بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

رايونىمىزداعى ءار ۇلت كادر - بۇقاراسى ءبىر اۋىزدان مىنالاردى ءبىلدىردى −

تاربيەلەۋ - باۋلۋ قىزمەتىن ورىستەتۋ − ادامدىق ۇقىققا قۇرمەت ەتۋ جانە ونى قامتاماسىز ەتۋ شاراسى، شينجياڭداعى ءار ۇلت حالقى شىن جۇرەكتەن قولدايدى جانە قۋاتتايدى

2019.08.20 14:28     كەلۋ قاينارى : شينجياڭ گازەتى

  گازەتىمىزدىڭ جيناق حابارى. مەملەكەتتىك كەڭەس اقپارات كەڭسەسىنىڭ 8 - ايدىڭ 16 - كۇنى جاريالاعان «شينجياڭنىڭ كاسىپتىك شەبەرلىككە تاربيەلەۋ - باۋلۋ قىزمەتى» اتتى اق تىستى كىتابىندا بىلاي دەپ اتاپ كورسەتىلدى: تاربيەلەۋ - باۋلۋ قىزمەتى ورىستەتىلگەننەن بەرى، شينجياڭدا ءۇرتىس 3 جىلعا تاياۋ زورلىقتى كۇش لاڭكەستىك دەلوسى (وقيعاسى) تۋىلمادى، ءدىني ۇشقارىلىقتىڭ ءسىڭىپ كىرۋى ۇتىمدى تەجەلىپ، قوعامنىڭ اماندىق جاعدايى كورنەكتى جاقسارىپ، ۇلتتار تەپە - تەڭ، ىنتىماقتى، دىندەر تاتۋ، بەرەكەلى، حالىق تۇرمىسى تىنىش، الاڭسىز بولدى. رايونىمىزداعى ءار ۇلت كادر - بۇقاراسى گازەت، تەلەۆيزور، راديو، ينتەرنەت ارقىلى اق تىستى كىتاپتى تىڭدادى، كوردى، وقىدى. كوپشىلىك ءبىر اۋىزدان مىنالاردى ءبىلدىردى: تاربيەلەۋ - باۋلۋ قىزمەتىن ورىستەتۋ شينجياڭداعى ءار ۇلت حالقىنىڭ نەگىزگى ادامدىق ۇقىعىن قامتاماسىز ەتىپ، حالىقارالىق قوعامنىڭ لاڭكەستىككە قارسى تۇرۋىنا، ۇشقارىلىقتى الاستاۋىنا ءتيىمدى تاجىريبەلەردى قاراستىردى، ءبىز شىن جۇرەكتەن قولدايمىز جانە قۋاتتايمىز.■ ءار ۇلت حالقىنىڭ نەگىزگى ادامدىق ۇقىعى قامتاماسىز ەتىلدى

  اق تىستى كىتاپتى وقىعان سوڭ، فۋكاڭ قالالىق حالىق شيپاحاناسى پارتيا باس ياچەيكاسىنىڭ شۋجيى جاڭ شينجيان شىن پەيىلمەن بىلاي دەدى: ”قازىر شينجياڭنىڭ قوعامى جاراسىمدى، ورنىقتى، حالىق الاڭسىز ءومىر، شات - شادىمان تىرشىلىك كەشۋدە، بۇل تاربيەلەۋ - باۋلۋ قىزمەتىنىڭ شينجياڭنىڭ قوعام ورنىقتىلىعىن قورعاپ، ءار ۇلت حالقىنىڭ نەگىزگى ادامدىق ۇقىعىن قامتاماسىز ەتكەنىن پارمەندى تۇردە دالەلدەدى“.

  ”كاسىپتىك شەبەرلىككە تاربيەلەۋ - باۋلۋ قىزمەتىن زاڭ بويىنشا ورىستەتۋ قوعامنىڭ حاۋىپسىزدىگىن قورعاۋعا ءتيىمدى ءارى ادامدىق ۇقىقتى قامتاماسىز ەتۋگە ءتيىمدى، زاڭمەن جونگە سالۋ رۋحىنا ءتىپتى دە ۇيلەسەدى“. شينجياڭ داشۋەسى زاڭ ءىلىمى شۋەيۋانىنىڭ دوتسەنتى ەركىن سامساق بىلاي دەدى: كاسىپتىك شەبەرلىككە تاربيەلەۋ - باۋلۋ قىزمەتىن ورىستەتۋ مەملەكەتتىڭ زاڭمەن جونگە سالۋ رۋحى مەن تالابىنا ۇيلەسەدى، ول حالىقارالىق قوعامنىڭ لاڭكەستىككە قارسى تۇرۋ، ۇشقارىلىقتى الاستاۋ پرينسيبى مەن ۇستانىمىن ايگىلەدى، شينجياڭنىڭ قازىرگى لاڭكەستىككە قارسى تۇرىپ، ورنىقتىلىقتى قورعاۋ جانە ۇشقارىلىقتى الاستاۋ قىزمەتىنىڭ ءىس جۇزىندىك جاعدايىنا بۇكىلدەي ۇيلەسەدى.

  ”باۋلۋ ورتالىعىندا ۇيرەنۋ ارقىلى ءدىني ۇشقارى يدەيادان ارىلىپ، مەملەكەتتە ءبىر تۇتاس قولدانىلاتىن ءتىل - جازۋدى ۇيرەنىپ الدىم، دۇرىس پەن بۇرىستى ايىردىم، سونداي - اق شەبەرلىكتى يگەرىپ، جۇمىستاندىم“، - دەدى حوتان اۋدانى جاڭا اۋات اۋىلىنىڭ كەدەيلەردى سۇيەمەلدەۋ كاسىپ باقشاسى كيىم - كەشەك فابريكاسىنىڭ 4 - سەحىنىڭ باسقارۋشىسى تۇرسۇننيسا ءالي. ول حوتان اۋدانى كاسىپتىك شەبەرلىككە تاربيەلەۋ - باۋلۋ ورتالىعىنان وقۋ بىتىرگەن سوڭ، ۇيرەنگەن شەبەرلىگى مەن بىلىمدەرىن قولدانىپ، كيىم - كەشەك فابريكاسىنىڭ تىرەكتىسىنە اينالىپ، ءومىر قۇنىن ىسكە اسىردى ءارى وتباسىنىڭ كەدەيلىكتەن ارىلىپ كىرىستى ارتتىرۋ جولىنا تۇسۋىنە مۇمكىندىك جاسادى.

  اقتاۋ اۋدانى ۇجمە اۋىلى قاشارىق قىستاعى پارتيا ياچەيكاسىنىڭ شۋجيى مۇقدان سىمايىل بىلاي دەدى: ”وقۋ بىتىرگەن تاربيەلەنۋشىلەر تاربيەلەۋ - باۋلۋ ورتالىعىنىڭ جەتەكشىلىگىندە، ەسكىلىكتى جول - جوسىننىڭ شىرماۋىنان قۇتىلدى ءارى جانىنداعى قىستاق تۇرعىندارىنىڭ وسى زامانعى وركەنيەت ۇستانىمىن قابىلداۋىنا اسەر ەتتى، جەتەكتەدى. قازىر قىستاعىمىزدا عىلمي بىلىمدەردى قاستەرلەۋ جانە وركەنيەتتى سالتقا ۇمتىلۋ رايى ونان ارى كۇشەيە ءتۇستى“.■ تاربيەلەۋدىڭ، قۇتقارۋدىڭ ءونىمى كورنەكتى بولدى

  ”باۋلۋ ورتالىعىندا تاماق، جاتىن ورىن، ۇيرەنۋ تۇگەلدەي تەگىن، وندا تاعى دا ەمدەۋ ءۇيى، كوڭىل اشۋ ءۇيى، پسيحولوگيالىق كەڭەس بەرۋ ءۇيى بار، مەنىڭ بىردەن - ءبىر ىستەيتىن ءىسىم تەك قانا الاڭسىز ۇيرەنۋ. باۋلۋ مەزگىلىندە، ’ۇعىسۋ، تيىمدىلىك جاساۋ، توعىستىرۋ‘ بويىنشا قىستاقتا تۇراتىن كادرلار مەن قىستاق كادرلارى مەنىڭ ۇيىمە ەرەكشە كوڭىل ءبولىپ، قامقورلىق جاسادى، بىزگە كومەكتەسىپ، كوپتەگەن ىستەردى شەشىم ەتىپ بەردى“، - دەدى مارالباسى اۋدانى اناركول اۋىلى عول ءمالى قىستاعىنىڭ تۇرعىنى ايسا مامەت تەبىرەنە، - ”مەن مەكتەپتى بىتىرگەننەن كەيىن جەمىس - جيدەك دۇكەنىن اشتىم، ۇيدەن شاعىن توڭ سكلات جاساپ جاتىرمىز. مەن قىستاق تۇرعىندارىنىڭ جەمىس - جيدەك ساتۋىنا كومەكتەسىپ، ءىس جۇزىندىك ارەكەتىم ارقىلى پارتيا مەن ۇكىمەتكە العىس ايتامىن“.

  شينجياڭ داشۋەسى ماركسيزم شۋەيۋانىنىڭ پروفەسسورى چىن شۇي مىنالاردى ءبىلدىردى: باۋلۋ - تاربيەلەۋ قىزمەتىنىڭ ماقساتى − ءدىني ۇشقارى يدەيامەن جۇعىمدالعان، زاڭعا جەڭىل قايشىلىق جاساعان ادامداردى تاربيەلەۋ، قۇتقارۋ، تاربيەلەنۋشىلەردىڭ ءدىني ۇشقارى يدەيانىڭ بۇعاۋىنان قۇتىلۋىنا كومەكتەسىپ، مادەنيەت ءبىلىمى مەن ەڭبەك شەبەرلىگى دەڭگەيىن ءوسىرۋ، سول ارقىلى جۇمىسقا ورنالاسىپ، كىرىستەرىن ارتتىرۋىن جەبەۋ. ”ءبىز ءبىر - بىرلەگەن جاندى مىسالداردى كورىپ وتىرمىز، تاربيەلەنۋشىلەردىڭ مەكتەپتى بىتىرگەننەن كەيىنگى ومىرىندەگى وزگەرىستەر تاربيەلەۋدىڭ، باۋلۋدىڭ ءونىمىنىڭ كورنەكتى بولعانىن تولىق دالەلدەدى“، - دەدى چىن شۇي.

  ”مەكتەپ بىتىرگەن تاربيەلەنۋشىلەردىڭ كەيبىرەۋى جۇمىسقا ورنالاستى، كەيبىرەۋى ءوز الدىنا شارۋاشىلىق قۇردى، تاعى كەيبىرى ءوزىن - ءوزى ۇزدىكسىز ءوسىرۋ ءۇشىن، كاسىپتىك ورتا مەكتەپ، كاسىپتىك جوعارى مەكتەپ سياقتى مەكتەپتەرگە بارىپ ۇزدىكسىز تەرەڭدەي ۇيرەندى، وتكەندە، ءدىني ۇشقارى يدەيانىڭ ۋلى زيانىنا ۇشىراعان قاۋىم بۇگىن قوعامعا جارامدى ادامدارعا اينالدى“. اۆتونوميالى رايوندىق حالىق پروكۋراتۋراسى ۇگىت باسقارماسىنىڭ باستىعى ۋاڭ وۋ بىلاي دەدى: تاربيەلەۋ - باۋلۋ قىزمەتى جۇڭگو ۇكىمەتىنىڭ زاڭمەن جونگە سالۋ رۋحى مەن جاۋاپكەرشىلىك پوزيتسياسىن ايگىلەپ، حالىقارالىق قوعامنىڭ لاڭكەستىككە قارسى تۇرۋىنا، ۇشقارىلىقتى الاستاۋىنا ءتيىمدى تاجىريبەلەر قاراستىردى.■ وڭاي - وسپاق قولعا كەلمەگەن اسا تاماشا جاعدايدى قاستەرلەيىك

  ”پارتيا مەن ۇكىمەتتىڭ قامقورلىعىندا ءبىزدىڭ تۇرمىسىمىز بارعان سايىن جاقسارۋدا“. قاشقار قالاسىنىڭ تۇرعىنى رۋحيا ابىلەز بىلاي دەدى: كەيبىر جات نيەتتى ادامدار شينجياڭنىڭ تاربيەلەۋ - باۋلۋ ورتالىعىنىڭ اتىنا داق سالىپ، شينجياڭنىڭ لاڭكەستىككە قارسى تۇرۋ، ۇشقارىلىقتى الاستاۋداعى ىستەگەن اسا زور قۇلشىنىسىن تەرىسكە شىعارىپ، لاڭكەستىككە قارسى تۇرۋ، ۇشقارىلىقتى الاستاۋ ماسەلەسىندە فاكتتى قارالاپ، ”قوس ولشەم“ قولدانۋعا ۇرىندى، بۇعان شينجياڭداعى ءار ۇلت حالقى استە جول قويمايدى. ”تىنىش ءومىر، شات - شادىمان تىرشىلىك كەشۋ ءاربىر ازاماتتىڭ تىلەگى، شينجياڭداعى ءار ۇلت حالقى تاربيەلەۋ - باۋلۋ قىزمەتىنىڭ ناتيجەسىن تەرەڭ سەزىنىپ وتىر. ءبىز كەزەكتەگى وڭاي - وسپاق قولعا كەلمەگەن جاراسىمدىلىقتى، ورنىقتىلىقتى قاستەرلەپ، تاربيەلەۋ - باۋلۋ قىزمەتىن بار كۇشپەن قولداۋىمىز كەرەك“، - دەدى ول.

  ”اق تىستى كىتاپتا ايتىلعانداي، ءبىر مەزگىلدەن بەرى، شينجياڭ لاڭكەستىكتىڭ، ۇشقارىلىقتىڭ الاپاتىنان اۋىر زارداپ شەگىپ، حالىقتىڭ ءومىرىنىڭ حاۋىپسىزدىگى اۋىر قاتەرگە ۇشىرادى. وسىنداي قاتاڭ جاعدايدا، شينجياڭ كاسىپتىك شەبەرلىككە تاربيەلەۋ - باۋلۋ قىزمەتىن ورىستەتىپ، لاڭكەستىك قيمىلداردىڭ كوپ، ءجيى تۋىلۋ بەتالىسىن ءونىمدى تەجەپ، ءار ۇلت حالقىنىڭ ءومىر ءسۇرۋ ۇقىعى، سالاماتتىق ۇقىعى، دامۋ ۇقىعى سياقتى نەگىزگى ۇقىقتارىن ەڭ جوعارى شەكتە قامتاماسىز ەتتى“. اۆتونوميالى رايوندىق جەرگىلىكتى شەجىرە قۇراستىرۋ القاسىنىڭ شارلاۋشىسى ليۋ شيڭ بىلاي دەدى: اق تىستى كىتاپتىڭ جاريالانۋى حالىقارالىق قوعامدىق پىكىرگە دۇرىس جەتەكشىلىك ەتىپ، دۇنيە ءجۇزىنىڭ شينجياڭنىڭ ۇلتتار ىنتىماعىنىڭ، قوعام ورنىقتىلىعىنىڭ قازىرگى احۋالىن دۇرىس تۇسىنۋىنە مۇمكىندىك جاساۋدا ماڭىزدى ءمان الادى. ”بيىل جىل باسىنان بەرى، ءار ەلدەن كەلگەن قوناقتار شينجياڭدا كوپ رەت ەكسكۋرسيادا بولىپ، تەكسەرۋ جۇرگىزدى، ولار تاربيەلەۋ - باۋلۋ قىزمەتىنىڭ حالىق بۇقاراسىنا قانداي وزگەرىس اكەلگەندىگىنە ءوز كوزدەرىمەن كۋا بولدى. حالىقارالىق قوعام بەلسەندى باعا بەردى، بۇل تاربيەلەۋ - باۋلۋ قىزمەتىنىڭ ناتيجەلى بولعاندىعىن تولىق تۇسىندىرەدى“، - دەدى ليۋ شيڭ.

  شينجياڭ جينچياۋ حالىقارالىق ساياحات سەرىكتەستىگىنىڭ ساياحات داياشىسى ريزۋانگۇل روزى بىلاي دەدى: جاراسىمدى، ورنىقتى قوعامدىق ورتا شينجياڭنىڭ ساياحات كاسىبىنىڭ دامۋىنا بەرىك نەگىز قالادى، ساياحاتشىلاردىڭ بارلىعى شينجياڭ حاۋىپسىز، جاراسىمدى، كورىكتى جەر ەكەن دەستى. ”ءبىزدىڭ شينجياڭ جاقسى جەر، ءبىز ءبىر نيەتپەن ىنتىماقتاسىپ، قۇلشىنا كۇرەس جۇرگىزىپ، مەكەنىمىزدى ونان ارى كورىكتى ەتىپ قۇرىپ شىعۋىمىز كەرەك. وتانىمىزدىڭ شينجياڭىنىڭ بولاشاعى، ءسوز جوق، بۇدان دا نۇرلى بولادى!“، - دەيدى ريزۋانگۇل.

  (تىلشىلەرىمىز سۇي يۇنيان، ياڭ شۋحان، شيە حۇيبيان، ميھىرگۇل عوپۇر، ميھىرگۇل ناسىر، جاۋ شييا، حى ليڭ، گاي يۋجۇن، ەرىكتى تىلشىلەر ليۋ بو، گاڭ ليچياڭ، جاڭ حاييان جازعان)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار