شينجياڭنىڭ تاربيەلەۋ - باۋلۋ قىزمەتىن ورىستەتۋىن بۇلجىماي قولدايىق
□ حالىق گازەتىنىڭ شولۋشىسى
2019.08.20 14:27 كەلۋ قاينارى : شينجياڭ گازەتى
لاڭكەستىككە قارسى تۇرۋ، ۇشقارىلىقتى الاستاۋ − ادامدىق ۇقىقتى قامتاماسىز ەتۋدىڭ قاجەتتى شاراسى. سوڭعى جىلدارى، شينجياڭ زاڭ بويىنشا كاسىپتىك شەبەرلىككە تاربيەلەۋ - باۋلۋ ورتالىعىن قۇرۋ ارقىلى كاسىپتىك شەبەرلىككە تاربيەلەۋ - باۋلۋ قىزمەتىن ورىستەتىپ، لاڭكەستىكتىڭ، ءدىني ۇشقارىلىقتىڭ ءوربيتىن، ءورشيتىن توپىراعىن جانە شارت - جاعدايىن كۇش سالا جويىپ، لاڭكەستىك ارەكەتتەردىڭ كوپ، ءجيى تۋىلۋ جاعدايىن ءونىمدى تەجەپ، لاڭكەستىككە قارسى تۇرۋ، ۇشقارىلىقتى الاستاۋ كۇرەسىنىڭ ماڭىزدى كەزەڭدىك جەڭىسىنە قول جەتكىزدى.
تاياۋدا مەملەكەتتىك كەڭەستىڭ اقپارات كەڭسەسى «شينجياڭنىڭ كاسىپتىك شەبەرلىككە تاربيەلەۋ - باۋلۋ قىزمەتى» اق تىستى كىتابىن جاريالاپ، قىرۋار ناقتى ءىس جانە ەگجەي - تەگجەيلى ساندى مالىمەت ارقىلى 6 جاقتان سوڭعى جىلدارداعى شينجياڭنىڭ تاربيەلەۋ - باۋلۋ قىزمەتىن ورىستەتۋدەگى رەال استارىن، زاڭدىق نەگىزىن، تاربيەلەۋ - باۋلۋ مازمۇنىن، قىزمەت ونىمدىلىگىن، تاجىريبە قورىتىندىسىن، سونداي - اق تاربيەلەنۋشىلەردىڭ ۇقىعىنىڭ قامتاماسىز ەتىلۋ جاعدايىن جان - جاقتى تانىستىرىپ، جۇڭگو كوممۋنيستىك پارتياسى مەن جۇڭگو ۇكىمەتىنىڭ لاڭكەستىككە، ۇشقارىلىققا سوققى بەرۋ جانە ونان ساقتانۋ، ادامدىق ۇقىققا تولىق قۇرمەت ەتۋ جانە قامتاماسىز ەتۋ، حالىقتىڭ ءومىرىنىڭ حاۋىپسىزدىگى مەن باقىتتى تۇرمىسىن قامتاماسىز ەتۋ بەرىك بەكىمىن ايگىلەدى.
شينجياڭ − جۇڭگونىڭ لاڭكەستىككە قارسى تۇرۋ، ۇشقارىلىقتى الاستاۋ كۇرەسىنىڭ نەگىزگى شايقاس مايدانى. ءبىر تالاي ۋاقىتتان بەرى، شينجياڭ لاڭكەستىكتىڭ، ءدىني ۇشقارىلىقتىڭ زيانكەستىگىنە اۋىر ۇشىراپ، حالىقتىڭ ءومىرىنىڭ حاۋىپسىزدىگى اۋىر قاتەرگە ۇشىرادى. لاڭكەستىككە قارسى تۇرۋدىڭ، ۇشقارىلىقتى الاستاۋدىڭ قاجەتىنە ساي، شينجياڭ زاڭ بويىنشا كاسىپتىك شەبەرلىككە تاربيەلەۋ - باۋلۋ ورتالىعىن قۇرىپ، تاربيەلەۋ - باۋلۋ ورتالىعىندا مەملەكەتتە ءبىر تۇتاس قولدانىلاتىن ءتىل - جازۋ، زاڭ بىلىمدەرى، كاسىپتىك شەبەرلىك سياقتى ساباقتاردى ورنالاستىردى ءارى ۇشقارىلىقتى الاستاۋدى تاربيەلەۋدىڭ - باۋلۋدىڭ بۇكىل بارىسىنا ەنگىزىپ، تاربيەلەنۋشىلەردىڭ لاڭكەستىكتىڭ، ۇشقارىلىقتىڭ قۇرباندىعىنا اينالۋىنان ساقتانىپ، ازاماتتاردىڭ نەگىزگى ادامدىق ۇقىعىنا قول سۇعىلماۋىن زور دارەجەدە قامتاماسىز ەتتى. بۇل شينجياڭنىڭ قاتاڭ احۋال جانە كۇردەلى جاعداي الدىندا، زورلىقتى كۇش، لاڭكەستىك دەلولارىنىڭ (وقيعا) كوپ، ءجيى تۋىلۋىن تەجەۋدىڭ، ءدىني ۇشقارىلىقتىڭ ءوربيتىن، ءورشيتىن توپىراعىن قۇرتۋدىڭ كوكەي تەستى قاجەتى، سونداي - اق تاربيەلەنۋشىلەردىڭ مادەنيەت، ءبىلىم دەڭگەيىن ءونىمدى جوعارىلاتۋدىڭ، ەڭبەك شەبەرلىگىن يگەرۋىنىڭ، جۇمىسقا ورنالاسۋى مەن تابىسىن مولايتۋىن جەبەۋدىڭ كوكەي تەستى قاجەتى، ونان دا ماڭىزدىسى، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدىڭ كوكەي تەستى قاجەتى.
تاربيەلەۋ - باۋلۋ قىزمەتىن ورىستەتۋ بارىسىندا تاربيەلەۋ - باۋلۋ ورتالىعى نەگىزگى زاڭ، زاڭدارداعى بەلگىلەمەلەردى قاتاڭ دايەكتىلەندىرىپ، تياناقتاندىرىپ، تاربيەلەنۋشىلەردىڭ نەگىزگى ۇقىقتارىن شىنايى قامتاماسىز ەتتى. اماليات شينجياڭنىڭ تاربيەلەۋ - باۋلۋ قىزمەتى كورنەكتى ونىمدىلىككە قول جەتكىزگەندىگىن دالەلدەدى. تاربيەلەنۋشىلەر لاڭكەستىكتىڭ جانە ۇشقارىلىقتىڭ رۋحاني شەڭگەلدەۋىنەن بىرتىندەپ قۇتىلىپ، وسى زامانعى بىلىمدەر مەن ينفورماتسيانى يگەرۋدىڭ جولىن تاۋىپ، بەلگىلى قولدانىلمالى تەحنيكا ۇيرەنىپ، جۇمىستانۋ قابىلەتىن ازىرلەدى. قازىر كوپتەگەن تاربيەلەنۋشىلەر باۋلۋ تالابىنا تولىپ، ءساتتى تۇردە وقۋ ءبىتىرىپ، ورنىقتى جۇمىستانۋدى ىسكە اسىرىپ، تۇرمىس ساپاسىن جاقسارتتى. سونىمەن قاتار، شينجياڭداعى لاڭكەستىك ارەكەتتەر دە ءونىمدى تەجەلدى. تاربيەلەۋ - باۋلۋ قىزمەتى ورىستەتىلگەننەن بەرى، شينجياڭدا ءۇرتىس 3 جىلعا تاياۋ زورلىقتى كۇش لاڭكەستىك دەلوسى (وقيعاسى) تۋىلمادى، شينجياڭ حالقىنىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى ارتتى. ساناققا نەگىزدەلگەندە، 2018 - جىلى شينجياڭنىڭ ساياحات كاسىبى زور مولشەردە ارتىپ، شەكارا ءىشى - سىرتىنان قابىلداعان ساياحاتشى جيىنى 150 ميلليون ادام - رەتتەن اسىپ، سايكەس مەزگىلدەگىدەن ％40 ارتقان؛ شينجياڭنىڭ وسى قىزمەت ناتيجەلەرى دە حالىقارالىق قوعامنىڭ بەلسەندى باعاسىنا يە بولدى.
كوپ جىلدان بەرى، لاڭكەستىكتىڭ، ۇشقارىلىقتىڭ قاتەرىنە توتەپ بەرىپ، لاڭكەستىكتىڭ، ۇشقارىلىقتىڭ ءوربيتىن، ءورشيتىن توپىراعىن جويىپ، حالىقتىڭ ءومىرىنىڭ حاۋىپسىزدىگى مەن قوعامنىڭ ورنىقتىلىعىن قورعاۋ ءۇشىن، دۇنيە جۇزىندەگى كەيبىر مەملەكەتتەر ءوز ەلىنىڭ ءىس جۇزىندىگىن شىعار ءتۇيىن ەتۋدەن جازباي، ۇزدىكسىز بەلسەنە ۇتىمدى شارالار قاراستىردى. شينجياڭنىڭ تاربيەلەۋ - باۋلۋ ورتالىعىن قۇرىپ، تاربيەلەۋ - باۋلۋ قىزمەتىن ورىستەتۋى دۇنيە جۇزىندەگى كەيبىر مەملەكەتتەر مەن وڭىرلەردىڭ ءادىس - امالىمەن ۇشتاسقان، ماقساتى بىردەي. شينجياڭ تاربيەلەۋ - باۋلۋ سياقتى قىزمەتتەردى ورىستەتۋ ارقىلى لاڭكەستىككە قارسى تۇرۋ، ۇشقارىلىقتى الاستاۋ كۇرەسىنىڭ ماڭىزدى كەزەڭدىك جەڭىسىنە قول جەتكىزدى ءارى حالىقارالىق قوعامنىڭ وسى قىزمەتتى ورىستەتۋىنە دە ءتيىمدى تاجىريبە قاراستىردى، حالىقارالىق قوعامنىڭ ءتۇسىنۋى مەن قۇرمەتتەۋىنە يە بولۋى ءتيىس.
قازىر شينجياڭنىڭ لاڭكەستىككە قارسى تۇرۋ، ۇشقارىلىقتى الاستاۋ كۇرەسىندە ءالى دە ىستەلەتىن كوپتەگەن قىزمەتتەر بار. تۋى ايقىن تۇردە بۇلجىماستان شينجياڭنىڭ ءىس جۇزىندىك جاعدايدى شىعار ءتۇيىن ەتە وتىرىپ، تاربيەلەۋ - باۋلۋ قىزمەتىن ويداعىداي ىستەپ، شينجياڭداعى ءار ۇلت حالقىنىڭ نەگىزگى ۇقىقتارىن قامتاماسىز ەتۋ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ ءۇشىن تالىقپاي قۇلشىنۋىن قولداۋ كەرەك!(ماقالا 2019 - جىلى 8 - ايدىڭ 17 - كۇنگى «حالىق گازەتى»ندە باسىلعان)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
