شي جينپيڭ جۇڭگو ادەبيەت - كوركەمونەرشىلەر بىرلەستىگى مەن جۇڭگو جازۋشىلار قوعامى قۇرىلعاندىعىنىڭ 70 جىلدىعىن حات جولداپ قۇتتىقتاعاندا مىنانى باسا دارىپتەدى
قالىڭ ادەبيەت - كوركەمونەر قىزمەتكەرلەرىن ىنتىماقتاستىرىپ، باستاپ، جاڭا ءداۋىردى ەستەلىككە الۋ، جاڭا ءداۋىردى جازۋ، جاڭا ءداۋىردى جىرلاۋ كەرەك
2019.07.18 14:29 كەلۋ قاينارى : شينجياڭ گازەتى
شينحۋا اگەنتتىگىنىڭ 7 - ايدىڭ 16 - كۇنى بەيجيڭنەن بەرگەن حابارى. جۇڭگو ادەبيەت - كوركەمونەرشىلەر بىرلەستىگى مەن جۇڭگو جازۋشىلار قوعامى قۇرىلعاندىعىنىڭ 70 جىلدىعى قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇتتىقتاۋ حات جولداپ، پارتيا ورتالىق كوميتەتى اتىنان قىزۋ قۇتتىقتادى، تۇتاس ەلىمىزدەگى قالىڭ ادەبيەت - كوركەمونەر قىزمەتكەرلەرىنە ىقىلاستى سالەم جولدادى.
شي جينپيڭ قۇتتىقتاۋ حاتىندا بىلاي دەپ اتاپ كورسەتتى: ادەبيەت - كوركەمونەر ىستەرى − پارتيا مەن حالىقتىڭ كەلەلى ءىسى، ادەبيەت - كوركەمونەر شەبى − پارتيا مەن حالىقتىڭ ماڭىزدى شەبى. جاڭا جۇڭگو قۇرىلعان 70 جىلدان بەرى، قالىڭ ادەبيەت - كوركەمونەر قىزمەتكەرلەرى پارتيانىڭ ۇندەۋىنە ءۇن قوسىپ، سوتسياليستىك توڭكەرىس پەن قۇرىلىسقا، رەفورما جاساۋ، ەسىك اشۋ ۇلى امالياتىنا بەلسەنە ات سالىسىپ، جۇرت اۋزىنان تۇسپەيتىن توپ - توپ تاڭداۋلى ادەبيەت - كوركەمونەر تۋىندىلارىن جاراتىپ، توپ - توپ ايگىلى كوركەمونەر وبرازدارىن سومدادى. وتە - موتە، پارتيا 18 - قۇرىلتايىنان بەرى، قالىڭ ادەبيەت - كوركەمونەر قىزمەتكەرلەرى حالىقتى وزەك ەتۋدەي قىزمەت بەتالىسىنا تاباندى بولىپ، ومىرگە ىشكەرىلەي ارالاسىپ، حالىققا تامىر تارتىپ، ءجۇرۋ قابىلەتىن، كورۋ قابىلەتىن، ويلاۋ قابىلەتىن، جازۋ قابىلەتىن ۇزدىكسىز كۇشەيتىپ، ەلىمىزدىڭ ادەبيەت - كوركەمونەر ىستەرىنىڭ تاماشا دامۋ ارىنىن جەبەپ، ادەبيەت، تەاتر، كينو، تەلەۆيزيا، مۋزيكا، ءبي، اسەمونەر، فوتوسۋرەت، حاتكەرلىك، ءان - كۇي، سەرىك ويىنى، حالىقتىق ادەبيەت - كوركەمونەر، ادەبيەت - كوركەمونەر شولۋى سياقتىلاردا مول تابىسقا قول جەتكىزىپ، ۇلت رۋحى مەن ءداۋىر رۋحىن اسقاقتاتىپ، مەملەكەتتىڭ قۇدىرەتتەنۋىن، قوعامنىڭ العا باسۋىن، حالىقتىڭ باقىتىن جۇزەگە اسىرۋ ءۇشىن ەرەكشە ماڭىزدى ۇلەس قوستى.
شي جينپيڭ مىنالاردى باسا دارىپتەدى: جۇڭگوشا سوتسياليزم جاڭا ءداۋىرى كورنەكتى ادەبيەتشىلەرگە، كوركەمونەرشىلەرگە ۇندەۋ تاستادى. جۇڭگو ادەبيەت - كوركەمونەرشىلەر بىرلەستىگى، جۇڭگو جازۋشىلار قوعامى پارتيا مەن ۇكىمەتتىڭ ادەبيەت - كوركەمونەر سالاسىمەن بايلانىس جاسايتىن كوپىرى جانە دانەكەرى، ادەبيەت - كوركەمونەر قىزمەتكەرلەرىن ىنتىماقتاستىرۋ، باستاۋ، سوتسياليستىك ادەبيەت - كوركەمونەر ىستەرىن گۇلدەندىرۋ، دامىتۋ جاقتارىندا ماڭىزدى مىندەت جاۋاپكەرشىلىگىن ارقالاپ وتىر. جۇڭگو ادەبيەت - كوركەمونەرشىلەر بىرلەستىگىنىڭ، جۇڭگو جازۋشىلار قوعامىنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن ىشكەرىلەي ۇيرەنۋىن، دايەكتىلەندىرۋىن، تۋ ۇستاۋ، جۇرت تىلەگىن توعىستىرۋ، جاڭا ادام تاربيەلەۋ، مادەنيەتتى وركەندەتۋ، وبرازدى سومداۋ بورىشى مەن مىندەتىن ىرىقتىلىقپەن ۇستىنە الۋىن، ىنتىماقتاستىرۋ، جەتەكشىلىك ەتۋ، بايلانىس جاساۋ، سايكەستىرۋ، قىزمەت وتەۋ، باسقارۋ، ءوزىن تارتىپكە شاقىرۋ، ۇقىعىن قورعاۋ فۋنكتسياسىن مۇقيات اتقارۋىن، قالىڭ ادەبيەت - كوركەمونەر قىزمەتكەرلەرىن جاڭا ءداۋىردى ەستەلىككە الۋعا، جاڭا ءداۋىردى جازۋعا، جاڭا ءداۋىردى جىرلاۋعا ىنتىماقتاستىرۋىن، باستاۋىن، ءداۋىردىڭ، حالىقتىڭ، ۇلتتىڭ قالاۋىنان شىعاتىن تاڭداۋلى تۋىندىلاردى قۇلشىنا جاراتۋىن، سوتسياليستىك ادەبيەت - كوركەمونەر ىستەرىن گۇلدەندىرۋ، دامىتۋ، سوتسياليستىك مادەنيەتتە قۇدىرەتتى ەل قۇرۋ، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن تىڭ دا زور ۇلەس قوسۋىن ءۇمىت ەتەمىن.
7 - ايدىڭ 16 - كۇنى تۇستەن بۇرىن جۇڭگو ادەبيەت - كوركەمونەرشىلەر بىرلەستىگى مەن جۇڭگو جازۋشىلار قوعامى قۇرىلعاندىعىنىڭ 70 جىلدىعىن ەسكە الۋ اڭگىمە ءماجىلىسى حالىق سارايىندا اشىلدى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ءبولىمىنىڭ باستىعى حۋاڭ كۇنميڭ ماجىلىستە شي جينپيڭنىڭ قۇتتىقتاۋ حاتىن وقىدى ءارى ءسوز سويلەدى. ول بىلاي دەدى: باس شۋجي شي جينپيڭنىڭ قۇتتىقتاۋ حاتى پارتيا ورتالىق كوميتەتىنىڭ ادەبيەت - كوركەمونەر قىزمەتىنە ايرىقشا ءمان بەرگەندىگىن، ادەبيەت - كوركەمونەر قىزمەتكەرلەرىنە بولعان قامقورلىعىن، سۇيىسپەنشىلىگىن تولىق ايگىلەدى، تاپسىرمانى ەستە بەرىك ساقتاپ، اۋەلگى ماقساتتى كوكەيگە بەرىك ۇيالاتىپ، بورىش ارقالاپ، اناعۇرلىم سانالىلىقپەن رۋح تۋىن كوتەرىپ، ءداۋىر رۋحىن سومداپ، ادال، رياسىز پەيىلمەن، اسقاق جىگەر ورناتىپ، وزىق سالت - ساناعا باستاماشى بولۋىمىز، جۇڭگو رۋحى مەن جۇڭگو كۇش - قۋاتىن ايگىلەيتىن ءتىپتى دە كوپ سارا تۋىندىلار ارقىلى داۋىرگە جاۋاپ بەرۋىمىز، حالىققا ۇلەس قوسۋىمىز كەرەك.
جۇڭگو ادەبيەت - كوركەمونەرشىلەر بىرلەستىگىنىڭ، جۇڭگو جازۋشىلار قوعامىنىڭ قاتىستى جاۋاپتىلارى جانە جازۋشى، كوركەمونەرشىلەردىڭ ۋاكىلدەرى اڭگىمە ماجىلىستە ءسوز سويلەدى.
جۇڭگو ادەبيەت - كوركەمونەرشىلەر بىرلەستىگى مەن جۇڭگو جازۋشىلار قوعامى بىردەي 1949 - جىلى 7 - ايدا قۇرىلعان. جۇڭگو ادەبيەت - كوركەمونەرشىلەر بىرلەستىگى 56 مۇشە ۇيىمنان قۇرام تاپقان، قازىر بۇكىل مەملەكەت سيپاتىندىق ادەبيەت - كوركەمونەر قوعامىنىڭ جەكە مۇشەلەرىنەن 135 مىڭ ادام بار. جۇڭگو جازۋشىلار قوعامىنا مۇشە ۇيىمنان 46سى، جەكە مۇشەسىنەن 12 مىڭ ادام بار.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
