ۇرىمجىدە شىراقتار شۇعىلا شاشىپ، جاڭا جۇڭگو قۇرىلعاندىعىنىڭ 70 جىلدىعىن قىزۋ قۇتتىقتادى
تيانشان ۇلاندارى ءبىر نيەتپەن قول ۇستاسىپ، تەرەڭ سەزىممەن وتانعا ىزگى تىلەكتەرىن ءبىلدىردى
2019.09.27 15:01 كەلۋ قاينارى : شينجياڭ گازەتى
ءتىلشىمىز جاۋ چۇنحۋا، رىن حۋا 9 - ايدىڭ 25 - كۇنى ۇرىمجىدەن حابارلايدى. 9 - ايدىڭ 25 - كۇنى ساعات 20دا «مەن جانە مەنىڭ وتانىم» اتتى تەرەڭ سەزىممەن تولقىنداعان ءان اۋەنى شارىقتاي جونەلۋىمەن، ءبىر اسەم اتىلاس جىبەگى ءۇرىمجى اسپانىنان ”قالىقتاپ“ ءوتتى، شيداچياۋ كوپىرى توڭىرەگىندەگى عيماراتتار شوعىرىنداعى الىپ ەكراننان تيانشان ۇلاندارىنىڭ ۇلى وتانعا شىن جۇرەكتەن جولداعان ”وتانىم جاساسىن!“ دەگەن ىزگى تىلەگى مەن مۇندالادى.
بيىلعى شاعان شىعاردا وڭىنان جىلى جەل تۇرىپ، كورىندى سان مىڭ اعاشتار گۇل اشقانداي قۇلپىرىپ، كوركەمدىگى كوزدىڭ جاۋىن العان شىراق سالتاناتى ءتۇن پەردەسىن اشتى. ءدال وسى ساتتە، الۋان رەڭدى شىراقتار حۇڭشان تاۋىن كوركى كوز سۇرىندىرەتىن جارقىراعان مەرۋەرتكە اينالدىردى؛ شيداچياۋ كوپىرىندە، بايىرعى جىبەك جولى مەن جىبەك جولى ەكونوميكالىق بەلدەۋىنىڭ ۋاقىت پەن كەڭىستىگىن توعىستىرا بەينەلەگەن ءبىر - بىرلەگەن جاندى سۋرەتتەر توڭىرەكتەگى بيىك عيماراتتاردىڭ قابىرعالارىنان كورىلدى، دامىلسىز شىعىپ تۇرعان ”وتانىم جاساسىن“ دەگەن ءارىپ اسا ايبىندى كورىنەدى؛ شينجياڭ حالىقارالىق ۇلكەن بازارىندا جاياۋلار كوشەسىنىڭ توڭىرەگىندەگى 68 عيمارات نۇر تەڭىزىنە شومىلدى، ءار ۇلت بۇقاراسى شاتتىقپەن بيگە باستى... ۇرىمجىدە قۇلپىرا اشىلعان بۇل رەتكى ”وتانىم جاساسىن“ نەگىزگى تاقىرىبىنداعى شىراق سالتاناتى ءساندى دە ساۋلەتتى شىراق نۇرلارىمەن جاڭا جۇڭگو قۇرىلعان 70 جىلدان بەرى پارتيا ورتالىق كوميتەتىنىڭ ىقىلاستى قامقورلىعىندا شينجياڭدا تۋىلعان زور وزگەرىستەردى ايگىلەدى، تيانشان ۇلاندارىنىڭ وتتاي لاۋلاعان وتانشىلدىق سۇيىسپەنشىلىگىن جەتكىزدى.
شيداچياۋ كوپىرىندە وتكىزىلگەن ”وتانمەن سۋرەتكە تۇسەمىن“ كۋايشان قيمىلى 500گە جۋىق ءار ۇلت جۇرتشىلىعىن باۋرادى. كوپشىلىك بەس جۇلدىزدى قىزىل تۋدى بۇلعاپ، «مەن سەنى سۇيەمىن جۇڭگو» ءانىن تەرەڭ سەزىممەن شىرقادى؛ ىلە - شالا جابال قول تەلەفوندارىن الىپ شىعىپ، بەس جۇلدىزدى قىزىل تۋدىڭ سۋرەتىن ەكرانعا شىعارىپ الىپ بيىك كورسەتتى، فوتوشى ۇمىتىلماس وسى ءبىر شاقتى سۋرەتكە ءتۇسىرىپ الدى. قالىڭ قاۋىم ”وتانىم جاساسىن!“، ”مەن سەنى سۇيەمىن جۇڭگو!“ دەپ ارىنداي ۇران سالدى.
شياۋلۇيگۋدا مەملەكەت داڭق اتاعىنىڭ يەگەرلەرىنىڭ، پارتيا 19 - قۇرىلتايىنىڭ ۋاكىلدەرىنىڭ، مەملەكەتتىك ءمورال ۇلگىلەرىنىڭ جانە قاراپايىم بۇقارا ۋاكىلدەرىنىڭ كۇلىپ تۇسكەن سۋرەتتەرى مەيىرگە تولى ءبىر ”كۇلىمسىرەگەن جۇزدەر تام قابىرعاسىن“ تۇلعالادى.
شيداچياۋ كوپىرىندە قىزىل تولقىننىڭ اراسىندا تۇرعان شاۋەشەك قالاسىنىڭ ۇلتتار ىنتىماعى وتباسىنان كەلگەن جاڭ چاڭميڭ تولقىعان كوڭىل كۇيىن باسا الماي «مەن جانە مەنىڭ وتانىم» ءانىن شىرقادى. ”مەنىڭ وتباسىم 6 ۇلتتان قۇرالعان، پارتيا ورتالىق كوميتەتىنىڭ قامقورلىعىندا، كۇندەرىمىز دىر - دۋماندى وتۋدە. مەن وسىلاردىڭ ءبارىن ماقتانىش ەتەمىن، ۇلى وتانىمىزدىڭ ءتىپتى دە كوركەيىپ - گۇلدەنۋىن، اۋقاتتانىپ - قۇدىرەتتەنۋىن ءۇمىت ەتەمىن!“
ءۇرىمجى قالالىق قالا باسقارۋ مەكەمەسى (اكىمشىلىك زاڭ اتقارۋ مەكەمەسى) قالانى جارىقتاندىرۋدى باسقارۋ باسقارماسىنىڭ ورىنباسار باستىعى سۇڭ يانفەيدىڭ تانىستىرۋىنا قاراعاندا، بۇل رەتكى شىراق سالتاناتى 10 - ايدىڭ 7 - كۇنىنە دەيىن جالعاسادى ەكەن. نەگىزگى قالا اۋماعىنان سىرت، ءۇرىمجى قالاسىنىڭ ءارقايسى رايوندارى مەن اۋدانى دا شىراق سالتاناتى قيمىلىن ورىستەتىپ، ءبىر تۇتاس بىرلەسىپ ارەكەتتەنەتىن، الىستان سايكەسەتىن، سان مىڭ قۇبىلاتىن كورىنىس قالىپتاستىرادى.
سول كۇنى ساعات 20دان 24 مينۋت وتكەندە، ورتالىق تەلەۆيزياسى اقپارات ارناسىنىڭ «شىعىس كەڭىستىگى» ايدارى ءۇرىمجى قالاسىنىڭ ”وتانىم جاساسىن“ نەگىزگى تاقىرىپتىق شىراق سالتاناتىنىڭ ايبىندى كورىنىسىن 8 مينۋت ۋاقىتپەن تىكە تاراتتى.
بۇگىن كەشكى ءۇرىمجى بەينە قۇس جولىنداي جاينادى. بۇگىن كەشكى ءۇرىمجىنىڭ بارلىق جەرىندە ادام جۇرەگىن تەبىرەنتەر جىلى اعىن ۇيىستى. تيانشان ۇلاندارى ۇلى وتانعا تەرەڭ سۇيىسپەنشىلىكپەن العىس ايتىپ، ءبىر نيەتپەن قول ۇستاسىپ، ورتاق تىلەكتەرىن ءبىلدىردى: ۇلى وتانىمىز اناعۇرلىم گۇلدەنىپ - كوركەيە بەرسىن! وتانىمىزدىڭ شينجياڭى بارعان سايىن كوركەيە بەرسىن!
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
