حۋاڭ زومەي: بەيبىتشىلىك ءىسى جولىندا داڭقپەن قۇربان بولدى
2019.08.05 15:23 كەلۋ قاينارى : شينجياڭ گازەتى
شينحۋا اگەنتتىگىنىڭ 7 - ايدىڭ 20 - كۇنى گۋاڭجوۋدان بەرگەن حابارى (ءتىلشى ديڭ يۋە). سوعىس جىلدارى جاپون شاپقىنشىلارىنا قارسى تۇرىپ، اپاتتان قۇتقاردى، دۇنيە اۋمالى - توكپەلى بولعاندا حالىقارالىق سەلبەستىككە ارالاستى، تىنىشتىق ورناعاندا قولىنا قالام الدى... بەيبىتشىلىك، تاۋەلسىزدىك جانە ەركىندىك ءىسى جولىندا حۋاڭ زومەي ءومىرىنىڭ ەڭ سوڭعى ساتىنە دەيىن كۇرەس جۇرگىزدى.
حۋاڭ زومەي، اتا مەكەنى گۋاڭدۇڭنىڭ پانيۇيى، 1916 - جىلى 2 - ايدا شياڭگاڭنىڭ شينجيە شاڭشۇيىندا دۇنيەگە كەلگەن، 1935 - جىلى 7 - ايدا ورتا مەكتەپتى شياڭگاڭ حۋاڭرىن مەكتەبىنەن بىتىرەدى. 1936 - جىلى 1 - ايدا شياڭگاڭ ۇلى بريتانيا ۇكىمەتىنىڭ جازۋ - سىزۋ قىزمەتكەرلىگىنە ەمتيحان بەرىپ، ۋانزاي ۇكىمەت رايونىنىڭ جۇك قامباسىنا قىزمەتكە بولىنەدى. وسى بارىستا شياڭگاڭ ”اشۋلى تولقىن“ كىتاپ وقۋ قوعامىنا قاتىناسادى ءارى العاباسارلار توبىمەن جاقىنداسا باستايدى. كەيىن العاباسار قيمىلعا قاتىناسقاندىعى سەبەپتى شياڭگاڭ ۇلى بريتانيا ۇكىمەتى جاعىنان تۇتقىندالىپ، اراشاعا تۇسۋمەن بوساتىلادى.
بۇكىل ەل كولەمىندە جاپون شاپقىنشىلارىنا قارسى سوعىس بۇرق ەتە تۇسكەننەن كەيىن، حۋاڭ زومەي شياڭگاڭدىق باۋىرلاستاردىڭ جاپون شاپقىنشىلارىنا قارسى تۇرۋ، وتاندى ءسۇيۋ، قۇرىپ - جوعالۋدان قۇتقارۋ قيمىلىنا جانە جۇڭگو كوممۋنيستىك پارتياسىنىڭ جاسىرىن ۇيىمىنىڭ باسشىلىعىنداعى كىتاپ وقۋ قوعامىنا بەلسەنە قاتىناسىپ، جاپون شاپقىنشىلارىنا قارسى تۇرىپ، وتاندى قۇتقارۋ يدەياسىن ۇگىتتەيدى. 1941 - جىلى 6 - ايدا حۋاڭ زومەي شياڭگاڭدا جۇڭگو كوممۋنيستىك پارتياسىنا مۇشە بولادى.
تىنىق مۇحيت سوعىسى بۇرق ەتە تۇسكەننەن كەيىن، 1942 - جىلى 1 - ايدا حۋاڭ زومەي گۋاڭدۇڭ حالقىنىڭ جاپون شاپقىنشىلارىنا قارسى پارتيزاندار اترەتىنىڭ دۇڭجياڭ زۇڭدۇيىنە قاتىناسادى. شياڭگاڭدى جاۋ باسىپ العاننان كەيىن، دۇڭجياڭ زۇڭدۇيى جۇڭگو كوممۋنيستىك پارتياسى ورتالىق كوميتەتىنىڭ نۇسقاۋى بويىنشا، شياڭگاڭداعى پارتيا ۇيىمىمەن بىرگە شياڭگاڭدا قيىن جاعدايدا قالعان وتانشىل دەموكراتتاردى، مادەنيەت قايراتكەرلەرىن جانە وداقتاس ەلدەردىڭ قىزمەتكەرلەرىن قۇتقارادى. 1942 - جىلى 3 - ايدا دۇڭجياڭ زۇڭدۇيى گاڭجيۋ ۇلكەن اترەتى حالىقارالىق قىزمەت گرۋپپاسىن قۇرادى، حۋاڭ زومەي گرۋپپا باستىعى بولادى، وداقتاس ارميانىڭ قىزمەتكەرلەرىن قۇتقارۋ، وداقتاس ارميامەن ءوزارا مالىمەت اۋىستىرۋ سياقتى جاقتاردا ەلەۋلى ەڭبەك كورسەتەدى.
