اينىماس ۋادەلەرىن ءومىر امالياتىمەن ورىندادى
− ”حالىق قاھارمانى“ مەملەكەت داڭق اتاعىنىڭ يەگەرى عايرات مامۇت تۋرالى ەستەلىك
□ ءتىلشىمىز ءپاريزات، ەرىكتى ءتىلشى مامەت ايت
2019.09.20 14:51 كەلۋ قاينارى : شينجياڭ گازەتى
رەداكتوردان
بيىل جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى، پارتيا ورتالىق كوميتەتى تۇڭعىش رەت مەملەكەت وردەنىمەن جانە مەملەكەت داڭق اتاعىمەن شوعىرلى باعالاۋ - ماراپاتتاۋ ورىستەتىپ، جاڭا جۇڭگونىڭ قۇرىلىسى مەن دامۋىنا ەرەن ۇلەس قوسقان ءبىر توپ ۇلگىلى قايراتكەرلەردى سالتاناتتى تۇردە ماداقتاۋدى ۇيعاردى. اۆتونوميالى رايونىمىزدىڭ گۇما اۋدانى قوعام حاۋىپسىزدىگى مەكەمەسىنىڭ بۇرىنعى ورىنباسار باستىعى عايرات مامۇت ”حالىق قاھارمانى“ مەملەكەت داڭق اتاعىنا، ۇلۇقشات اۋدانى جىعىن اۋىلىنىڭ شەكارا كۇزەتشىسى بۇرماحان مولدو ”حالىق ونەگەسى“ مەملەكەت داڭق اتاعىنا يە بولدى. بۇگىننەن باستاپ گازەتىمىز 2 ادامنىڭ وزىق تيپتىك ىزگى ىستەرىن جاريالاپ، قاھارمان ۇلگىلەردىڭ مەملەكەت قۇرىلىسىنا ات سالىسقانداعى وراسان ۇلى ۇلەسى مەن جىرعا قوسارلىق اسەرلى اڭگىمەلەرىن قايتا ەسكە ءتۇسىرىپ، بۇكىل قوعامدا تيپتەردەن ۇيرەنەتىن، قاھارمانداردى ارداقتايتىن قويۋ راي قالىپتاستىرىپ، اۆتونوميالى رايونىمىزداعى ءار ۇلت حالقىن ءورىس اشا العا ىلگەرىلەۋگە، قايراتتانا ءىس تىندىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازۋعا ءتيىستى ۇلەس قوسۋعا اناعۇرلىم ويداعىداي ىنتالاندىرادى. نازارلارىڭىزدا بولسىن.
9 - ايدىڭ 17 - كۇنى كوزى تىرىسىندە گۇما اۋداندىق قوعام حاۋىپسىزدىگى مەكەمەسىنىڭ ورىنباسار باستىعى بولعان عايرات مامۇتقا ”حالىق قاھارمانى“ مەملەكەت داڭق اتاعى بەرىلدى.
27 جىلدىق ساقشىلىق ومىرىندە عايرات حوتان ايماعى گۇما اۋدانى كوكتەرەك اۋىلى ساقشى بولىمشەسىنىڭ باستىعى، گۇما اۋداندىق قوعام حاۋىپسىزدىگى مەكەمەسىنىڭ ورىنباسار باستىعى مىندەتتەرىن وتەدى. 2016 - جىلى 9 - ايدا قوعام حاۋىپسىزدىگى مينيسترلىگىنىڭ A دارەجەلى قاشقىن قىلمىستىلاردى ءتىنتۋ - ۇستاۋ بارىسىندا جان كەشتىلىك جارىلىس شابۋىلىنا ۇشىراپ، اۋىر جارالانىپ، بار كۇشپەن قۇتقارۋ ءونىم بەرمەي، ەرلىكپەن قۇربان بولىپ، 46 جاسىندا ءومىرىنىڭ سوڭعى نۇكتەسى قويىلدى.
