شي جينپيڭ اراب بىرىككەن امىرلىگىنىڭ ابۋدابي پاتشا مۇراگەرى مۇحاممەدپەن تاعى دا كەزدەستى
2019.07.24 15:54 كەلۋ قاينارى : شينجياڭ گازەتى
شينحۋا اگەنتتىگىنىڭ 7 - ايدىڭ 22 - كۇنى بەيجيڭنەن بەرگەن حابارى (ءتىلشى سۇن ي). مەملەكەت ءتوراعاسى شي جينپيڭ 7 - ايدىڭ 22 - كۇنى كەشتە دياۋيۇيتاي مەملەكەتتىك قوناق ۇيىندە جۇڭگوعا مەملەكەت ىستەرى ساپارىمەن كەلگەن اراب بىرىككەن امىرلىگىنىڭ ابۋدابي پاتشا مۇراگەرى مۇحاممەدپەن تاعى دا كەزدەستى. ەكى ەل باسشىلارى كوڭىلدى دوستىق بەينەدە جۇڭگو - اراب بىرىككەن امىرلىگى قارىم - قاتىناسى، سونداي - اق ورتاق كوڭىل ءبولىپ وتىرعان حالىقارالىق جانە وڭىرلىك ماسەلەلەر جونىندە ىشكەرىلەي پىكىرلەستى.
شي جينپيڭ بىلاي دەپ اتاپ كورسەتتى: بۇگىن تۇستەن بۇرىن ءسىز ەكەۋىمىز مول ناتيجەلى، وتە ءساتتى كەڭەس وتكىزىپ، كوپ ءتۇرلى سەلبەستىك كەلىسىمدەردى اۋىستىرۋ ساتىنە كۋا بولدىق، سانىنىڭ مول، مازمۇنىنىڭ باي، شارپۋ اۋماعىنىڭ كەڭ بولۋى، شىنىمەن، از كەزدەسەدى. بۇل ەكى ەلدىڭ قارىم - قاتىناسىنىڭ ىشكى ءمانىنىڭ مول، تەرەڭ ستراتەگيالىق سيپاتقا يە ەكەندىگىن بەينەلەيدى.
شي جينپيڭ بىلاي دەپ باسا دارىپتەدى: جۇڭحۋا وركەنيەتى 5000 جىلدان استام ۋاقىتقا ۇلاسىپ، سىرتتان كەلگەن ءتۇرلى وركەنيەتتەردى قابىلداپ، سيىسىمدى، ءبارىن قامتۋ بارىسىندا ۇزدىكسىز دامىعان. ”ءبىر بەلدەۋ، ءبىر جول“دى بىرگە قۇرۋ باستاماسى جۇڭحۋا مادەنيەتىنىڭ ”الەم جالپىعا ورتاق“ ۇستانىمىنان باستاۋ الىپ، تۇرلىشە ەلدەر ارا اۋىس - كۇيىستى، سەلبەستىكتى جەبەۋگە كۇش سالعان. اراب بىرىككەن امىرلىگى دە اشىق، سيىسىمدى بولۋ رۋحىن دارىپتەپ، تۇرلىشە وركەنيەتتەردىڭ اۋىس - كۇيىسىن، ءبىر - بىرىنەن ۇلگى الۋىن جەبەۋگە ماڭىزدى ۇلەس قوسىپ، حالىقارالىق قوعامنىڭ جاپپاي القاۋىنا بولەندى. ەكى ەل وركەنيەتتەر تىلدەسۋىن بىرگە جەبەۋى، جۇڭگو - اراب بىرىككەن امىرلىگىنىڭ جان - جاقتى ستراتەگيالىق سەرىكتەس قارىم - قاتىناسىنىڭ نىق قاداممەن الىستارعا جەتۋىن ىلگەرىلەتىپ، دۇنيە ءجۇزىنىڭ بەيبىتشىلىگىنە، جاراسىمدىلىعىنا جانە بىرگە دامۋىنا تىڭ ۇلەس قوسۋى ءتيىس.
مۇحاممەد مىنانى ءبىلدىردى: بۇگىن تۇستەن بۇرىن سىزبەن وتكىزگەن كەڭەسىم اسا تولىق، وتە ءماندى بولدى. ءسىزدىڭ ەكى جاقتى قارىم - قاتىناس جانە حالىقارالىق جاعداي جونىندەگى تەرەڭ تۇسىنىك، تەلەگەي كوزقاراسىڭىز ماعان ەرەكشە پايدالى اسەر قالدىردى. ەكى جاقتىڭ ورتاق قۇلشىنۋىندا، اراب بىرىككەن امىرلىگى مەن جۇڭگونىڭ سەلبەستىگىنىڭ ناتيجەسى سۇبەلى بولدى، ءسىز ەكەۋىمىز اۋىستىرۋ ساتىنە بىرگە كۋا بولعان كوپ ءتۇرلى ناقتى سەلبەستىك كەلىسىمدەردىڭ ەكى ەل مەن ەكى ەل حالقىنا اناعۇرلىم كوپ يگىلىك اكەلەتىنىنە سەنەمىن. مەن ءسىز العا قويعان ادامزاتتىڭ تاعدىرلاس ورتاق تۇلعاسىن قۇرۋ ۇلى باستاماسىن بۇكىلدەي قۇپتايمىن. اراب بىرىككەن امىرلىگى جاق اراب بىرىككەن امىرلىگى - جۇڭگو جاپپاي ستراتەگيالىق سەرىكتەس قارىم - قاتىناسىن ۇزدىكسىز تەرەڭدەتۋدى قالايدى.
ياڭ جيەچى، ۋاڭ ي كەزدەسۋگە قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
