شي جينپيڭ فۋجيان شوۋنيڭ اۋدانىنىڭ شياداڭ اۋىلىنداعى اۋىلداستارعا جاۋاپ حات جازىپ، بىلاي دەپ جىگەرلەندىردى
تامشى سۋ تاس تەسەدى رۋحىن ۇزدىكسىز ساۋلەلەندىرىپ، ميندۇڭ ەرەكشەلىگىنە يە اۋىل - قىستاقتى گۇلدەندىرۋ جولىن قۇلشىنا جاراتىڭىزدار
2019.08.08 13:27 كەلۋ قاينارى : شينجياڭ گازەتى
شينحۋا اگەنتتىگىنىڭ 8 - ايدىڭ 6 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 8 - ايدىڭ 4 - كۇنى فۋجيان ولكەسى شوۋنيڭ اۋدانىنىڭ شياداڭ اۋىلىنداعى اۋىلداستارعا جاۋاپ حات جازىپ، ولاردىڭ كەدەيلىكتەن ارىلۋدى جۇزەگە اسىرعاندىعىن قۇتتىقتادى، ولاردى تامشى سۋ تاس تەسەدى رۋحىن ساۋلەلەندىرىپ، اۋىل - قىستاقتى گۇلدەندىرۋ جولىمەن ويداعىداي جۇرۋگە شابىتتاندىردى.
شي جينپيڭ جاۋاپ حاتىندا بىلاي دەدى: شياداڭنىڭ كەدەيلىكتەن ارىلۋدى جۇزەگە اسىرعاندىعىنان، اۋىلداستاردىڭ تۇرمىسىنىڭ كۇننەن - كۇنگە شالقي تۇسكەندىگىنەن حاباردار بولىپ، توتەنشە قۋاندىم. كوپشىلىكتى شىن جۇرەكتەن قۇتتىقتايمىن!
شي جينپيڭ مىنالاردى ءبىلدىردى: ”چىليڭنىڭ جولى اسپانمەن تىلدەسەدى، جيۋليڭگە شىعۋ ءۇشىن 9 جىل جول باساسىڭ“. سول جىلدارى ”شياداڭعا 3 رەت بارعان“ كورىنىس كۇنى بۇگىنگە دەيىن كوز الدىمنان كەتپەيدى. 30 جىل تالىقپاي كۇرەس جۇرگىزۋ ارقىلى شياداڭداعى قاتەرلى جول داڭعىلعا اينالىپ، كەلبەتى شىت جاڭا وزگەرىپ، اۋىلداستار اناعۇرلىم مول باقىت سەزىمىنە، تابىس سەزىمىنە يە بولدى، بۇل شابان ۇيرەك بۇرىن ۇشادى، تامشى سۋ تاس تەسەدى دەگەن قيسىندى جاندى دالەلدەدى.
شي جينپيڭ مىنالاردى اتاپ كورسەتتى: اۋىلداستاردىڭ تامشى سۋ تاس تەسەدى رۋحىن ۇزدىكسىز ساۋلەلەندىرىپ، سەنىمدى بەكەمدەپ، بارىن سالا ىستەپ، تاباندىلىقپەن ەڭبەك ەتىپ، كەدەيلىكتەن ارىلۋ تابىسىن ۇزدىكسىز بەكەمدەپ، كورىكتى مەكەندى بەلسەنە قۇرىپ، ميندۇڭ ەرەكشەلىگىنە يە اۋىل - قىستاقتى گۇلدەندىرۋ جولىن قۇلشىنا جاراتۋلارىڭىزدى ءۇمىت ەتەمىن.
شياداڭ اۋىلى ميندۇڭ نيڭدىنىڭ تەرەڭ تاۋ قويناۋىندا، وتكەن عاسىردىڭ 80 - جىلدارىنىڭ سوڭىنا دەيىن، تۇتاس اۋىلدا بىردە - ءبىر تاس جول جوق، قاتىناسى توتەنشە قولايسىز، ەجەلدەن ”چىليڭنىڭ جولى اسپانمەن تىلدەسەدى، جيۋليڭگە شىعۋ ءۇشىن 9 جىل جول باساسىڭ“ دەيتىن ايتىلىم بار ەدى. باس شۋجي شي جينپيڭ فۋجياندا قىزمەت ىستەگەن مەزگىلدە، شياداڭعا 3 رەت بارىپ كەدەيلەردى سۇيەمەلدەۋ قىزمەتىنە تەكسەرۋ - زەرتتەۋ جۇرگىزىپ، جەتەكشىلىك ەتكەن بولاتىن. 1 - رەتكىسى 1989 - جىلى 7 - ايدىڭ 19 - كۇنى، سول كەزدە نيڭدى ايماقتىق پارتكومنىڭ شۋجيى مىندەتىن اتقارعان شي جينپيڭ اۆتوكولىكپەن 3 ساعاتقا تاياۋ، جاياۋ 2 ساعاتتان استام ۋاقىت جول باسىپ، شىلىڭگىر ىستىققا قاراماستان شياداڭ اۋىلىنا بارىپ كەدەيلەردىڭ حال - جاعدايىن ۇعىسىپ، قيىنشىلىقتارىن سۇراستىرىپ، دامۋداعى قيىن ماسەلەلەرىن شەشۋگە كومەكتەسكەن بولاتىن. تاياۋدا اۋىلداستاردىڭ تاپسىرۋىمەن، شياداڭ اۋىلىنىڭ 6 پارتيالى كادر مەن بۇقارا باس شۋجي شي جينپيڭگە حات جازىپ، شياداڭنىڭ كەدەيلىكتەن ارىلعاندىعى جونىندەگى قۋانىشتى حاباردى جەتكىزىپ، پارتيا ورتالىق كوميتەتىنە جانە باس شۋجيگە دەگەن العىس سەزىمدەرىن جەتكىزدى.جاۋاپ حات
شوۋنيڭ اۋدانى شياداڭ اۋىلىنداعى اۋىلداستار:
سالەمەتسىزدەر!
جازعان حاتتارىڭىزدى تاپسىرىپ الدىم. شياداڭنىڭ كەدەيلىكتەن ارىلۋدى جۇزەگە اسىرعاندىعىنان، اۋىلداستاردىڭ تۇرمىسىنىڭ كۇننەن - كۇنگە شالقي تۇسكەندىگىنەن حاباردار بولىپ، توتەنشە قۋاندىم. كوپشىلىكتى شىن جۇرەكتەن قۇتتىقتايمىن!
”چىليڭنىڭ جولى اسپانمەن تىلدەسەدى، جيۋليڭگە شىعۋ ءۇشىن 9 جىل جول باساسىڭ“. سول جىلدارى ”شياداڭعا 3 رەت بارعان“ كورىنىس كۇنى بۇگىنگە دەيىن كوز الدىمنان كەتپەيدى. 30 جىل تالىقپاي كۇرەس جۇرگىزۋ ارقىلى شياداڭداعى قاتەرلى جول داڭعىلعا اينالىپ، كەلبەتى شىت جاڭا وزگەرىپ، اۋىلداستار اناعۇرلىم مول باقىت سەزىمىنە، تابىس سەزىمىنە يە بولدى، بۇل شابان ۇيرەك بۇرىن ۇشادى، تامشى سۋ تاس تەسەدى دەگەن قيسىندى جاندى دالەلدەدى.
اۋىلداستاردىڭ تامشى سۋ تاس تەسەدى رۋحىن ۇزدىكسىز ساۋلەلەندىرىپ، سەنىمدى بەكەمدەپ، بارىن سالا ىستەپ، تاباندىلىقپەن ەڭبەك ەتىپ، كەدەيلىكتەن ارىلۋ تابىسىن ۇزدىكسىز بەكەمدەپ، كورىكتى مەكەندى بەلسەنە قۇرىپ، ميندۇڭ ەرەكشەلىگىنە يە اۋىل - قىستاقتى گۇلدەندىرۋ جولىن قۇلشىنا جاراتۋلارىڭىزدى ءۇمىت ەتەمىن.شي جينپيڭ2019 - جىلى 8 - ايدىڭ 4 - كۇنى(شينحۋا اگەنتتىگىنىڭ 8 - ايدىڭ 6 - كۇنى بەيجيڭنەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
