ەرەن شيپاگەرلىك ونەرىمەن، شىنايى سۇيىسپەنشىلىگىمەن حالىق ءۇشىن ىستەدى
− ”ەڭ ارداقتى شيپاگەر“ جۋاڭ شىحۋا تۋرالى
2019.08.21 15:29 كەلۋ قاينارى : شينجياڭ گازەتى
8 - ايدىڭ 19 - كۇنى − 2 - رەتكى ”جۇڭگو شيپاگەرلەرى مەرەكەسى“، ورتالىق كوميتەت ۇگىت ءبولىمى، مەملەكەتتىك دەنساۋلىق ساقتاۋ، سالاماتتىق كوميتەتى تۇتاس قوعامعا قارۋلى ساقشى شينجياڭ باس اترەتى شيپاحاناسىنىڭ قۇرمەتتى باستىعى، باۋىر - ءوت سىرتقى اۋرۋلار ورتالىعىنىڭ مەڭگەرۋشى شيپاگەرى جۋاڭ شىحۋانى قامتىعان 2019 - جىلعى ”ەڭ ارداقتى شيپاگەرلەر“دىڭ ىزگى ىستەرىن اشىق جاريالادى.
جۋىردا ءتىلشى قارۋلى ساقشى شينجياڭ باس اترەتى شيپاحاناسى باۋىر - ءوت سىرتقى اۋرۋلار عيماراتىنىڭ زالىنا كىرگەندە، قابىرعا تولى قىزىل ءتۇستى قۇرمەت جالاۋلارى بىردەن كوزگە ءتۇسىپ، كوزگە وتتاي باسىلادى جانە كوڭىلدى ايرىقشا تولقىتادى. ءبىر قۇرمەت جالاۋى − ءبىر اڭگىمە، ولار جۋاڭ شىحۋانىڭ اجالعا اراشاشى، جارالىعا مەدەت بولعان اسەرلى ىزگى ىستەرىنەن جانە شىنايى سۇيىسپەنشىلىكپەن حالىق ءۇشىن ىستەگەن ناعىز ىنتا - ىقىلاسىنان اڭگىمە شەرتەدى.
■ ”ەڭ ارداقتى شيپاگەر“ وسىلاي شىنىققان
8 - ايدىڭ 15 - كۇنى جۋاڭ شىحۋا جايشىلىقتاعىسىنداي تاڭەرتەڭ شيپاحاناعا كەلىپ، وپەراتسيا جاساپ، ناۋقاستار بولمەسىن ارالاپ، بىرگە دياگنوز قويىپ، دامىلسىز ءبىر كۇن قاربالاس ءجۇردى. 46 جىلدان بەرى، ول ءار كۇنى وسىنداي قاربالاس تا شىتىرمان ءارى كۇردەلى قىزمەتتى قايتالاپ، شارشادىم دەمەي جۇمىس ىستەپ كەلەدى.
جۋاڭ شىحۋا 18 جاسىندا اسكەرگە قاتىناسىپ شينجياڭعا كەلىپ، دەنساۋلىق ساقتاۋشى بولادى. 3 جىلدان كەيىن، جۋاڭ شىحۋا جۇڭگو حالىق ازاتتىق ارمياسى 4 - اسكەري مەديتسينا داشۋەسىنە ەمتيحان بەرىپ قابىلدانادى. وقۋ بىتىرگەن كەزدە، مەكتەپتە قالۋ ورايى الدىندا، ول باتىلدىقپەن شينجياڭعا قايتۋدى تاڭدايدى.
وتكە تاس بايلانۋ شينجياڭدا كوپ تۋىلاتىن اۋرۋ، ول كەزدە قارۋلى ساقشى شينجياڭ باس اترەتى شيپاحاناسىنىڭ وتكە تاس بايلانۋدى ەمدەۋ تەحنيكاسى بۇكىل ەلمەن سالىستىرعاندا ءبىرشاما كەنجە بولاتىن، جۋاڭ شىحۋا شيپاحاناعا ۋاقىتى قىسقا، جاراقات اۋزى كىشكەنە، ساۋىعۋى تەز، اقىسى تومەن قۇرساق سۇڭگىسىمەن ءوت تاسىن كەسۋ تەحنيكاسىن ەنگىزۋدى ۇسىنىس ەتەدى.
