قامقورلىق پەن ءوزىن الەۋەتتەندىرۋ بارىسىندا تاماشا ءومىر كەشىردى

　　− باس شۋجي شي جينپيڭنىڭ ويىنان كەتپەيتىن حالىق تۇرمىسى ىستەرىنىڭ ”السىزدەردىڭ سۇيەنىشى بولۋ“ تاراۋى

　　□ شينحۋا اگەنتتىگىنىڭ ءتىلشىسى

2019.08.14 16:07   كەلۋ قاينارى : حالىق تورابى

　　”بەتاشار“

　　ءالسىزدى سۇيەمەلدەپ، قيىنشىلىعى بارعا كومەكتەسۋ جۇڭحۋا ۇلتىنىڭ ۇرپاقتان - ۇرپاققا جالعاسقان تاماشا ءمورالى.

　　ءتۇرلى سەبەپتەرگە بايلانىستى، قوعامدا ءالى دە قيىنشىلىعى بار ءىشىنارا بۇقارا بار. وسى ءبىر ءبولىم ادامدى حالىق تۇرمىسى جاعىنان سۇيەمەلدەۋ قىزمەتىن جاقسى ىستەپ، ”السىزدەردىڭ سۇيەنىشى بولۋ“دى جۇزەگە اسىرۋ − پارتيا مەن ۇكىمەتتىڭ ايبىندى ۋادەسى.

　　مۇگەدەكتەردى تاماشا تۇرمىس كەشىرۋگە شابىتتاندىردى، جۇمىستان بوساپ قايتادان جۇمىسقا ورنالاسقان جۇمىسشى - قىزمەتكەرلەردىڭ تۇرمىسىنىڭ اناعۇرلىم جاقسى بولۋىن تىلەدى، اۋىل - قىستاقتارداعى تومەنگى تۇرمىسى قامتاماسىزداندىرىلاتىن وتباسىلارىنىڭ ناقتى جاعدايىن ۇعىسىپ، اڭگىمەلەسىپ، مەيىر جەتكىزدى... باس شۋجي شي جينپيڭ قاي - قاشان دا قيىنشىلىعى بار بۇقارانىڭ حال - جاعدايىنا كوڭىل ءبولىپ، ولاردى اناعۇرلىم تاماشا تۇرمىستى قۇلشىنا جاراتۋعا شابىتتاندىردى.

　　باس شۋجي شي جينپيڭ كوڭىل بولگەن سول قيىنشىلىعى بار بۇقاراعا قايتالاي تىلشىلىك جاساعاندا، ءتىلشى ولاردىڭ كوڭىلدەرىنە العىس سەزىمىن ساقتاپ، تىنباي ءوزىن الۋەتتەندىرىپ، قۇلشىنا كۇرەس جاساپ جاتقاندىقتارىن بايقادى. قازىر ولاردىڭ تۇرمىسى اناعۇرلىم جاقسى، ارىنى اناعۇرلىم جەتكىلىكتى، تابىس سەزىمى اناعۇرلىم مول.

　　”ءبىرىنشى اڭگىمە“

　　ءوزىن الەۋەتتەندىرۋ، شىت جاڭا بەينەمەن قايتادان ەڭسەلەندى

　　”سەن − قۇتقارىلدىڭ، ءبىر جاۋىنگەر جاڭبىرلىعىن ۇستىڭە جاپتى

　　”مەنى قولىمنان ءبىر ليانجاڭ تارتتى، كەيىن ەستىسەم ول التى جاستاعى جەتىم بالانى قۇتقارۋ ءۇشىن

　　”تاڭشاندا ماڭگىلىك قالىپ قالىپتى

　　”اياۋلى دوسىم، تاعى دا ايتۋىمنىڭ قاجەتى بار ما؟!

