اۆتوكولىك سىناعى ەكونوميكاسى تۇرپانعا دامۋدىڭ تىڭ قوزعاۋشى كۇشىن ۇستەدى
2019.08.16 10:37 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالى تىلشىلەرىمىز جين چۋان، ۋاڭ شيڭرۇي، جاڭ رۇيلين، چين يۋەۋىن 8 - ايدىڭ 14 - كۇنى تۇرپاننان حابارلايدى. شىجىعان جاز كۇندەرىندە تۇرپان قالاسىنا كەلگەن ساياحاتشىلار مىناداي ءبىر ەرەكشە كورىنىستى بايقايدى − كوشەلەردە ابدەن تۇمشالانعان، ءنومىر تاقتاسىن دا ىلمەگەن اۆتوكولىكتەردى ۇنەمى كەزدەستىرۋگە بولادى. جاعدايدان حابارلى ادامدار تىلشىگە مۇنىڭ بارلىعى بۇكىل ەلدەگى ءارقايسى ءىرى اۆتوكولىك كاسىپورىندارىنىڭ سىناق جاساۋعا جىبەرگەن اۆتوكولىكتەرى ەكەنىن ايتتى. سونشا ”تۇمشالاۋ“داعى سەبەپ − بۇل اۆتوكولىكتەر ءالى بازارعا سالىنباعان، قۇپيالىقتى ساقتاۋ قىزمەتى ويداعىداي ىستەلمەسە، الدىن الا ”اشكەرەلەنىپ“ قالۋى مۇمكىن.
اۆتوكولىك زاۆودتان شىعۋدان بۇرىن بارلىعى جوعارى تەمپەراتۋرا، بيىك ءۇستىرت، ىزعارلى سۋىق سىندى ورتادا ”ءۇش جوعارى“ سىناعىنان وتەدى. ”ءۇش جوعارى“ ورتا شارت - جاعدايىندا ۇزدىك ناتيجە جاراتقان اۆتوكولىكتەر بازارعا سالىنىسىمەن - اق تۇتىنۋشىلاردىڭ قىزۋ قارسى الۋىنا بولەنەدى. تۇرپان قالاسىنىڭ ەجەلدەن ”وتتى الاپ“ دەگەن اتى بار، كۇن نۇرى جەتكىلىكتى تۇسەدى، ايرىقشا قۇرعاق، جاز كۇندەرى تەمپەراتۋرا ۇنەمى 40 گرادۋستان جوعارى بولادى، جەر بەتى تەمپەراتۋراسى 70 گرادۋسقا جەتەدى. مۇنداي ايرىقشا قۇرعاق ىستىق ورتا بولعاندىعى سەبەپتى، كوپتەگەن اۆتوكولىك ءوندىرۋشى كاسىپورىندار وسى ارانى ەل ىشىندە اۆتوكولىكتىڭ جوعارى تەمپەراتۋراعا، قۇرعاق ىستىققا توزىمدىلىك قۋاتىنا سىناق جۇرگىزەتىن ەڭ تاماشا ورىن دەپ سانايدى.
8 - ايدىڭ 5 - كۇنى جۇڭجياۋ حويانشان اۆتوكولىك تەكسەرۋ - ولشەۋ شەكتى سەرىكتەستىگىنىڭ گۋاڭچي اۆتوكولىك سىناق بازاسىندا 10 نەشە جاڭا ەنەرگيالى اۆتوكولىك 43 گرادۋستىق جوعارى تەمپەراتۋرادا زاريادتالۋدا. گۋاڭچي توبى اۆتوكولىك ينجەنەرياسىن زەرتتەۋ ورنىنىڭ ”ءۇش جوعارى“ سىناق ءبولىمىنىڭ باستىعى سۇن جيانجۇڭ تىلشىگە بىلاي دەدى: 2 كۇننىڭ الدىندا ءبىر ۇلكەن قاريدار وسىندا كەلدى، سىناق ناتيجەسىن كورگەننەن كەيىن، ەش ءارى - ءسارى بولماستان توقتامعا قول قويدى.