ول كەزدە، شيپاحانا باۋىر - ءوت ءبولىمىن ەندى عانا قۇرعان، قارجى كەمشىل ەدى، ول بولىمدەگى 4 قىزمەتكەرمەن بىرگە جەكە اقشالارىمەن وپەراتسيا جابدىقتارىن ساتىپ الادى. كوپتەگەن شيپاحانالار بۇل تەحنيكانى قولدانۋدا ءبىرشاما اباي بولىپ، كلينيكادا قولدانۋعا باتىلدىق ەتپەيدى. ول تاعى دا ءجۇزىم جانە جانۋارلاردىڭ باۋىرىن ساتىپ اكەلىپ، قايتا - قايتا ەلىكتەپ جاتتىعىپ، ءوت قالتاسى مەن باۋىردى اجىراتۋ تەحنيكاسىن تەز يگەرىپ الادى. ءبىر ايدان كەيىن، ول قۇرساق سۇڭگىسىمەن شينجياڭداعى تۇڭعىش ءوت قالتاسىن كەسىپ تاستاۋ وپەراتسياسىن ءساتتى جاسايدى.
جۋاڭ شىحۋا تۇڭعىش قۇرساق سۇڭگىسى وپەراتسياسىن 4 جارىم ساعاتتا جاساپ بولادى. كوپ جىلداردان كەيىن، ول ابدەن ىسىلىپ شىقتى: ءبىر رەتكى قۇرساق سۇڭگىسى وپەراتسياسىنا 10 مينۋت قانا كەتەدى، ءوت قالتاسىن اجىراتۋدى ەڭ تەز بولعاندا 47 سەكۋندتا بىتىرەدى، 100 مىڭ رەتتەن استام وپەراتسيادا ءبىر رەت تە ساتسىزدىك تۋىلمايدى.
مەيلى جاي شيپاگەر، الدە شيپاحانانىڭ باستىعى بولعاندا بولسىن، مەيلى قانشا قاربالاس بولسىن، قانشا شارشاسىن، جۋاڭ شىحۋا ءار كۇنى ناۋقاستار بولمەسىن ارالاۋعا تاباندى بولدى. ول: ”ناۋقاستى كورمەسەم، وپەراتسيا جاساعاندا سەنىمدى بولا المايمىن؛ ناۋقاس مەنى كورمەسە، ولاردىڭ دا سەنىمى بولمايدى“ دەيدى.
■ سۇيىسپەنشىلىكتىڭ ەڭ جوعارى دەڭگەيى باسقالاردى ءسۇيۋ
سۇيىسپەنشىلىكتىڭ ەڭ جوعارى دەڭگەيى باسقالاردى ءسۇيۋ. جۋاڭ شىحۋانىڭ سۇيىسپەنشىلىك الەمىندە ءسۇيۋ دەگەنىمىز شىنايى سۇيىسپەنشىلىكپەن حالىق ءۇشىن ىستەۋ، ءسۇيۋ دەگەنىمىز اجالعا اراشاشى، جارالىعا جەبەۋشى بولۋ، قىسىلعانعا قارايلاسىپ، جوق - جىتىككە جاردەمدەسۋ.
2010 - جىلى 5 - ايدىڭ ءبىر كۇنى وتىنە تاس بايلانعان ازبەك شيپاحاناعا كەلىپ، جۋاڭ شىحۋانىڭ قولىن مىقتاپ ۇستاپ جىبەرمەيدى، اسىلىندە ازبەك وسىدان بۇرىن بىرنەشە شيپاحاناعا بارىپ ەمدەلگەن ەكەن. تەكسەرۋ ارقىلى ازبەكتىڭ قۇرساق قۋىسىن قالىڭ ماي قاباتى قاپتاپ، وپەراتسيا جاساۋ قيىن بولاتىنى انىقتالدى. ”ناۋقاس الىستان كەلدى، ءبىز جاردەمدەسپەسەك نە بولعانى!“ شيپاگەر قىزمەتكەرلەردىڭ اۋىر ۋايىمى الدىندا، جۋاڭ شىحۋا باتىل پوزيتسيا بىلدىرەدى. وپەراتسيا ءساتتى جاسالادى، شيپاحانادان شىعاردا ازبەك جۋاڭ شىحۋانىڭ قولىن تاعى قاتتى قىسىپ، جانارى جاسقا تولادى.
”ءبىز ناۋقاسقا قانشالىق ەرتە وپەراتسيا جاساساق، ناۋقاستىڭ اۋرۋ ازابى كۇن ەرتە جەڭىلدەيدى. تەك ناۋقاستىڭ اۋرۋ ازابىن ءوز ازابىمىزداي، ناۋقاستىڭ ءومىرىن ءوز ومىرىمىزدەي كورىپ، بار امالىن تاۋىپ ءاربىر ناۋقاستى ەمدەسەك قانا، ناۋقاسقا جاقسى قىزمەت ەتكەن بولامىز“. جۋاڭ شىحۋانىڭ ءسوزى قاراپايىم دا شىنايى ەدى.
جۋاڭ شىحۋانىڭ قىزمەت ۇستەلىندە ءبىر كىشكەنە داپتەر بار، وعان بارلىق سالماقتى ناۋقاستاردىڭ تەلەفون ءنومىرى جازىلعان. ءبىر رەت شيپاحاناعا جاتقان ادامعا ءومىر بويى جاۋاپتى بولۋ − بۇل ونىڭ ناۋقاسقا بەرگەن ۋادەسى. وسى ۋادەنى بەرىك ۇستانعان ول ناۋقاستى تۋىسىنداي كورىپ، بارلىق امالدى قولدانىپ ولاردى ەمدەپ ساۋىقتىردى.
سالماقتى اۋرۋعا دۋشار بولعان كوپتەگەن ناۋقاستار بۇكىل شينجياڭنىڭ جەر - جەرىنەن داڭقىن ەستىپ شيپاحاناعا ەمدەلۋگە كەلەدى، ال وتباسى تۇرمىسىنىڭ قيىنشىلىعىنان اۋرۋ كورسەتۋگە اقشاسى بولماعاندارعا جۋاڭ شىحۋا ەمدەۋ قىزمەتكەرلەرىن باستاپ كومەك قولىن سوزىپ، ىلگەرىندى - كەيىندى 800 مىڭ يۋاننان استام جىلۋ اتاپ، ولاردىڭ ەمدەلۋ اقىسىن شەشۋىنە كومەكتەستى.
■ ىسىلعان شيپاگەرلىك ونەردىڭ ار جاعىندا شيپاگەرلىك ىزگى ءمورال جاتىر
ىسىلعان شيپاگەرلىك ونەرىمەن ءتىپتى كوپ ناۋقاسقا جاقسىلىق جاساۋ جۋاڭ شىحۋانىڭ ەڭ ۇلكەن ارمانى. بۇل شيپاحانا جۋاڭ شىحۋا ەمدەۋ شاعىن بولىمشە اترەتىن ۇيىمداستىرىپ، قىستاقتارعا بارىپ، وتباسىلارىن ارالاپ ناۋقاس ەمدەپ، حالىقتى ۋايىمنان ارىلتىپ، نەگىزگى ساتىداعى ءار ۇلت بۇقاراسىنىڭ القاۋىنا بولەندى.
