، الەۋمەتتىك يگىلىك ۇيىمدارى، قايىرىمدىلىق كاسىپورىندارى جانە قايىرىمدىلىق قايراتكەرلەرى قاتارلىلاردى شينجياڭعا كومەكتەسۋگە ات سالىسۋعا ۇسىنىس ەتتى. 2018 - جىلى ورىستەتىلگەن ”بالاۋسا توراڭعى“ اتىنداعى شاڭحاي قوعامدىق كۇشتەردىڭ شينجياڭعا كومەكتەسۋ الەۋمەتتىك يگىلىك قيمىلىنىڭ ”جارىقتاندىرۋ جوسپارى“، ”مەيىر جوسپارى“، ”ارماندى جۇزەگە اسىرۋ جوسپارى“ ارقىلى قاشقار ايماعىنداعى ارحيۆ تۇرعىزىلىپ، كارتچكالاندىرىلعان كەدەي وتباسىنداعى بالالاردىڭ ۇيرەنۋ، تۇرمىس شارت - جاعدايىن جاقسارتۋىنا كومەكتەستى.
جيلين ولكەسى ”جىلى ءۇي ينجەنەرياسىن“ اتقارىپ، ەنەرگيا ۇنەمدەۋ ماماندارىن كومەككە يە بولعان جەرلەردىڭ قازىرگى قۇرىلىستارىن ەنەرگيا ۇنەمدەۋ بويىنشا وزگەرتىپ سالۋىنا تەحنيكالىق جەتەكشىلىك ەتۋگە تالاي رەت ۇسىنىس ەتىپ، كونە قالا رايوندارىنداعى تۇرارجايلاردى وزگەرتىپ سالۋدى سىناق ءتۇيىنى ەتىپ، 20 مىڭنان استام بۇقارانى تيىمدىلىككە كەنەلتتى.
تالايلاعان حالىق تۇرمىسى ينجەنەريالارى، تالاي رەتكى شىنايى سۇيىسپەنشىلىكپەن كومەكتەسىپ سۇيەمەلدەۋ شينجياڭداعى ءار ۇلت حالقى مەن وتاننىڭ جەر - جەرىندەگى باۋىرلاستاردىڭ تىلەگىن جالعاپ، ۇلتتار ىنتىماعىنىڭ جەمىسىن ونان ارى مولايتتى.■ شىن نيەتپەن توعىستى
”ليۋ اكەم مەنىڭ پۋتۇڭحۋا ۇيرەنۋىمە كومەكتەسىپ، كاسىپتىك بىلىمدەردى جاقسى ۇيرەنۋگە شابىتتاندىرىپ قانا قالماستان، ماعان جەمىس - جيدەك، كيىم - كەشەك ساتىپ الىپ بەردى، بىلتىر ونىڭ ۇيىنە بارىپ قوناق بولدىم...“. قۇمىل كاسىپتىك - تەحنيكالىق شۋەيۋانىنىڭ 2 - جىلدىعىندا وقىپ جاتقان ماليكام ءماتتۇرسىنعا كوپتەگەن ساباقتاستارى قىزىعا قارايدى، ويتكەنى ونىڭ ”ليۋ اكەسى“ ونى ءوز قىزىنداي كورەدى.
ماليكامنىڭ ”ليۋ اكەسى“نىڭ اتى ليۋ جىحۋاي، حىنان تەحنيكالىق عىلىمدار داشۋەسى وسى زامانعى وقۋ - اعارتۋ تەحنيكا ورتالىعىنىڭ ۇنەمىلىك ىستەرگە جاۋاپتى ورىنباسار مەڭگەرۋشىسى، اعا ينجەنەر. 2010 - جىلدىڭ اياعىندا، شينجياڭعا كومەكتەسەتىن كادر رەتىندە ليۋ جىحۋاي قۇمىل كاسىپتىك - تەحنيكالىق شۋەيۋانىنا كەلىپ ورىنباسار مەكتەپ باستىعى مىندەتىن ۇستىنە الادى، وسىدان كەيىن ول تاعى دا 2 رەت جالعاستى شينجياڭعا كومەكتەسۋدى ءوتىنىش ەتەدى. 2017 - جىلى ول وسى مەكتەپتە دايىندىق ءپانىن وقىپ جاتقان ماليكاممەن جۇپ قۇراپ، تۋىس بولادى.
ءبىرىنشى جىلدىق ساباق باستالۋدىڭ الدىنداعى جازدىق دەمالىستا ليۋ جىحۋاي ماليكامنىڭ: ”ليۋ اكە، جازدىق دەمالىستان كەيىن مەنىڭ وقۋعا بارعىم كەلمەيدى، وقۋدان شەگىنسەم دەيمىن“ دەگەن ۋيچات حاتىن تاپسىرىپ الادى.
”سول كەزدە قاتتى ابىرجىدىم، دەرەۋ ماليكامعا تەلەفون شالدىم، سويتسەم، ول ەلەكترلى اۆتوماتتاندىرۋ ماماندىعىنىڭ ساباعى قيىن بولۋىنان الاڭدايدى ەكەن، وعان قوسا ءۇيىنىڭ ەكونوميكالىق قيىنشىلىعى بولعاندىقتان، اكە - شەشەسى وعان ءۇي شارۋاسىن ىستەتپەك بولىپتى. سول كەزدە ايەلىم قۇمىلعا تۋىسشىلاپ كەلگەن بولاتىن، سونان ايەلىممەن بىرگە كەريا اۋدانىنا بارىپ، ماليكامدى وقۋىن ۇزدىكسىز جالعاستىرۋعا ءناسيحاتتادىم“. بۇل قىزىنا ليۋ جىحۋاي قاتتى كوڭىل بولەدى.
قازىر ماليكامنىڭ پۋتۇڭحۋداعى العا باسۋى تەز بولىپ قانا قالماستان، ماماندىق ۇيرەنۋدەگى ناتيجەسى دە باسقالاردان قالىسپاي، وزىنە دەگەن سەنىمى بارعان سايىن ارتا ءتۇستى.
جاڭا كەزەك شينجياڭعا باعىتتامالى كومەكتەسۋ باستالعاننان كەيىن، شينجياڭعا كومەكتەسەتىن ءارقايسى ولكە، قالالار جيىنى 3 ميلليارد 500 ميلليون يۋان قارجى سالىپ، 15 مىڭداي - رەت ءتۇرلى اۋىس - كۇيىس جاساۋ قيمىلدارىن ۇيىمداستىرىپ، جان - جاقتى، كوپ ساتىلى ارالاسۋ، ىشتەسۋ، توعىسۋ جاعدايىن قالىپتاستىردى. شينجياڭعا كومەكتەسەتىن كادرلار ءار ۇلت بۇقاراسىمەن شىنايى سىرلاسىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتتى. ولار ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قيمىلىنا قاتىناسۋ ارقىلى كەدەي وتباسىلارىمەن جۇپ قۇراپ، قىستاق تۇرعىندارىنىڭ وندىرىستەگى، تۇرمىستاعى ناقتى قيىنشىلىقتارىن شەشۋىنە كومەكتەسىپ، كومەككە يە بولعان جەرلەردەگى كادرلاردى، شيپاگەرلەردى، وقىتۋشىلاردى، وقۋشىلاردى ىشكى ولكەلەردە باۋلۋعا، ەكسكۋرسيالاۋعا ۇيىمداستىردى، ەتەنەلىك بايلانىس بارىسىندا ءوزارا ءتۇسىنىسۋدى كۇشەيتىپ، سۇيىسپەنشىلىكتەرى دە بارعان سايىن تەرەڭدەدى.
− جياڭسۋ ولكەسى مەن ىلە قازاق اۆتونوميالى وبلىسىنداعى 66 جۇپ كاسىپورىننىڭ پارتيا ۇيىمدارى ”قۋانىشپەن جۇپ قۇرادى“، جۇپ قۇراعان ەكى جاق ۇيىمدى بىرلەسىپ قۇرۋ، قوسىندى بىرلەسىپ باسقارۋ، كاسىپتە بىرلەسىپ ارەكەت جاساۋ، دارىندىلاردى بىرلەسىپ تاربيەلەۋ، بايلىقتى بىرلەسىپ پايدالانۋ، ماركانى بىرلەسىپ جاراتۋ سياقتى شارالار ارقىلى پارتيا قۇرىلىسىن يگەرۋ مەن دامۋدى يگەرۋدىڭ قادامداس، اسەرلەس بولۋىن جۇزەگە اسىردى.
− لياۋنيڭ ولكەسى ءۇرتىس 5 جىل لياۋنيڭ . شينجياڭ جاستار مەن ورەندەردىڭ قول ۇستاسۋ جازدىق (قىستىق) لاگەرى قيمىلىن ورىستەتىپ، ەكى جەردىڭ جاستارى مەن وسپىرىمدەرىنىڭ جۇرەگىنە ۇلتتار ىنتىماعىنىڭ تۇقىمىن ەكتى.
− حۋنان ولكەسى ءۇرتىس 6 جىل حۋناندىقتاردىڭ تۇرپاندى ساياحاتتاۋى سياقتى قيمىلداردى وتكىزدى، 2018 - جىلعا دەيىن، تۇرپان حۋناندىق ساياحاتشىلاردان جيىنى ءبىر ميلليون 341 مىڭ 900 ادام - رەت قابىلدادى. بيىل حۋناندىق ساياحاتشىلاردان 600 مىڭنان استام ادام - رەت قابىلداۋدى مەجەلەپ وتىر.■ رياسىز نارلەندىردى
”كورسەڭ قۇمارىڭ قانبايتىن ۇدىن ءبيى، اڭگىمەلەپ بىتپەس بەيجيڭ - حوتان سۇيىسپەنشىلىگى“. 7 - ايدىڭ 3 - كۇنى بەيجيڭ كومەكتەسىپ سالعان حوتان مادەنيەت ورتالىعىندا، شينيۇي ءان - ءبي ۇيىرمەسىنىڭ ارتيستەرى «بەيجيڭ مەن حوتان ءبىر وتباسى» بيىنە جاتتىعىپ جاتتى.
حوتان ايماقتىق شينيۇي ءان - ءبي ۇيىرمەسى بۇرىن حوتان ايماقتىق ويىن - ساۋىق ۇيىرمەسى بولاتىن، 1957 - جىلى قۇرىلعان. بەيجيڭ كومەكتەسىپ سالۋدان بۇرىن، جاتتىعۋ بولمەسىنىڭ الاڭى تار بولاتىن، قازىر 400 شارشى مەترلىك جاتتىعۋ بولمەسىنە كەڭەيىپ، ارتيستەردىڭ جاتتىعۋىنا كەڭ ءورىس ازىرلەدى. ”جۇڭگو مەديا داشۋەسى قامداعان دىبىس وتكىزبەۋ تەحنيكاسى كونسەرتتىڭ ونىمدىلىگىن ءتىپتى دە جاقسارتتى“، - دەدى ءان - ءبي ۇيىرمەسىندەگى ءبىر ارتيست.
جۋىق جىلداردان بەرى بەيجيڭ قالاسى باعىتتامالى كومەكتەسكەن حوتان ايماعىمەن مادەنيەت سالاسىندا ىقپالداستىعى جيىلەدى، شينيۇي ءان - ءبي ۇيىرمەسى كوپ رەت ۇسىنىسپەن بەيجيڭگە بارىپ ويىن قويدى. بەيجيڭ قالاسى تاعى مادەنيەت اۋىس - كۇيىس قيمىلىن ۇيىمداستىرۋ، ادەبيەت - كوركەمونەر دارىندىلارى قوسىنى قۇرىلىسىن كۇشەيتۋ قاتارلىلار ارقىلى استاناداعى ادەبيەت - كوركەمونەر بايلىعىن بىرىكتىرىپ حوتان ايماعىنا قىزمەت وتەپ، حوتان حالقىنا مول مادەنيەت ازىعىن ۇسىندى.
مادەنيەت ارقىلى شينجياڭعا كومەكتەسۋ − شينجياڭعا كومەكتەسۋ قىزمەتىنىڭ ماڭىزدى مازمۇنى، بۇل حالىققا تيىمدىلىك جەتكىزۋ ينجەنەرياسى، حالىقتى تاربيەلەۋ ينجەنەرياسى، ونان دا ماڭىزدىسى، حالىق تىلەگى ينجەنەرياسى. قازىر ”قاتتى بولشەك“تەن ”جۇمساق بولشەك“كە دەيىن، ”مادەنيەت جەتكىزۋ“دەن ”مادەنيەت جەتىلدىرۋ“گە دەيىن، ”سىرتقا شىعارۋ“دان ”ۇسىنىسپەن ەنگىزۋ“گە دەيىن، ”قان قۇيۋ“دان ”قان جاساۋ“عا دەيىن، بۇگىنگى كۇندە مادەنيەت اۋىس - كۇيىسىنەن تۋىنداعان تەرەڭ سۇيىسپەنشىلىك شينجياڭداعى ءار ۇلت بۇقاراسى مەن ىشكى ولكەلەردەگى بۇقارانىڭ ارالاسۋىنىڭ، ىشتەسۋىنىڭ، توعىسۋىنىڭ بىرىكتىرگىشىنە اينالدى. التاي قالالىق ويىن - ساۋىق ۇيىرمەسىنىڭ ارتيستەرى ”ىررىنجۋان“دى ورىنداي الادى، حىنان ولكەسى شۇيچاڭ قالاسى ءان - ءبي ۇيىرمەسىنىڭ ارتيستەرى ۇيعۇر ۇلتىنىڭ ”ءجۇزىم ءۇزۋ“ ءبيى قاتارلىلاردى بيلەي الادى، مۇنىڭ ءبارى الدەقاشان تاڭسىق بولۋدان قالعان.
سانشي ولكەسى مادەنيەت - ساياحات بايلىعى مول ءىرى ولكە ارتىقشىلىعىن تولىق ساۋلەلەندىرىپ، وزىق مادەنيەت تاراتۋدان ۇلگى كورسەتۋ ينجەنەرياسىن كۇش سالا اتقارىپ، ”تاپسىرىس بەرۋ ۇلگىسى“ندەگى مادەنيەت ارقىلى شينجياڭعا كومەكتەسۋ ۇلگىسىن تۇڭعىش جاراتىپ، سانجين تارتىمدىلىعىنا يە، شينجياڭ ەرەكشەلىگىندەگى مادەنيەت - كوركەمونەر تاڭداۋلى تۋىندىلارىن جاراتىپ، مادەنيەت بارىس - كەلىسى مەن اۋىس - كۇيىسىنىڭ ۇزدىكسىز تەرەڭدەۋىن ىلگەرىلەتتى. بيڭتۋان 6 - شىسىنىڭ تىڭ اشىپ، شەكارانى قورعاعان تاريحى استار ەتىلىپ جازىلعان «ءومىر بەينە ءان» اتتى دراما 5 - كەزەكتى مەملەكەتتىك از ۇلت ادەبيەت - كوركەمونەر بايقاۋىندا التىن سيلىققا يە بولدى.
شىنجىن قالاسى قاشقار ايماعىنىڭ ”13 - بەسجىلدىق“ مادەنيەت دامىتۋ جوسپارىن جاساۋعا كومەكتەسىپ، قاشقار قالاسىن، تاشقورعان تاجىك اۆتونوميالى اۋدانىن شىنجىن مادەنيەت كورمەسىنە قاتىناسۋعا ۇيىمداستىرىپ، «جولبارىس اپانىنداعى ەرجۇرەك باتىر − بان چاۋ» كينوسى، «قاشقار ادامدارى» ۇلاسپالى تەلە فيلمى سياقتىلاردى تۇسىرۋگە كومەكتەسىپ، جەرگىلىكتى ورىننىڭ مادەنيەت ىستەرى مەن مادەنيەت - ساياحات كاسىبىن دامىتۋىن ءونىمدى تۇردە ىلگەرىلەتتى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