جۇڭجياۋ حويانشان اۆتوكولىك تەكسەرۋ - ولشەۋ شەكتى سەرىكتەستىگىنىڭ باس ديرەكتورى حى گاڭ تانىستىرىپ بىلاي دەدى: بۇرىن كوپتەگەن اۆتوكولىك كاسىپورىندارى تۇرپاندا اۆتوكولىككە سىناق جاساعان كەزدە، الەۋمەتتىك كوشەلەردە اۆتوكولىكتى جۇرگىزىپ سىناق جاسايتىن، ءبىراق مۇندا بەلگىلى حاۋىپسىزدىك كومەسكى قاتەرى ساقتالاتىن، سونىمەن قاتار، جول ولشەمدى جوعارى قارقىندى اينالما جول بولماعاندىقتان، سىناق ساپاسىنا كەپىلدىك ەتۋگە بولمايتىن. كەزەكتە ەل ىشىندەگى ءىشىنارا ناقتى قۋاتى مىعىم ءىرى كاسىپورىندار تۇرپاندا قارجى قوسىپ، ەل ىشىندەگى ەڭ وزىق اۆتوكولىك سىناق الاڭىن سالا باستادى. جۇڭجياۋ توبى جارنا ەنگىزىپ، قارجى قوسقان جۇڭجياۋ حويانشان اۆتوكولىك تەكسەرۋ - ولشەۋ شەكتى سەرىكتەستىگىنەن تىس، شاڭچي داجۇڭ شينجياڭ (تۇرپان) سىناق ورتالىعى دا 8 - ايدىڭ 1 - كۇنى سالىنىپ ءبىتىپ، پايدالانۋعا بەرىلدى.
شينجياڭ تۇرپان جاراتىلىستىق ورتادا سىناق جۇرگىزۋ، زەرتتەۋ ورتالىعى اۆتوكولىكتى ەرەكشە قۇرعاق ىستىق ورتادا سىناق ەتۋمەن شۇعىلداناتىن ورىننىڭ ەندى بىرەۋى، وسى ورتالىقتىڭ مەڭگەرۋشىسى گو چۇنيۇن تانىستىرىپ بىلاي دەدى: وسى بىرنەشە جىلدا تۇرپانعا كەلىپ اۆتوكولىك سىناعىن جاسايتىن اۆتوكولىك كاسىپورىندارى بارعان سايىن كوبەيدى، ەل ىشىندەگى نەگىزگى اۆتوكولىك كاسىپورىندارىنىڭ دەنى تۇرپانعا جيىلدى، تەك 2018 - جىلدىڭ وزىندە تۇرپانعا كەلىپ سىناق جاساعان اۆتوكولىك كاسىپورنى 119عا، سىناق جاساعان اۆتوكولىك 2142گە، اۆتوكولىك سىناعىن جاساۋشىلار 4779 ادام - رەتكە جەتتى. اۆتوكولىك سىناعىن جاسايتىنداردىڭ كوپ ساندىسى ءبىر كەلگەندە بىرنەشە اي تۇراتىندىقتان، تۇرپاننىڭ جاتىن ورىن، اس - سۋ، ساياحات سياقتى كاسىپتەرىنە تۇرتكى بولۋمەن بىرگە، ادامداردىڭ جۇمىسقا ورنالاسۋىنا دا تۇرتكى بولدى. گو چۇنيۇن اۆتوكولىك سىناعى ەكونوميكاسىنىڭ تۇرپاننىڭ تۇتىنۋىنا قوسقان ۇلەسى، كەم دەگەندە، 100 ميلليون يۋان شاماسىندا دەپ مەجەلەدى. ال حى گاڭنىڭ قاراۋىنشا، اۆتوكولىك سىناعى ەكونوميكاسىنىڭ ەڭ زور كومەسكى كۇشى ونىڭ جوعارى - تومەنگى بۋىنداعى سايكەستى كاسىپ سالالارىنىڭ دامۋىنا تۇرتكى بولۋى، بۇل تۇرپان ەكونوميكاسىنىڭ دامۋىن ىلگەرىلەتۋدەگى تىڭ قوزعاۋشى كۇشكە اينالادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