　　”مۇنداي شىنايى اڭگىمەلەردى ءجۇز كۇندەپ ايتا الامىن...“

　　2016 - جىلى 7 - ايدىڭ 28 - كۇنى − جارالانىپ ەكى اياعى سالدانىپ قالعان ياڭ يۇيفاڭ، گاۋ جىحۇڭ ەرلى - زايىپتىلار ءۇشىن ماڭگىلىك ۇمىتىلماس كۇن.

　　وسى كۇنى باس شۋجي شي جينپيڭ حىبەيدىڭ تاڭشان قالاسىنا كەلىپ قىزمەت تەكسەردى. تاڭشان قالالىق سالدانعاندار ساناتورياسىندا ياڭ يۇيفاڭ، گاۋ جىحۇڭ ەرلى - زايىپتىلار باس شۋجي شي جينپيڭگە قولما - قول جازعان «سىزدەردى كورگەندە توتەنشە جان اشىر سەزىنەمىن» اتتى ولەڭىن وقىپ بەردى.

　　”باستابىندا ءبىراز ساسقالاقتاپ بارىپ، ءاپ - ساتتە ءوزىمدى ەركىن ۇستادىم“، - دەدى ياڭ يۇيفاڭ ەسكە الىپ. سول كۇنى باس شۋجي شي جينپيڭ ولاردىڭ جانىنا كۇلىمسىرەي كەلىپ، ەرلى - زايىپتى ەكەۋىنىڭ دەنساۋلىقتارىنىڭ قالپىنا كەلۋ جاعدايىن، قازىر قانداي قيىنشىلىقتارىنىڭ بار ەكەندىگىن ىقىلاسپەن سۇرادى... ”ۇزاق كورىسپەگەن كونەكوز دوسىڭمەن اڭگىمەلەسكەن سياقتى بولدى“.

　　”دەنى ساۋ ادامدار تاماشا ءومىر كەشىرسە، مۇگەدەكتەر دە تاماشا ءومىر كەشىرە الادى“. گاۋ جىحۇڭ باس شۋجي شي جينپيڭنىڭ ءسوزىنىڭ وزدەرىن ايرىقشا شابىتتاندىرعاندىعىن ايتتى. وسىدان كەيىن ولار قارتتار ۇيىندەگى قارتتارعا ولەڭ وقىپ بەرىپ، وڭ ەنەرگيا تاراتتى، قولونەر جۇمىستارىن ىستەپ، قايىرىمدىلىق ماقساتىندا ساتىپ، كەدەي وتباسىلارىنىڭ وقۋشىلارىنا كومەكتەسە باستادى...

　　”بىردەڭە ىستەي الاتىن، بىردەڭە جازا الاتىن، وقي الاتىن بولعان سوڭ، كوپشىلىككە تاماشا تۇرمىس سيلاۋ كەرەك“، - دەدى گاۋ جىحۇڭ.

　　ياڭ يۇيفاڭنىڭ تانىستىرۋىنشا، وسى بىرنەشە جىلدا ونىڭ زەينەتاقىسى جىل سايىن ارتقان، مەملەكەت تاعى مۇگەدەكتەردىڭ شارۋاشىلىق قۇرۋىن سۇيەمەلدەۋ جاعىندا سالىق تيىمدىلىگى ساياساتىن شىعارعان. ول قازىر ەلگە كىلىت جاساپ بەرەدى، 2 ادامنىڭ زەينەتاقىسىن قوسقاندا، ءار ايدا 6000 − 7000 يۋان كىرىس كىرگىزەدى ەكەن، تۇرمىستاعى شىعىن دا كوپ ەمەس، ولار كومەككە ءتىپتى دە ءزارۋ ادامدارعا ءبىر ءبولىمىن جىلۋعا اتاۋدى جوسپارلاپ وتىرىپتى.

　　”ەمدەۋ قىزمەتكەرى رەتىندە، ءبىز باس شۋجيدىڭ تاپسىرماسىن ەستە بەرىك ساقتاپ، مۇگەدەكتەردى جاقىنىمىزداي كورىپ، مۇگەدەكتەرگە ويداعىداي، تىڭعىلىقتى قىزمەت وتەيمىز“. تاڭشان قالالىق سالدانعاندار ساناتورياسىنىڭ باستىعى ياڭ جىنشىڭ تانىستىرىپ بىلاي دەدى: ءبىر جاعىنان، تاماشا قاتتى بولشەك ازىرلەدىك، مىسالى، تاڭشان قالالىق حالىق ىستەرى قىزمەت وتەۋ ورتالىعى سالىنىپ جاتىر، كەلەشەكتە ساناتورياداعى قارتتاردىڭ كوشىپ كىرۋىنە جەتكىلىكتى توسەك ورنى بولادى؛ ەندى ءبىر جاعىنان، ەمدەۋ قىزمەتكەرلەرىن ءارقايسى ۇلكەن شيپاحانالارعا ۇيرەنۋگە جىبەرىپ، كۇتىمدەۋ ماماندىق ورەسىن جوعارىلاتتىق.

　　”زاتتىق جاقتان جەتكىلىكتى قامتاماسىز ەتۋدەن سىرت، رۋحاني جاقتان دا دوڭگەلەك داۋلەتتىلىكتى جۇزەگە اسىرۋ كەرەك“، - دەدى ياڭ جىنشىڭ، - ساناتورياعا كىتاپ وقۋ ءۇيى، پسيحولوگيالىق اقىل - كەڭەس كەڭسەسى، شۇعىلا قيمىل بولمەسى ورنالاستىرىلدى، ەمدەۋ قىزمەتكەرلەرى مەرزىم بويىنشا ساناتوريادا جاتقاندارمەن اڭگىمەلەسىپ تۇرادى، كەيبىر قوعامدىق ۇيىمدار دا ۇنەمى ساناتورياعا كەلىپ ەرىكتى قيمىل ورىستەتەدى. كوپتەگەن قاريالار سىرتقى دۇنيەنى ۇعىناتىن تەرەزەلەرىنىڭ اناعۇرلىم كەڭەيگەندىگىن ايتتى.

　　”بايتاق دالا باسقاشا ءبىر مەنى قايتا سومداعان ەكەن، شىت جاڭا بەينەمەن مىنا دۇنيەدە قايتا ەڭسەلەنۋىم كەرەك“، بۇل ءسوز ساناتورياداعى تالاي مۇگەدەك ادامنىڭ ۇستاناتىن اقىلياسىنا اينالدى.

　　”ءتىلشى ەستەلىگى“

　　ءبىر ساۋ ادام جونىنەن العاندا، بەلدەن تومەن جانسىزدانىپ قالۋدىڭ قانداي بولاتىندىعىن ەلەستەتۋ قيىن، ۇلكەن - كىشى دارەتكە يە بولا الماعان كۇيدە قالاي تۇرمىس وتكىزۋگە بولاتىندىعىن سەزىنۋ تىپتەن قيىن.

　　ەكى اياعى سالدانىپ قالعان ءبىر ناۋقاس 瘫 دەگەن ءسوزدىڭ ”病“ ءارىبى مەن ”难“ ارىبىنەن قۇرالىپ جازىلۋىنان مۇگەدەكتىكتىڭ ادامعا اكەلەتىن تاقسىرەتىن ءبىر قىرىنان ءتۇسىندىرىپ تۇرعاندىعىن ايتتى.

　　پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى مۇگەدەكتەر ىسىنە ايرىقشا نازار اۋداردى. مەملەكەت دەڭگەيىندە 10 ميلليونداعان مۇگەدەك جان سانىن قامتىعان، تۇرمىستىق جاردەماقى، كۇتىمدەۋ جاردەماقىسى، بالالاردى ساۋىقتىرۋ جاردەماقىسى سياقتى مازمۇنداردى ءوز ىشىنە العان مۇگەدەكتەر ارناۋلى يگىلىك ءتۇزىمىن ورناتىپ، مۇگەدەكتەر ءىسىنىڭ جالپى تۇلعالىق دامۋ ورەسىن تىڭ ساتىعا كوتەردى.

　　جاپپاي دوڭگەلەك داۋلەتتى قوعام ورناتۋدا مۇگەدەكتەردىڭ بىردە - بىرەۋىن قاعىس قالدىرۋعا بولمايدى. باقىتتى جۇڭگودا مۇگەدەكتەر دە ەلمەن بىردەي قوعامنىڭ دامۋى الا كەلگەن تابىس سەزىمىنە، باقىت سەزىمىنە، حاۋىپسىزدىك سەزىمىنە يە بولىپ، جۇڭگو ارمانى ءۇشىن بىرگە قۇلشىنا كۇرەس جاسايدى.

　　”ەكىنشى اڭگىمە“

　　ۇمتىلىس، اناعۇرلىم تاماشا تۇرمىسءۇشىن العا ىلگەرىلەدى

　　”باس شۋجي شىنايى، جۇرتقا جاناسىمدى كىسى ەكەن“. ارادا 6 جىل وتسە دە سۇڭ لۇڭجياڭنىڭ ەسىندە باس شۋجي شي جينپيڭنىڭ ۇيىنە كەلگەندەگى سول ءبىر ءسات الىگە دەيىن سايراپ تۇر.

　　2013 - جىلى 8 - ايدىڭ 30 - كۇنى باس شۋجي شي جينپيڭ لياۋنيڭدا قىزمەت تەكسەرگەن كەزدە شىنياڭ قالاسى شىنحى رايونى دانان ءمالىسى دوفۋ الەۋمەتتىك اۋماعىنا كەلىپ، جۇمىستان بوساعاننان كەيىن قايتادان جۇمىسقا ورنالاسقان جۇمىسشى - قىزمەتكەر سۇڭ لۇڭجياڭنىڭ ۇيىنە كىردى.

　　الەۋمەتتىك اۋماقتىڭ قىزمەت وتەۋى جاقسى ما، ءۇي جىلىتۋ ينجەنەرياسى اتقارىلعاننان كەيىن قىستا ءۇيدىڭ تەمپەراتۋراسى قانشا گرادۋسقا جوعارىلايدى، ۇيدە تاعى قانداي قيىنشىلىقتار بار... باس شۋجي شي جينپيڭ دەن قويا سۇرادى.

　　ول كەزدە سۇڭ لۇڭجياڭنىڭ تۇرمىسى ءالى دە قيىنشىلىقتا ەدى: ول ءبىر اۆتوموبيل زات اينالىمى جەتكىزۋ كاسىپورنىندا قايتالاي جۇمىسقا ورنالاسقان، الايدا ايلىق كىرىسى نەبارى 2000 يۋاننان استام عانا بولاتىن؛ ايەلى جۇمىستان بوساپ ۇيىندە اۋرۋ شەشەسىن قاراپ جاتقان؛ ۇلى اۆتوكولىك اشەكەيلەۋ دۇكەنىن ەندى عانا اشقان، كەنجە نەمەرە قىزى ءبىر جاسقا تولماعان...

　　بيىل 7 - ايدىڭ اياق شەنىندە ءتىلشى سۇڭ لۇڭجياڭنىڭ ۇيىنە باردى، 73 شارشى مەترلىك ءۇيى تازا دا رەتتى ەتىپ جينالعان. سۇڭ لۇڭجياڭ وسى جىلداردا تۇرمىسىنىڭ جاقسارعانىن، ءۇيىن قاراپايىم اشەكەيلەتىپ، جاڭا ساپا اۋىستىرعانىن، كىتاپ سورەسىن جاساتقانىن ايتتى.

　　بىرنەشە جىلدىڭ الدىندا الەۋمەتتىك اۋماق سۇڭ لۇڭجياڭنىڭ ۇلىنىڭ 80 مىڭ يۋان شاعىن مولشەردەگى ءوسىمسىز نەسيە الۋىنا كومەكتەسىپ، ونىڭ شارۋاشىلىق قۇرۋىن دەمەدى. تۇتاس قوعامداعى شارۋاشىلىق قۇرۋ ورتاسى بارعان سايىن جاقسارىپ، سۇڭ لۇڭجياڭنىڭ ۇلىنىڭ ساۋداسى دا جاقساردى.

　　2017 - جىلى سۇڭ لۇڭجياڭ زەينەتكە شىعىپ، زەينەتاقىسىن ءار ايدا دەر كەزىندە، تولىق الىپ قانا قالماستان، مولشەرى دە جىل سايىن جوعارىلاي ءتۇستى.

　　سۇڭ لۇڭجياڭ تۇرعان دوفۋ الەۋمەتتىك اۋماعىنىڭ اۋلاسىندا تىڭنان وزگەرتىپ سالۋ قۇرىلىسى جۇرگىزىلىپ جاتىر. الەۋمەتتىك اۋماق پارتكومىنىڭ شۋجيى مىڭ شياۋدان تانىستىرىپ بىلاي دەدى: وسى رەتكى وزگەرتىپ سالۋدا ۇكىمەت 20 ميلليون يۋاننان استام قارجى ءبولدى، الدىڭعى رەتكى قۇبىر سۋى، گاز سياقتىلاردى وزگەرتىپ سالۋ نەگىزىندە، شاعىن اۋماقتىڭ كورىنىسى، لاس سۋ ىعىستىرۋ، جارىقتاندىرۋ سياقتىلاردى ىشكەرىلەي وزگەرتىپ سالىپ، شاعىن اۋماقتىڭ يقۋاتىن تۇبەگەيلى جاقسارتتى.

　　”وسىنشاما جىلداردان بەرى، ءبىزدىڭ وتباسىمىزداعىلار باس شۋجيدىڭ’ تۇرمىستى بارعان سايىن جاقسى وتكىزىڭىزدەر‘ دەگەن تاپسىرماسىن ءالى ەسىمىزدە ساقتاپ، وسى ءۇمىت - تىلەك ءۇشىن قۇلشىنۋدامىز“، - دەدى سۇڭ لۇڭجياڭ.

　　”ءتىلشى ەستەلىگى“

　　سۇڭ لۇڭجياڭ وتباسى تۇرمىسىنىڭ جاقسارۋى جۇمىستان بوساپ، قايتادان جۇمىسقا ورنالاسقان كوپتەگەن وتباسىلارىنىڭ قيىنشىلىقتى جەڭىپ، باقىتقا بەت العان اياق الىسىن كورسەتتى. جۇمىستان بوساعان جۇمىسشى - قىزمەتكەرلەردى جاقسى ورنالاستىرۋ ەلىمىزدىڭ قامداۋ جاعىنداعى قۇرىلىمدىق رەفورمانى ىشكەرىلەي ىلگەرىلەتىپ، ارتىق ءوندىرىس قۋاتىن جويۋدى جانە كۇشىنەن قالدىرۋدى جەبەپ، ەكونوميكانىڭ، قوعامنىڭ باياندى دامۋىن جەبەۋدە ماڭىزدى كەلەلى مانگە يە.

　　شي جينپيڭ جولداستى ۇيتقى ەتكەن پارتيا ورتالىق كوميتەتى جۇمىستان بوساعان جۇمىسشى - قىزمەتكەرلەردى ورنالاستىرۋ ماسەلەسىنە وسكەلەڭ ءمان بەرىپ، قايتادان جۇمىسقا ورنالاسۋ ورايىن بەلسەندىلىكپەن جاراتتى: ۇكىمەت ورنالاستىرۋ جانە بازار ورنالاستىرۋ سياقتى تاسىلدەردى جولعا قويىپ، جۇمىسشى - قىزمەتكەرلەردىڭ جۇمىسقا ورنالاسۋ ماسەلەسىن شەشۋىنە كومەكتەستى؛ جۇمىستان بوساعان جۇمىسشى - قىزمەتكەرلەردى قىزمەت وتەۋ سالاسىندا قايتادان جۇمىسقا ورنالاسۋعا بەلسەندىلىكپەن جەتەكتەدى؛ بازار نەگىزگى تۇلعالارىنىڭ، اسىرەسە، شاعىن، ۇساق كاسىپورىنداردىڭ سالىعىن ازايتىپ، اقىسىن تومەندەتىپ، اۋىرتپالىعىن جەڭىلدەتىپ، بازاردىڭ ومىرشەڭدىك كۇشىن كۇشەيتىپ، ءتىپتى دە كوپ جۇمىسقا ورنالاسۋ ورايىن جاراتتى.

　　جۇمىسقا ورنالاستىرۋ ەڭ ءىرى حالىق تۇرمىسى ينجەنەرياسى، حالىق تىلەگى ينجەنەرياسى. ورتالىقتىڭ قامقورلىعى، جەرگىلىكتى ورىننىڭ ارەكەتى بولعاندا، ءتىپتى دە كوپ سۇڭ لۇڭجياڭدار جاڭا قىزمەت ورنىندا ەڭبەكتەرىمەن تاماشا تۇرمىستى جاراتاتىن بولادى.

　　”ءۇشىنشى اڭگىمە“

　　سەنىمدىلىك، ونىڭ جۇزىنەن مەن مۇندالايدى

　　”باس شۋجي شي جينپيڭ ۇيىمىزگە كەلگەن كەزدە، ءۇيدىڭ جارتىسىن توپىراق ساكى يەلەپ، قالعان جارتىسىنا ىدىس - اياق سورەسى مەن ۇستەل قويىلعاندىقتان، ارى - بەرى اينالۋدىڭ ءوزى قيىن ەدى“.

　　جازدى كۇنگى ءتۇس اۋعان شاق، حىبەي ولكەسى فۋپيڭ اۋدانى لوتوۋان قىستاعىندا قىستاق تۇرعىنى تاڭ زۇڭشيۋ وتكەن كۇندەردى ەسىنە الىپ، تىلشىگە نۇسقاپ كورسەتىپ جاتتى.

　　2012 - جىلى 12 - ايدىڭ سوڭىندا باس شۋجي شي جينپيڭ فۋپيڭ اۋدانىنا بارىپ، قيىنشىلىعى بار بۇقارادان حال سۇرادى. 12 - ايدىڭ 30 - كۇنى تاڭەرتەڭ ول اپپاق قاردى ومبىلاپ تاڭ زۇڭشيۋدىڭ ۇيىنە كەلدى. ”باس شۋجي مەنەن نەشە مۋ جەرگە ەگىن سالدىڭ، استىقتارىڭ جەۋگە جەتە مە، كومىرلەرىڭ جىلىنۋعا جەتەمە... دەپ سۇرادى“.

　　”ول ءبىر ايازدى كۇن بولعانمەن، مەنىڭ كوڭىلىم جىلىپ سالا بەردى“، تاڭ زۇڭشيۋ سول كەزدەگى كوڭىل كۇيىن ەسىنە الدى.

　　تاڭ زۇڭشيۋ سول كەزدە ەسىكتەرىنىڭ الدىنداعى شاعىن جولعا شاعىل توسەلگەندىكتەن، ويلى - شۇڭقىردان ارەڭ جۇرەتىندەرىن ايتتى. ”قازىر بارلىق جەردە اسفالت جول، قىستاقتاعىلار شاعىل توسەلگەن جولدان بىرنەشەۋىن ساياحاتشىلاردىڭ ءجۇرىپ كورۋىنە قالدىرماعاندارىنا وكىنەدى“، - دەدى ول قالجىڭداي.

　　بۇل كۇندەرى تاڭ زۇڭشيۋدىڭ كونە ءۇيىنىڭ ورنىنا كوك كەرپىشتەن قالانعان بىرنەشە بولمەلى ءۇي سالىنعان، گۇلدى كەزدەمەدەن تىگىلگەن ەسىك پەردەسى اۋلاعا كورىك قوسىپ تۇر.

　　جىلۋ ساقتايتىن اليۋمين تەرەزە، ەدەننەن جىلىتاتىن پار، پەش جاعاتىن ۇيگە ىدىس - اياق سورەسى مەن ىس تارتقىش ورناتىلعان، دارەتحاناعا سۋمەن شاياتىن دارەت شەلەگى مەن سۋ ىسىتقىش ورناتىلعان... ءتىلشىنى ەرتىپ جاڭا ءۇيىن ارالاتىپ جۇرگەن تاڭ زۇڭشيۋ قاناعاتتانعانىن جاسىرا الماي: ”ءبىز ديقاندار دا قالاداعىلارداي تۇرمىس كەشىرە الاتىن بولدىق“، - دەدى.

　　ءۇيى كەڭەيىپ، تاڭ زۇڭشيۋ دا ەڭ ۇلكەن ۋايىمنان ارىلعانداي بولدى − بۇرىنعى كوكتەم مەرەكەسى كەزدەرىندە ءۇيى تار بولعاندىقتان، 4 بالاسى مەرەكەنى تويلاۋ ءۇشىن بالا - شاعاسىمەن كەلە الماي، ونشالىق دۋماندى بولمايتىن ەدى. تاڭ زۇڭشيۋ: قازىر باسقاشا، بيىلعى مەرەكە كەزىندە بىرنەشە بالام بالا - شاعاسىمەن ءبىر - اق كەلىپ قايتتى، ءبىر ءۇيلى جان دىر - دۋمانعا بولەندىك، - دەدى.

　　”لوتوۋان قىستاعىنداعى وزگەرىستى پارتيا ورتالىق كوميتەتىنىڭ قامقورلىعىنان بولە قاراۋعا بولمايدى، ولكە، قالا، اۋدان مەن قوعامداعى ءار سالانىڭ ايرىقشا قولداۋىنان بولە قاراۋعا بولمايدى“. وزگەرىس تۋرالى ءسوز بولعاندا، حىبەي ولكەسى ەنەرگيا مەكەمەسىنىڭ لوتوۋان قىستاعىندا تۇراتىن كادرى حۋاڭ ۋىنجۇڭنىڭ اسەرى ەرەكشە. ول تانىستىرا كەلىپ، قىستاقتا قازىر قىستاق كوللەكتيۆ كاسىپورنى بار ەكەنىن، قىستاق تۇرعىندارىنىڭ ءبارى پايداسىن بولىسەتىندىگىن ايتتى.

　　2017 - جىلى تاڭ زۇڭشيۋ وتباسى ەڭ تومەنگى تۇرمىسى قامتاماسىزداندىرىلاتىن وتباسىلارى تىزىمىنەن شەگىندى. ول بيىل اياعىنىڭ كونە اۋرۋى تاۋىرلەنىپ قالعاندىعىن، الدا جۇبايىمەن بىرگە قىستاقتىڭ كوللەكتيۆ كاسىپورنىنا بارىپ جۇمىس ىستەپ، ايىنا بىرنەشە مىڭ يۋان كىرىس كىرگىزەتىندىگىن ايتىپ، ەسەپ سوعىپ وتىر.

　　ەڭ ۇلكەن تىلەگى تۋرالى ءسوز بولعاندا، تاڭ زۇڭشيۋ كۇلىمسىرەپ: ”تۇرمىسىمىز جاقساردى، ەندى باس شۋجي تاعى ءبىر كەلىپ كورىپ كەتسە ەكەن دەپ وتىرمىز“، - دەيدى.

　　”ءتىلشى ەستەلىگى“

　　تاۋ قويناۋى، ەڭ تومەنگى تۇرمىسى قامتاماسىزداندىرىلاتىن وتباسىلار، قارتتار، وسى سوزدەر بىرىكسە، قانداي كورىنىس پايدا بولماق؟

　　ءتىلشى وسى ءۇش سوزبەن دە بايلانىستى تاڭ زۇڭشيۋدى كورگەندە، ونىڭ جۇزىنەن وزىنە دەگەن سەنىمدىلىك مەن مۇندالاپ تۇردى. زاتتىق جاقتاعى كومەك تاڭ زۇڭشيۋدى تۇرمىستاعى قىسىلتاياڭ كۇيدەن ارىلتسا، شارۋالاردىڭ ۇيلەرىنىڭ قابىرعاسىنداعى ”تەك سەنىم بولسا بولعانى، سارى توپىراق التىنعا اينالادى“ دەگەن سياقتى ۇراندار قىستاق تۇرعىندارىنىڭ رۋحاني جاقتاعى وزگەرىسىن ايگىلەپ تۇر.

　　ءتۇرلى شارالارمەن ۋايىم - قايعىدان ارىلتىپ، قيىنشىلىعىن شەشىپ، بۇقارانىڭ حال - جاعدايىن كوڭىل تۇكپىرىندە ساقتادى. شي جينپيڭ جولداستى ۇيتقى ەتكەن پارتيا ورتالىق كوميتەتى باستان - اياق قيىنشىلىعى بار بۇقارانىڭ ءوندىرىسى مەن تۇرمىسىنا قامقورلىق جاساپ كەلەدى: 2013 - جىلدان 2018 - جىلعا دەيىن، ورتالىق قازىنا قالا مەن اۋىلداعى ەڭ تومەنگى تۇرمىستى قامتاماسىزداندىرۋ، ەمدەۋ مەن قۇتقارۋ، ەرەكشە قيىنشىلىعى بارلاردى باعىپ - قاعۋ، ۋاقىتتىق كومەك كورسەتۋ سياقتىلارعا جيىنى 840 ميلليارد يۋاننان استام قارجى ءبولدى، قالا مەن اۋىلداردىڭ ەڭ تومەنگى تۇرمىستى قامتاماسىزداندىرۋ ولشەمى جىلىنا ورتا ەسەپپەن ％9.2، ％14.7 ارتتى؛ ورتالىق كوميتەت كەڭسەسى، مەملەكەتتىك كەڭەس كەڭسەسى «اۋىل - قىستاقتى جونگە سالۋدى كۇشەيتۋ جانە جاقسارتۋ جونىندەگى جەتەكشى پىكىر»دى باسىپ تاراتىپ، كەدەي حالىق، ەڭ تومەنگى تۇرمىسى قامتاماسىزداندىرىلاتىن وتباسى سياقتى ادامدار شوعىرىنا قامقورلىق جاساۋدى، قىزمەت وتەۋدى كۇشەيتتى...

　　پارتيا مەن ۇكىمەتتىڭ قامقورلىعىندا، قوعامداعى ءار سالانىڭ كومەكتەسۋى مەن قولداۋىندا، قيىنشىلىعى بار بۇقارا جاپپاي دوڭگەلەك داۋلەتتى قوعام ورناتۋ نىساناسىنا قاراي قۇلشىنا ۇمتىلۋدا.

　　(تىلشىلەر ۋاڭ چي، جاۋ حۇڭيۇي، شى چيڭۋي، يۇي يەتۇڭ، ۋ حۇييىڭ، ياۋ بيڭ)

　　(شينحۋا اگەنتتىگىنىڭ 8 - ايدىڭ 12 - كۇنى بەيجيڭنەن بەرگەن حابارى)