بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

اكىمنىڭ شياڭگاڭ ەرەكشە رايونى ۇكىمەتىن باستاپ زاڭ بويىنشا اكىمشىلىك جۇرگىزۋىنە باتىل قولداۋ كورسەتەيىك

حالىق گازەتىنىڭ شولۋشىسى

2019.08.07 15:23     كەلۋ قاينارى : شينجياڭ گازەتى

  جۋىقتا شياڭگاڭدا ەرەۋىلگە شىعىپ قىر كورسەتۋ جانە زورلىقتى كۇشپەن شابۋىلداۋ قيمىلدارى ۇزدىكسىز تۋىلىپ، شياڭگاڭنىڭ زاڭمەن باسقارۋىنا، قوعام تارتىبىنە، ەكونوميكاسى مەن حالىق تۇرمىسىنا جانە حالىقارالىق وبرازىنا اۋىر ىقپال جەتكىزىپ، شياڭگاڭعا كوڭىل بولەتىن، شياڭگاڭدى قادىرلەيتىن بارلىق ادامنىڭ قابىرعاسىن قاتتى قايىستىردى. اسىرەسە، ازشىلىق اپەرباقاندار جۇرگىزگەن زورلىقتى كۇش قيمىلدارى شياڭگاڭنىڭ گۇلدەنگەن، ورنىقتى كەلەلى جاعدايىن ورەسكەل ءبۇلدىرىپ، شياڭگاڭنىڭ زاڭمەن باسقارۋىنا جانە قوعام تارتىبىنە اۋىر سىن - سايىس جاريالاپ، شياڭگاڭ قالا تۇرعىندارىنىڭ ءومىرى مەن مال - مۇلكىنىڭ حاۋىپسىزدىگىنە اۋىر قاتەر ءتوندىردى، سونىمەن قاتار، ”ءبىر ەل، ەكى ءتۇزىم“ پرينسيبىنىڭ تومەنگى شەگىنە ورەسكەل سوقتىقتى. بۇعان ءتوزىپ قاراپ وتىرۋعا استە بولمايدى، ونى ىرقىنا جىبەرۋگە دە استە بولمايدى.

  زاڭمەن باسقارۋ − شياڭگاڭدىقتار ماقتانىش ەتەتىن وزەكتى قۇن، شياڭگاڭنىڭ تاماشا شارۋاشىلىق - ساۋدا ورتاسىنىڭ نەگىزى، شياڭگاڭنىڭ گۇلدەنۋدى، ورنىقتىلىقتى ساقتاۋىنىڭ ماڭىزدى ىرگە تاسى، ات توبەلىندەي بىرەۋلەردىڭ ونى قالاعانىنشا اياققا تاپتاۋىنا استە جول بەرۋگە بولمايدى. زاڭ شىعارۋ كەڭەسىنە شابۋىلدادى ءارى قۇتىرىنا ويران سالدى، مەملەكەت گەربىن اشىقتان - اشىق بىلعادى، ساقشى باس مەكەمەسىن قورشاپ، ساقشىلاردى ۇرىپ - سوقتى، زاقىمدادى، قاتەرلى زاتتاردى جانە قىرۋار شابۋىلدىق قارۋلاردى زاڭسىز ساقتادى، مەملەكەت تۋىن قورلادى... مۇنداي ءتۇرلى زۇلىم ءىس - ارەكەتتەر بەيبىت ەرەۋىل جاساپ، قىر كورسەتۋ كولەمىنەن شىعىپ كەتتى. ءارقانداي وركەنيەتتى جانە زاڭمەن باسقارىلاتىن قوعامنىڭ قاي - قايسىسى دا بۇعان ءتوزىپ تۇرا المايدى. ورتالىق ۇكىمەت لينجىڭ يۋەى اكىمنىڭ ەرەكشە رايون ۇكىمەتىن باستاپ زاڭ بويىنشا اكىمشىلىك جۇرگىزۋىنە باتىل قولداۋ كورسەتەدى، شياڭگاڭ ساقشى جاعىنىڭ زاڭدى قاتاڭ، ءادىل اتقارۋىنا باتىل قولداۋ كورسەتەدى، شياڭگاڭ ەرەكشە رايون ۇكىمەتىنىڭ قاتىستى تاراۋلارى مەن ءادىليا قۇرىلىمدارىنىڭ زورلىقتى كۇش قىلمىستىق ەلەمەنتتەردى زاڭ بويىنشا جازالاۋىنا باتىل قولداۋ كورسەتەدى، وتانشىل، شياڭگاڭدى سۇيەتىن قايراتكەرلەردىڭ شياڭگاڭنىڭ زاڭمەن باسقارۋى مەن قوعام ءتارتىبىن قورعاۋ ارەكەتتەرىنە باتىل قولداۋ كورسەتەدى.

