بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

اۆتونوميالى رايون قۇربان ايت مەرەكەسى شاي ءماجىلىسىن وتكىزدى

  چىن چۋانگو ءسوز سويلەدى، ەركىن يمىرباقى، سىمايىل تىلەۋالدى، ابلەت ابدىرەشيت ۇسىنىس بويىنشا قاتىناستى، شوكىرات زاكىر باسقاردى، شاۋكەت يمىن، نۇرلان ءابىلماجىن، سۇن جينلۇڭ، لي پىڭشين قاتىناستى

2019.08.13 13:52     كەلۋ قاينارى : شينجياڭ گازەتى

  8 - ايدىڭ 9 - كۇنى، اۆتونوميالى رايون 2019 - جىلعى قۇربان ايت مەرەكەسى شاي ءماجىلىسىن وتكىزدى. سۋرەتتە: ارتيستەر «ۇستىرتتەگى ماداق جىرى» ءان - ءبيىن ورىنداۋدا.□ سۋرەتتى سۇي جىجيان تۇسىرگەن

  قۇربان ايت مەرەكەسى قارساڭىندا، 8 - ايدىڭ 9 - كۇنى تۇستەن كەيىن، اۆتونوميالى رايون 2019 - جىلعى قۇربان ايت مەرەكەسى شاي ءماجىلىسىن وتكىزدى. ءار ۇلت، ءار سالا ۋاكىلدەرى ءبىر اراعا باس قوسىپ، قۋانىشتى مەرەكەنى بىرگە قۇتتىقتادى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى چىن چۋانگو ءسوز سويلەپ، اۆتونوميالى رايوندىق پارتكوم مەن ۇكىمەت اتىنان بۇكىل رايونىمىزداعى قالىڭ كادرلارعا، جۇمىسشى - قىزمەتكەرلەرگە، بۇقاراعا مەرەكەلىك سالەم جولدادى جانە ىزگى تىلەك تىلەدى، شينجياڭنىڭ ورنىقتىلىعىنا، دامۋىنا كوڭىل بولگەن، قولداۋ كورسەتكەن ءار سالاداعى بارلىق قايراتكەرلەرىنە شىن جۇرەكتەن العىس ايتتى جانە شىنايى باقىت تىلەدى.

  التىن كۇزدەگى قۋانىشتى مەرەكەدە پارتياعا العىستارىن جىرعا قوستى. شينجياڭ يىڭبيڭ سارايى ءماجىلىس ورتالىعىندا الۋان گۇلدەر جايقالىپ، جاعىمدى شاي ءيىسى اڭقىپ، ىنتىماق - سۇيىسپەنشىلىك تەرەڭدەپ، بارلىق جەردەن قويۋ مەرەكەلىك راي بايقالادى. شاي ءماجىلىسىنىڭ الدىندا چىن چۋانگو قاتارلىلار ءار ۇلت، ءار سالا ۋاكىلدەرىمەن شىن ىقىلاسپەن قول الىسىپ، ءوزارا ەسەندىك سۇراستى.

  مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى، مەملەكەتتىك حالىق قۇرىلتايى تۇراقتى كوميتەتىنىڭ بۇرىنعى ورىنباسار باستىعى سىمايىل تىلەۋالدى، مەملەكەتتىك ساياسي كەڭەستىڭ بۇرىنعى ورىنباسار ءتوراعاسى ابلەت ابدىرەشيت ۇسىنىس بويىنشا شاي ماجىلىسىنە قاتىناستى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر شاي ءماجىلىسىن باسقاردى. اۆتونوميالى رايون مەن بيڭتۋاننىڭ باسشىلارىنان شاۋكەت يمىن، نۇرلان ءابىلماجىن، سۇن جينلۇڭ، لي پىڭشين، شۇي حايرۇڭ، ەركىن تۇنياز، ۋاڭ جۇنجىڭ، تيان ۋىن، جي جىڭ، سارقىت اقان، جاڭ چۇنلين، پىڭ جيارۇي قاتارلىلار شاي ماجىلىسىنە قاتىناستى.

