ساياحات كىرىسى 10 جىلدا 18 ەسە ارتتى
التاي ”جۇڭگو قار مەكەنى“ التىن ءارىپتى ماڭدايشالىعىن ايشىقتادى
2019.07.31 10:46 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى تىلشىلەرى باۋ دۇڭشي، لي چۇنشيا، جاڭ تيڭ 7 - ايدىڭ 29 - كۇنى التايدان حابارلايدى. 7 - ايدىڭ 23 - كۇنىنەن 7 - ايدىڭ 29 - كۇنىنە دەيىن گازەتىمىزدىڭ جالپىلىق اقپارات قۇرالدارى گرۋپپاسى التاي ايماعىنا بارعاندا، جەرگىلىكتى ورىننىڭ ساياحاتىنىڭ ەرەكشە قاۋىرت ارتۋ جاعدايىن ايقىن سەزىندى. ساندى مالىمەتتەردە كورسەتىلۋىنشە، 2018 - جىلى التاي ايماعىنا 22 ميلليون 830 مىڭ ادام - رەت ساياحاتشى كەلىپ، 2008 - جىلداعىدان 7 ەسەدەن استام ارتقان؛ ساياحات كىرىسى 23 ميلليارد 400 ميلليون يۋان بولىپ، 2008 - جىلداعىدان 18 ەسە ارتقان. بيىل الدىڭعى جارتى جىلدا تۇتاس ايماق 8 ميلليون 892 مىڭ 200 ادام - رەت ساياحاتشى قابىلداپ، سايكەس مەزگىلدەگىدەن ％91.4 ارتقان، ساياحات كىرىسى 8 ميلليارد 160 ميلليون يۋان بولىپ، سايكەس مەزگىلدەگىدەن ％94.7 ارتقان.
بۇل كورنەكتى ناتيجەلەر التايدىڭ ايرىقشا ساياحات بايلىعى مەن باي مازمۇندى مەرەكەلىك مادەنيەت، دەنە تاربيە قيمىلدارىنىڭ، ونان دا ماڭىزدىسى، التاي ايماعىنىڭ حالىقتىق اۆياتسيا، تەمىر جول، تاس جول، كوش جولى ءبىر تۇلعالانعان مىڭ شاقىرىمدىق قاتىناس جۇيەسىن كۇش سالا قۇرۋىنىڭ، سونىمەن بىرگە التاي ايماعىنىڭ شار تاراپتى، كوپ ساتىلى ساياحاتتى تانىستىرۋىنىڭ ارقاسىندا قولعا كەلگەن.
كوپ جىلداردان بەرى، مول تاريحي كورىنىستەر مەن باي مادەنيەت ساياحات بايلىقتارىنا سۇيەنگەن التاي ايماعى ”اس - سۋ، جاتىن ورىن، ءجۇرىس - تۇرىس، سەيىل - سەرۋەن، زات ساتىپ الۋ، كوڭىل اشۋ، دارەتحانا“ سىندى 7 ۇلكەن فاكتورلىق ساياحات تىزبەگىن اناعۇرلىم بايىتىپ جانە ۇزارتىپ، ساياحات كاسىبىن تۇتاس ايماقتىڭ تىرەكتى كاسىبى ەتىپ قۇرىپ شىقتى. فورمادا، دانەكەردە جاڭالىق اشۋ ارقىلى مادەنيەت فاكتورىن كۇشەيتىپ، تۇتاس وڭىرلىك ساياحاتتىڭ جاڭا كورىنىسىن جانە ساياحات كوزەۋلى جەرىن قالىپتاستىرىپ، ەل ءىشى - سىرتىنداعى اناعۇرلىم كوپ ساياحاتشىنى التايدا ىركىلىسسىز ساياحاتتاۋعا باۋرادى.
”7 - ايدىڭ 23 - كۇنىنىڭ وزىندە، تۇتاس ايماق 186 مىڭ 100 ادام - رەت ساياحاتشى قابىلداپ، سايكەس مەزگىلدەگىدەن ％69.86 ارتتى، ساياحات كىرىسى 175 ميلليون يۋان بولىپ، سايكەس مەزگىلدەگىدەن ％67.17 ارتتى، مۇنىڭ ىشىندە قاناس كورىنىس وڭىرىنە (قاناس وزەكتى كورىنىس ءوڭىرىن، اققابا كورىنىس ءوڭىرىن، قوم كورىنىس ءوڭىرىن قاميتدى) كەلگەن ساياحاتشى 100 مىڭ ادام - رەتتەن اسىپ، بىلتىرعىدان 20 كۇن بۇرىن وسى ساننان استى“ دەدى التاي ايماقتىق مادەنيەت - دەنە تاربيە، راديو - تەلەۆيزيا جانە ساياحات مەكەمەسىنىڭ باستىعى ليۋ كىچۋان تانىستىرىپ.
ۇعىسۋعا قاراعاندا، الدىڭعى عاسىردىڭ 90 - جىلدارىندا، التاي ايماعىنىڭ ساياحات كاسىبى قاناس كورىنىس ءوڭىرىن اشۋدان باستالعان، ادام سانى مەن كىرىس العاشقى نەشە ونداعان ادامنان، نەشە ون مىڭ يۋاننان باستالىپ، جولدى ىركىلىسسىزدەندىرۋ، كورىنىس ءوڭىرىن قۇرۋ، جاتىن ورىن شارت - جاعدايىن جاقسارتۋ سياقتى اس - سۋ، جاتىن ورىن، ءجۇرىس - تۇرىس جاعدايلارىن كەمەلدەندىرۋدەن قىزمەت وتەۋ ساپاسىن كوتەرۋگە دەيىن ساياحات كاسىبىنىڭ كاسىپ قۇرىلىمىنداعى ورنى ۇزدىكسىز جوعارىلاعان. مەملەكەتتىك 5A دارەجەلى كورىنىس وڭىرلەرى قاناس، كوكتوعاي، بايشاحوۋدى وزەك ەتكەن ”مىڭ شاقىرىمدىق اشەكەيلى كاريدوردى“ ”قار - مۇز القابىن“ تۇلعالاپ، ”ساياحات كاسىبىن نەگىزگى تۇلعا ەتىپ، 1 - كاسىپتى جەتەكتەۋ، 2 - كاسىپتى كوتەرۋ“سىندى دامۋ جولىنا تاباندى بولىپ، تابيعي ەكولوگيالىق كوركەم كورىنىستىڭ ادامداردىڭ كوز الدىندا ماڭگى جايناپ تۇرۋىنا، ءار ۇلت بۇقاراسىنىڭ ساياحات كاسىبى گۇلدەنۋىنىڭ پايداسىنان يگىلىكتەنۋىنە مۇمكىندىك جاسادى.
ساياحات كاسىبىنىڭ جوعارى ساپالى دامۋى جەرگىلىكتى ورىنداعى ەگىنشى - مالشىلاردىڭ كىرىستەرىن ارتتىرىپ، ولاردى بايۋ جولىنا باستادى. كەزەكتە تۇتاس ايماقتا 478 مەيمانساراي، قوناق ءۇي، 48 مىڭ 852 توسەك، 900گە تارتا حالىقتىق تۇسەلحانا بار. ەرتىس وزەنى قاينارىنداعى ءبىرىنشى قىستاق كوكتوعاي اۋدانى كوكتوعاي قالاشىعىنىڭ تاراتى قىستاعىنداعى 30دان استام حالىقتىق تۇسەلحانا كۇن سايىن ساياحاتشىلارعا لىق تولادى.
بيىل ساياحات كاسىبىنىڭ جوعارى ساپالى دامۋىن جەبەۋ ءۇشىن، جەرگىلىكتى ورىن ساياحات ءوڭىرى وداعىن قۇرۋدى باستاپ، شىعىس شينجياڭداعى، سولتۇستىك شينجياڭداعى ايماق - قالالارمەن بىرگە ساياحات اينالما جەلىسىن قۇرۋدى ىلگەرىلەتىپ، ساياحاتشىلار ”تەز كەلىپ، اسىقپاي قايتاتىن، قونا - جاتىپ سەيىل - سەرۋەن قۇراتىن“ تاماشا جاعداي قالىپتاستىردى. سونىمەن بىرگە، جەرگىلىكتى ورىن تۇتاس ماۋسىمدىق ساياحاتتى قالىپتاستىرۋعا ۇمتىلىس جاساپ، ” جۇڭگو قار مەكەنى“ التىن ءارىپتى ماڭدايشالىعىن ايشىقتاۋعا قۇلشىندى، ءبىر توپ اسقار تاۋ قار شاڭعى الاڭىن قۇرۋدى جوسپارلاپ جانە جاڭادان قۇرىپ، ”دۇنيە جۇزىندەگى قار - مۇز ساياحات كۇزەۋلى جەرىن“، ”دۇنيە جۇزىندەگى قار - مۇز سپورت كۇزەۋلى جەرىن“ قۇرۋعا بارىنشا كۇش سالدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
