بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

وتانشىل چياۋمين قولباسى سىتۋ مەيتاڭ: مەن ءالى دە ناعىز جۇڭگولىقپىن

2019.08.13 13:53     كەلۋ قاينارى : شينجياڭ گازەتى


  سىتۋ مەيتاڭنىڭ ءمۇسىنى. شينحۋا اگەنتتىگى تاراتقان

  شينحۋا اگەنتتىگىنىڭ 7 - ايدىڭ 21 - كۇنى گۋاڭجوۋدان بەرگەن حابارى (ءتىلشى شياۋ سىسى). گۋاڭدۇڭ ولكەسى جياڭمىن قالاسىنىڭ كايپيڭىندەگى چىكان قالاشىعىنا وتانشىل چياۋمين قولباسى سىتۋ مەيتاڭنىڭ ءبىر كونە تۇراعى ورنالاسقان. ەسىك الدىنداعى 10 نەشە شارشى مەتر سەمەنت جەرگە سىتۋ مەيتاڭ مىرزانىڭ كەۋدە ءمۇسىنى ورناتىلعان، توتەنشە بايىپتى كورىنەدى. امەريكا قۇرلىعىندا تالاي جىل ءومىرىن وتكىزسەدە، سىتۋ مەيتاڭ مىرزا وسى ارادان شىعىپ، ءومىرىنىڭ بوران - شاشىندارىن باسىنان وتكەردى. ”مەن ءالى دە ناعىز جۇڭگولىقپىن“، بۇل ونىڭ وتانشىل سۇيىسپەنشىلىگىنىڭ ەڭ قاراپايىم بەينەسى.

  سىتۋ مەيتاڭنىڭ اسىلگى اتى سىتۋ شيان - ي، جاناما اتى جيزان، 1868 - جىلى گۋاڭدۇڭ ولكەسى كايپيڭ قالاسىنىڭ چىكان قالاشىعىنداعى ءبىر كەدەي شارۋا وتباسىندا دۇنيەگە كەلگەن. 12 جاسىندا تۇرمىستىڭ تەپەرىشىمەن اۋىلداستارىمەن بىرگە مۇحيت اسىپ، امەريكاعا بارىپ كۇنەلتىپ، تاڭدىقتار كوشەسىندەگى ءبىر تاعامجايدا قارا جۇمىسشى بولىپ ىستەگەن. 1885 - جىلى 17 جاستاعى سىتۋ مەيتاڭ ءمىناجات ەتىپ، سەرت بەرىپ، حۇڭمىن جىگۇڭتاڭعا مۇشە بولىپ، تۇتاس ومىرىنە ىقپال جاساعان جولعا تۇسەدى.

  1894 - جىلى سىتۋ مەيتاڭ بوستونعا كەلىپ، انلياڭتاڭدى قۇرىپ، ”ازۋلىنى الاستاپ، السىزگە بولىسۋ؛ جاۋىزداردى جويىپ، جايىن جۇرتتى تىنىشتىققا كەنەلتۋ“ ۇرانىن الىپ شىعادى. انلياڭتاڭ كوپ وتپەي - اق حۇڭمىن جىگۇڭتاڭنىڭ قاراستىلىعىنداعى قۋاتتى ۇجىمعا اينالادى، سوڭىندا دامىپ امەريكانىڭ 31 قالاسىندا تۇگەلدەي انلياڭتاڭ قۇرىلادى، كولەمى زورايىپ، مۇشەلەرى 20 مىڭنان استامعا جەتەدى. 1905 - جىلى سىتۋ مەيتاڭ نيۋ - يوركتا ”انلياڭتاڭ باس ۇيىمىن“ قۇرىپ، ءوزى باس ءىس جۇرگىزۋشىسى بولادى.

  1904 - جىلى سۇن جۇڭشان امەريكاعا بارىپ، توڭكەرىستىك قيمىلدارمەن اينالىسقاندا، سىتۋ مەيتاڭدى سۇن جۇڭشاننىڭ توڭكەرىستىك مۇراتى قىزىقتىرادى دا، ءوزى قورعاۋشىلىق مىندەت اتقارۋعا بەكيدى، حۇڭمىن ۇيىمى وسىدان باستاپ ادام كۇشى، قازىنا كۇشى سياقتى جاقتاردا سۇن جۇڭشاننىڭ چيڭ پاتشالىعىنا قارسى توڭكەرىستىك قيمىلدارىنا قولداۋ كورسەتەدى.

  18 - قىركۇيەك وقيعاسى بۇرق ەتە تۇسكەننەن كەيىن، سىتۋ مەيتاڭ حۋاچياۋلار جۇدىرىقتاي جۇمىلىپ، ىنتىماقتاسىپ، جاۋعا بىرگە قارسى تۇرۋى كەرەك دەپ قارايدى. 1937 - جىلى جاپون شاپقىنشىلارىنا قارسى سوعىس جاپپاي باستالعاننان كەيىن، سىتۋ مەيتاڭ امەريكادا تۇراتىن العاباسار قايراتكەرلەرمەن بىرگە نيۋ - يورك حۋاچياۋلارى جاپون شاپقىنشىلارىنا قارسى تۇرىپ، وتاندى جويىلۋدان قۇتقارۋعا قارجى ازىرلەۋ باس ۇيىمىن باستاپ قۇرىپ، حۋاچياۋلاردى وتاننىڭ جاپون شاپقىنشىلارىنا قارسى سوعىسىنا كومەكتەسۋگە جۇمىلدىرادى. جاپون شاپقىنشىلارىنا قارسى سوعىس مەزگىلىندە نيۋ - يوركتەگى ”قارجى ازىرلەۋ باس مەكەمەسى“ جيناعان جىلۋ 14 ميلليون امەريكا دوللارىنا جەتكەن. مۇنىڭ ىشىندە، سىتۋ مەيتاڭ باسشىلىق ەتكەن انلياڭتاڭ نيۋ - يوركتەگى حۋاچياۋ قوعامدىق ۇيىمدارى ىشىندە اتاعان جىلۋى ەڭ مول حۋاچياۋ ۇيىمدارىنىڭ ءبىرى بولدى.

  1941 - جىلى قىستا سىتۋ مەيتاڭ گومين كەڭەس القاسىنىڭ مۇشەسى بولىپ تاڭدالىپ، گومين كەڭەس القاسىنا قاتىناسۋ ءۇشىن امەريكادان ەلگە قايتادى. ويلاماعان جەردەن شياڭگاڭنان وتەر جولدا تىنىق مۇحيت سوعىسى بۇرق ەتە ءتۇسىپ، شياڭگاڭ قولدان كەتەدى دە سىتۋ مەيتاڭ مىرزا قاماققا الىنادى. جاپونيا تىڭشى اتامانى شىچي سىتۋ مەيتاڭنىڭ جاي - جاپسارىن بىلەتىندىكتەن، ادام جىبەرىپ ونى تىڭشىلىق ورگانىنا شاقىرتىپ، قۇقاي كورسەتىپ، پايدامەن شىرعالاپ، ونى ۋيچىحۇيدىڭ باستىعى بولۋعا زورلايدى. سول كەزدە سىتۋ مەيتاڭ 75 جاسقا جەتىپ قارتايىپ قالعان بولاتىن، ول جاپون قاراقشىلارىنىڭ تالابىن باتىلدىقپەن تويتارىپ، وسكەلەڭ ۇلتتىق نامىسىن ايگىلەيدى. كەيىن، سىتۋ مەيتاڭ جۇڭگو كوممۋنيستىك پارتياسى استىرتىن ۇيىمى مەن شياڭگاڭدىق وتانشىل قايراتكەرلەردىڭ كومەگىندە جاسانىپ الىپ ىشكى وڭىرگە جاسىرىن قايتىپ كەلەدى.

  چۇڭچيڭگە جەتكەننەن كەيىن، جياڭ جيەشى ونىڭ گومين ۇكىمەتىنىڭ مۇشەسى بولۋىنا رۇقسات ەتەدى. ال سىتۋ مەيتاڭ وسى كەزدە گومينداڭنىڭ شىرىكتەسۋى مەن بايتاق ارتقى شەپتەگى قاۋىمنىڭ ازاپ - توزابىن كوزىمەن كورىپ، گومينداڭنان قاتتى كۇدەرىن ءۇزىپ، جياڭ جيەشىنىڭ ”ىزگى نيەتىن“ تويتارىپ تاستايدى.

  1945 - جىلى 3 - ايدا ”امەريكا قۇرلىعى حۇڭمىن كىنچين جينالىسى“ نيۋ - يوركتە وتكىزىلىپ، حۇڭمىن جىگۇڭتاڭدى مەملەكەت سىرتىنداعى حۋاچياۋلاردىڭ ساياسي پارتياسى −”جۇڭگو حۇڭمىن جىگۇڭ پارتياسى“ ەتىپ قايتا قۇرۋدى ۇيعارىپ، سىتۋ مەيتاڭ بۇكىل امەريكا باس شتابىنىڭ ءتوراعاسى بولىپ سايلانادى. جينالىستا، ول امەريكا قۇرلىعىنداعى ءارقايسى حۋاچياۋ گازەتتەرى سالاسىمەن بىرلەسىپ، ايگىلى ”10 گازەت جارناماسىن“ جاريالاپ، ”گومينداڭنىڭ ءبىر پارتيا ۇستەمدىگىن اياقتاتىپ، بيلىكتى حالىققا قايتارىپ بەرۋ، گومين ۋاكىلدەرى ءماجىلىسىن اشىپ، دەموكراتيالىق ۇكىمەت قۇرۋ“ سىندى ساياسي دارىپتەمەنى ورتاعا قويادى.

  1948 - جىلى ول جۇڭگو كوممۋنيستىك پارتياسىنىڭ جاڭا ساياسي كەڭەس ءماجىلىسىن اشىپ، حالىق دەموكراتياسىندىق ۇكىمەت قۇرۋ دارىپتەمەسىن جاقتايتىنىن اشىق مالىمدەيدى. كەلەسى جىلى 1 - ايدىڭ 20 - كۇنى ماۋ زىدۇڭ حات جولداپ، سىتۋ مەيتاڭدى ەلگە قايتىپ ماجىلىسكە قاتىناسۋعا ۇسىنىس ەتەدى. وتانعا قايتىپ كەلگەن سىتۋ مەيتاڭ ماۋ زىدۇڭنىڭ، جوۋ ىنلايدىڭ ىستىق ىقىلاسپەن قارسى الۋىنا بولەنەدى. ول امەريكا قۇرلىعىنداعى حۋاچياۋلاردىڭ ۋاكىلى رەتىندە 1 - كەزەكتى جۇڭگو حالىق ساياسي كەڭەس ماجىلىسىنە قاتىناسىپ، مەملەكەتتىك ساياسي كەڭەستىڭ مۇشەسى، ورتالىق حالىق ۇكىمەتىنىڭ مۇشەسى، قوسىمشا ورتالىق حۋاچياۋ ىستەرى كوميتەتىنىڭ مۇشەسى سياقتى مىندەتتەرگە سايلانادى ءارى رەسپۋبليكا قۇرۋ سالتاناتىنا قاتىناسادى.

  1955 - جىلى 5 - ايدىڭ 8 - كۇنى سىتۋ مەيتاڭ ميىنا قان قۇيىلۋ سەبەبىنەن بەيجيڭدە 87 جاسىندا قايتىس بولادى. 5 - ايدىڭ 10 - كۇنى الەۋمەتتىك ازا ءبىلدىرۋ جينالىسى بەيجيڭدە سالتاناتپەن وتكىزىلەدى. جوۋ ىنلاي قاتارلى مەملەكەت باسشىلارى مەن استاناداعى ءار سالاداعى قايراتكەرلەردەن 700دەن استام ادام الەۋمەتتىك ازا بىلدىرۋگە قاتىناسادى. جوۋ ىنلاي الەۋمەتتىك ازا ءبىلدىرۋ جينالىسىن ءوزى باسقارادى، سىتۋ مەيتاڭنىڭ سۇيەگى باباۋشان توڭكەرىستىك قابىرستانىنا جەرلەنەدى. وسىنداي سالتاناتتى الەۋمەتتىك ازا ءبىلدىرۋ ءراسىمى وسى ءبىر ءومىر بويى وتانىن سۇيگەن حۋاچياۋ قارياعا ەڭ جوعارى ماراپات سانالادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار