سانجى وبلىسى ەكونوميكالىق دامۋدىڭ جاڭا قوزعالتقىشىن تۇلعالادى
سانجى وبلىسى ەكونوميكالىق دامۋدىڭ جاڭا قوزعالتقىشىن تۇلعالادى
شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە — جاڭا ءداۋىر، جاڭا تەبىن،جاڭا تابىس
2019.08.16 10:35 كەلۋ قاينارى : شينجياڭ گازەتى
ءتىلشىمىز گاي يوۋجۇن، سانجى تىلشىلەر پۋنكتىندەگى ءتىلشىمىز ليۋ چيان 8 - ايدىڭ 14 - كۇنى سانجىدان حابارلايدى. 8 - ايدىڭ 13 - كۇنى تۇستەن كەيىن 2019 جۇڭگو دەنساۋلىقتى كۇتۋ كاسىبىن (شينجياڭ) دامىتۋ جينالىسىنىڭ نىسانداردى تانىستىرۋ ءماجىلىسى بەيجيڭدەگى شينجياڭ عيماراتىندا وتكىزىلدى. تانىستىرۋ ماجىلىسىندە سانجى حۇيزۋ اۆتونوميالى وبلىسى تىنىعىپ ەمدەلۋ، سالاماتتىق كۇتىنۋ، ساياحاتتىق دەمالۋ، ەمدەۋدەن قىزمەت وتەۋ، جاسىل اۋىل شارۋاشىلىعى، مادەنيەت جاسامپازدىعى، عىلىم - تەحنيكا ينفورماتسياسى سياقتى 7 ۇلكەن ءتۇر بويىنشا 160 ساۋداگەر شاقىرۋ نىسانىن شوعىرلى جاريالاپ، جالپى 101 ميلليارد 948 ميلليون يۋان قارجى قوسۋدى جوسپارلادى. مۇندا شونجى اۋدانى ەكولوگيالىق ەمدەۋ، قارتتاردى كۇتۋ، دەنساۋلىقتى قالپىنا كەلتىرۋ، كۇتىنۋ باقشاسى نىسانى، ماناس ۋانحى قىزىل اراق قورجاسىن اشۋ نىسانى، جەمسارى اۋدانى چۋانزى كوشەسى ساياحات كورىنىس ءوڭىرىن اشۋ قۇرىلىسى نىسانى، فۋكاڭ قالاسى تيانشان تەڭىز - مۇحيت سۋ الەمى نىسانى سياقتى كوپتەگەن قارجى قوسۋ نىساندارى ناق مايداندا سەلبەستىك كەلىسىمىنە جانە نيەتناماسىنا قول قويدى، قوسىلعان قارجىنىڭ جالپى سوماسى 2 ميلليارد 120 ميلليون يۋانعا جەتتى.
2016 - جىلى 6 - ايدا اۆتونوميالى رايون سانجى قالاسىن، نىلقى اۋدانىن، ءۇرىمجى اۋدانىن، شونجى اۋدانىن، تەكەس اۋدانىن شينجياڭنىڭ العاشقى توپتاعى دەنساۋلىق كۇتۋ ساياحاتىن الدىمەن اتقارۋ، الدىمەن سىناق ەتۋ ءوڭىرى ەتىپ تۇراقتاندىردى. سانجى وبلىسى ورايدى مىقتى يگەرىپ، دەنساۋلىق كۇتۋ كاسىبىن بارىنشا دامىتىپ، ”سانجى دەنساۋلىق كۇتۋدەگى تاماشا جەر تانىمال ماركاسىن جاراتۋ“ ستراتەگياسىن ايقىن العا قويىپ، «سانجى حۇيزۋ اۆتونوميالى وبلىسىنىڭ دەنساۋلىق كۇتۋ كاسىبىنىڭ دامۋىن جەبەۋ جونىندەگى اتقارۋ پىكىرى»ن جانە قاتىستى ساياساتتاردى شىعاردى. 3 جىلدان بەرى، سانجى وبلىسى كۇتىنۋدى، تىنىعۋدى، قارتتاردى كۇتۋدى وزەك ەتىپ، دەنساۋلىق كۇتۋدىڭ ەمدەۋ، ساياحات، مادەنيەت، اۋىل شارۋاشىلىعى، قورا - جاي سياقتى كاسىپتەرمەن تەرەڭدەي توعىسا دامۋىن ىشكەرىلەي ىلگەرىلەتىپ، كاسىپتى دامىتۋ ۇلگىسىن كۇن سايىن كەمەلدەندىردى.
”بۇگىن بەلىم ءسال اۋىرىپ تۇر، تۇستە ماعان تاماق جاساپ بەرەتىن ادام شاقىرۋدى ويلاپ وتىرمىن“. 8 - ايدىڭ 9 - كۇنى ماناس اۋدانى يۋانلين الەۋمەتتىك اۋماعىنىڭ تۇرعىنى چىن ليانشيۋ ”قارتتارعا قىزمەت وتەۋگە توتە جالعاناتىن قولفونى“ ارقىلى ”دەنساۋلىق كۇتۋ بۇلتى“ قىزمەت وتەۋ تەكشەسىنە تەلەفون شالدى. 10 مينۋتتان كەيىن، چىن ليانشيۋدىڭ ءۇيىنىڭ قوڭىراۋى شالىندى، باسىنا قىزىل شاپكى، ۇستىنە قىزىل مايكى كيگەن ما جيەليڭ قاريانىڭ ۇيىنە جەتىپ كەلدى.
2017 - جىلى 7 - ايدا ماناس اۋدانى 16 ميلليون يۋاننان استام قارجى قوسىپ، ”ينتەرنەت + قارتتاردى كۇتۋ“ زەردەلى قىزمەت وتەۋ نىسانىن اتقارىپ، كاسىپتىك قۇرىلىمداردى ەنگىزىپ، قورشامالى تامى جوق قارتتار ءۇيىن سالىپ، بۇكىل اۋدانداعى 27 مىڭ قارتقا ساپالى ەمدەۋ، قارتتاردى كۇتۋ قامتاماسىزدىعىن ازىرلەدى.
دەنساۋلىق كۇتۋ كاسىبىنىڭ ءبىر ۇشى حالىق تۇرمىسىنا، ەندى ءبىر ۇشى ەكونوميكالىق دامۋعا جالعاسادى. مەملەكەتتىڭ، اۆتونوميالى رايوننىڭ جانە سانجى وبلىسىنىڭ دەنساۋلىق كۇتۋ ساياساتىنىڭ ىركەس - تىركەس جاريالانۋىنا ىلەسە، سانجى وبلىسىنىڭ دەنساۋلىق كۇتۋ كاسىبىنە قارجى قوسقان نەگىزگى تۇلعالار ۇكىمەتتىڭ تومەنگى شەكتەن تۇسىرمەي قامتاماسىز ەتۋىنەن قوعامدىق كاپيتالدىڭ كوپ نەگىزدى ات سالىسۋىنا قاراي بىرتىندەپ ويىستى. فۋكاڭ قالاسى ۋجياڭ . تيانشان ۋىنچۋان حالىقارالىق دەمالىس ءوڭىرى، شينجياڭ ەكولوگيالىق دەنساۋلىق كۇتۋدەن ۇلگى كورسەتۋ قالاسى سياقتى ءبىر توپ بولاشاعى نۇرلى، كومەسكى كۇشى زور دەنساۋلىق كۇتۋ نىساندارى ىلگەرىندى - كەيىندى تياناقتاندى.
سانجى وبلىستىق حالىق ىستەرى مەكەمەسىنىڭ باستىعى لي كۇنميڭ بىلاي دەپ تانىستىردى: جۇڭگو دەنساۋلىق كۇتۋ كاسىبىن دامىتۋ (شينجياڭ) تالقى مىنبەرى 9 - ايدىڭ 1 - كۇنى سانجى قالاسىندا وتكىزىلەدى، سانجى وبلىسى وسى ورايدا، وڭىرلىك جانە بايلىق باسىمدىعىن تولىق ساۋلەلەندىرىپ، ”ەمدەلۋ ارقىلى دەنساۋلىق كۇتۋ“، ”ساياحات ارقىلى دەنساۋلىق كۇتۋ“ ەكى ۇلكەن قوزعالتقىشتى ارقاۋ ەتىپ، ەمدەلۋ ارقىلى دەنساۋلىق كۇتۋ، اۋىل شارۋاشىلىعى ارقىلى دەنساۋلىق كۇتۋ، ساياحات ارقىلى دەنساۋلىق كۇتۋ، شىنىعۋ ارقىلى دەنساۋلىق كۇتۋ، دەنساۋلىق كۇتۋ قورا - جايى سىندى 5 ۇلكەن كاسىپتى دامىتۋدى ءتۇيىن ەتىپ، دەنساۋلىق كۇتۋ كاسىبىن شينجياڭدى تياناق ەتەتىن، بۇكىل ەلدى شارپىعان دەنساۋلىق كۇتۋ كاسىبىنەن ۇلگى كورسەتۋ بازاسى ەتىپ قۇرىپ شىعۋعا قۇلشىنىپ، سانجى وبلىسىنىڭ ەكونوميكالىق دامۋى ءۇشىن جاڭا قوزعالتقىش تۇلعالادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
