بۇيرەكتەن سيراق شىعارعان سوراقى لوگيكا
− امەريكاداعى كەيبىرەۋلەردىڭ سەرتتەن تايۋى، ۋادەسىندە تۇرماۋى تۋرالى
□ جۇڭ شىڭ
2019.08.13 13:53 كەلۋ قاينارى : شينجياڭ گازەتى
”وتىرىكتى مىڭ رەت قايتالاساڭ دا وتىرىك.“وسى ءبىر بۇلجىماس زاڭدىلىقپەن امەريكاداعى كەيبىرەۋلەر ”تاڭداۋ سيپاتتى“ ساناسپاي وتىر.
جۇڭگو ەكونوميكاسى ورنىقتىلىق بارىسىندا ىلگەرىلەۋدەي كۇيدى ساقتاپ، بيىل الدىڭعى جارتى جىلدا جۇڭگونىڭ ىشكى ءوندىرىس جالپى ءونىم قۇنى بىلتىرعى سايكەستى مەزگىلدەگىدەن ％6.3 ارتىپ، ورتا، جوعارى ارتۋ قارقىنىن ۇزدىكسىز ساقتاعاندىعى ايقىن بولا تۇرسادا، امەريكاداعى كەيبىرەۋلەر ”جۇڭگونىڭ جاعدايى توتەنشە ناشار“ دەپ ادەيى كوكىدى؛ جۇڭگو جاقتىڭ امەريكا جاقتىڭ ءجىتى قاداعالاپ وتىرعان ىستەرىنە بەلسەندىلىكپەن جاۋاپ قايتارىپ، فەنتانيل تۇرىندەگى زاتتاردى رەتتەپ تۇرگە ءبولىپ باسقارۋدى قاتاڭ جۇرگىزگەندىگى ايقىن بولا تۇرا، امەريكاداعى كەيبىرەۋلەر شىندىقپەن مۇلدە ساناسپاي، جۇڭگو امەريكانىڭ ەل ىشىندەگى فەنتانيل تۇرىندەگى زاتتاردىڭ باستى كەلۋ قاينارى دەپ جالا جاۋىپ، امەريكا جاقتىڭ ءوزى فەنتانيل تۇرىندەگى زاتتاردى بەتالدى قولدانعان جاۋاپكەرشىلىگىن جۇڭگو جاققا يتەرمەلەدى؛ جۇڭگو مەن شىعىس وڭتۇستىك ازيا ەلدەرى وداعىنداعى مەملەكەتتەردىڭ «نانحايداعى ءار جاقتاردىڭ ارەكەت جارناماسى»نىڭ رۋحىن بەرىك ۇستانىپ، ”نانحاي ارەكەت ولشەمى“ كەڭەسىن بەلسەندىلىكپەن ىلگەرىلەتكەندىگى ءارى ”ولشەم“نىڭ جەكە كەڭەستىك حۇجاتى جوباسىنىڭ ءبىرىنشى اينالىمدىق تەكسەرىپ وقۋىن الدىن الا ورىنداعاندىعى ايقىن بولا تۇرا، امەريكاداعى كەيبىرەۋلەر اراعا ىرتكى سالىپ، ”جۇڭگو ماجبۇرلەۋ ءتاسىلى ارقىلى نانحايدى اشۋعا كەسە كولدەنەڭ بولدى“، ”جۇڭگونىڭ شىعىس وڭتۇستىك ازياداعى كورشى ەلدەردى ماجبۇرلەۋ ارەكەتى وسى ءوڭىردىڭ بەيبىتشىلىگى مەن ورنىقتىلىعىنا قاتەر ءتوندىردى“ دەپ كوكىدى... ولار حالىقارالىق قوعامنىڭ كوزى قىراعى ەكەندىگىن، بۇيرەكتەن سيراق شىعارىپ، پالە شىعارۋى شىندىقتى وزگەرتە المايتىندىعىن دا، اقيقاتتى اۋدارا المايتىندىعىن دا قايدان ءبىلسىن.
امەريكاداعى كەيبىرەۋلەر ”امەريكا الدا تۇرادى“نى جەلەۋ ەتىپ، ”امەريكا زيان شەگۋدە“، ”تەحنيكا وتكەرمەلەۋگە ماجبۇرلەدى“، ”ءبىلىم مەنشىك ۇقىعىن ۇرلادى“ قاتارلى ويدان قيىستىرعان جازعىرۋلارىنا سۇيەنىپ، جۇڭگوعا قاراتىلعان ەكونوميكا - ساۋدا قاجالىسىنىڭ دارەجەسىن ورلەتتى، مۇنىمەن تەك قانا ءتىپتى دە كوپ امەريكا كاسىپورىندارى مەن تۇتىنۋشىلار قۇرباندىققا اينالۋمەن قوسا، دۇنيە ءجۇزى ەكونوميكاسىنا زور حاۋىپ - قاتەر اكەلەدى.
امەريكاداعى كەيبىرەۋلەر بارلىق جەردە ايتىلمىس ”جۇڭگو قاتەرىن“ دابىرالاپ، بۇل امەريكاعا ”قاتەر ءتوندىرىپ“ قانا قالماستان، تاعى وركەندەپ كەلە جاتقان ەلدەرگە دە ”قاتەر ءتوندىردى“ دەپ سوقتى، ءتىپتى جۇڭگونىڭ سىرتقا باعىتتالعان دامىتۋ كومەگىن ”قارىز تۇزاعى“ دەپ قيسىنسىز جالا جاپتى. مۇنداي جات نيەتتى جالعان ايىپقا قاراتا، كەيبىر مەملەكەتتەردىڭ باسشىلارى جابال العا شىعىپ اشىق تويتارىس بەردى، امەريكانىڭ ەل ىشىندەگى ءبىلىمدى ادامدار دا بىرلەسپە اشىق حات جاريالاپ، جۇڭگونى جاۋ ساناۋعا قارسى تۇردى.
تاريح دامۋ باسەكەسى الدىندا، دۇرىس ءادىس - امال ەجەلدەن باسقالارعا كۇيە جاعىپ، قىسىم ءتۇسىرۋ ەمەس، قايتا ءوز ماسەلەسىن شەشىپ، ءوزىنىڭ ناقتى قۋاتىن جوعارىلاتۋ ەكەندىگىن باياعىدا - اق دالەلدەگەن − مەملەكەت جونىنەن ايتقاندا، ەكونوميكانى دامىتاتىن قۋاتى بولۋمەن بىرگە، ادامگەرشىلىك ءمورالدى ساۋلەلەندىرەتىن كۇش تە، سەلبەسىپ تەڭ يگىلىككە كەنەلۋ پەيىلى دە بولۋ كەرەك. ”جۇڭحۋا ۇلتى ۇزاق تاريحقا يە، ابىرويلى ۇلت، ولاردىڭ جازعىرۋىنىڭ، سوقتىعۋىنىڭ، قۇقاي كورسەتۋىنىڭ جانە قۇرمەتتەمەۋىنىڭ ناتيجەسى ايتپاسا دا بەلگىلى. امەريكا بار امالىن سالىپ جان سانى الەمدەگى جان سانىنىڭ ％20كە جۋىعىن ۇستايتىن جۇڭگونىڭ العا باسۋىن بوگەمەك بولدى، مۇنداي قىلىق ءبىر ءتۇرلى ۇنامدى ۇلگى ورناتا الا ما؟“ امەريكانىڭ بۇرىنعى وكىلەتتى كومەكشى مەملەكەت ىستەر حاتشىسى دۇڭ يۇنشاڭنىڭ وتكەن ايدا بلۋمبەرگ اگەنتتىگىنىڭ سايتىندا جاريالاعان ماقالاسىنداعى سۇراۋى امەريكا قوعامىنىڭ نارازى كوڭىل كۇيىن بەينەلەپ، امەريكا جۇرتشىلىعىنىڭ امەريكانىڭ حالىقاراداعى وبرازىنىڭ زيانعا ۇشىراۋىنان جالپى بەتتىك قامىققان كوڭىل كۇيىن ايتتى.
شىندىققا قۇرمەت ەتۋ، ءوزىنىڭ ءسوز - ارەكەتىنە جاۋاپتى بولۋ − حالىقارالىق بارىس - كەلىستەگى نەگىزگى ادامگەرشىلىك ءمورال جانە ولشەم. مىناۋ ءشۇباسىز، ءارقانداي مەملەكەت جونىنەن ايتقاندا، وسى تومەنگى شەكتەردىڭ ءوزى قولدان كەتسە، ەندى قانداي حالىقارالىق ادامگەرشىلىك ءمورالدان، سەنىمنەن اۋىز اشۋعا قايدان بولسىن؟!
ءمورالسىز ءسوز ايتپاۋ، ۇجدانسىز ءىس ىستەمەۋ كەرەك. جۇڭگو ەجەلدەن وسىنداي ارەكەت ولشەمىنە قۇرمەت ەتىپ كەلەدى، ”ءجون - جوسىعىڭ دۇرىس بولسا بۇكىل الەمدى شارلاي الاسىڭ“، قاساقانا جاڭجال شىعارۋشىنىڭ سوقتىعۋىنان قورىقپايتىن سەنىم بار. امەريكاداعى كەيبىرەۋلەرگە ءوزىڭنىڭ قيسىنسىز لوگيكاڭمەن ەلدى بۇلدىرەتىن ونەرىڭدى تىم جوعارى باعالاپ الما، دۇنيەنى الاقانىمدا ويناتامىن دەيتىن قۇر قيالعا ءتىپتى دە ماستانبا دەپ ءناسيحات ايتامىز. اقيقات پەن تۋراشىلدىقتىڭ كەشىكسەدە، ەشقاشان ۇتىرمايتىنىن ءبىلۋىمىز كەرەك.
(شينحۋا اگەنتتىگىنىڭ 8 - ايدىڭ 7 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