ءار رەت ارالاپ ناۋقاس كورگەن سايىن، كوپتەگەن قىستاق تۇرعىندارى قىستاقتىڭ كىرە بەرىس اۋزىنا ەرتە جينالىپ، ۇيگە قايتقان جاقىنىن كۇتكەندەي ەمدەۋ شاعىن بولىمشە اترەتىن قارسى الاتىن. قىستاققا كىرىپ، 10 مينۋتقا جەتپەي، ۋاقىتتىق ناۋقاس كورۋ ورنى قۇرىلادى، جۋاڭ شىحۋا قىستاق تۇرعىندارىن مۇقياتتىلىقپەن، سابىرلىلىقپەن تەكسەرىپ، ولارعا دياگنوز قويىپ، ءدارى جازىپ شيپاگەرلىك تاپسىرمالار بەرۋمەن بىرگە، اۋرۋدىڭ الدىن الۋ بىلىمدەرىن جالپىلاستىرۋمەن ابىگەر بولىپ، تىم كەش بولعاندا عانا قىستاقتان قايتاتىن.
ءبىر جولى ەمدەۋ شاعىن بولىمشە اترەتى ءۇرىمجى ەكونوميكالىق - تەحنيكالىق اشۋ رايونى (توۋتۇنحى رايونى) لياڭحى شاعىن اۋماعىن باسقارۋ كوميتەتى داچۋان قىستاعىنا ارالاپ ناۋقاس كورۋگە كەلەدى، پاتامحان قارتتىڭ ۇيىنە كىرىسىمەن، قارت جۋاڭ شىحۋانىڭ قولىن قىسا ۇستاپ: ”جۋاڭ شيپاحانا باستىعىنا راقىمەت!“ دەدى.
ءاسىلى كوپ جىلدىڭ الدىندا، پاتامحاننىڭ كۇيەۋى وراز كەرەكتەن شىققان كەن قۇدىعىنا ابايسىزدان ءتۇسىپ كەتىپ، باس سۇيەگى، ومىرتقاسى سياقتى 11 ورىننىڭ سۇيەگى سىنادى. جۋاڭ شىحۋا 6 تاۋلىك بويى قۇتقارۋ ارقىلى ونى اجال اۋزىنان الىپ قالادى، ءبىراق ول تۇرمىستا وزىنە - ءوزى قاراۋدان قالادى. سونىمەن جۋاڭ شىحۋا اپتا سايىن ۆەلوسيپەدپەن 10 نەشە كيلومەتر جول باسىپ، وعان ساۋىقتىرۋ ەمدەۋىن جۇرگىزەدى. پاتامحاننىڭ كۇيەۋىنىڭ اۋرۋ جاعدايى ازداپ جاقسارعاننان كەيىن، پاتامحاننىڭ ءوزىنىڭ وتىنە تاس بايلانىپ ناۋقاستانسا، قىزى ومىراۋ بەزى وسپەسىنە شالدىعادى. بۇكىل وتباسى تۇرمىستان تۇڭىلگەندە، جۋاڭ شىحۋا شەشەسى - قىزى ەكەۋىنە جىلۋ اتاپ وپەراتسيا جاسايدى ءارى ولاردىڭ شاعىن دۇكەن اشۋىنا جاردەمدەسەدى، كەيىن تاعى ءوز ەڭبەكاقىسىمەن ولارعا جاڭا ءۇي سالىپ بەرەدى. قازىر پاتامحاننىڭ ۇيىندەگىلەر ەڭسەلى جاڭا ۇيدە تۇرادى، تۇرمىسى دا بارعان سايىن وڭالىپ كەلەدى.
تەك پاتامحان وتباسى عانا ەمەس، تاعى دا كوپتەگەن ناۋقاستاردىڭ وتباسىنداعىلار دا جۋاڭ شىحۋانىڭ كومەگىنە يە بولدى. ونىڭ اسەرىندە ەمدەۋ شاعىن بولىمشە اترەتى ءار ۇلت بۇقاراسىنىڭ ناۋقاسىن كورىپ، اۋرۋىن ەمدەۋمەن بىرگە، ىلگەرىندى - كەيىندى 500 نەشە ناۋقاستىڭ وتباسىنداعىلاردى كەدەيلىكتەن ارىلتىپ، 120 نەشە ناۋقاس بالانى مەكتەپ قۇشاعىنا ورالتتى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