  مىنانى كورە بىلۋگە ءتيىسپىز: ەرەكشە رايون ۇكىمەتىنىڭ «قاشقان قىلمىستىلار ەرەجەسى» مەن «قىلمىستىق ىستەردەگى ءوزارا زاڭدىق جاردەم ەرەجەسى»نە وزگەرىس ەنگىزۋىنىڭ العاشقى ويى قازىرگى زاڭ - ءتۇزىمنىڭ ولقىلىعىن تولتىرىپ، قىلمىسقا بىرلەسە سوققى بەرىپ، ادىلەتتى ايگىلەۋ بولاتىن، ورتالىق بۇعان قولداۋ بىلدىرگەن. ەرەجەگە وزگەرىس ەنگىزۋ بارىسىندا قوعامدا ءبىرشاما ۇلكەن الاۋىزدىق تۋىلۋىنا، سونداي - اق سونىڭ سالدارىنان قىر كورسەتۋ ەرەۋىلىنىڭ ورىن الۋىنا بايلانىستى، ەرەكشە رايون ۇكىمەتى قوعامنىڭ تىنىشتىعىن جەدەل قالپىنا كەلتىرۋ ءۇشىن ەرەجەگە وزگەرىس ەنگىزۋدى ۋاقىتشا توقتاتا تۇرۋدى ۇيعارعان، ورتالىق بۇنى دا قولدايتىنىن، تۇسىنەتىنىن جانە قۇرمەتتەيتىنىن بىلدىرگەن. وسى رەتكى ەرەجەگە وزگەرىس ەنگىزۋ قىزمەتىندە ورىن العان ولقىلىقتار جونىندە ەرەكشە رايون ۇكىمەتى مۇقيات قورىتىندى جانە تولعانىس جاساپ، اكىم دە حالىق تىلەگىنە اناعۇرلىم اشىق، اناعۇرلىم سيىسىمدى تۇردە قۇلاق تۇرەتىنىن ءبىلدىردى. الايدا، ”تەرەك تىنىش تۇرام دەگەنمەن، جەل ەركىنە قويمايدى“ دەگەندەي، كەيبىر اپەرباقاندار سوندا دا ”ەرەجەگە وزگەرىس ەنگىزۋگە قارسىمىز“ دەگەندى جەلەۋ ەتىپ، ۇزدىكسىز زورلىقتى كۇش وقيعالارىن قوزعاپ، تۋدىرىپ، ۇشقارى ارەكەتپەن ەرەكشە رايون ۇكىمەتىن ماجبۇرلەۋگە، ءتىپتى، ”ءبىر ەل، ەكى ءتۇزىم“نىڭ تومەنگى شەگىنە اشىقتان - اشىق سايىس جاريالاۋعا ۇرىندى، بۇل ”ساۋداگەردىڭ كوڭىلى وگىزدە ەمەس، وزىڭدە“ دەگەننىڭ ناق ءوزى.

  ەرەكشە اكىمشىلىك رايوننىڭ جانە ەرەكشە اكىمشىلىك رايونى ۇكىمەتىنىڭ ”قوسقابات باسشىسى“ رەتىندە، اكىم − شياڭگاڭنىڭ ”ءبىر ەل، ەكى ءتۇزىم“ باعىت - ساياساتىن جانە ءتۇبىرلى زاڭىن دايەكتىلەندىرەتىن، تياناقتاندىراتىن ءبىرىنشى جاۋاپتى ادام. لينجىڭ يۋەى اكىم 2017 - جىلى مىندەتكە تاعايىندالعاننان بەرى، ەرەكشە رايون ۇكىمەتىنىڭ باسقارۋ توبىن باستاپ بەلسەنە اكىمشىلىك جۇرگىزىپ، ەكونوميكانى دامىتۋ، حالىق تۇرمىسىن جاقسارتۋ، شياڭگاڭنىڭ مەملەكەت دامۋىنىڭ كەلەلى جاعدايىنا توعىسۋىن ىلگەرىلەتۋ جاعىندا قىرۋار قىزمەت ىستەدى، بۇلاردىڭ بارلىعىن كوزقاراقتى ادامداردىڭ بارلىعى كورىپ - ءبىلىپ وتىر. ورتالىق لينجىڭ يۋەى اكىمگە تولىق سەنىم ارتادى، سونداي - اق ونىڭ قىزمەتىن تولىق تۇراقتاندىرادى. ورتالىق ۇكىمەت لينجىڭ يۋەى اكىم مەن ەرەكشە رايون ۇكىمەتىنىڭ زاڭ بويىنشا اكىمشىلىك جۇرگىزۋ تۇرعىسىندا تاپجىلماي تاباندى بولۋىنا، ودان استە اۋىتقىماۋىنا قولداۋ كورسەتەدى.

  ءارقانداي ءبىر جەر قايتا - قايتا زىقىنى الۋدى كوتەرمەيدى، توقتاۋسىز تولقۋدى كوتەرمەيدى. مىنانى، ءسوز جوق، كورە ءبىلۋىمىز كەرەك: شياڭگاڭ ءبۇيتىپ بىلىعا بەرسە، تۇتاس قوعام تۇگەل ”بوداۋ بەرەدى“. كەزەكتە، شياڭگاڭ جاعدايىنداعى ەڭ قاتەرلى ءىس − زورلىقتى كۇشپەن شابۋىلداۋ قيمىلىنىڭ ءالى كۇنگە ءونىمدى تيىلماۋى، شياڭگاڭنىڭ قازىرگى ەڭ ماڭىزدى مىندەتى − زورلىقتى كۇش قىلمىستىق ارەكەتتەردى باتىل تۇردە زاڭ بويىنشا جازالاپ، قوعامنىڭ تىنىشتىعىن جەدەل قالپىنا كەلتىرىپ، شياڭگاڭنىڭ تاماشا زاڭمەن باسقارۋىن قورعاۋ. ءبىز ورتالىقتىڭ پارمەندى قولداۋىندا، لينجىڭ يۋەى اكىم مەن ەرەكشە رايون ۇكىمەتىنىڭ قايراتتانا ءىس تىندىراتىندىعىنا، شياڭگاڭ ساقشى بولىمدەرىنىڭ زاڭدى قاتاڭ، ءادىل اتقاراتىندىعىنا، وتانشىل، شياڭگاڭدى سۇيەتىن قالىڭ قايراتكەرلەردىڭ جۇدىرىقتاي جۇمىلا ىنتىماقتاسىپ، شياڭگاڭ قوعامىنىڭ زاڭمەن باسقارۋى مەن ءتارتىبىنىڭ، ءسوزسىز، دەرەۋ قالپىنا كەلەتىندىگىنە، شياڭگاڭ قالا تۇرعىندارىنىڭ، ءسوز جوق، بەيبىت، تىنىش ومىردەن قايتا ءلاززاتتاناتىندىعىنا سەنەمىز.(شينحۋا اگەنتتىگىنىڭ 8 - ايدىڭ 5 - كۇنى بەيجيڭنەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار