جاڭا داۋىردەگى شينجياڭعا باعىتتامالى كومەكتەسۋدىڭ جاڭا تاراۋىن جازايىق
«شينجياڭ گازەتى» باسماقالاسى
2019.07.18 14:33 كەلۋ قاينارى : شينجياڭ گازەتى
بۇكىل پارتيا ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ىشكەرىلەي ورىستەتىپ، بۇكىل ەل بولىپ جاڭا جۇڭگو قۇرىلعاندىعىنىڭ 70 جىلدىعىن قۇتتىقتاپ جاتقان جاعدايدا، 7 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەت ءماجىلىسى حوتاندا اشىلدى. ءماجىلىس جاڭا كەزەكتى شينجياڭعا باعىتتامالى كومەكتەسۋ قىزمەتىندە قول جەتكەن كورنەكتى ناتيجەلەردى تولىق تۇراقتاندىرىپ، كەزەكتە شينجياڭ قىزمەتى ءدوپ كەلىپ وتىرعان جاڭا جاعدايعا، جاڭا مىندەتتەرگە تەرەڭ تالداۋ جاساپ، كەلەسى قادامداعى شينجياڭعا باعىتتامالى كومەكتەسۋ قىزمەتىن جاقسى ىستەۋ جونىندە جاڭا تالاپ قويدى. ءماجىلىستىڭ اشىلۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنە ايرىقشا ءمان بەرگەنىن، شينجياڭداعى ءار ۇلت حالقىنا دەگەن شىنايى قامقورلىعىن تولىق ايگىلەدى. شينجياڭداعى ءار ۇلت كادر - بۇقاراسى تەرەڭ تەبىرەندى، ەرەكشە شابىت الدى، قاباعات جەلپىندى.
شينجياڭ قىزمەتىنىڭ پارتيا مەن مەملەكەت قىزمەتىنىڭ جالپى جاعدايىندا ەرەكشە ماڭىزدى ستراتەگيالىق ورنى بار. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە، شينجياڭداعى ءار ۇلت حالقىنا باستان - اياق تەرەڭ سۇيىسپەنشىلىكپەن قامقورلىق جاساپ، بۇكىل پارتيانىڭ اقىل - پاراساتىن ۇيىستىرىپ، بۇكىل ەلدىڭ كۇشىن جۇمىلدىرىپ، شينجياڭنىڭ قوعام ورنىقتىلىعى مەن باياندى تىنىشتىعىن جوبالاۋدى جانە ىلگەرىلەتۋدى ورتاعا قويىپ، ءبىر قىدىرۋ ەرەكشە ءتيىمدى ساياسات پەن شارانىڭ شىعارىلۋىن ىلگەرىلەتىپ، تيانشاننىڭ تۇستىگى مەن تەرىستىگىندە تاريحي وزگەرىس جارىققا شىقتى، شينجياڭداعى ءار ۇلت حالقىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيىپ، ومىرشەڭ جالىندى كۇشكە يە شينجياڭ دۇنيە ءجۇزى الدىندا ايگىلەندى. شينجياڭعا باعىتتامالى كومەكتەسۋ مەملەكەتتىڭ ستراتەگياسى، شينجياڭنىڭ قوعام ورنىقتىلىعى مەن باياندى تىنىشتىعى باس نىساناسىن جۇزەگە اسىرۋداعى ماڭىزدى شارا. جاڭا كەزەكتى شينجياڭعا باعىتتامالى كومەكتەسۋ قىزمەتى باستالعاننان بەرى، پارتيا ورتالىق كوميتەتىنىڭ پارمەندى باسشىلىعىندا، ورتالىق پەن مەملەكەت ورگاندارى، ورتالىق كاسىپورىندار، شينجياڭعا كومەكتەسەتىن ولكە، قالالار شينجياڭعا باعىتتامالى كومەكتەسۋدى كەلەلى ساياسي مىندەت رەتىندە تياناقتاندىرىپ، قوسىلعان قارجىنىڭ مولدىعى، قاتىناسقان ادامنىڭ كوپتىگى، قامتيتىن كولەمىنىڭ كەڭدىگى بۇرىن كەزىكپەگەن دارەجەدە بولىپ، تيانشاننىڭ تۇستىگى مەن تەرىستىگىنىڭ دامۋ بەينەسىندە وراسان زور وزگەرىس تۋدىرىپ، ءار ۇلتتىڭ ارالاسۋىن، ىشتەسۋىن، توعىسۋىن ايرىقشا جەبەپ، ءار دارەجەلى كادرلاردى بارىنشا شىڭداپ، پارتيا مەن بۇقارانىڭ ەتەنە بايلانىسىن قويۋلاستىرىپ، سوتسياليستىك ءتۇزىمىنىڭ وراسان زور ابزالدىلىعىن بارىنشا ايگىلەدى.
شينجياڭعا باعىتتامالى كومەكتەسۋدە ءبىر قىدىرۋ ناتيجەلەرگە قول جەتۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ارقاسى، ورتالىق پەن مەملەكەت ورگاندارىنىڭ، ورتالىق كاسىپورىنداردىڭ، شينجياڭعا كومەكتەسەتىن ولكە، قالالاردىڭ ساياسيدى دارىپتەپ، كەلەلى جاعدايمەن ساناسا وتىرىپ بار كۇشپەن ىلگەرىلەتۋىنىڭ ارقاسى، شينجياڭعا كومەكتەسەتىن قالىڭ كادر، دارىندىلاردىڭ سۇيىسپەنشىلىكپەن ءوزارا قارايلاسۋىنىڭ جانە قالتقىسىز ۇلەسىنىڭ ارقاسى، شينجياڭداعى ءار ۇلت كادر - بۇقاراسىنىڭ تۇلعالىق رولىنىڭ تولىق ساۋلەلەنۋىنىڭ ارقاسى. اماليات پارتيا ورتالىق كوميتەتىنىڭ شينجياڭعا باعىتتامالى كومەكتەسۋدەگى ءبىر قىدىرۋ شەشىمدەرىنىڭ، ورنالاستىرۋلارىنىڭ بۇكىلدەي دۇرىس ەكەنىن، شينجياڭعا كومەكتەسەتىن قالىڭ كادر، دارىندىلاردىڭ سىننان وتە الاتىنىن جانە سەنىمدى ەكەنىن تولىق دالەلدەدى.
قازىرگى تاڭدا، شينجياڭعا كومەككە بەرىلگەن قارجىمەن سالىنعان وسىزاماندانعان مەكتەپتەر، شيپاحانالار، زاۆودتار بوي كوتەردى، بۇكىل ەل حالقىنىڭ قامقورلىعى شوعىرلانعان حالىق تۇرمىسى ينجەنەريالارى، ۇلتتار ىنتىماعى ينجەنەريالارى ىسكە قوسىلدى... شينجياڭداعى ءار ۇلت بۇقاراسى پارتيا ورتالىق كوميتەتىنىڭ شىنايى قامقورلىعى مەن وتان ۇلى شاڭىراعىنىڭ مەيىرىن شىنايى سەزىنىپ، شينجياڭعا باعىتتامالى كومەكتەسۋدىڭ يگىلىگىن كوردى. پارتيا ورتالىق كوميتەتىنىڭ قامقورلىعىنا، بۇكىل ەل حالقىنىڭ قالتقىسىز كومەگىنە شينجياڭداعى ءار ۇلت حالقى العىس ايتادى، ونى ماڭگى ۇمىتپايدى.
جۇڭگوشا سوتسياليزم جاڭا داۋىرگە ءوتتى، شينجياڭ قىزمەتى دە جاڭا جاعدايعا، جاڭا مىندەتكە ءدوپ كەلىپ وتىر. شينجياڭعا باعىتتامالى كومەكتەسۋ قىزمەتىندە شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دۇرىس دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ ارقاۋ ەتىپ، ورنىقتىلىق بارىسىندا ىلگەرىلەۋ جالپى قىزمەت ارناسىنا تاباندى بولىپ، جاڭا دامۋ ۇستانىمىنا تاباندى بولىپ، ەكونوميكانى دامىتۋ مەن حالىق تۇرمىسىن جاقسارتۋدى نەگىز ەتۋگە تاباندى بولىپ، جۇرت تىلەگىن ۇيىستىرۋدى ماقسات ەتۋگە تاباندى بولىپ، شينجياڭعا جاپپاي كومەكتەسۋگە، شينجياڭعا دالمە - ءدال كومەكتەسۋگە، شينجياڭعا باياندى كومەكتەسۋگە تاباندى بولىپ، جاڭا داۋىردە شينجياڭعا باعىتتامالى كومەكتەسۋدىڭ جاڭا تاراۋىن جازۋ كەرەك.
شينجياڭعا باعىتتامالى كومەكتەسۋ قىزمەتى، ءسوز جوق، تاجىريبەلەردى دەن قويا قورىتىندىلاپ، ماسەلەنى باعدار ەتۋگە تاباندى بولىپ، جالپىلىق ونىمدىلىكتى ۇزدىكسىز جوعارىلاتۋ كەرەك. كادرلار، دارىندىلار ارقىلى شينجياڭعا كومەكتەسۋدى كورنەكتى تۇردە مىقتاپ يگەرىپ، دالمە - ءدال تاڭداپ جىبەرۋ، عىلمي ىستەتۋ، رولىن مۇمكىندىكتىڭ بارىنشا ساۋلەلەندىرۋ كەرەك. كاسىپ سالاسى ارقىلى شينجياڭعا كومەكتەسۋدى ناقتى ىستەرمەن شۇعىلدانىپ ىلگەرىلەتۋ، كومەك قابىلداعان جەرلەردىڭ ەرەكشە كاسىپتى، جاسىل كاسىپتى دامىتۋىنا، ونىمدەرىن ساۋدالاۋ ارناسىن كەڭەيتۋىنە كومەكتەسۋ، بيڭتۋاننىڭ وڭتۇستىككە قاراي دامۋىنا كاسىپ سالاسىمەن تىرەك بولۋدى كۇشەيتۋ كەرەك. حالىق تۇرمىسىن ماڭداي الدى ورىنعا قويۋعا تاباندى بولىپ، نازاردى كەدەيلىكتەن ارىلتۋدان قامال الۋعا جانە جۇمىستاندىرۋدى كەڭەيتۋگە شوعىرلاندىرىپ، قارجى، نىسانداردى نەگىزگى ساتىعا اناعۇرلىم بەيىمدەپ، بۇقارا ەڭ كوڭىل بولەتىن، ەڭ تىكە، ەڭ رەال مۇددە ماسەلەلەرىن ءبىر جايلى ەتۋ كەرەك. ءار ۇلتتىڭ ارالاسۋىن، ىشتەسۋىن، توعىسۋىن كۇش سالا جەبەپ، ىشكى ولكەلەردىڭ شينجياڭداعى ءار ۇلت بۇقاراسىمەن بارىس - كەلىس جاساسىپ تۇرۋىن قولداپ، شينجياڭداعى از ۇلت بۇقاراسىنىڭ ىشكى ولكەلەرگە بارىپ، توعىسا دامۋىن ىلگەرىلەتۋ كەرەك. مادەنيەت، وقۋ - اعارتۋ ارقىلى شينجياڭعا كومەكتەسۋدى تىڭعىلىقتى ورىنداپ، شينجياڭدى مادەنيەتپەن نارلەندىرۋ ينجەنەرياسىن ىشكەرىلەي ىلگەرىلەتىپ، ءار ۇلتتىڭ ورتاق رۋحاني مەكەنىن قۇرۋ كەرەك. شينجياڭعا كومەكتەسۋ قىزمەتىن كادرلاردى شىڭداۋ مەن جەتىلدىرۋدىڭ تۇعىرى ەتىپ، تەكسەرۋ - باعالاۋ مەحانيزمىن اقاۋسىزداندىرىپ، كوڭىل ءبولۋ، قامقورلىق جاساۋ سەرپىنىن كۇشەيتىپ، شىنايى سۇيىسپەنشىلىكپەن ۇلەس قوساتىن، باتىلدىقپەن جاۋاپكەرلىك ارقالايتىن ادامدارعا كۇش - قۋات، ساحنا سيلاۋ كەرەك.
باقىت العىستان باستاۋ الادى. شينجياڭعا باعىتتامالى كومەكتەسۋ شينجياڭداعى 25 ميلليون ءار ۇلت بۇقاراسىن باقىتقا كەنەلتەتىن ۇلى ءىس، شينجياڭداعى ءار ۇلت كادر - بۇقاراسى تۇلعالىق تانىمدى اناعۇرلىم مىقتاپ ورناتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شىنايى قامقورلىعىن، بۇكىل ەلدەگى ءار ۇلت حالقىنىڭ قالتقىسىز كومەگىن كوركەم شينجياڭ قۇرۋدىڭ، وتان ارمانىن بىرگە ورىنداۋدىڭ وراسان زور قوزعاۋشى كۇشىنە اينالدىرىپ، شينجياڭعا باعىتتامالى كومەكتەسۋدە قول جەتكەن سۇبەلى تابىستار نەگىزىندە سۋبيەكتيۆ بەلسەندىلىكتى تولىق ساۋلەلەندىرىپ، ءورىس اشا العا ىلگەرىلەپ، قايراتتانا ۇمتىلىپ، ىنتىماقتى، جاراسىمدى، كوركەيگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك ەتەتىن جۇڭگوشا سوتسياليستىك شينجياڭ قۇرۋ جولىندا قۇلشىنا كۇرەس جۇرگىزۋ كەرەك.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