  چىن چۋانگو سوزىندە بىلاي دەدى: بيىل جاڭا جۇڭگو قۇرىلعاندىعىنىڭ 70 جىلدىعى ءارى شينجياڭنىڭ بەيبىت جولمەن ازات بولعاندىعىنىڭ 70 جىلدىعى. 70 جىلدان بەرى پارتيا ورتالىق كوميتەتىنىڭ پارمەندى باسشىلىعىندا، وتانىمىزبەن بىرگە ەسەيىپ، بىرگە العا باسىپ، تيانشاننىڭ تۇستىگى مەن تەرىستىگىندە وراسان زور وزگەرىستەر تۋىلدى. جاڭا داۋىرگە وتكەندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم بۇكىل رايونىمىزداعى ءار ۇلت كادر - بۇقاراسىن ىنتىماقتاستىرىپ، باستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، شىنايى يگەرىپ، ناقتى ىستەپ، قايراتتانا العا باستى، شينجياڭنىڭ قوعامدىق كەلەلى جاعدايى جاراسىمدى، ورنىقتى بولىپ، ەكونوميكاسى ورنىقتى، اقاۋسىز دامىپ، ۇلتتار ىنتىماعى ۇزدىكسىز تەرەڭدەپ، مادەنيەت ىستەرى گۇلدەنىپ، دامىپ، ەكولوگيالىق ورتاسى ءۇرتىس جاقسارىپ، بۇقارانىڭ تۇرمىسى كۇن سايىن جاقسارىپ، بيڭتۋاننىڭ رەفورماسىن تەرەڭدەتۋ جانە وڭتۇستىككە قاراي دامىتۋ ىشكەرىلەي ىلگەرىلەتىلىپ، ءتۇرلى قىزمەتتەردە جاڭا ناتيجەلەرگە قول جەتكىزىپ، جاڭا بەينە جارىققا شىقتى. وسى ناتيجەلەردىڭ قولعا كەلۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ، ىقىلاستى قامقورلىعىنىڭ ناتيجەسى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ، اسىرەسە، قوعام ورنىقتىلىعى مەن باياندى تىنىشتىق باس نىساناسىنىڭ جول سىلتەپ، باعدار كورسەتۋىنىڭ، عىلمي جەتەكشىلىك ەتۋىنىڭ ناتيجەسى، بۇكىل ەل حالقىنىڭ قالتقىسىز كومەكتەسىپ، كۇش سالا قولداپ - قۋاتتاۋىنىڭ ناتيجەسى، بۇكىل رايونىمىزداعى ءار ۇلت كادرلارى مەن بۇقاراسىنىڭ ءبىر نيەتپەن ىنتىماقتاسىپ، قاجىرلىلىقپەن كۇرەس جۇرگىزۋىنىڭ ناتيجەسى، سونداي - اق وعان ساقا باسشىلاردىڭ، ساقا جولداستاردىڭ جانە جولداستاردىڭ، دوستاردىڭ جۇرەك قانى مەن ماڭداي تەرى سىڭگەن. ءبىز وڭايلىقپەن قولعا كەلمەگەن تاماشا جاعدايدى، جاقسى اۋقىمدى ەرەكشە قاستەرلەپ، تاباندىلىقتى ساقتاپ، توقتاۋسىز كۇرەس جۇرگىزىپ، جاڭا داۋىردەگى جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن كۇش سالا جازۋىمىز كەرەك.

  چىن چۋانگو بىلاي دەپ اتاپ كورسەتتى: شينجياڭنىڭ تاعدىرى باستان - اياق ۇلى وتانىمىزدىڭ جانە جۇڭحۋا ۇلتىنىڭ تاعدىرىمەن بىتە قايناسقان، ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ رۋحىن باتىل دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى ۇزاق ۋاقىت كوركەيتۋگە تاباندى بولىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، قوعام ورنىقتىلىعى، جوعارى ساپالى دامۋ، ۇلتتار ىنتىماعى، ءدىن جاراسىمدىلىعى، ۇگىت، مادەنيەت، وقۋ - اعارتۋ، ەكولوگيالىق ورتانى قورعاۋ، حالىق تۇرمىسىن قامتاماسىز ەتۋ جانە جاقسارتۋ، بيڭتۋاننىڭ رەفورما، دامۋ، ورنىقتىلىعى، پارتيا قۇرىلىسى سياقتى ءتۇرلى قىزمەتتەردى تىڭعىلىقتى ىستەپ، جۇڭگوشا سوتسياليستىك شينجياڭ قۇرۋعا قۇلشىنىپ، ءتۇرلى قىزمەتتەردىڭ ءىس جۇزىندىك ونىمدىلىگى ارقىلى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋىمىز كەرەك.

  مەملەكەتتىك حالىق قۇرىلتايى ۇلت ىستەرى كوميتەتىنىڭ ورىنباسار مەڭگەرۋشى مۇشەسى نايىم ياسىن، اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، شينجياڭ اسكەري رايونىنىڭ، شينجياڭ ءوندىرىس - قۇرىلىس بيڭتۋانىنىڭ باسشىلىق القاسىنىڭ مۇشەلەرى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى، قارۋلى ساقشى شينجياڭ باس اترەتىندەگى، اۋە ارمياسى ءۇرىمجى بازاسىنداعى نەگىزگى جاۋاپتى جولداستار، ۇرىمجىدەگى دەمالىسقا، زەينەتكە شىققان ورىنباسار ولكە دارەجەلىدەن جوعارى ءبىر ءبولىم ساقا جولداستار شاي ماجىلىسىنە قاتىناستى.

  رايونعا (ورتالىققا) توتە قاراستى ورىندارداعى نەگىزگى جاۋاپتى جولداستار، ءبىر ءبولىم پارتيا 19 - قۇرىلتايىنىڭ ۋاكىلدەرى، مەملەكەتتىك حالىق قۇرىلتايىنىڭ ۋاكىلدەرى، مەملەكەتتىك ساياسي كەڭەستىڭ مۇشەلەرى جانە اۆتونوميالى رايوندىق حالىق قۇرىلتايى تۇراقتى كوميتەتىنىڭ مۇشەلەرى، اۆتونوميالى رايوندىق ساياسي كەڭەستىڭ تۇراقتى مۇشەلەرى، ءارقايسى دەموكراتيالىق پارتيا - توپتاردىڭ شينجياڭ رايوندىق كوميتەتتەرىنىڭ، پارتيادا، توپتا جوق قايراتكەرلەردىڭ، اۆتونوميالى رايوندىق ساۋدا - ونەركاسىپشىلەر بىرلەستىگىنىڭ ۋاكىلدەرى، عىلىم - تەحنيكا، وقۋ - اعارتۋ، مادەنيەت، دەنساۋلىق ساقتاۋ، دەنە تاربيە جۇيەسىنىڭ ۋاكىلدەرى، ءدىني قايراتكەرلەردىڭ ۋاكىلدەرى، ەڭبەك ۇلگىلەرى جانە وزات كوللەكتيۆتەردىڭ ۋاكىلدەرى، ۇلتتار ىنتىماعى العاباسارلىعىنداعى ۇلگىلى جەكەلەردىڭ جانە كوللەكتيۆتەردىڭ ۋاكىلدەرى، وتاندى ءسۇيىپ، ارميانى قولداۋدىڭ ۇلگىلەرى جانە ۇكىمەتتى قولداپ، حالىقتى ءسۇيۋ ۇلگىلەرىنىڭ ۋاكىلدەرى، سونداي - اق قاھارمان ۇلگىلەردىڭ ۋاكىلدەرى سياقتى ءار ۇلتتىڭ، ءار سالانىڭ ۋاكىلدەرى شاي ماجىلىسىنە قاتىناستى.

  شاي ماجىلىسىندە ادەبيەت - كوركەمونەر قىزمەتكەرلەرى تارتىمدى ادەبيەت - كوركەمونەر نومىرلەرىن ورىندادى. (ياۋ تۇڭ)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار