بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

ەلەۋلى ەڭبەك سىڭىرگەن ۇلگىلەرگە قۇرمەت بىلدىرەيىك!

  □ حالىق گازەتىنىڭ شولۋشىسى

2019.09.20 14:49     كەلۋ قاينارى : شينجياڭ گازەتى

  وشپەس ەلەۋلى ەڭبەك مەملەكەتتىڭ دامۋ تاريحىنىڭ پاراقتارىنا جازىلدى؛ شۇعىلالى ۇلگى ۇلتتىڭ گۇلدەنۋ جورىعىن نۇرلاندىردى.

  13 - كەزەكتى مەملەكەتتىك حالىق قۇرىلتايى تۇراقتى كوميتەتى 13 - ءماجىلىسىنىڭ قاراپ ماقۇلداۋىنان وتكەننەن كەيىن، مەملەكەتتىك حالىق قۇرىلتايى تۇراقتى كوميتەتى مەملەكەت وردەنى جانە مەملەكەت داڭق اتاعىن بەرۋ جونىندە قارار شىعاردى، مەملەكەت ءتوراعاسى شي جينپيڭ ءتوراعا بۇيرىعىنا قول قويىپ، يۇي مين قاتارلى 8 ادامعا ”رەسپۋبليكا وردەنى“ن، راۋل كاسترو رۇز قاتارلى 6 ادامعا ”دوستىق وردەنى“ن، يۇي ي قاتارلى 28 ادامعا مەملەكەت داڭق اتاعىن بەردى. نەگىزگى زاڭدى جاپپاي دايەكتىلەندىرۋدىڭ، اتقارۋدىڭ ماڭىزدى بەينەسى، جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ جەلىلەس قيمىلدارىنىڭ ماڭىزدى مازمۇنى رەتىندە، مەملەكەت وردەنى مەن مەملەكەت داڭق اتاعىن سايلاۋ جانە بەرۋ، ءسوز جوق، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ وتانشىلدىق سۇيىسپەنشىلىگىن، مەملەكەتتى قۇدىرەتتەندىرۋ جىگەرىن ونان ارى قاۋلاتىپ، حالىقارالىق دوستاردىڭ ەلىمىزدىڭ سوتسياليستىك وسىزامانداندىرۋ قۇرىلىسىنا ات سالىسۋداعى، ادامزاتتىڭ تاعدىرلاس ورتاق تۇلعاسىن قۇرۋداعى اقىل - پاراساتى مەن كۇش - قۋاتىن ونان ارى ۇيىستىرادى.

  پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭگوشا سوتسياليستىك ءتۇزىمدى كەمەلدەندىرۋ جانە دامىتۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ سىندى ستراتەگيالىق تۇرعىدان پارتيا مەن مەملەكەتتىڭ ەلەۋلى ەڭبەكتى، داڭقتى ماداقتاۋ - سيلاۋ قىزمەتىن جۇيەلى جوبالاپ، جان - جاقتى ورنالاستىرۋ جاسادى. وتانشىلدىقتى وزەك ەتكەن ۇلت رۋحىن جانە رەفورما جاساۋدى، جاڭالىق اشۋدى وزەك ەتكەن ءداۋىر رۋحىن اسقاقتاتۋ ارقىلى ”قوعامعا ۇلى ءمورال ورناتۋ“دان جۇڭگوشا ەلەۋلى ەڭبەكتى، داڭقتى ماداقتاۋ - سيلاۋ ءتۇزىمىن ورناتۋ ارقىلى ”مەملەكەتتە ۇلى ادىلەتتىلىكتى اسقاقتاتۋ“عا، ونان ەلەۋلى ەڭبەك سىڭىرگەن ۇلگىلەردى ماداقتاۋ ارقىلى ”جەر جۇزىنە ۇلى سەنىم تاراتۋ“عا دەيىن، پارتيا مەن مەملەكەتتىڭ ەلەۋلى ەڭبەكتى، داڭقتى ماداقتاۋ - سيلاۋ قىزمەتى رۋحپەن جەتەكشىلىك ەتۋ، تۇزىممەن قامتاماسىز ەتۋ، ءونىمدى اتقارۋ سىندى كەمەلدى جۇيە قالىپتاستىردى. جاڭا جۇڭگو قۇرىلعاندىعىنىڭ 70 جىلدىعى قارساڭىندا، مەملەكەت وردەنىن جانە مەملەكەت داڭق اتاعىن شوعىرلى سايلاۋدى، بەرۋدى تۇڭعىش رەت ورىستەتۋ − جاسامپازدىق سيپاتىن، تىڭ ناتيجە جاراتۋ سيپاتىن، ۇلگى كورسەتۋ سيپاتىن ايگىلەپ، سوتسياليستىك وزەكتى قۇن كوزقاراسىن جەتىلدىرۋ جانە ونى امالياتتا ايگىلەۋ، جۇڭگوشا سوتسياليزم ىستەرىنىڭ ۇيىستىرۋ كۇشى مەن باۋراۋ كۇشىن ارتتىرۋ جونىنەن كەلەلى ءارى تەرەڭ ءمان الادى.

  حالىق تاريحتى جاراتادى، تاريح قاھارمانداردى سومدايدى. جاڭا جۇڭگو قۇرىلعان 70 جىلدان بەرى، بۇكىل ەلدەگى ءار ۇلت حالقى پارتيانىڭ باسشىلىعىندا توڭكەرىس، قۇرىلىس، رەفورما ىستەرىنە قىزۋ ىنتامەن ات سالىسىپ، ۇلى وتانعا ءوزىن ارناپ، باقىتتى تۇرمىس ءۇشىن كۇرەسىپ، سانسىزداعان جان تەبىرەنتەرلىك ايتۋلى تۇلعالار جارىققا شىعىپ، ەت جۇرەكتى ەلجىرەتەتىن، اسقاق ايبىندى كۇرەس جىرلارىن جازدى. الىس - الىس ساپاردا قاھارمانداردى ماداقتاۋ قاشاندا ەڭ كوڭىل تەبىرەنتەرلىك كۇي تاراۋى سانالادى. مەيلى شىنايى ادالدىقپەن مەملەكەت قورعانىسى ىستەرىنە ءوزىن ارناعان، مەيلى بۇكىل ىنتا - پەيىلىمەن حالىق تۇرمىسىنىڭ قۇت - ىرىسى ءۇشىن قىزمەت وتەگەن، مەيلى عىلىم - تەحنيكادا جاڭالىق اشۋدى اقتىق دەمىنە دەيىن ىلگەرىلەتكەن بولسىن... ”رەسپۋبليكا وردەنى“ مەن مەملەكەت داڭق اتاعىنا يە بولعان ەلەۋلى ەڭبەك سىڭىرگەن ۇلگىلەر − جاڭا جۇڭگونىڭ قاھارمان ۇلگىلەر توبىنىڭ تيپتىك ۋاكىلدەرى، حالىقتىڭ داڭقى، مەملەكەتتىڭ بايلىعى. ولاردىڭ تاريحي ەڭبەكتەرىن ەستە بەرىك ساقتاۋ، ولاردىڭ قاھارماندىق قاسيەتىنە قۇرمەت ەتۋ − قاھارماندارعا كوڭىل بولەتىن، قاھارمانداردى قاستەرلەيتىن، قاھارمانداردى قۇرمەتتەيتىن مەملەكەت پوزيتسياسىن ايگىلەيدى.

  مەملەكەت وردەنى مەن مەملەكەت داڭق اتاعى − مەملەكەتتىڭ ەڭ جوعارى داڭقى، شەكسىز مارتەبە ءارى 100 ميلليونداعان حالىقتى ەكپىندەي العا باسۋعا جىگەرلەندىرەتىن وراسان زور كۇش. ەلەۋلى ەڭبەك سىڭىرگەن ۇلگىلەر مەملەكەتتىڭ تىرەگى، ۇلتتىڭ اۆانگاردى، قوعامنىڭ ۇلگىسى، كاسىپ سالاسىنىڭ مايتالمانى بولىپ قانا قالماستان، ماڭايىمىزداعى سۇيىكتى دە قۇرمەتتى، مەيىرىمدى دە اسەرلى ۇلگىلەردىڭ تيبى. ءوزىن وتانعا ارنايتىن وسكەلەڭ ۇلگىسى، ۇلەس قوساتىن، قۇربان بەرەتىن اسقاق پەيىلى، ءۇن - ءتۇنسىز كۇرەس جۇرگىزەتىن قاسيەتى، جاڭالىق اشۋدى مۇرات تۇتقان كاسىپتى قادىرلەۋ پوزيتسياسى، كۇرەس جۇرگىزۋدەن تايىنبايتىن توڭكەرىستىك رۋحى... ەلەۋلى ەڭبەك سىڭىرگەن ۇلگىلەردىڭ ءون - بويىنان سوتسياليستىك وزەكتى قۇن كوزقاراسى جاندى بەينەلەنۋدە. مەملەكەت وردەنى مەن مەملەكەت داڭق اتاعىن بەرۋ قيمىلىن ورىستەتۋ − سەنىم جەلكەنىن جايىپ، ۇلگى - ونەگە ورناتىپ، بۇكىل قوعامدا جاقسىدان ونەگە الۋعا ۇمتىلاتىن، ءمورالدى ۇلىقتاپ، ىزگىلىككە تالپىناتىن، اۆانگارد بولۋعا قۇلشىناتىن تاماشا راي قالپىتاستىرۋدى ىلگەرىلەتىپ، جۇڭحۋا ۇلتىنىڭ رۋحاني مەكەنىن ۇزدىكسىز نارلەندىرۋگە ءتيىمدى.

  ۇلى ءداۋىر ۇلى رۋحتى شاقىرۋدا، وسكەلەڭ ىستەر ۇلگىلەردىڭ جەتەكشىلىك ەتۋىن قاجەت ەتەدى. جاڭا داۋىردە، جاڭا جورىقتا ەلەۋلى ەڭبەك سىڭىرگەن ۇلگىلەردىڭ داڭقتى ەسىمى، ەرەن ەڭبەگى − بۇكىل پارتيانى اۋەلگى ماقساتتى ۇمىتپاي، بورىشتى ەستە بەرىك ساقتاۋعا جىگەرلەندىرەتىن رۋحاني الاۋ، بۇكىل ەلدەگى ءار ۇلت حالقىن ءورىس اشا العا باسۋعا، ەڭبەك ءسىڭىرىپ، كاسىپتى كوركەيتۋگە جەتەكتەيتىن ۇلگىلى كۇش. ەلەۋلى ەڭبەك سىڭىرگەن ۇلگىلەردى ونەگە ەتىپ، سوتسياليستىك وزەكتى قۇن كوزقاراسىن سالتقا اينالدىرىپ، جاڭا جاعدايدىڭ، جاڭا ىسكەرلىكتىڭ ۇزدىكسىز جارىققا شىعۋىنا مۇمكىندىك جاراتساق، سوتسياليستىك وسىزاماندانعان قۇدىرەتتى ەل قۇرۋدىڭ جويقىن كۇشىن، ءسوز جوق، ۇيىستىرا الامىز؛ جۇڭحۋا ۇلتىنىڭ ۇلى گۇلدەنۋى دە 100 ميلليونداعان ارمانعا قۇلاش سەرمەۋشىلەردىڭ قاھارماندارداي كۇرەس جاساۋىمەن اناعۇرلىم تارتىمدى بولا تۇسەدى.

  (شينحۋا اگەنتتىگىنىڭ 9 - ايدىڭ 18 - كۇنى بەيجيڭنەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار