اراعا 64 جىل سالىپ، قارت قاھارمان جاڭ فۋچيڭ ”پارتياعا كىرۋگە تانىستىرۋشى“نى اقىرى تاپتى −
اۋەلگى ماقساتتى ۇمىتپاي، ماڭگى پارتياعا ىلەستى
” رەداكتوردان “
2019.08.16 10:36 كەلۋ قاينارى : شينجياڭ گازەتى
بيىل 95 جاستاعى ساقا پارتيا مۇشەسى جاڭ فۋچيڭ بۇرىنعى باتىس سولتۇستىك دالالىق سوعىس ارمياسى 359 - لۇي 718 - تۋان 2 - يىڭ 6 - ليانىنىڭ جاۋىنگەرى، ازاتتىق سوعىستىڭ وق جاڭبىرشا بوراعان كەزدەرىندە ءولىم اۋزىنان قالىپ، ىلگەرىندى - كەيىندى داڭقپەن 3 رەت 1 - دارەجەلى ەڭبەك، ءبىر رەت 2 - دارەجەلى ەڭبەك كورسەتىپ، باتىس سولتۇستىك دالالىق سوعىس ارمياسى جاعىنان ”ەرەكشە دارەجەلى ەڭبەك“ جازىلعان، 2 رەت ”سوعىس قاھارمانى“ داڭق اتاعىنا يە بولعان. جاڭ فۋچيڭ 60 نەشە جىل بويى اتاق - مارتەبەسىن جاسىرىپ، ءومىر بويى اۋەلگى ماقساتىنان اينىماي، قاسيەتىن وزگەرتپەدى، ءىس - ىزدەرى اسەرلى. اسكەري قوسىندا ول اتا مەكەنىن، وتانىن قورعادى؛ جەرگىلىكتى ورىنعا بارعاندا، حالىققا باقىت جەتكىزدى، ول ءوزىنىڭ قاراپايىم، كىرشىكسىزدىگىمەن اتاق - ابىرويعا بوي ۇرماي تارتىمدى ءومىر جولىن جازدى، قوسىنداعى قالىڭ كوماندير - جاۋىنگەرلەر مەن قوسىننان قايتقان اسكەريلەردىڭ ۇيرەنۋ ۇلگىسى. بۇگىن گازەتىمىز ەرەكشە حابار ارقىلى قارت قاھارماننىڭ شۇعىلالى جىلدارىن قايتالاي ەسكە الىپ، رايونىمىزداعى قالىڭ پارتيالى كادرلاردى جاڭ فۋچيڭ جولداستان ۇيرەنىپ، قاھارماننىڭ ءىس - ىزدەرىنەن اۋەلگى ماقساتتى، بورىشتى ۇعىنىپ، العا ىلگەرىلەيتىن كۇش - قۋات الۋعا ىنتالاندىرادى.□ گازەتىمىزدىڭ اقسۋ تىلشىلەر پۋنكتىنەن جاڭ لۋ
6 - ايدىڭ 15 - كۇنى حۋبەي ولكەسى ىنشى تۋجيازۋ، مياۋزۋ اۆتونوميالى وبلىسى لايفىڭ اۋدانى ورتالىق شيپاحاناسىنىڭ بالنيتساسىندا شينجياڭ اسكەري رايونى بەلگىلى قىزىل ارميا تۋانىنىڭ ساياسي كوميسسارى ۋاڭ يىڭتاۋ ءبىر پارشا سارعايعان رەڭسىز سۋرەتتى ”ءداۋىر ۇلگىسى“ جاڭ فۋچيڭنىڭ قولىنا سالتاناتپەن تابىستادى.
سۋرەتتە قايراتى تاسقىنداعان ءبىر جاس كوماندير تۇر، جاڭ فۋچيڭ سۋرەتتى الىپ ءۇنسىز قادالا قاراپ وتىردى، ىلە - شالا جانارى دىمقىلدانىپ سالا بەردى. ول دىرىلدەگەن ۇنمەن: ”مەن جەتەكشى شياۋ يوۋىنمەن قايتا ءبىر جۇزدەسۋدى ويلاپ كەلگەن ەدىم، ول مەنى پارتياعا كىرۋگە تانىستىرعان ادام، مەن ونىڭ ءتالىم -تاربيەسىن ءومىر بويى ۇمىتقان ەمەسپىن: ماڭگى پارتياعا ىلەسەمىن“، - دەدى.■” پارتياعا كىرۋگە تانىستىرعان ادامدى ءبىر كورسەم جاقسى ەدى“
بيىل 5 - ايدىڭ سوڭىندا، ۋاڭ يىڭتاۋ لايفىڭ اۋدانىنا 2 - رەت جاڭ فۋچيڭدى كورە كەلدى، سونداي - اق قارت قاھارمانعا مالىمەت بەردى: جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ ءۇشىن، بۇل تۋان ”359 - لۇيدەگى ساقا اسكەرلەردى ىزدەۋ“ قيمىلىن ورىستەتۋدى ۇيىمداستىرىپ، بۇكىل ەلدىڭ جەر - جەرىنەن ءتىپتى دە كوپ 359 - لۇيدىڭ ساقا اسكەرلەرىن ىزدەستىرىپ، ولاردىڭ حيكايالارىن تۋان تاريحىنا جازىپ، توڭكەرىستىك اعا بۋىنداردىڭ رۋحىنان اناعۇرلىم جاقسى ۇيرەنۋدى، وعان مۇراگەرلىك ەتۋدى ءۇمىت ەتتى.
”وتكەن كۇندەر تىم الىستا قالدى، كونە اسكەري قوسىنداعىلاردىڭ كوبى ەستە قالمادى، ءبىراق مەن باستان - اياق ءوزىمدى پارتياعا كىرۋگە تانىستىرعان ليان - دۇيدىڭ جەتەكشىسى شياۋ يوۋىندى ەسىمنەن شىعارعان ەمەسپىن، بويىمدا جانىم باردا ونى ءبىر كورسەم جاقسى ەدى“، - دەدى جاڭ فۋچيڭ ۋاڭ يىڭتاۋعا.
سوعىس جىلدارىندا، جاڭ فۋچيڭ ەر ازامات كەزىندە كەرتارتپاشىلار جاعىنان ۇستالدى ءارى قاماققا ءتۇسىپ قارا جۇمىسشى بولىپ، كەرتارتپاشىلاردىڭ سان الۋان زورلىقتى ارەكەتتەرىن كوزىمەن كوردى.
1948 - جىلى 3 - ايدا ۋازىجيە شايقاسىندا جاڭ فۋچيڭ ”ازاتتىققا شىعادى“، ءبىراق ول ۇيىنە قايتقان جوق، قايتا ىرىقتىلىقپەن جۇڭگو حالىق ازاتتىق ارمياسىنا قاتىناسۋدى تالاپ ەتىپ، باتىس سولتۇستىك دالالىق سوعىس ارمياسى 359 - لۇي 718 - تۋان 2 - يىڭ 6 - ليانىنىڭ جاۋىنگەرى بولادى. ”مەن ازاتتىق ارميانى ەرتەدەن بىلەمىن، ولار بۇقارانىڭ ينە - ساباق ءجىبىن دە المايدى، ەگەر بۇقارانىڭ دۇنيەسىن ىستەتە قالسا، ءسوز جوق، ۋاعىندا قايتارىپ بەرەدى، ولار بار ىنتا - پەيىلدەرىمەن حالىق ءۇشىن قىزمەت ىستەيدى، بۇقارا اراسىندا ەرەكشە جوعارى بەدەلگە يە. مەنىڭ جۇڭگو حالىق ازاتتىق ارمياسىنا قاتىناسۋىم دا بۇقارانىڭ جاقسى تۇرمىسقا كەنەلۋى ءۇشىن“، - دەدى جاڭ فۋچيڭ.
ليان - دۇيدە جەتەكشى شياۋ يوۋىن جاڭ فۋچيڭنىڭ بىلمەگەنىن ۇنەمى ءتۇسىندىرىپ بەرەدى، تۇرمىستا وعان توتەنشە قامقورلىق جاسايدى. ”ليان - دۇي ءار رەت مىندەت وتەگەن كەزدە جەتەكشى سياقتى كوممۋنيستەر ۇنەمى اتويلاپ الدا جۇرەدى، ولاردىڭ اسەرىندە، مەن دە جۇرەكتىلىكپەن ەكپىندىلەر اترەتىنە تىزىمدەلىپ قاتىناستىم“، - دەدى جاڭ فۋچيڭ.
قوسىنعا قاتىناسقان 4 اي ۋاقىتتا، جاڭ فۋچيڭ زەڭبىرەك وقتارىنىڭ تالاي سىناعىنان ءوتتى، ول جان قيارلىقپەن شايقاس جۇرگىزدى، ءار رەت شايقاسقا قاتىناسقان سايىن دەرلىكتەي ىرىقتىلىقپەن ەكپىندىلەر اترەتىنە مۇشە بولۋدى تالاپ ەتەتىن، وسى ءۇشىن دە وعان كوپتەگەن سوعىس ەڭبەگى جازىلدى. سونىمەن بىرگە جاڭ فۋچيڭ پارتيا ۇيىمىنا بەلسەندىلىكپەن جاقىنداپ، كەيىن شياۋ يوۋىننىڭ تانىستىرۋىمەن جۇڭگو كوممۋنيستىك پارتياسىنا مۇشە بولدى.
”64 جىل ءوتىپ كەتتى، شياۋ جەتەكشى ءالى ەسىمدە، ول مەنىڭ توڭكەرىستىك ومىرىمدەگى جول باستاۋشىم. مەنىڭ ونىمەن كەزدەسكىم كەلەدى، ەگەر ول ومىردەن وتسە، سۋرەتى بولسا دا كورسەم دەيمىن“، - دەدى جاڭ فۋچيڭ.■ ”ونىڭ سۋرەتتى كورگەندە سول ءبىر الاۋلى جىلداردى ەسكە الۋىن ءۇمىت ەتەمىن“
جاڭ فۋچيڭدى پارتياعا كىرۋگە تانىستىرۋشى شياۋ يوۋىندى ەسىنە الىپ ساعىنىپ جۇرگەنىن ەستىگەن ۋاڭ يىڭتاۋ كوڭىلىنە شياۋ يوۋىندى نەمەسە ونىڭ ۇيىندەگىلەردى ىزدەپ تاۋىپ، جاڭ فۋچيڭنىڭ ارمانىن جۇزەگە اسىرۋ ويىنا كەلدى.
ۋاڭ يىڭتاۋ ەڭ الدىمەن اسكەري قوسىنعا حابارلاسىپ، كوماندير - جاۋىنگەرلەرگە تۋان تاريحىنان شياۋ يوۋىننىڭ دەرەگىن ىزدەتتى.
تۋان تاريحىندا بىلاي دەپ ەستەلىككە الىنعان: شياۋ يوۋىن بۇرىنعى 718 - تۋان 2 - يىڭ 6 - لياننىڭ جەتەكشىسى، 1955 - جىلى ءوز جەرىندە كاسىپ اۋىستىرىپ بيڭتۋان 1 - شىسىنا قىزمەتكە ورنالاسقان، سودان كەيىن شياۋ يوۋىن تۋرالى ەشقانداي جازبا جوق. ۋاڭ يىڭتاۋ ءۇنحات دوستار شەڭبەرىندە شياۋ يوۋىندى ىزدەۋ قۇلاق قاعىسىن جاريالايدى. 359 - لۇي رۋحىن زەرتتەۋ ورنىنىڭ باستىعى رىن شيننۇڭ قۇلاق قاعىستى كورگەننەن كەيىن، ۋاڭ يىڭتاۋعا شياۋ يوۋىننىڭ كەزىندە تارىم داشۋەسىندە قىزمەت ىستەگەندىگىن ايتتى.
كوماندير - جاۋىنگەرلەر دەرەۋ تارىم داشۋەسىنىڭ ارحيۆحاناسىنا بارىپ ىزدەيدى. قىمباتتى ماتەريالداردىڭ تابىلۋىمەن، شياۋ يوۋىننىڭ دەرەگى دە بىرتىندەپ ايقىندالادى، ءبىراق قازىر قايدا ەكەنى بەلگىسىز بولىپ شىعادى.
كوماندير - جاۋىنگەرلەر نە ىستەرلەرىن بىلمەي تۇرعان شاقتا، ءبىر جاۋىنگەر ۋاڭ يىڭتاۋعا تەلەفون بەرىپ، شياۋ يوۋىننىڭ ءوزىنىڭ تۋىسى ەكەنىن، بىرنەشە جىلدىڭ الدىندا دۇنيەدەن وتكەنىن، ونىڭ قىزى شياۋ جين اقسۋ قالاسىندا تۇراتىندىعىن ايتادى. ۋاڭ يىڭتاۋ تىزگىن ۇشىمەن شياۋ جيننىڭ ۇيىنە امانداسا بارادى.
شياۋ جيننىڭ ۇيىندە ءبىر سۋرەت البومى ساقتالىپتى، سۋرەت البومىندا اكەسى مەن شەشەسىنىڭ جاس شاقتارىندا اسكەري كيىممەن تۇسكەن سۋرەتى بار ەدى، سۋرەت سارعايىڭقىراپ قالسادا، قاراماققا ءالى دە انىق ەدى.
اڭگىمەلەسۋ بارىسىندا، ۋاڭ يىڭتاۋ جاڭ فۋچيڭنىڭ” پارتياعا كىرۋگە تانىستىرعان ادامىمەن جولىعىپ، پارتيا ۇيىمىنىڭ باۋلىعاندىعىنا راقىمەت ايتسام“ دەگەن ارمانىن جەتكىزدى.
”سونشاما جىلدار ءوتتى، جاڭ فۋچيڭ مەنىڭ اكەمنىڭ ءوزىن پارتياعا كىرۋگە تانىستىرۋشى ەكەنىن ءالى كۇنگە ەسىندە ساقتاپتى، ولاردىڭ ءبارى ءبىر ءومىر بەرىك سەنىممەن پارتياعا ىلەسكەن تاڭداۋلى كوممۋنيستىك پارتيا مۇشەلەرى. ”ونىڭ سۋرەتتى كورگەندە سول ءبىر الاۋلى جىلداردى ەسكە الۋىن ءۇمىت ەتەمىن“، - دەدى شياۋ جين.
كوماندير - جاۋىنگەرلەر لايفىڭ اۋدانىنا جۇرەردەن ءبىر كۇن ىلگەرى، شياۋ جين قۇنتتاپ ءبىر قاعاز قالتا دايىنداپ، اكەسى شياۋ يوۋىننىڭ سۋرەتىن سالىپ، سىرتىنا: ”جاڭ فۋچيڭ اعاي، مەن اكەمنىڭ سۋرەتىن سىزگە ۇسىندىم، ءسىزدىڭ سالامات بولىپ، ۇزاق جاساۋىڭىزدى، وتباسىڭىزدىڭ امان - ەسەن بولۋىن تىلەيمىن!“ دەپ جازدى.■”ماڭگى بۇلجىماستان پارتياعا ىلەسەمىن“
6 - ايدىڭ 15 - كۇنى ۋاڭ يىڭتاۋ شياۋ يوۋىننىڭ سۋرەتىن جاڭ فۋچيڭنىڭ قولىنا سالتاناتپەن تابىس ەتتى.
جاڭ فۋچيڭ اسكەري قوسىننان كاسىپ اۋىستىرىپ، حۋبەي ولكەسى لايفىڭ اۋدانىندا قىزمەت ىستەيدى، سونان بەرى شياۋ يوۋىنعا قايتادان جولىققان ەمەس. ول ساقا جاۋىنگەر سەرىگىنىڭ سۋرەتىن قولىنا العاندا، سۋرەتتەگى جاپ - جاس شياۋ يوۋىندى تاني الماي قالدى. ۇلى جاڭ جيانچۋان ونىڭ قۇلاعىنا:” بۇل شياۋ يوۋىن، ءسىزدىڭ جەتەكشىڭىز، ءسىزدى پارتيا كىرۋگە تانىستىرعان ادام، ول كىسى قايتىس بولىپتى“ دەدى.
جاڭ فۋچيڭ ءسال ەكى ويلى بولعان سوڭ كوزىنە جاس الدى.
” مەن ول كىسىنىڭ كونە اسكەري قوسىنداعى ادامداردىڭ پالەندەي ەسىندە قالماعانىن، ءبىراق پارتياعا كىرۋگە تانىستىرعان ادامدى ەسىندە بەرىك ساقتاعانىن بىلەمىن“، - دەدى جاڭ جيانچۋان.
ازاتتىق سوعىسى كەزىندە، جاڭ فۋچيڭ ىلگەرىندى - كەيىندى داڭقتى تۇردە باتىس سولتۇستىك دالالىق سوعىس ارمياسىندا ءبىر رەت ەرەكشە ەڭبەك، ءبىر رەت جۇن 1 - دارەجەلى ەڭبەك، ءبىر رەت شى 1 - دارەجەلى ەڭبەك، ءبىر رەت شى 2 - دارەجەلى ەڭبەك، ءبىر رەت تۋان 1 - دارەجەلى ەڭبەك كورسەتەدى ءارى جۇن سوعىس قاھارمانى اتاعى جانە شى سوعىس قاھارمانى اتاعى بەرىلەدى، 1950 - جىلى باتىس سولتۇستىك اسكەري - ساياسي كوميتەتى تاراتقان حالىق ارداگەرى مەدالىنا يە بولادى.
1954 - جىلى 12 - ايدا جاڭ فۋچيڭ مادەنيەتكە تەز جەتىلۋ مەكتەبىن بىتىرگەننەن كەيىن، ۇلكەن قالادا قالۋ نەمەسە سانشيدەگى اتا مەكەنىنە قايتۋ سىندى كوپ تالعامى بار بولا تۇرسادا، ءبىراق ۇيىم ونىمەن اڭگىمەلەسكەندە ول پارتيانىڭ ۇندەۋىنە ءۇن قوسىپ، حۋبەيدىڭ باتىس تاۋلى رايونىنداعى ەڭ شالعاي، ەڭ كەدەي لايفىڭ اۋدانىنا بارۋ بەكىمىنە كەلەدى. ول وسىدان باستاپ، ءبىر عۇمىر وسى جەردە جۇمىس ىستەيدى، اتا مەكەنىنە دە قايتا قايتپايدى، ساقا جاۋىنگەر سەرىكتەرىنە ەسەندەسۋ ورايى دا بولمايدى.
”مەن كوممۋنيستپىن، پارتيا ماعان نە ىستەۋدى بۇيىرسا مەن سونى ىستەۋىم كەرەك، سوعىس مايدانىندا ولىمىنەن دە قورىقپاعان ەكەنمىن، ازىراق جاپا - ماشاقات تارتسام نە بولىپتى!“ دەپ سول جىلدارداعى بەكىمىن تىلگە العاندا، جاڭ فۋچيڭنىڭ پوزيتسياسى كۇنى بۇگىنگە دەيىن اۋەلگىسىندەي بەكەم ەدى.
لايفىڭ اۋدانىندا قىزمەت ىستەگەن شاعىندا، جاڭ فۋچيڭ باستان - اياق اسكەري قالىپىن ساقتاپ، ىرىقتىلىقپەن شارت - جاعدايى ەڭ ماشاقاتتى، ەڭ كەدەي تاۋلى رايوندا قىزمەت ىستەۋدى تالاپ ەتەدى. جاڭ فۋچيڭ جىل بويى قىستاق تۇرعىندارىن باستاپ جول جاسايدى.
جاڭ فۋچيڭ: ”مەنىڭ كوڭىلىم قاناعات پەن العىسقا تولى، سوعىس جىلدارىندا، مەنىڭ جاۋىنگەر سەرىكتەرىم ءبىر - بىردەن قۇربان بولدى، ولارمەن سالىستىرعاندا مەن باقىتتىمىن. مەن سول جىلداعى پارتياعا كىرۋ سەرتىن ەسىمدە بەرىك ساقتاپ، ءبىر عۇمىر اۋەلگى ماقساتتى ۇمىتپاي، ماڭگىلىك بۇلجىماستان پارتياعا ىلەسەمىن“ دەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