1943 - جىلى 4 - ايدا حۋاڭ زومەي گاڭجيۋ ۇلكەن اترەتى ساياسي جاتتىعۋ ءبولىمىنىڭ حالىقارالىق بىرلىكساپقا جاۋاپتى باسقارۋشىسى بولادى، كەيىن جۇڭگو كوممۋنيستىك پارتياسى گۋاڭدۇڭ ولكەلىك ۋاقىتشا كوميتەتى راديو ستانسياسىنىڭ جاۋاپتىسى، گاڭجيۋ ۇلكەن اترەتى جاڭا اسكەرلەر جانە نەگىزگى ساتى كادرلار كۋرسىنىڭ ساياسي تاربيەشىسى، گاڭجيۋ ۇلكەن اترەتى ساياسي جاتتىعۋ ءبولىمى ليان - دۇيىنىڭ ۇيىمداستىرۋعا جاۋاپتى باسقارۋشىسى، گاڭجيۋ ۇلكەن اترەتى نەگىزگى كۇش ورتا اترەتىنىڭ جەتەكشىسى سياقتى مىندەتتەردى ۇستىنە الادى. 1944 - جىلى قىستا امەريكا ارمياسىنىڭ ۇسىنىسىمەن، جۇڭگو كوممۋنيستىك پارتياسى ورتالىق كوميتەتىنىڭ ماقۇلداۋىمەن، دۇڭجياڭ زۇڭدۇيى امەريكا ارمياسىمەن مالىمەت سەلبەستىگىن جاساسادى. حۋاڭ زومەي دۇڭجياڭ زۇڭدۇيى بايلانىس باسقارماسىنىڭ باس اۋدارماشىسى جانە بايلانىسشىسى بولادى.
جاپون شاپقىنشىلارىنا قارسى سوعىس جەڭىسكە جەتكەننەن كەيىن، پارتيا ۇيىمىنىڭ تالابى بويىنشا حۋاڭ زومەي شياڭگاڭعا قايتىپ كەلىپ، دۇڭجياڭ زۇڭدۇيىنىڭ شياڭگاڭدا تۇراتىن ءىس باسقارماسىنىڭ دايىندىق جۇمىستارىنا كىرىسەدى، كەيىن ءىس باسقارماسىنىڭ مەڭگەرۋشىسى بولادى. 1947 - جىلى 2 - ايدا سوعىس كەزىندە وداقتاس ارميامەن سەلبەستىك ورناتىپ جاپون شاپقىنشىلارىنا قارسى سوعىستا ەڭبەك كورسەتكەندىگى سەبەپتى، حۋاڭ زومەي ۇلى بريتانيانىڭ پاتشاسى گەورگي Ⅵنىڭ ۇسىنىسىمەن لوندونعا بارىپ جەڭىس ۇلكەن شەرۋىنە قاتىناسادى ءارى وردەن الادى، سول جىلى 6 - ايدا شينحۋا اگەنتتىگىنىڭ لوندوندا تۇراتىن بولىمشەسىنىڭ باستىعى بولادى.
جاڭا جۇڭگو قۇرىلعاننان كەيىن، حۋاڭ زومەي ىلگەرىندى - كەيىندى شينحۋا اگەنتتىگىنىڭ شياڭگاڭ بولىمشەسىنىڭ باستىعى، جۇڭگو كوممۋنيستىك پارتياسى شياڭگاڭ قىزمەتى كوميتەتىنىڭ جاۋاپتىسى جانە جۇڭگو كوممۋنيستىك پارتياسى شياڭگاڭ قىزمەتى گرۋپپاسىنىڭ باستىعى بولادى.
1955 - جىلى 4 - ايدا حۋاڭ زومەي جۇڭگو ۇكىمەتىنىڭ ۋاكىلدەر ۇيىرمەسىمەن بىرگە يندونەزياعا بارىپ ازيا - افريكا كەڭەسىنە تىلشىلىك ىستەيدى. 4 - ايدىڭ 11 - كۇنى حۋاڭ زومەي قاتارلىلار وتىرعان ”كاشمير حانىشا اتتى“ ۇشاق جاۋلاردىڭ بۇلدىرۋىنە ۇشىراعاندىقتان، سولتۇستىك ساباح وبلىسىنداعى ساراۋاكتىڭ ماڭىندا تەڭىز ايدىنى كەڭىستىگىندە قوپارىلىس جاساپ، ورتەنىپ، تەڭىزگە قۇلاپ تۇسەدى. ۇشاقتاعى جۇڭگونىڭ جانە ۆيەتنامنىڭ ۋاكىلدەر ۇيىرمەسىندەگى قىزمەتكەرلەر جانە ولارمەن بىرگە كەلە جاتقان جۇڭگولىق، شەتەلدىك تىلشىلەردەن بولىپ جيىنى 11 ادام تۇگەل قازا بولادى.
بۇگىنگى كۇنى بەيجيڭ باباۋشان توڭكەرىستىك قابىرستانىندا مىناداي ءبىر ەسكەرتكىش تۇرعىزىلعان، ەسكەرتكىشتىڭ بەتىنە جوۋ ىنلاي زۇڭليدىڭ ءوز قولىمەن جازعان ارناۋ ءسوزى بار، ارتقى جاق بەتىندە حۋاڭ زومەيدى قامتىعان 11 قۇرباننىڭ تانىستىرۋى مەن ەسكەرتكىش جازۋى بار،
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
