بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

نازاردى جاسىل دامۋعا شوعىرلاندىرىپ، جالپى بەتتىك دارەجەسىن كوتەردى، دەڭگەيىن ءوسىردى

ۇلكەن نانشان حالىقارالىق ساياحات ءوڭىرى شىت جاڭا بەينەگە ەندى

2019.07.23 11:03     كەلۋ قاينارى : شينجياڭ گازەتى

  اپپاق قارلى شىڭدار مەن جاپ - جاسىل قاراعايلار ءبىر - بىرىنە قۇپ جاراسقان، الۋان گۇلدەر سىلدىراپ اققان بۇلاقتارمەن ۇندەسىپ جاتقانداي، اۋىل ساعىنىشىڭدى مازداتاتىن كورىكتى اۋىل - قىستاق ادامداردىڭ كوكەيىنەن كوتەرىلمەك ەمەس...

  شىلىڭگىر شىلدەدەگى ءۇرىمجى اۋدانىنىڭ ۇلكەن نانشان حالىقارالىق ساياحات ءوڭىرى شار تاراپتان كەلگەن ساياحاتشىلارعا شىت جاڭا تانىسقىنى كورسەتتى.

  بيىل 1 - ايدان 6 - ايعا دەيىن ءۇرىمجى اۋدانى 7 ميلليون 110 مىڭ 900 ساياحاتشى (رەت) قابىلدادى، بۇل سايكەس مەزگىلدەگىدەن %35.26 ارتتى، تەك 6 - ايدىڭ وزىندە ءبىر ميلليون 822 مىڭ 900 ساياحاتشى (رەت) قابىلدادى، بۇل سايكەس مەزگىلدەگىدەن %65.48 ارتتى.

  ساياحاتشىلاردىڭ قاۋىرت مولايۋىنىڭ استارىندا، ءۇرىمجى اۋدانىنىڭ ۇلكەن نانشان حالىقارالىق ساياحات ءوڭىرى قۇرىلىسىن ارقاۋ ەتىپ ەڭبەك ەتكەن قاجىماس قۇلشىنىسى: سارا كورىنىس ءوڭىرى قۇرىلىسىن كۇشەيتىپ، جالپى بەتتىك دارەجەسىن كوتەرىپ، دەڭگەيىن ءوسىرۋى؛ تۇنىق سۋ، جاسىل تاۋدان ”ەكولوگيالىق پايدا“ جارىققا شىعارۋعا مۇمكىندىك جاساۋى؛ كورىكتى اۋىل - قىستاقتىڭ ”تاماشا ەكونوميكا“عا دەم بەرۋىنە مۇمكىندىك جاساۋى جاتىر.■ كورىنىس ءوڭىرىنىڭ ساپاسىن جوعارىلاتۋ تىڭ ناتيجەگە قول جەتكىزدى

  ۇلكەن نانشان حالىقارالىق ساياحات ءوڭىرىنىڭ جىبەك جولى مادەنيەت كورسەتۋ ورتالىعى قازىر قاۋىرت جۇمىس جۇرگىزۋدە، سول كەزدە شينجياڭنىڭ كولەمدى ناقتى كورىنىستىك تەاترى ”كۇنلۇندە كەزدەسۋ“ وسى ارادا قويىلادى.

  بۇل ۇلكەن نانشان حالىقارالىق ساياحات ءوڭىرىنىڭ ساپاسىن جوعارىلاتۋدا تىڭ ناتيجەگە قول جەتكىزۋىنىڭ ءبىر جاعى.

  ”ۇلكەن نانشان حالىقارالىق ساياحات ءوڭىرىنىڭ ورنىن تۇراقتاندىرۋدى ارقاۋ ەتكەن ءبىز ’كەستەلەۋ‘ ونەرىمەن كورىنىس اۋماعىنىڭ ساپاسىن جاپپاي كوتەردىك“. 7 - ايدىڭ 15 - كۇنى ءۇرىمجى اۋداندىق پارتكومنىڭ تۇراقتى مۇشەسى، ورىنباسار اكىم فاڭ ايگو تىلشىگە: جوعارى ولشەمدى، جوعارى دەڭگەيلى جوبانى الدىمەن اتقارۋدان سىرت، تاياۋ جىلداردان بەرى كورىنىس اۋماعى سىرتتان تارتىپ ىشكە دەيىن دارەجەسىن كوتەرىپ، دەڭگەيىن ءوسىرىپ، سارا كورىنىس ءوڭىرى قۇرىلىسىن بار كۇشپەن كۇشەيتتى، - دەدى.

  ساياحاتشى تان شينحۋا تاياۋدا تيانشان ۇلكەن اڭعارىنا كەلىپ ساياحاتتاعاندا بۇل ارانىڭ ”بەينەسى“ندە تاعى جاڭارۋ بولعاندىعىن قۋانا بايقادى: ەكولوگيالىق اۆتوكولىك توقتاتۋ الاڭىنىڭ ءتارتىبى جۇيەگە تۇسكەن، بەلگىلەر، بەلگى تاقتالار ادەمى، زامانعا لايىق بولىپتى، سىمسىز ينتەرنەتتىڭ قامتىمى ونىڭ دوستار شەڭبەرىن قالاعان ۋاقىتتا، قالاعان جەردە جاڭالاۋىنا مۇمكىندىك جاسادى...

  بىلتىردان بەرى مەملەكەتتىك 5A دارەجەلى كورىنىس اۋماعى تيانشان ۇلكەن اڭعارى جالپى بەتتىك دارەجەسىن كوتەرىپ، دەڭگەيىن ءوسىردى، نەگىزدىك قۇرىلعىلاردى جاڭالاۋ، زەردەلى كورىنىس اۋماعى قۇرىلىسى، قىزمەت وتەۋ قۋاتىنىڭ دەڭگەيىن جوعارىلاتۋ سياقتى كوپ جاقتاردان ۇلكەن نانشان حالىقارالىق ساياحات ءوڭىرىنىڭ جارقىن تانىسقىسىن جاسادى. بۇدان كەيىن كورىنىس اۋماعى تاعى اناعۇرلىم كوپ مادەنيەت نىساندارى قۇرىلىسىن اشىپ، كورىنىس اۋماعىنا مادەنيەت رۋحىن ۇستەيدى.

  قار - مۇز سپورتى، ەكسپەديتسيا، دەنە شىنىقتىرۋ، سەيىل - سەرۋەن جاساپ دەمالۋ سىندى كوپ كاسىپ قالىبى ءبىر تۇلعاندىرىلعان ەرەكشە شاعىن قالاشىق ۇلكەن نانشان حالىقارالىق ساياحات ءوڭىرىنىڭ ساياحات مازمۇنىن بايىتتى.

  ءۇرىمجى اۋداندىق پارتكوم ۇگىت ءبولىمى اقپارات ورتالىعىنىڭ جاۋاپتىسى نان حاي تىلشىگە بىلاي دەدى: بۇرىندارى ساياحاتشىلار ۇلكەن نانشان حالىقارالىق ساياحات وڭىرىنە بارىپ سەرۋەندەيتىن، ايتسە دە قىستا شاڭعى تەۋىپ، جازدا كورىنىس تاماشالاپ، ودان كەيىن تاماقتانىپ قايتىپ كەتۋشى ەدى. قازىر ەرەكشە شاعىن قالاشىقتا تاماشالاۋ، سەيىلدەۋ، كۇتىنۋ، زات ساتىپ الۋ سياقتى كوپ كاسىپ قالىبىنداعى ساياحات ۇلگىسى ساياحاتشىلاردى باۋراۋمەن بىرگە كورىنىس ءوڭىرىنىڭ ”ءبىر ماۋسىم ساياحاتىن“ ”ءتورت ماۋسىم ساياحاتى“نا اينالدىردى.

  ”تابۋ قيىن بولۋ“دان ”بار الاپتان تابۋ“عا دەيىن، ”لاس، بىلىققان، ناشار، از، شەتكەرى“ بولۋدان ”مادەنيەتتى، تازا، تاماشا، كوپ، ەرەكشە“ بولۋعا دەيىن، وسى 2 جىلدا، ۇلكەن نانشان حالىقارالىق ساياحات وڭىرىندەگى ساياحاتشىلار دارەتحاناسىنىڭ بەينەسىندە زور جاقسارۋ بولدى. سۋمەن شايىلاتىن 70 نەشە الەۋمەتتىك دارەتحانا جاراتىلىستىق كورىنىسپەن جانە الەۋمەتتىك قىزمەت وتەۋ سەيىل - سەرۋەن قۇرىلعىلارىمەن توعىستى، 340 نەشە وتباسىنىڭ بەلگىلى ونىمدىلىككە يە شارۋالار (مالشىلار) شاتتىعى ساياجايى ساياحاتشىلاردى قابىلداۋ ءتۇيىنى دە ءۇي ىشىندەگى سۋمەن شايىلاتىن دارەتحانا سالۋدى ورىندادى.■ تۇنىق سۋ، جاسىل تاۋ ”ەكولوگيالىق پايدا“ جەتكىزدى

  ۇلكەن نانشان حالىقارالىق ساياحات وڭىرىندە ساياحات بايلىعىنىڭ جالپى مولشەرى مول، تۇرلەرى كوپ، ساپالى، تۇنىق سۋ مەن جاسىل تاۋ − باعالى بايلىق قالاي جۇزەگە اسادى؟

  ءۇرىمجى اۋدانى جاسىل دامۋ، جوعارى ساپالى دامۋ تالابىن مىقتاپ يگەرىپ، ەكولوگيالىق ورتانى قورعاۋدىڭ ەڭ قاتاڭ ءتۇزىمىن اتقارىپ، ءتۇرلى قۇرىلىس نىساندارىنىڭ ورتاعا ىقپالىن باعالاۋ ءتۇزىمىن جانە اۋدان كولەمىندەگى بەكىتىلگەن ءتۇرلى جوباداعى قۇرىلىس سالۋعا تيىم سالۋ ءوڭىرى، قۇرىلىس سالۋدى شەكتەۋ ءوڭىرى تالابىن قاتاڭ اتقارىپ، مەملەكەتتىڭ ورتانى قورعاۋ ساياساتىنا ۇيلەسپەيتىن بارلىق نىسانداردى باتىل تەكسەرىپ بەكىتپەدى.

  كەن بايلىعىن جەكەلەي قازۋ، بەتالدى اشۋ جانە ۇرلاپ قازۋ ارەكەتىنەن ساقتانۋ ءۇشىن، بۇل اۋدان كومىر كەندى زاڭ بويىنشا جابۋدان تىس، جىل سايىن ارناۋلى قارجى شىعارىپ، كورىنىس اۋماعىندا كەزەكشىلىك وتەۋ ءتۇيىنىن قۇرىپ، ادام شىعارىپ 24 ساعات كەزەكشىلىك ىستەدى. قازىر وسى اۋدان قورشاعان ورتانى قورعاۋدىڭ ءۇش دارەجەلى توركوزدەندىرىپ باسقارۋ جۇيەسىن ورناتىپ، ”ۇلكەن قورشاعان ورتانى قورعاۋ“دىڭ قىزمەت جاعدايىن العاشقى قادامدا قالىپتاستىردى.

  ءۇرىمجى اۋدانى ”نانشاننىڭ بارلىق جەرى كورىنىس اۋماعى“ دەگەن ۇستانىم ورناتىپ، جوعارى باستامادا جوسپارلاپ، جوعارى ولشەمدە جوبالاپ، جوعارى ساپادا قۇرىپ، 6 اۋىل (قالاشىق) ءبىر تۇتاس جوسپارلاپ، الۋان گۇلدەردى ءبىر تۇتاس ەكتى: يۇڭفىڭ قالاشىعىندا قىشى گۇلى جايقالا اشىلدى، دۇڭۋان قىستاعىندا لانشياڭجيە تەربەلدى، پيڭشيلياڭ قىستاعىندا پارسى كۇرەڭكەيى اشىلدى... قۇلپىرعاندا كوز تارتاتىن ”گۇلگە ورانعان نانشان“ ۇلكەن نانشان حالىقارالىق ساياحات ءوڭىرىنىڭ تۇنىق سۋ، جاسىل تاۋىنىڭ كوركىنە كورىك قوستى.

  شىنار اعاشىن ەكسەڭ، سامۇرىق كەلىپ قوناقتايدى. اسپانىنان جۇلدىز جاينايتىن، تاۋى جاسىل، سۋى تۇنىق، گۇلدەرىنىڭ حوش ءيىسى اڭقىعان ۇلكەن نانشان حالىقارالىق ساياحات ءوڭىرى ساياحاتشىلاردى وزىنە ۇزدىكسىز باۋراۋدا.

  ”ەكولوگيالىق ورتانىڭ ’قىزىل سىزىعىن‘ساقتاعان ءبىز بۇگىندەرى ’ەكولوگيالىق ورتانىڭ پايداسىن‘ كورە باستادىق“، - دەدى ءۇرىمجى اۋدانى مادەنيەت - دەنە تاربيە - راديو - تەلەۆيزيا جانە ساياحات مەكەمەسىنىڭ باستىعى جاڭ يۇيحۇڭ.■ كورىكتى اۋىل - قىستاقتان ”كورىكتى ەكونوميكا“ تۋىندادى

  ”ءبىز شابىتتاندىرۋ مەحانيزمىن ورناتىپ، قوقىر - قوقسىقتى جاسىرىن، بەتالدى توككەندەردى مالىمدەسە 100 يۋاننان 500 يۋانعا دەيىن سيلىق بەرەمىز“، - دەدى ءۇرىمجى اۋدانى شۇيشيگوۋ قالاشىعى جاتان قىستاعى پارتيا ياچەيكاسىنىڭ شۋجيى ۋاڭ شيۋحۇڭ.

  جاتان قىستاعىنىڭ اعاشى جاسىل، سۋى تۇنىق، تازا دا كەڭ، قىستاقتىڭ ءاربىر شاعىن اۋماعىندا ارناۋلى ورتا تازالىعىن شارلاپ تەكسەرەتىن ادام بار. قورشاعان ورتانى قورعاۋدا، قىستاق تۇرعىندارى ”قوقىر - قوقسىقتى جەرگە بەتالدى تاستاۋ“دان ”سانالى تۇردە جيناۋ“عا ويىستى.

  ”كوشە شىراقتارى جارقىراپ، جولدار كەڭەيىپ، اۋلا كورىكتەندى، بۇرىنعى رەتسىز قىستاق كەلمەسكە كەتتى“. قىستاق وزگەرىسىن تىلگە تيەك ەتكەندە ءۇرىمجى اۋدانى بانفاڭگوۋ قالاشىعى تيانشيا الەۋمەتتىك اۋماعىنىڭ تۇرعىنى ما مەي ايرىقشا شاتتانادى.

  ءۇرىمجى اۋدانى تۇتاس وڭىرلىك ساياحاتتى بار كۇشپەن ىلگەرىلەتىپ، اۋىل شارۋاشىلىعى، ساياحات ءبىر تۇلعالانعان اۋىل - قىستاق ساياحات كاسىپ جۇيەسىن شوعىرلى قۇرىپ، اۋىل - قىستاقتىڭ قونىستانۋ ورتاسىن رەتتەۋ - وڭاۋ قىزمەتى ارقىلى كورىكتى اۋىل - قىستاق بەينەسىن كەسكىندەپ، كورىكتى اۋىل - قىستاقتان ”كورىكتى ەكونوميكا“ تۋىنداتتى.

  ءۇرىمجى اۋدانى يۇڭفىڭ قالاشىعى شاڭسى قىستاعىنىڭ تۇرعىنى ياڭ پەيبين وتباسىنىڭ اۋلاسىندا ءتىلشى توپ - توپ ساياحاتشىلاردىڭ ءدامدى تاعام جەپ، بۇلدىرگەن تەرىپ، مارە - سارە بولىپ جاتقاندىعىن كوردى.

  ”ءبىزدىڭ اۋىل - قىستاق بارعان سايىن كورىكتەندى، ءار كۇنى ءۇيدىڭ ماڭى ساياحاتشىلارعا لىق تولادى“، - دەدى ياڭ پەيبين قۋانا تىلشىگە، بيىل ول اۋلاسىنا گۇل ەككەن، 6 - ايدىڭ وزىندە، گۇل ساتۋ ارقىلى 20 نەشە مىڭ يۋان كىرىس كىرگىزگەن.

  ءۇرىمجى اۋدانى تاعى حالىقتىق تۇسەلحانا كاسىبىن سارا كورىنىس اۋماعى − ۇلكەن نانشان حالىقارالىق ساياحات كورىنىس ءوڭىرىن تۇلعالاۋدىڭ ماڭىزدى ءبىر تۇتقاسى رەتىندە يگەرىپ، جاڭا بەلگىلەمە شىعارىپ، حالىقتىق تۇسەلحانا كاسىبىنىڭ دامۋىن جەبەدى. قازىر تاريح، مادەنيەت ەرەكشەلىگىن اشۋعا باسا ءمان بەرىپ، ۇلتتىق سالت - سانا جانە گۋمانيتارلىق، سەيىل - سەرۋەن، كۇتىنۋ مازمۇنى كورنەكتىلەنگەن 30 نەشە ەرەكشە حالىقتىق تۇسەلحانانى ىسكە قوستى، جىل سوڭىنا دەيىن 100 ەرەكشە حالىقتىق تۇسەلحانا اشىلادى دەپ كۇتىلۋدە.

  ”ۇلكەن نانشان حالىقارالىق ساياحات ءوڭىرىنىڭ كوركەم كورىنىس اياسىندا، تاۋ ەتەگى مەن سۋ جاعاسىنا سالىنعان حالىقتىق تۇسەلحانا كورىكتى بايلىقتى كوركەم ەكونوميكاعا اينالدىرۋدىڭ جاڭا كاسىپ كۇيىنە، جاڭا قوزعالتقىشىنا، جاڭا قوزعاۋشى كۇشىنە اينالۋدا“، - دەدى فاڭ ايگو.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار