بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

  ليۋ يۇڭفۋ قاشقار، حوتان ايماعىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

جاۋاپكەرشىلىكتى قاتايتىپ، نازاردى ماڭىزدى تۇيىنگە شوعىرلاندىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزەيىك

2019.08.06 15:25     كەلۋ قاينارى : شينجياڭ گازەتى

  ءتىلشىمىز ۋاڭ شيڭرۇي 8 - ايدىڭ 4 - كۇنى حوتاننان حابارلايدى. 8 - ايدىڭ 1 - كۇنىنەن 4 - كۇنىنە دەيىن، مەملەكەتتىك كەڭەستىڭ كەدەيلەردى سۇيەمەلدەۋ كەڭسەسى پارتيا باسشىلىق گرۋپپاسىنىڭ شۋجيى، مەڭگەرۋشى ليۋ يۇڭفۋ ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى جانە تۇتىنۋ ارقىلى كەدەيلەردى سۇيەمەلدەۋدى ورىستەتۋدى ارقاۋ ەتە وتىرىپ قاشقار، حوتان ايماعىندا تەكسەرۋ - زەرتتەۋ جۇرگىزدى ءارى وڭتۇستىك شينجياڭداعى 4 ايماق - وبلىستىڭ كەدەيلىكتەن ارىلتۋدان قامال الۋ جانە تۇتىنۋ ارقىلى كەدەيلەردى سۇيەمەلدەۋدەن مالىمەت بەرۋ ءماجىلىسىن، حوتان ايماعىنىڭ كەدەيلىكتەن ارىلتۋدان قامال الۋ جانە تۇتىنۋ ارقىلى كەدەيلەردى سۇيەمەلدەۋ جونىندەگى اڭگىمە ءماجىلىسىن باسقارىپ اشىپ، وڭتۇستىك شينجياڭ ءوڭىرىنىڭ كەدەيلىكتەن ارىلتۋدان قامال الۋ قىزمەتىن ىشكەرىلەي اقىلداسىپ ورنالاستىردى.

  اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين، مەملەكەتتىك كەڭەستىڭ كەدەيلەردى سۇيەمەلدەۋ كەڭسەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشى حۇڭ تيانيۇن تەكسەرۋ - زەرتتەۋدە بىرگە بولدى.

  ليۋ يۇڭفۋ باستاعاندار ىلگەرىندى - كەيىندى قاشقار قالاسى، قاشقار كونەءشار اۋدانى، حوتان اۋدانى، لوپ اۋدانى سياقتى جەرلەرگە باردى. ەرەكشە كاسىپ سالاسىنىڭ دامۋى، كەدەي وتباسىلارىنىڭ جۇمىسقا ورنالاسىپ، كىرىسىن ارتتىرۋ، ەگىنشى - مالشىلاردى جۇمىسقا ورنالاستىرىپ شەبەرلىككە باۋلۋ، تۇتىنۋ ارقىلى كەدەيلەردى سۇيەمەلدەۋ اياق الىسى سياقتى جاعدايلاردى ناقتى ورىندا ۇعىستى. ول بىلاي دەپ اتاپ كورسەتتى: پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى كەدەيلىكتەن ارىلتۋدان قامال الۋدى جاپپاي دوڭگەلەك داۋلەتتى قوعام ورناتۋدىڭ تومەنگى شەك مىندەتى جانە بەلگى سيپاتتى كورسەتكىشى ەتىپ، ءبىرسىپىرا كەلەلى ورنالاستىرۋ جاسادى. وڭتۇستىك شينجياڭداعى 4 ايماق - وبلىس كەدەيلىكتەن ارىلتۋدان قامال الۋداعى ءتۇيىندى ءوڭىر رەتىندە قارالىپ، جاقىنعى جىلداردان بەرى كەدەيلەر سانىن ازايتۋ كولەمى مەن قارقىنىندا ارتۋ جاعدايى جارىققا شىعىپ، كەدەيلىكتەن ارىلتۋ ءونىمى كورنەكتى بولدى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جالعاستى جەتەكشى ەتىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن ىشكەرىلەي تياناقتاندىرىپ، كەدەيلىكتەن ارىلتۋدان قامال الۋ جاۋاپكەرشىلىگىن قاتايتىپ، اۋىر كەدەي وڭىرلەردىڭ كەدەيلىكتەن ارىلتۋدان قامال الۋىن مىقتى يگەرىپ، ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى شەشۋگە كۇش شىعارۋ كەرەك. ارناۋلى شارلاۋدى ىشكەرىلەي ىلگەرىلەتىپ جانە ناتيجەسىن باعالاۋدا بايقالعان ماسەلەلەردى رەتتەپ - تۇزەتىپ، شىعىس - باتىس بولىكتىڭ كەدەيلەردى سۇيەمەلدەۋدە سايكەسۋىن جانە ورتالىق ورىنداردىڭ تۇيىندەردە كەدەيلەردى سۇيەمەلدەۋىن تەرەڭدەتىپ، كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال ارىلتۋ نەگىزىن بەكەمدەۋ كەرەك. قارجى ۇسىنىلىمىن جانە باقىلاۋ - باسقارۋ تەبىنىن كۇشەيتىپ، كەدەيلىكتەن ارىلتىپ، قالپاقتى الىپ تاستاعاننان كەيىنگى بوساڭسۋدان ساقتانىپ، كەدەيلەردى سۇيەمەلدەۋ سالاسىندا ستيل جانە قابىلەت قۇرىلىسىن كۇشەيتىپ، كەدەيلىكتەن ارىلتۋ ساپاسىن جوعارىلاتىپ، كەدەيلىكتەن ارىلتۋ ناتيجەسىن بەكەمدەپ، قايتالاي كەدەيلەسۋدەن ساقتانۋ جانە ونى ازايتۋ كەرەك.

  8 - ايدىڭ 1 - كۇنى جانە 3 - كۇنى، ليۋ يۇڭفۋ ايىرىم - ايىرىم قاشقار قالاسىندا، حوتان قالاسىندا وڭتۇستىك شينجياڭداعى 4 ايماق - وبلىستىڭ كەدەيلىكتەن ارىلتۋدان قامال الۋ جانە تۇتىنۋ ارقىلى كەدەيلەردى سۇيەمەلدەۋدەن مالىمەت بەرۋ ءماجىلىسىن، سونداي - اق حوتان ايماعىنىڭ كەدەيلىكتەن ارىلتۋدان قامال الۋ جانە تۇتىنۋ ارقىلى كەدەيلەردى سۇيەمەلدەۋ جونىندەگى اڭگىمە ءماجىلىسىن باسقارىپ اشتى. وڭتۇستىك شينجياڭداعى 4 ايماق - وبلىستاعى كەدەيلەردى سۇيەمەلدەۋگە جاۋاپتى ارناۋلى مىندەتتەگى ورىنباسار شۋجيلەر، قاشقار، حوتان سىندى 2 ايماققا باعىتتامالى كومەكتەسەتىن 7 ولكە - قالانىڭ الدىڭعى جاق قولباسشىلىق شتابىنداعى جاۋاپتى جولداستار، سونداي - اق قىستاقتا تۇراتىن ءبىر ءبولىم ءبىرىنشى شۋجيلەردىڭ ۋاكىلدەرى جانە كاسىپورىنداردىڭ ۋاكىلدەرى قاتىستى جاعدايلاردان مالىمەت بەردى.

  ليۋ يۇڭفۋ بىلاي دەپ باسا دارىپتەدى: وڭتۇستىك شينجياڭداعى 4 ايماق - وبلىس − كەدەيلىكتەن ارىلتۋدان قامال الۋداعى قامالدىڭ ىشىندەگى قامال، ءدوپ كەلىپ وتىرعان كەدەيلىكتەن ارىلتۋ مىندەتى وتە اۋىر، 7 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەت ءماجىلىسىنىڭ رۋحىن مۇقيات دايەكتىلەندىرىپ، تياناقتاندىرىپ، تاماشا قىزمەت تەبىنىن ساقتاۋدى بوساڭسىتپاۋ كەرەك. نازاردى كورنەكتى ماسەلەلەرگە شوعىرلاندىرىپ، نىسانادان اۋىتقىماي، قاجىرلىلىقپەن ەڭبەك كورسەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزۋ كەرەك. الىسقا كوز تاستاپ، كەدەيلىكتەن ارىلتۋدىڭ ونىمدىلىك مەحانيزمىن اناعۇرلىم كەمەلدەندىرىپ، ورنىقتىرىپ، كەدەيلەرگە كومەكتەسۋ، سۇيەمەلدەۋ شارالارىن كۇشەيتىپ، جەمىس ورمانى شارۋاشىلىعى سياقتى ەرەكشە، ابزال كاسىپتەردىڭ دارەجەسىن جوعارىلاتۋدى ىلگەرىلەتىپ، كەدەيلىكتەن ارىلتۋ ناتيجەسىن ۇزدىكسىز بەكەمدەۋ كەرەك. وڭتۇستىك شينجياڭداعى 4 ايماق - وبلىس تاماشا شارۋاشىلىق - ساۋدا ورتاسىن ازىرلەپ، قاتىستى ءتيىمدى ساياساتتاردى ويداعىداي تياناقتاندىرىپ، كاسىپورىنداردىڭ قارجى قوسىپ، شارۋاشىلىقتى گۇلدەندىرۋىنە ساپالى، جوعارى ءونىمدى، قولايلى قىزمەت وتەۋ كەرەك.

  ليۋ يۇڭفۋ بىلاي دەپ باسا دارىپتەدى: وڭتۇستىك شينجياڭدا تۇتىنۋ ارقىلى كەدەيلەردى سۇيەمەلدەۋدى ويداعىداي ۇيىمداستىرۋ، اتقارۋ كاسىپ سالاسى تىزبەگىن ۇزارتۋدى ىلگەرىلەتۋگە، قۇن تىزبەگىن جوعارىلاتۋعا، كەدەيلەردى جەتەكتەۋ تىزبەگىن كەمدەلدەندىرۋگە، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ىلگەرىلەتۋگە پايدالى. كاسىپ سالاسى جوباسىن جانە ەگىنشىلىك باسقارۋىن ويداعىداي ىستەپ، كەدەي بۇقارانى ءوندىرىستى دامىتۋعا ۇيىمداستىرىپ، ءونىم ساپاسىنا كەپىلدىك ەتىپ، قامداۋ دەڭگەيىن جوعارىلاتىپ، كەدەيلەردى سۇيەمەلدەۋ كاسىبىن كولەمدەندىرۋدى، ولشەمدەندىرۋدى، ۇيىمدى تۇردە جۇرگىزۋدى، ايگىلى ماركالاندىرۋدى ۇزدىكسىز ىلگەرىلەتۋ كەرەك. شىعىس، ورتا بولىك وڭىرلەر بازار قۇرىلىسىن ۇيىمداستىرۋعا، ءتيىمدى ساياساتتارمەن قامداۋعا ءتۇيىندى تۇردە جاۋاپتى بولىپ، وڭتۇستىك شينجياڭنىڭ ساپالى اۋىل شارۋاشىلىق قوسىمشا ونىمدەرىنىڭ ورگاندارعا، مەكتەپتەرگە، اسحانالارعا، ەرەن بازارلارعا، الەۋمەتتىك اۋماقتارعا كىرۋىنە مۇمكىندىك جاساپ، ءارقايسى جاق كۇشتەرىن تۇتىنۋ ارقىلى كەدەيلەردى سۇيەمەلدەۋگە قاتىناسۋعا اتتانىسقا كەلتىرۋ كەرەك. مەملەكەتتىك كەڭەستىڭ كەدەيلەردى سۇيەمەلدەۋ كەڭسەسى قاتىستى جاقتارمەن بىرگە، وندىرەتىن، ساتاتىن ەكى ورىندا ۇزاق ۋاقىتتىق، ورنىقتى قامداۋ - ساتۋ قاتىناسىن ورناتۋدى ىلگەرىلەتىپ، تۇتىنۋ ارقىلى كەدەيلەردى سۇيەمەلدەۋدى قوعامدى كەدەيلەردى سۇيەمەلدەۋگە ات سالىسۋعا جۇمىلدىرۋدىڭ جاڭا ارناسىنا، كاسىپ سەلبەستىگى مەن تۇيىندەردە كەدەيلەردى سۇيەمەلدەۋدىڭ جاڭا جارقىن تۇيىنىنە، شىعىس - باتىس بولىكتىڭ كەدەيلەردى سۇيەمەلدەۋ سەلبەستىگى مەن باعىتتامالى كومەكتەسۋدىڭ دارەجەسى وسىرىلگەن ۇلگىسىنە اينالدىرادى.

  تەكسەرۋ - زەرتتەۋ كەزىندە، ليۋ يۇڭفۋ تاعى بەينە جازبا ارقىلى قاعىلىق اۋدانىنىڭ، ماكىت اۋدانىنىڭ، مارالباسى اۋدانىنىڭ، ءپايزاۋات اۋدانىنىڭ جانە تاشقورعان تاجىك اۆتونوميالى اۋدانىنىڭ كەدەيلىكتەن ارىلتۋدان قامال الۋ قىزمەتىنە جەتەكشىلىك ەتتى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار