لانجوۋ - شينجياڭ تەمىر جول جەلىسىنىڭ شاپتۋل بەكەتىنەن تۇرپان بەكەتىنە دەيىنگى ارالىعىندا لاي تاسقىنى تۋىلۋ سەبەبىنەن قاتىناۋ ۋاقىتشا توقتاتىلدى
چىن چۋانگو، شوكىرات زاكىر لەزدە ورنالاستىرۋ جاساپ، شۇعىل جاعدايداعى ءبىر جاقتى ەتۋ، جەلىنى تەز جوندەۋ، بوگەلىپ قالعان جولاۋشىلارعا قىزمەت وتەۋ، قامتاماسىزداندىرۋ سياقتى قىزمەتتەردى تەز، جاقسى ىستەۋدى تالاپ ەتتى
2019.08.09 15:04 كەلۋ قاينارى : شينجياڭ گازەتى
ءوز حابارىمىز. 8 - ايدىڭ 7 - كۇنى ساعات 17دەن 51 مينۋت وتە بەرگەندە، تاۋلى ءوڭىردىڭ ءىشىنارا جەرلەرىندەگى كۇشتى جاڭبىردىڭ اسەرىنەن، لانجوۋ - شينجياڭ تەمىر جول جەلىسىنىڭ شاپتۋل بەكەتىنەن تۇرپان بەكەتىنە دەيىنگى ارالىعىندا توساتتان لاي تاسقىنى تۋىلىپ، 300 مەتردەن استام جەلى جولى ءبۇلىنىپ، ءبىر جۇك تاسىمالى كەزەكشى پويەزىنىڭ 16 ۆاگونى زيانعا ۇشىراپ، 5 جولاۋشى كەزەكشى پويەزى ورتا جولدا ۋاقىتشا توقتاپ، 6108 جولاۋشى بوگەلىپ، تەمىر جولدىڭ ەلەكترمەن قامداۋ قۇرىلعىلارىنىڭ ءبىر ءبولىمى زيانعا ۇشىرادى.
اپات تۋىلعاننان كەيىن، اۆتونوميالى رايوندىق پارتكوم مەن ۇكىمەت بارىنشا ءمان بەردى، اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوننىڭ ءتوراعاسى شوكىرات زاكىر دەرەۋ ورنالاستىرۋ جاساپ، اۆتونوميالى رايوننىڭ ورىنباسار ءتوراعاسى جاۋ چيڭدى شۇعىل جاعدايداعى باسقارۋ، قاتىناس، ەلەكتر كۇشى سياقتى قاتىستى تاراۋلاردى باستاپ جەرگىلىكتى ورىنعا جەدەل بارىپ، ءار جاقتاعى كۇشتەردى سايكەستىرىپ شۇعىل جاعدايداعى ءبىر جاقتى ەتۋ، جەلىنى تەز جوندەۋ، بوگەلىپ قالعان جولاۋشىلارعا قىزمەت وتەۋ، قامتاماسىزداندىرۋ سياقتى قىزمەتتەردى بار كۇشپەن جاقسى ىستەپ، تەمىر جولدىڭ حاۋىپسىزدىگىنە، جولاۋشىلاردىڭ اماندىعىنا شىنايى كەپىلدىك ەتۋگە جىبەردى. تۇتاس رايوندا ءبىر - بىرلەپ تەكسەرۋدى ىشكەرىلەي ورىستەتىپ، حاۋىپ - قاتەرلەردى، كومەسكى قاتەرلەردى جويىپ، اپاتتان ساقتانۋ، اپات زيانىن ازايتۋ قىزمەتىن كۇشەيتىپ، ءار ۇلت حالىق بۇقاراسىنىڭ ءومىرى مەن مال - مۇلىك حاۋىپسىزدىگىنە شىنايى كەپىلدىك ەتتى.
تۇرپان قالالىق پارتكوم مەن ۇكىمەت شۇعىل جاعدايعا توتەپ بەرۋ دايىندىق جوباسىن دەرەۋ ىسكە قوسىپ، نەگىزگى جاۋاپتى جولداستار دەرەۋ سول جەرگە جەتىپ، كۇشتەردى سايكەستىرىپ، ۇيىمداستىرىپ، قاتىستى مەكەمە - ورىندارمەن ءبىر جاقتى ەتۋ قىزمەتىن جاقسى ىستەۋگە تىعىز سايكەستى. سونىمەن بىرگە، تاسقىن كومەسكى قاتەرلەرىن جاپپاي ءبىر - بىرلەپ تەكسەرىپ، شۇعىل جاعدايدان ساقتانۋدى جانە اۋا رايىن باقىلاۋ - ولشەۋ ساقتىق سيگنالىن كۇشەيتىپ، قوسالقى اپاتتاردىڭ تۋىلۋىنان قاتاڭ ساقتاندى.
ءۇرىمجى تەمىر جول مەكەمەسى توبى سەرىكتەستىگى شۇعىل جاعدايعا توتەپ بەرۋ دايىندىق جوباسىن دەرەۋ ىسكە قوسىپ، ادام كۇشى، ماشينا ارقىلى تەز جوندەۋگە ۇيىمداستىرىپ، توقتاعان جولاۋشىلار كەزەكشى پويەزىن لانجوۋ - شينجياڭ جولاۋشى ارناۋلى جەلىسى ارقىلى اينالىپ ءجۇرىپ تاسىمالداۋعا ورنالاستىردى، قاتىستى جولاۋشى تاسىمال بەكەتتەرى جولاۋشىلاردىڭ بەلەت قايتارۋ، بەلەتتى جاڭالاۋ سياقتى قىزمەتتەرىن جاقسى ىستەدى.
قازىر تەمىر جول جەلىسىن تەز جوندەۋ سياقتى قىزمەتتەر جەدەل جۇرگىزىلۋدە، جولاۋشىلاردىڭ كوڭىل كۇيى ورنىقتى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