”مەكەمە باستىعى عايرات ومىردەن ءوزىنىڭ اۋەلگى ماقساتى مەن بورىشىن ارقالاپ اتتاندى، ول ناقتى ارەكەتىمەن حالىق ساقشىسىنىڭ پارتياعا ادال بولاتىن، حالىققا ادال بولاتىن اينىماس ۋادەسىن ءتۇسىندىردى“. عايراتتان كەيىن كوكتەرەك اۋىلى ساقشى بولىمشەسىنىڭ باستىعى بولعان ءمۇتاللىپ مامەت ءۇشىن، عايرات ونىمەن 10 نەشە جىل قيىن - قىستاۋدا بىرگە بولعان دوسى عانا ەمەس، ونىڭ ساقشىلىق جولىنداعى ”جول نۇسقاۋشىسى“ ەدى.
عايرات قۇربان بولعاننان كەيىن، وعان ”مەملەكەتتىك قوعام حاۋىپسىزدىگى جۇيەسىندەگى 1 - دارەجەلى قاھارمان ۇلگى“ اتاعى بەرىلىپ، قۇربان دەپ بەكىتىلدى. 2016 - جىلى 12 - ايدا، ورتالىق تەلەۆيزياسىنىڭ 2016 - جىلعى زاڭمەن جونگە سالۋداعى تۇلعالاردى ماراپاتتاۋ سالتىندا ”جىلدىڭ قۇرمەتتى قاھارمانى“ بولىپ سايلاندى.
■ جاۋاپكەرشىلىكتى باتىل ارقالادى: حاۋىپ - قاتەردە اتويلاپ الدا ءجۇردى
1989 - جىلى شينجياڭ حالىق ساقشىلارى مەكتەبىنەن (قازىرگى شينجياڭ ساقشى شۋەيۋانى) وقۋ تاۋىسقان عايرات اۋىلىنا قايتىپ حالىق ساقشىسى بولدى. ساقشى بولعاننان بەرى، عايرات ىلگەرى - كەيىن 13 رەت وزات مەملەكەت قىزمەتكەرى، وزات جەكە، تاڭداۋلى پارتيا مۇشەسى بولىپ باعالانىپ، داڭقپەن ءبىر رەت 2 - دارەجەلى، 5 رەت 3 - دارەجەلى ەڭبەك كورسەتتى، سونداي - اق ”بۇكىل شينجياڭ حالقى رازى ساقشى بولىمشە باستىعى“ داڭق اتاعىنا يە بولدى.
مول ەرلىك ەڭبەگىنىڭ استارىندا اسىپ وتكەن تالاي - تالاي قيىن اسۋلار، ”جان اياماي ارپالىسپەن“ العان ناتيجەلەر جاتىر.
ۋاقىتتى 2016 - جىلى جازداعى تۇستەن كەيىنگى سول شاققا قايتارايىق.
سول كەزدە گۇما اۋداندىق قوعام حاۋىپسىزدىگى مەكەمەسىنىڭ ورىنباسار باستىعى مىندەتىندەگى عايرات گۇما اۋدانىنىڭ بەلگىلى ءبىر جەرىندە حاۋىپتى وقيعا تۋىلۋى مۇمكىن دەگەن حابار الادى، ول تىزگىن ۇشىندا ساقشى كۇشىن ۇيىمداستىرىپ، جولعا شىعادى. بۇل جولى ونىڭ جەڭىسپەن ورالا المايتىندىعىن ەشكىم دە ويلاماعان ەدى.
ساقشى بولىمشەسىنەن گۇما اۋداندىق قوعام حاۋىپسىزدىگى مەكەمەسىنە دەيىن، حاۋىپ - قاتەر تۋىلعان كەزدەردە، ەڭ الدىمەن وقيعانىڭ باسى - قاسىنا جەتىپ باراتىن، كومەسكى قاتەرگە ەڭ تاياپ باراتىن قاشاندا عايرات ەدى. ”مەنىڭ تاجىريبەم مول“، ”سەنىڭ بالاڭ ءالى كىشكەنە“، ”سەنىڭ اكە - شەشەڭە نە دەپ ايتامىز“... عايرات ءارقاشان ءوزىنىڭ جاۋىنگەر سەرىكتەرىن، قىزمەتتەستەرىن ويلاپ، ءوزىنىڭ ۇيىندە اكە ماحابباتىنىڭ مەيىرىنە مۇقتاج 3 قىزى بار ەكەنىن ۇنەمى ۇمىتىپ كەتەدى.
”مەنىڭ ەسىمدە قالۋىنشا، اكەم كىسىگە باۋىرمال، قىزمەتكە شوگەل، ەرجۇرەك تە قايسار، ناعىز قاھارمان، ۇلى اكە ەدى“. اكەسىنىڭ ءىزىن باسقان ۇلكەن قىزى گۇلميرا عايرات تا حالىق ساقشىسى بولدى، ول ماقتانىشپەن: ”اكەم كەتكەنىمەن، ونىڭ رۋحى ءالى ارامىزدا، ونىڭ عيبىراتتى تالىمدەرى ءارقاشان مەنى العا باسۋعا ىنتالاندىرىپ كەلەدى، مەن دە اكەم سياقتى تاڭداۋلى حالىق ساقشىسى بولىپ، اكەمنىڭ ورىنداي الماي كەتكەن ارمانىن ورىندايمىن“ دەيدى.
■ اينىماس سەرت: كەيىنگىلەردى ۇزدىكسىز العا باسۋعا ىنتالاندىردى
عايراتتىڭ جۇرەگىندە ءارقاشان حالىق ساقشىسىنىڭ قىزمەت جاۋاپكەرشىلىگىن ادال اتقارىپ، اقتىق دەمىنە دەيىن حالىققا قىزمەت ەتىپ، ادىلەت جولىندا ەشتەڭەدەن تايىنبايمىن دەيتىن ءبىر سەرت، ءارقانداي قيىنشىلىق، ءارقانداي اۋرۋ - سىرقاۋ بوگەي الماس ءبىر ۋادە بولدى. قوعام حاۋىپسىزدىگى قىزمەتىنە قاتىناسقان سوڭ، ساياسي تۇرعىسى بەرىك، جۇرەكتى دە قايسار، قىزمەتتە مۇقيات، جاۋاپكەرشىلىك ارقالاي بىلەتىن عايرات كوپ وتپەي ”ءۇش ءتۇرلى كۇش“پەن كۇرەسكە بەل شەشىپ ارالاسىپ كەتتى.
2013 - جىلى ءمۇتاللىپ مامەت جاڭادان ساقشى بولىمشەسىنە قىزمەتكە كەلگەن كەزدە تۇپ - تۋرا 3 اي عايرات وعان قىزمەت جۇكتەمەي ءجۇرىپ الادى، بۇل ءمۇتاللىپتى قاتتى ابىرجىتادى. ءسويتىپ، ءمۇتاللىپ ساقا ساقشىلارمەن بىرگە دەلو ءبىتىرۋ تۋرالى ىرىقتى تۇردە تالاپ ەتىپ، كوپتەگەن كاسىپتىك بىلىمدەر ۇيرەنەدى. 3 ايدان كەيىن ءبىر كۇنى عايرات مۇتاللىپپەن سىرلاسىپ، وعان وسىنىڭ الدىندا ونى باقىلاپ، وندا العا باسۋ نيەتى، كاسىپ نيەتى بار - جوقتىعىنا قاراپ جۇرگەنىن، سونىمەن قاتار ونىڭ ارتىقشىلىعى مەن مىنەز - قۇلىق ەرەكشەلىگىن بايقاپ جۇرگەنىن ايتادى.
”ول قانداي قىزمەتتى دە باستاماشى بولىپ ىستەيتىن، دەلونى ادىلدىكپەن، تۋراشىلدىقپەن ءبىر جاقتى ەتەتىن. بىلمەيتىن جەرىم بولسا، ول سابىرمەن ماعان ءتۇسىندىرىپ بەرۋشى ەدى“، - دەيدى ءمۇتاللىپ ونى ەسكە الىپ: ”ءدال وسىنداي بولىمشە باستىعى، ءدال وسىنداي اعامىز قالايشا كوپشىلىكتىڭ شىنايى قۇرمەتىنە بولەنبەسكە؟“.
”مەكەمە باستىعى عايرات وسىنداي ادام ەدى، حاۋىپ - قاتەر بولسا قاشاندا ءبىرىنشى بولىپ العا ۇمتىلاتىن“، - دەيدى ءمۇتاللىپ: ”ول قۇربان بولعانىمەن، ونىڭ بەينەسى ءبىزدىڭ جادىمىزدا ماڭگى ساقتالادى، ونىڭ رۋحى ءبىزدى ۇزدىكسىز العا باسۋعا ماڭگى ىنتالاندىرىپ وتىرادى“.
■ حالىقتى سۇيگەن تەرەڭ سۇيىسپەنشىلىك: بۇقارانى قاشاندا ماڭداي الدى ورىنعا قويدى
عايراتتىڭ قۇربان بولعان حابارى تالاي ادامنىڭ قابىرعاسىن قايىستىردى، ول كوزى تىرىسىندە قىزمەت ىستەگەن كوكتەرەك اۋىلىنداعى جانە اۋدان قالاشىعىنداعى كوپتەگەن بۇقارا وزدىكتەرىنەن كەلىپ ونى جەرلەۋ سالتىنا قاتىناستى.
جەرلەۋ سالتىندا كوكتەرەك اۋىلى قۇمارىق قىستاعىنىڭ تۇرعىنى توحتىمامەت ھيىت پەن ونىڭ ۇلى مامەت توحتىمامەت ەرتەمەن جەتىپ، كوز جاستارىن كولدەتىپ، قاتتى قايعىردى، ”مەكەمە باستىعى عايرات ءبىزدىڭ ۇيىمىزگە كوپ جاقسىلىق ىستەدى، ول مەنىڭ بالام سياقتى بولىپ كەتىپ ەدى، بۇگىن ونى سوڭعى ساپارعا اتتاندىرىپ سالۋعا كەلدىم“، - دەدى توحتىمامەت.
2015 - جىلى 7 - ايدىڭ 3 - كۇنى گۇما اۋدانىندا جەر سىلكىنىپ، كوكتەرەك اۋىلىندا كوپ ۇيلەر قۇلاپ، توحتىمامەتتىڭ ۇيىندەگى 4 جان ۇيدە قامالىپ، اسا قاتەرلى جاعدايدا قالادى. عايرات وقيعا ورنىنا كەلگەن سوڭ، دەرەۋ قۇتقارۋ ۇيىمداستىرىپ، ءبىر ءۇيلى جاندى ءوزى قۇتقارىپ شىعادى. جەر سىلكىنگەن كۇنى عايرات ساقشىلاردى باستاپ 20 نەشە بۇقارانى قۇتقارىپ شىعىپ، 5000نان استام بۇقارانى (رەت) حاۋىپسىز جەرگە جەتكىزىپ، بۇقارانىڭ 100 مىڭ يۋاننان اساتىن مال - مۇلكىن امان الىپ قالادى.
”ءىس جۇزىندە، عايراتتىڭ ءۇيى دە اپاتقا ۇشىراعان، ءبىراق ونىڭ ءوز ءۇيىن كورىپ قايتۋعا دا مۇرساسى بولمادى“، - دەيدى توحتىمامەت ەسكە الا: ”سىن ساعاتتا ول قاشاندا قىزمەت پەن بۇقارانى ماڭداي الدى ورىنعا قوياتىن“.
مامەت اۋىت قارياعا جاڭا توك ساعات اۋىستىرىپ بەردى، يۇي جيۋليدى شيپاحاناعا ەمدەلۋگە جەتكىزىپ قويدى... عايرات ءوز قىزمەتىن قۇلاي ءسۇيدى، وسىناۋ مەكەندى جانە وندا جاساپ جاتقان بۇقارانى قۇلاي ءسۇيدى، بۇقارا تەگىس ونى: ”جاقسى ادام، جاقسى ساقشى“ دەپ باعالادى.
عايرات قىزمەت بارىسىندا ”جاۋدى اياماي سوعۋ، حالىقتى شىنايى ءسۇيۋ كەرەك“ دەيتىن پرينسيپتەن جازبادى، سوندىقتان دا ول كىسىلىگىمەن جانە ناقتى ناتيجەسىمەن حالىق ساقشىلارىنىڭ تاماشا وبرازىن سومداپ، حالىق قالاۋىنا بولەنىپ، جۇرت جۇرەگىندە ماڭگى مىزعىماس ەسكەرتكىش بولىپ ورنادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
